مېكسىكا ھازىرقى زامان شېئىرلىرىدىن

بوزلان · ۋاقتى: 2013-9-5 20:11:34


	ئەركىنكا، ئەجرىڭىزگە ھەشقاللا!

ئەركىن.نۇر · ۋاقتى: 2013-9-6 01:13:31


	شائىرنىڭ قەبرە يازۇلىرى ئوكتاۋىيۇ پاز ئۇ ناخشا ئېيتىپ باقماقچى بولغان، ناخشا ئۇنتۇش ئۈچۈن ئىدى ئۇنىڭ يالغان سۆزلەرگە تولغان ئاشۇ ھەقىقىي ئۆمرىنى ئەستە ساقلاش ئۈچۈن ئىدى ئۇنىڭ ھەقىقەتكە تولغان ئاشۇ يالغان ھاياتىنى. بۇ يازمىنى ئاخىرىدا ئەركىن.نۇر تەھرىرلىگەن. ۋاقتى 2013-9-6 03:56

ئەركىن.نۇر · ۋاقتى: 2013-9-6 01:16:47


	كۈندۈز ئىسپانىيە ئۇسسۇلچىسىدەك قەدىمىنى توختىتىۋېلىپ يۈگرەپ كىرىدۇ ئوكتاۋىيۇ پاز كۈندۈز ئىسپانىيە ئۇسسۇلچىسىدەك قەدىمىنى توختىتىۋېلىپ يۈگرەپ كىرىدۇ ياپراق ھەمدە قۇشنىڭ پىتنە-پاساتلىرى ئالغا قاراپ ئۇچىدۇ ئايال ياكى دولقۇنلارغا تەئەللۇق سېزىم كۈندۈز يۈرەكتىكى ئالۋاستى كەبى باشلىرىم ئىچىدە غوڭۇلدايدۇ دۇنيانىڭ باشلىرى ئىچىدە تەرسا كۈندۈز غۇڭ-غۇڭ غوڭۇلدايدۇ نۇرلار ھەر يان چاپار ناخشا ساداسى تاغ-قىيالارغا تارقىلار ئۆي-ئۆيلەرنى سېلىپ ئۇسسۇلغا سۇس يېشىل باھار يەپىلى①نىڭ مۇزدەك ئالىقانلىرى ئاستىدا تاملار ئۇيغىنىپ، مۇنارسىمان بىنالار دەس تۇرار ھەمدە تاغۇ-تاشلار ئۇلارنىڭ ئېگىنلىرىنى سېرىپ تاشلاتقۇزار ھەمدە سۇ سىلىق يالىڭاچ ھالدا ياتار، سۇدىنمۇ ئۆتە يالىڭاچراق ھالدا دەريادىن سەكرەپ چىقار ھەمدە نۇر-شولىلارمۇ يالىڭاچ، بەلكى سۇدا ئۆزىنى كۆرەر بىر يۇلتۇزدىنمۇ يالىڭاچ پېتى ھەمدە بولكا-نانلار ئۇشتۇلار، بەلكى شارابلار قۇيۇلار ھەمدە كۈندۈز تۆت تارام سۇغا تۆكۈلەر بېرىپ كۆر، تىڭشا، تۇتۇپ باق، ھىدلا، تېتىغىن ھەمدە ئويلاپ باق لەۋلەر ياكى تۇپراق ۋە ياكى يەلكەنلىك كېمىلەر ئارا شاماللار مۇزىكىدەك ئېقىۋاتقان كۈندۈزنىڭ تەمى قىزچاقنىڭ قولىنى تۇتۇپ ئۇنى يېتىلەپ ماڭغان نۇر-شولىلارنىڭ پىتنە-ئېغىۋالىرى ئۇنى كۈندۈزنىڭ مەركىزىدە يالىڭاچ قالدۇرار ھېچكىم بىلمەس ئۇنىڭ ئىسمىنى ياكى نېچۈك كەلگىنىنى بۇ يەرگە شۇ قەدەر كۆپ سۇلاردەك، ئۇ يېنىمدا يېيىلغان قۇياش بىر پەس توختاپ، ئۇنىڭغا سىنچىلاپ قارار ھەمدە نۇر-شولا ئۇنىڭ يوتىلىرى ئارىسىدا ئۆزىنى يۈتتۈرۈپ قويار سىمابلانغاندەك، ئۇ مېنىڭ نىگاھىمغا قورشۇلار ھەمدە نۇردىنمۇ يالىڭاچ ھالدا ئىچىدە چىلىشىپ ياتار نۇر كەبى، يوقتۇر ئۇنىڭ ئىسمىمۇ نۇرغا ئوخشاش، ئۇ كۈندۈزىگە ئەگىشىپ ئۆز بەدىنىنىڭ ھالىتىنى ئۆزگەرتىپ تۇرار ـــــــــــــــــــ ئىزاھات: باھار يەپىلى، بىر خىل ئۆسۈملۈكنىڭ ئاتىلىشى. (ت)

