ئانىجان قۇشاقلىرى

قۇرۇلچى · ۋاقتى: 2013-9-23 12:32:34


	ئانىجان قۇشاقلىرى ئانىجان يادىڭدا بارمۇ، تىنماي ئازاپ چەككەنلىرىڭ. كىچەلەرى ئۇخلىماي، ئاق سۈت بېرىپ باققانلىرىڭ. سەن ماڭا دۇئا قىلىپ، ‹‹قۇتقۇز ئانا يۇرتنى،-دىدىڭ. يىغلىماي كۈلسۇن ئېلىڭ، يوقات ھامان جۇتنى››، دىدىڭ. مەن بۆسۈپ جەڭلەر ئارا، قىلدىم ئادا ۋەدەمنى مەن. ئارمىنىڭ قالماس ئۈچۈن، باستىم ئالغا قەدەمنى مەن. رازى بول جانىم ئانا، ئەمدى كۆرەلمەيسەن مېنى. ئىزدىسەڭ گۈلزارغا كەل، گۈل بولۇپ كۆرەي سېنى. چۈنكى مەن دۈشمەن بىلەن، مەيداندا جەڭ قىلغان ئىدىم. كۆپلىرىنى ئۆلتۈرۈپ، كۆكرەككە ئوق يىگەن ئىدىم. يىغلىما جانىم ئانا، شېھىت بولۇپ ياتتىم قېنىپ. قانلىرىم گۈل بەرگىگە، نۇرچىراي كەتكەن سىڭىپ... مەنبە:ئۇيغۇر تارىخى قۇشاقلىرى قامۇسى،شىنجاڭ ئۇنىۋىرسىتىتى نەشرىياتى،2009-يىل نەشرى.) بۇ يازمىنى ئاخىرىدا قۇرۇلچى تەھرىرلىگەن. ۋاقتى 2013-9-23 13:01

sahar · ۋاقتى: 2013-9-23 15:17:42


	بۇ قوشاقلار يۈرىكىمنى پارە قىلىۋەتتى، قۇرۇلچىغا رەھمەت.

م.توختى سەببەت · ۋاقتى: 2013-9-23 18:12:05


	ئاپتورى كىمكىنە؟ تارىخي قوشاقلارنىڭ ئاپتورى يوقمۇ يا؟ بۇ يازمىنى ئاخىرىدا م.توختى سەببەت تەھرىرلىگەن. ۋاقتى 2013-9-23 18:12

بىناۋا · ۋاقتى: 2014-4-19 10:08:14


	بىرىنچى مىسرا مۇنداق ئىدى: ئانىجان يادىمدا بار، تىنماي ئازاپ چەككەنلىرىڭ. بۇ ‹‹مىللى ئارمىيە ››جەڭچىسى ئابدۇللانىڭ جەڭ مەيدانىدىن ئانىسىغا يازغان ۋىدالىشىش خېتىدىكى شېئىر.تېخى تۈنۈگۈنكى تارىخىي ئەھمىيەتلىك يازمىلارنىڭ مەزمۇنىنىڭ ئۆزگىرىپ كەتمەسلىكىگە دىققەت قىلساق. بىر سۆز بولسىمۇ...