پەرھات مەمتىمىن: قىيىن ئىكەن شائىر ئاتالماق

ھەبىبۇللا مىجىت · ۋاقتى: 2012-4-20 12:07:17


	قىيىن ئىكەن شائىر ئاتالماق (ئاتاقلىق شائىر بۇغدا ئابدۇللاغا باھارلىق سالام) پەرھات مەمتىمىن بۇغدا دېسەم،-شائىرغۇ!-دەيدۇ، شائىر دېسەم،-بۇغدامۇ؟!-دەيدۇ. ھەيران بولما، شائىر دېگەننى، خەلق ئۆزى ئېلغايدۇ،-دەيدۇ. «ئىلغاش»لاردىن قالدى تالايلار، «شائىر»لىقتا چاندى تالايلار. «قالماي»، «چانماي»پارلاپ كەلدىڭىز، يېرىم يولدا ياندى تالايلار.... قىيىن ئىكەن «شائىر» ئاتالماق، بەش بارماققا سىغماق-سانالماق. دېمەيدىكەن ئەل ئۇنى شائىر، يازغان بىلەن مەدھىيە-قوشاق. سۇغارغاندەك تۆمۈرچى گويا، ئوتتىن ئېلىپ تۆمۈرنى سۇدا. سۇغۇرۇلدى قېنىڭىز بىلەن، بىزگە بەرگەن ھەر كۇبلېت، مىسرا... پىكرىڭىزدىن ئويلارغا پاتتۇق، گاھى دەريا، چۆللەرگە چاپتۇق. مىسرالاردا «قارت» قىلسا يۈرەك، دېدۇق: شېئىرنى بۇغدادىن تاپتۇق. شائىر بولۇپ ياقتىڭىز گۈلخان، شائىر بولۇپ چەكتىڭىز پىغان. شېئىر بېرىڭ يېرىلسۇن يۈرەك، شېئىر بەرگەن ئۇنتۇلغان قاچان؟! «ئۈرۈمچى كەچلىك گېزىتى»2012-يىل 12-ئاپرىل سانىدىن ئېلىندى

ئۆزيول · ۋاقتى: 2012-4-20 12:32:57


	توغرا، ھەقىقەتەن ئەل قەلبىدە «شائىر» ئاتالماق ئۇنچە ئاسان ئەمەس، پەرھاتكام ئاز يازسىمۇ ساز يازىدىغان قەلەمكەشلىرىمىزنىڭ بىرى بولۇپ، ئۇنىڭ تالانتلىق شائىر، ئۇستاز بۇغدا ئابدۇللانىڭ شەرىپىگە بېغىشلانغان بۇ شېئىرى تولىمۇ ۋەزنى ئېغىر، مەزمۇنلۇق شېئىر بوپتۇ، ئادەمنى چوڭقۇر ئويلاندۇرىدىكەن. ئۇستاز شائىر بوغدا ئابدۇللاغا ئۇزۇن ئۆمۈر، پەرھاتكامنىڭ قەلىمىگە بەرىكەت تىلەيمەن! ھەبىبۇللا مىجىت ئاكىمىزنىڭ بىر ياخشى يازمىنى ھوزۇرىمىزغا سۇنغىنىدىن سۆيۈندۈم، ئۇنىڭ خالىس ئەجرىگە سەمىمىي تەشەككۈر!

ekremabdumijit · ۋاقتى: 2012-4-20 12:34:54


	شائىرغا بولغان ئىپتىخارلىق تۇيغۇسى ئۆزگىچە ئىپادىلىنىپتۇ.

گۆھەر ئابلا · ۋاقتى: 2012-4-20 13:10:03


	مېنىڭ شېئىرلىرىم مۇھەببەت ئىلاھىنىڭ شىكايەتنامىسى ، مېنىڭ شېئىرلىرىم ھاياتلىق سەپىرىدىكى بىر ئەۋلات ئىنسانىيەتنىڭ ئۆتەڭگە قالدۇرغان قونالغۇ خاتىرىسى ، مېنىڭ شېئىلىرىم بالدۇر يۈرۈپ كەتكەن ئاشىقنىڭ كەينىدىن كېلىدىغان مەشۇقىغا يوللىغان ئامانەتنامىسى . ( ئابدۇشۈكۈر مۇھەممەتئىمىن )