ئەركىن.نۇر · ۋاقتى: 2013-9-6 01:24:46


	تاشلاندۇق تاشنامە ئوكتاۋىيۇ پاز 1. گۈل ئۆكسۈش، قۇش تۇمشۇقى، نەرە تارتىشلار، گۆشلۈك تائاملارنىڭ ھېچنېمىسى ھەمدە غوۋغالىرى، ھەممىسى بۇ ئاددى-ساددى بىر گۈل ئالدىدا تامام يوقۇلار. 2. ئۇ (قىز) ھەر كېچە ئۇ قۇدۇق ئاستىغا چۈشۈپ تاڭ ئاتقاندا يەنە پەيدا بولىدۇ يەر بېغىرلىغۇچى يېڭى بىر ھاشارەتنى يۆگەشتۈرۈپ ئەگمەك بىلەكلىرىگە. 3. بىئوگرافىيە[1] ئۇ[2]نىڭ قانداق بولىدىغانلىقى ئەمەس: بەلكى ئۆتمۈشتىكى ئۇ[3]نىڭ قانداقلىقى. ھالبوكى ئۆتمۈش ئاللىبۇرۇن ئۆلگەن. 4. كېچىنىڭ قوڭغۇراق ئاۋازى كۆلەڭگۈلەر دولقۇنى، قارىغۇ دولقۇن كۆيىۋاتقان پېشانە ئۈستىدىكى: نەملەشكەن مېنىڭ ئىدىيەم، ئۆچۈرسۇن ئۇنى. 5. ئىشىك ئالدىدا كىشىلەر توپى، سۆزلەر، كىشىلەر توپى. ئارىسالدى بولۇپ باقىمەن: ئاي كۆكتە، يالغۇز-تەنھا ھالدا. 6. ئىلاھقا نەزەر كۆزلىرىمنى يۇمغىنىمدا ئۆزۈمنى كۆرىمەن: بوشلۇق، بوشلۇق مەن ئۇنىڭ ئىچىدە ھەم ئۇنىڭ ئىچىدە ئەمەس. 7. مەنزىرە قۇرت-قوڭغۇزلار تىنماي پايپېتەك، ئات قۇياشنىڭ رەڭگى، ئېشەك بۇلۇتنىڭ، بۇلۇت، ئېغىرلىقى يوق قورام تاش، تاغ قىيسايغان ئاسمانغا ئوخشاش، دەرەخلەر جىرا سۈيىنى ئىچىشەر، ئۇلار[4] ھەممىسى ئۇندا تامام، ئۇلارنىڭ[5] مەۋجۇتلۇقى ئۈچۈن تەنتەنە قىلار، ئەمما بىز ھېچنەرسە ئەمەسمىز، غەزەپلەندۈرۈلگەن، ئۆچمەنلىكتىن غاجاپ-چىشلەشتۈرۈلگەن، سۆيگۈدىن غاجىلاشتۇرۇلغان ھەمدە ئۆلتۈرۈلگەن. 8. ساۋاتسىزلىق ئىنتىزارلىق بىلەن يۈزلىرىمنى ئاسمانغا قىلىمەن، يېزىق داغلارنى چىقىرىدىغان قورام تاش: يۇلتۇز ماڭا ھېچنەرسە ئاشكارىلاپ بېرەلمەيدۇ. [1] ئاپتور تەرجىمىھالى، دېگەن مەنىنى بىلدۈرىدۇ. (ت) [2] بۇ يەردىكى «ئۇ»، ئەرلەرنى كۆرسىتىدىغان ئالماش. (ت) [3] بۇ يەردىكى «ئۇ»، ئەرلەرنى كۆرسىتىدىغان ئالماش. (ت) [4] بۇ يەردىكى «ئۇ»، نەرسىلەرنى كۆرسىتىدىغان ئالماش. (ت) [5] بۇ يەردىكى «ئۇ»، نەرسىلەرنى كۆرسىتىدىغان ئالماش. (ت)

ئەركىن.نۇر · ۋاقتى: 2013-9-6 01:33:17


	ئۆلۈمنىڭ سەۋەبى ئوكتاۋىيۇ پاز 1 بىراۋ بىزنىڭ ۋەتىنىمىزنى تىلغا ئالدى. بىراق، مەن بىر پارچە ئۈنۈمسىز يەرنى خىيالىمغا كەلتۈردۈم. توپا-توزان ۋە نۇر-زىيالارنىڭ پەرزەنتى، بىر كوچا، بىر تام ھەمدە تامغا يۆلىنىپ ئۆرە ھالدا شۈك تۇرغان ئەر. ھەمدە ئاشۇ يارقىن ئېگىزلىك قۇياشى ئاستىدىكى تاش ھەمدە دەريادا يالىڭاچ قوپقان نۇر-زىيا... مېنىڭ ئېسىمنى پەرۋىش قىلىۋاتقان ئۇنتۇلغان نەرسىلەر، مۇناسىۋەتسىز نەرسىلەر، چاقىرىلىپ باقمىغان، چۈشۈمدىكى چۈشلەر، ئاشۇ ئۇشتۇمتۇتلۇق بولۇمى ۋاقىت ئۇلار ئارقىلىق بىزنى ئاگاھلاندۇرىدۇ بىزنىڭ ئەمەلىي گەۋدىمىز يوقتۇر، پەقەت بىزنى ئاگاھلاندۇرىدىغان ۋاقىت-زامانلا ئەسلىگۈچى ۋە چۈش كۆرگۈچىدۇر. دۆلەت يوق، بارى پەقەت تۇپراق ۋە ئۇنىڭ سىماسى، توپا-توزان ۋە نۇر-زىيا، ۋاقىت ئىچىدىكى... 2 بارچە سۆزلەر بىلەن ئاشنىدارچىلق قىلغان بۇ قاپىيىلەر− ھۆرلۈك−مېنى ئۆلۈمگە چاقىرماقتا، ئۇ جالاپلارغا خېرىدار تونۇشتۇرماقتا، ھەمدە بوغۇزدا يۇشۇرۇنماقتا، ماخاۋ كېسىلى تەگكەن دېڭىزدىكى يالماۋۇز ئايال. ياشلىق باھار مەزگىلىمدىكى تۇماندەك قىزلىق مېنىڭ ھۆرلۈكۈم ھەمىشە ماڭا تەبەسسۇم قىلار، چوڭقۇر بىر ھاڭدەك، بىزلەر ئۆزلۈكىمىزنىڭ ئاشۇ ھاڭىدىن تىكىلىپ قارىغان. ھۆرلۈك قاناتتۇر، زامان شاماللىرى، تۇرۇپ قالغان ئاددىيغىنا بىر چېچەكتە؛ ئۇ ئاشۇ بىزنى ئۆزى ئۈچۈن چۈش كۆرسىتىدىغان بىر قېتىملىق ئۇيقۇ. ھەمدە چەكلەنگەن مېۋىنىڭ تېتىپ بېقىلىشى، قەدىمىي پېچەتلەنگەن ئىشىكنى ئېچىپ مەھبۇسنى ئازات قىلىش: ئاشۇ تاش ئېرور بولكا-نان، ئاشۇ ئاق ھۆججەتلەر چايكىدۇر، قۇشتۇر يوپۇرماق، سېنىڭ بارمىقىڭ قۇش: بارچە ئۇچۇۋاتقان.