ئەزىز ھېيت كۈن · ۋاقتى: 2012-4-20 16:00:27


	بۇ تېمىنىڭ يوللانغىنى ناھايىتى ياخشى بوپتۇ.شائىرنىڭ قانداق بولىشى كېرەكلىكى ھەققىدە خەلقمۇ باھا بېرەلەيدىغانلىقىنى ئەسكە سالىدىكەن.بىر ماقالىدىكى مەزمۇن چوڭقۇرلىقى يۇقۇرقى شئېىردا ئەكس-ئېتىپتۇ.تېما يوللىغۇچىنىڭ سەزگۈرلىكى كۆڭۈللەرنى مەمنۇن قىلىدۇ.

ئابدۇرېھىم زۇنۇ · ۋاقتى: 2012-4-20 16:43:15


	شائىرغا ۋە يوللىغۇچىغا رەھمەت، بەھرە ئالدىم!

ئابدۇمىجىت.م · ۋاقتى: 2012-4-20 16:46:08


	بۇ شېئىر ياخشى يىزىلىپتۇ. شائىر قەلىمىگە باركاللا!

ablipiz idiris · ۋاقتى: 2012-4-20 18:02:11


	بۇ تىما ئارقىلىق بۇغدا ئابدۇللا ئاكىغا مەنمۇ باھارلىق سالام بىرۋالاي، ئۆمرىنىڭ ئۇزۇن بولىشىنى تىلەيمەن.

ھۈسەيىن ئەسئەت · ۋاقتى: 2012-5-3 19:11:57


	بۇ تېما كۆڭلۈمگە بەك ياقتى، بۇغدا مۇئەللىمنىڭ تېنىگە ھەرقاچان سالامەتلىك يار بولغاي.

باھادىر · ۋاقتى: 2012-5-10 18:10:04


	بۇ شېئىر بەكمۇ ياخشى يىزىلىپتۇ. شائىر قەلىمىگە باركاللا! بۇغدا مۇئەللىمنىڭ تىنگە سالامەت، ئىشلىرىغا ئۇتۇق تىلەيمەن.

ئېلى ئەخەت · ۋاقتى: 2012-5-13 12:06:31


	«شائىر» ئاتالماق ھەقىقەتەنمۇ مۇشكۈل. قېنى تىرىشايلى، سىجىللىقنى ساقلايلى!!!

ئۇچارى · ۋاقتى: 2012-5-23 14:44:59


	ئەل قەلبىدىن شائىر دەپ ئورۇن ئالماق ئۇنچە ئاسان ئەمەسكەن. مەن ئۇستاز شائىر بۇغدا ئابدۇللانىڭ «ئانا»ناملىق چاچما شئىرى سەۋەبلىك ئەدەبىياتقا قىزقىپ قالغان ئىدىم . مۇشۇ پۇرسەتتە مەن بۇغدا ئابدۇللا مۇئەللىمگە چىن كۆڭلىمدىن رەھمەت ئېيتىش بىلەن بىرگە ئۇنىڭ ئۆمرىنىڭ ئۇزۇن بولىشىنى ، ئىجادىيتىنىڭ ئۇتۇقلۇق بولىشىنى تىلەيمەن .

باغلا · ۋاقتى: 2012-6-13 13:05:25


	«شائىر بولماق ئوڭاي»، ئەمما شائىر ئاتالماق تەس.

تۇرسۇنجان ھەسەن · ۋاقتى: 2013-2-21 11:51:09


	سۇدا ئاققاننىڭ ھەممىسى تاھىر ئەمەس، شېئىر يازغاننىڭ ھەممىسى شائىر ئەمەس...

ئەدىھەم · ۋاقتى: 2013-2-21 15:55:22


	پەرھات مەمتىمىن ھەقىقەتەن ئاز،ئەمما ساز يازىدىغان شائىر،ئۇنىڭ كۆپلىگەن شېئىرلىرى ناخشىغا ئايلىنىپ كەتكەن. بۇ يازمىنى ئاخىرىدا ئەدىھەم تەھرىرلىگەن. ۋاقتى 2014-2-17 13:01