تۇغلان · ۋاقتى: 2013-9-6 02:25:23


	ئەركىنكا،بۇ مېھنەتسىز ئەمگىكىڭىز قاچانلاردا توپلام بولۇپ كىتاپخانالارغا كىلەر!

ئەركىن.نۇر · ۋاقتى: 2013-9-6 03:58:00


	تۇغلان يوللىغان ۋاقتى 2013-9-6 02:25 ئەركىنكا،بۇ مېھنەتسىز ئەمگىكىڭىز قاچانلاردا توپلام ب ... ئۇنىڭغا بىر نېمە دېمەك تەس. ھازىرچە ئويلاشمىدىم.

ئەركىن.نۇر · ۋاقتى: 2013-9-6 04:01:38


	ئۈزۈك مەرسىيە ئوكتاۋىيۇ پاز شۇ دەم ئۆيۈمدە ئۆلگۈچىلەرنى ئەسلەپ قالدىم، ئۇنتۇغىنىمىز يوق، ئارىمىزدىن بۇرۇن كەتكەنلەرنى، ئۇلار ئۇرۇپ يىقىتىلغان بولسىمۇ، ئۆلۈمى نېمە دېگەن تېز بىز ئۇنىڭ ئۈچۈن تېخى ھېچقانداق تەييارلىق كۆرۈشكىمۇ ئۈلگۈرمىگەن، نە كارىۋات، نە مۇقەددەس مايمۇ تەخلەپ بولالمىغان. مەن ھاسىنىڭ پەلەمپەي باسقۇچلىرىدا دىرىلداپ تىترەشلىرىنى ئاڭلىدىم، ھاسىغا تاينىش ئۈچۈن چارە ئىزدەۋاتقان ۋۇجۇت، ئاھ ئۇرماقتا، ئىشىك ئېچىڭلار، ئۆلگۈچى كىرىپ كېلىدۇ. ئىشىك بىلەن ئۆلۈم ئارىسىدا ھېچقانچە ئارىلىق يوق، بەلكى سېنى ۋاقتىنچە تۇتۇپ تۇرغىدەك ھېچقانچە ۋاقىتمۇ يوقتۇر، باشنى كۆتىرىپ ئەمدىكى پەيتنى ئېنىق بايقىۋال شۇنىڭ بىلەن بىر ۋاقىتتا تۇيۇپ قال: شۇ تاپ سائەت سەككىزدىن چارەك ئۆتتى. ۋاقىتنى مەلۇم قىلىدىغان قوڭغۇراق ئۈنىنى ئىشىتتىم، مەڭگۈ ۋاقىتنى كۆرسىتىشتىن قالمايدىغان جاھىل سائەت، ئىتتىكمۇ ئەمەس، ئاستىمۇ ئەمەس، بىر خىل رېتىمدا ماڭماقتا. شۇ تاپ ئۆيۈمدە ئۆلگۈچىنى ئەسلەپ قالدىم. بۇ ئايال، كېچىدە قايتىلانغان كېچىلەردە ئۆلدى شۇ ئايال، راستتىنلا ئۇزۇنغا سوزۇلغان ئاشۇ ۋىدالىشىش، مەڭگۈ ھەيدەپ بولغىلى بولمايدىغان پويىز، ئۇنىڭ ئازاۋى. بىر تىنىق ئۈستىدە ئېسىلىپ قالغان جاۋغايدىكى تويماسلىق، يۇمۇلمىغان جۈپ كۆزلەر، سىگنال چىقىرىدۇ ھەمدە چىراقدان كۆزلىرىمنىڭ ئالدىغا يۆتكىلىدۇ، باشقا بىر قېتىملىق نىگاھنىڭ ئۆلۈك تىكىلىشلىرىنى باغاشلاش يىراق نىگاھلار، باغاشلاشلاردىن تۇنجۇقۇپ ئاخىرىغىچە قاچىدۇ، ھەمدە ساھىل-قىرغاقلاردىن كۆزىتىدۇ روھنىڭ قانداق چۆكۈشىنى، تەندىن ئايرىلىپ ئەمما يەنە باشتىن-ئاخىر تاپالمايدۇ تۈرمە ئۆزىگە باغلايدىغان كۆزلەرنى: بۇنداق تىكىلىپ قاراش مېنى ئەزرائىلنىڭ ئالدىغا چاقىرىپ بارىدۇ؟ بەلكى بىراۋلار ھەمراھ بولسا ئۆلۈمگە، ئۇ ئۆلۈمگە ھېساب بولماس. بەلكى بىزنىڭ ئۆلۈشىمىز شۇنىڭ ئۈچۈنكى بىزنىڭ ئۆلۈمىمىزگە ھەمراھ بولىدىغان ھېچ كىشى يوق، يوقتۇر ھېچ كىشى بىزنىڭ كۆزىمىزگە ئۇدۇل قاراشنى ئىستەيدىغان. شۇ پەيت ئۆيۈمدە ئۆلگۈچىنى ئەسلەپ قالدىم. ئۇنىڭ ئايرىلىپ كېتىشى ۋاقىتنىڭ ئۇزۇن-قىسقىلىقلا مەسىلىسى. ئۇنىڭ نەلەردە تېنەپ قالغىنىنى ھېچكىم بىلمەيدۇ قاي تەرىزدىكى جىمجىتلىققا كىرگەنچە. كەچلىك تاماقتىن كېيىن، ھەر كۈنى كېچە، ناشۇدلۇققا① باشلايدىغان رەڭسىز توختاپ قېلىش ياكى قىسىمەن سۈكۈت يورۇقىغا ئېسىلىپ قالغان ئۆمۈچۈك تورىدىكى چەكسىز سۆز-يېزىق قايتىپ كەلگەن كىشى ئۈچۈن ئايۋاننى ئاچار: ئۇنىڭ قەدەم تىۋىشلىرىنى ئاڭلاپ تۇرىمىز، ئۇ پەلەمپەيدىن يامىشىپ چىقىدۇ، ئۇ توختاپ قالىدۇ... ھەمدە ئارىمىزدىن بىرى قوپۇپ بېرىپ ئىشىكنى مەھكەم يېپىپ قويىدۇ. بىراق ئۇ، ئىشىك سىرتىدىكى باشقا بىر ياقتا، كەتمەي تەرسالىق بىلەن جىم تۇرۇۋالىدۇ. ئۇ توزاق قۇرىدۇ ھەر بىر تۆشۈك، ھەر بىر ئېرىقچىلارغا، ئۇ يېرىق جاي بىلەن شەھەر ئەتراپى رايونى ئارىسىدا ئۇياقتىن-بۇياققا مېڭىپ يۈرىدۇ. ئۇ تولۇق قېتىپ ئۆلگەن ئەمەس، ئۇ ئېزىققان يولىدىن. گەرچە بىز ئىشىك-دەرۋازىلىرىمىزنى تاقاپ قويساقمۇ، ئۇ كەتمەي تۇرۇۋالماقتا. شۇ تۇرقى ئۆيۈمدە ئۆلگۈچىنى ئەسلەپ قالدىم. بۈگۈن تالاي چىرايلار مېڭەمدە ئۆز تۈسىنى يوقاتتى، كۆزى يوق چىراي، ياكى مودا كۆزلەر، ئىچى بوش، چىرايلاردىن، ئېھتىمال ئۇلارنىڭ جىسمىدىن ئۆز سىرلىرىمنى ئىزلەيدىغاندىمەن، قانلىرىمنى ئۆركەشلىتىدىغان قان ئىلاھى، مۇز ئىلاھى، مېنى پۈتۈن يۇتۇپ قوشىۋالىدىغان ئىلاھ؟ بىزنىڭ ئۈنسىزلىكىمىز ھاياتىمنىڭ ئەينىكى، مېنىڭ ھاياتىمدا بىز ئۆزلۈكسىز ئۆلۈپ تۇرىمىز: بىز ئۆتكۈزگەن خاتالىقلار ئىچىدە، مەن ئەڭ ئاخىرقى بىر خاتالىق. شۇ تۇرقى ئۆيۈمدە ئۆلگۈچىنى ئەسلەپ قالدىم. تەسەۋۋۇرنىڭ تۈلكىلىكى ئېرور ئايلانمىسى چەمبەرنىڭ باشتىن ئاخىرغىچە دولقۇننىڭ تۈرتكۈسى بىلەن باشلىنىش نۇقتىسىغا سىلجىيدىغان، قۇم-توپىدۇر شۆلگەيلەر، قۇم-توپا ھەمدە كۈللەر، ئېغىزنىڭ كۆز بويامچىلىقى ھەمدە يالغان-ياۋىداق سۆزلەرنىڭ ئۆزى، بەتتام دۇنيانىڭ تەمى، سوغ، ئابستراكىتلىق ئەينىكىنىڭ تەگسىز ھاڭى، ماۋۇ ھېچكىم، بارچە شەيئىي ئۆلۈم چېگرىسىدا كۈتۈپ تۇرىدۇ، ئەزەلدىن بولۇپ باقمىغان بارچە−مەيلى ئۇ بۇرۇن نېمە بولسۇن كەلگۈسىدە نېمە بولسۇن−قەلبىمگە ئۆرلەۋاتقان ھەمدە ئىلتىجا قىلىۋاتقان تەنلەر، بولكا-نان يەڭلار، مېۋە-چىۋە يەڭلار، شۇنداقلا ئىچىش رەت قىلىنغان سۇنى ئىچىڭلار. شۇغىنىسى، شۇ تاپ سۇ يوق، ھەممە نەرسە تۈگەل قۇرۇپ كەتكەن، بولكا-نانلار بەتتام، مېۋىلەر قىرتاق، توسۇن سۆيگۈ كۆندۈرۈلگەن، ئويدۇرۇلغان، يوشۇرۇن قەپەسلەرگە سولاپ قويۇلغان مەھكەم. قولىدا لەززەتلىنىدىغان ئادەمسىمان مايمۇن، يېتىشتۈرۈلگەن ۋاپادار قانجۇق، سېنىڭ يالماپ يۇتىۋەتكىنىڭ ئۆزۈڭدىن باشقا نەرسە ئەمەس، سېنىڭ زىيانكەشلىكىڭگە ئۇچرىغۇچى كاللاڭنى كېسەر جاللىتىڭ. بىر دۆۋە ئۆلگەن كۈنلەر، پۇرلاشقان گېزىتلار، قاسراق تاشلىغان كېچىلەر ھەمدە تاڭ، بوغقۇچ لېنتا، چېپىۋاتقان بىر تۈگۈن: «ئەي ئۆمۈچۈك، قۇياشنى قارشى ئال، نەپرەتلەنمە ئۇنىڭدىن...» بۇ دۇنيا ئايلانما شەكىللىك قۇمدۇر ھامان، جەننەت چىڭ يېپىلغان-يۇ، دوزاق ئادەمسىز قالغان. ------------------ ئىزاھات: ① ناشۇدلۇق، خەنزۇچە 空虚 بولۇپ، مەنىسىزلىك، پۈچەكلىك، قۇرۇق...دېگەندەك مەنالارنى بېرىدۇ. بۇ ئاتالغۇنى پېشقەدەم تەرجىمانىمىز توختى باقى ئاكا لۇ شۇننىڭ «ياۋا گىياھ» ناملىق تەرجىمە نەسرلەر توپلىمىدا تۇنجى بولۇپ ئىشلەتكەن. (ت) بۇ يازمىنى ئاخىرىدا ئەركىن.نۇر تەھرىرلىگەن. ۋاقتى 2013-9-6 13:23

ئابدۇرېھىم زۇنۇ · ۋاقتى: 2013-9-6 11:08:01


	مېھنىتىڭىزدىن سۆيۈندۈم. رەھمەت! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-9-6 11:11

ئەركىن.نۇر · ۋاقتى: 2013-9-14 18:31:54


	تېگىشىش ئوكتاۋىيۇ پاز مېنىڭ قوللۇرۇم سېنىڭ خاسلىق پەردىلىرىڭنى ئېچىۋېتىدۇ سېنى تېخىمۇ ئۈزۈل-كېسىل يالىڭاچلىققا ئورايمەن سېنىڭ تېنىڭ سىرتىدىكى تالاي تەنلەرنى قايرىپ ئاچقان مېنىڭ قولۇم تېنىڭنىڭ ئورنىدا باشقا بىر تەننى بەرپا قىلىدۇ

ئەركىن.نۇر · ۋاقتى: 2013-9-14 20:42:12


	ئۆز ئارا تولۇقلاش ئوكتاۋىيۇ پاز تېنىمنىڭ ئىچىدىن تاغ چوققۇسىنى ئىزدەيسەن ئىزدەپ دەپىن قىلىدىغىنىڭ ئورمانلىقتىكى ئۇنىڭ قۇياشى. تېنىڭنىڭ چوڭقۇرىدىن ئىزدەپ تاپىدىغىنىم تۈن تەڭدە يۈتتۈرۈپ قويغان بىر كېمە.

ئەركىن.نۇر · ۋاقتى: 2013-9-14 21:21:35


	ئەرۋاھ ئوكتاۋىيۇ پاز ئەگەر، ئادەم توپىدىن بولغان بولسا ماۋۇ تۈزلەڭلىكلەرنى كېسىپ ئۆتىۋاتقىنى ئادەمدۇر. بۇ يازمىنى ئاخىرىدا ئەركىن.نۇر تەھرىرلىگەن. ۋاقتى 2013-9-14 21:22

ئەركىن.نۇر · ۋاقتى: 2013-9-14 21:53:31


	تاڭ يورۇش ئوكتاۋىيۇ پاز شامالنىڭ قولى ھەمدە لېۋى سۇنىڭ يۈرىكى بىر تۈپ ئېۋكالىپىت دەرىخى بۇلۇتلارنىڭ لاگېرى ھەر كۈنى تۇغۇلىۋاتقان ھايات ھەر كۈنى تۇغۇلىۋاتقان مامات مەن ئۇۋۇلاۋاتقان كۆز: زېمىندۇر، ئاسمان مېڭىپ ئۆتكەن

ئەلرام · ۋاقتى: 2013-9-14 22:10:29


	كىتاب ھالىتىدە تۇلۇق كۆرەلىگەن بولساق نېمە دېگەن ياخشى بۇلاتتى ھە!

ئەركىن.نۇر · ۋاقتى: 2013-9-14 22:15:27


	يىراقلىقتىكى يېقىنلار ئوكتاۋىيۇ پاز تۈنۈگۈن ئاخشام بىر تۈپ سۇۋادان سۆزلەشنى ئويلىغانىدى− ئېغىز ئاچمىدى بىراق. * * * ياشلىق باھار دولقۇنلىرى ئۆرلىگەن دەۋرەپ بىر سائەت بىر سائەتتىن ئاق بىر كۈن بىر كۈندىن يېشىل تېخىمۇ ياشتۇر ئۆلۈم * * * يۈرۈشلەر ھاۋادىنمۇ بەك يەڭگىل سۇدىنمۇ لەۋدىنمۇ يەڭگىلدۇر، يەڭگىل سېنىڭ تېنىڭ سېنىڭ تېنىڭنىڭ ئاياغ ئىزىدۇر بۇ يازمىنى ئاخىرىدا ئەركىن.نۇر تەھرىرلىگەن. ۋاقتى 2013-9-14 22:27

مېكسىكا ھازىرقى زامان شېئىرلىرىدىن

سىزگە زەپەر يار بولسۇن!