شىنجاڭ يازغۇچىلار جەمئىيىتىنىڭ تەكلىپلىك يازغۇچىلىرىغا ئۇقتۇرۇش

                شىنجاڭ يازغۇچىلار جەمئىيىتىنىڭ تەكلىپلىك يازغۇچىلىرىغا ئۇقتۇرۇش

«شىنجاڭ يازغۇچىلار جەمئىيىتىنىڭ تەكلىپلىك يازغۇچىلارنى تەكلىپ قىلىش لاھىيەسىنى يولغا قويۇش چارىسى»دىكى ئالاقىدار بەلگىلىمىلەر بويىچە، تەكلىپلىك يازغۇچىلىرىمىزنىڭ 2013-يىلى 1-ئايدىن 8-ئايغىچە بولغان ئىجادىيەت نەتىجىلىرىنى تىزىملاش ۋە ستاتىستىكا قىلىش،ئىجادىيەت قوشۇمچە ھەققىنى ئەمەلىيلەشتۇرۈش خىزمىتى رەسمىي باشلاندى.

تۆۋەندە مۇناسىۋەتلىك ئىشلارنى تۆۋەندىكىدەك ئۇقتۇرىمىز:

1.تىزىملاش ۋە ستاتىستىكا قىلىش،ئىجادىيەت قوشۇمچە ھەققى بېرىش دائىرىسىگە كىرىدىغان ئەسەرلەر،تەكلىپلىك يازغۇچىلىرىمىزنىڭ 2013-يىلى 1- ئاينىڭ 1-كۈنىدىن8-ئاينىڭ  ئاخىرىغىچە بولغان ۋاقىتتا، مەملىكەت ئىچىدە ئاشكارە تارقىتىلىدىغان ئەدەبىي ژۇرناللاردا ئېلان قىلىنغان ھېكايە،پوۋېست، شىئېر، نەسىر، ئەدەبىي ئاخبارات، ئەدەبىي ئوبزور قاتارلىق ئەسەرلەردىن بولۇشى كېرەك.باشقا ژانىرلاردىكى ئەسەرلەر ھېساپ قىلىنمايدۇ. نەشرياتلاردىن نەشر قىلىنغان رومان ۋە توپلاملار بۇ دائىرىگە كىرمەيدۇ.

2. تەكلىپلىك يازغۇچىلىرىمىز بىر يىلدىن بۇيان ئېلان قىلغان ئەسەرلىرىنىڭ تېمىسى، ژانىرى،ئېلان قىلغان ژۇرنال، ۋاقتى قاتارلىقلارنى بىزگە يازما ماتىريال شەكلىدە تەمىنلەپ بېرىش بىلەن يەنە شۇ ئەسەر ئېلان قىلىنغان ژۇرنالدىن چوقۇم بىر پارچىدىن ئەۋەتىپ بېرىشى كېرەك.

3. ئىجادىيەت قوشۇمچە ھەققى پوچتىدىن ئەۋەتىپ بېرىلىدۇ. پۇل سېلىش ۋە ئېلىشقا قولايلىق بولۇشى ئۈچۈن تەكلىپلىك يازغۇچىلىرىمىز چوقۇم كىملىكىنىڭ نۇسخىلانغان كوپىيەسى بىلەن مۇقىم ئالاقىلىشىش ئادرىسى ۋە پوچتا نومۇرى قاتارلىق ئۇچۇرلارنى ئەسەرلىرى بىلەن بىللە بىزگە ئەۋەتىپ بېرىشى كېرەك.

4.ئۇيغۇر تىلىدا يېزىلغان ئەسەرلەرنى تاپشۇرىۋېلىش ئادرىسى:

ئۈرۈمچى شەھىرى جەنۇبىي دوستلۇق يولى 716-نومۇر شىنجاڭ يازغۇچىلار جەمئىيىتى :مېھرايغا تېگىدۇ.

پوچتا نومۇرى:830000

乌鲁木齐市友好南路716号：新疆作家协会  米合拉依 收
5.قازاق، قىرغىز،موڭغۇل تىللىرىدا يېزىلغان ئەسەرلەرنى تاپشۇرىۋېلىش ئادرىسى:

ئۈرۈمچى شەھىرى جەنۇبىي دوستلۇق يولى 716-نومۇر شىنجاڭ يازغۇچىلار جەمئىيىتى: قاناتگۈلگە تېگىدۇ.

پوچتا نومۇرى:830000

乌鲁木齐市友好南路716号：新疆作家协会  哈那提古丽  收

    تېلىفۇن نومۇرلار:

مېھراي:          0991-4510785      

قاناتگۈل:       0991-4511231      


بۇ يازمىنى ئاخىرىدا   mihray تەھرىرلىگەن. ۋاقتى  2013-9-3 12:27  

ئاپتۇرلارنىڭ ئىجادى ئەمگىكىنى مۇئەييەنلەشتۈرىدىغان،ئىجادىيەت قىزغىنلىقىغا ئىلھام ئاتا قىلىدىغان ياخشى پائالىيەت ئىكەنتۇق.
ئەپسۇس،مەن تەكلىپلىك يازغۇچى ئەمەس-دە!

ھە راست،كېلەر قىتىم مېنىمۇ ئويلاشساڭلار بوپتىكەن،بولمىسا.

چوقۇم سىزنى ۋە سىزدەك قەلەمگە ئۆزىنى ئاتىغان شائىرلارنى تاللىشى كىرەك.
ۋاھ،ھەممىدىن سىز ۋە سىز بۇنۇڭغا بەك لايىق ئىدىڭىز...
  مەن 1-بولۇپ سىزنى ئاندىن ئابدۇرېھىم زۇنۇن،ئارتۇچ،ئەزىزكام ئانچە مۇنچە ئوبزورلىرى بىلەن كۈن ئەپەندىلەرنى قوللايمەن! ئەگەر ئەزا بوپ قالساڭلار ھەممىڭلارنى ئېلىپلا كىتەمۇ؟ بۇ يازمىنى ئاخىرىدا   كەنئان تەھرىرلىگەن. ۋاقتى  2013-9-3 14:13  

ئابدۇرھىم مۇئەللىم تەكلىپلىك يازغۇچى بولوپ قالار،

مەنمۇ ئابدۇرېھىم ئاكىنى قوللايمەن

   بىزگە بىر ئەسەرلىرىمىزنى تۇنۇشتۇرغىدەك  يول ھازىرلاپ بەرگىنىڭىزلار ئۈچۈن رەھمەت  

  يازغان ئەسەرلىرىمنى پوچتا ئارقىلىق ئەۋەتىپ بەرسەكمۇ بۇلامدۇ ؟  كىنو سىناريەسىمۇ قۇبۇل قىلامسىلەر ؟    مەن قەدتىك ئالاقە ؛13579140422.18290787836  ماڭا يىقىندىن ياردەم قىلىشىڭىزنى سورايمەن .

ئۇزاق يىللاردىن بۇيان ئەدىبى ئىجادىيەت قۇشۇنىدىكى قېرىداشلارغا ئىقتىسادى جەھەتتىن ئىلھام بىرىش يوقلا دىيەرلىك ئىدى.مانا ھازىر ئەدىبىيات-سەنئەت ئىشلىرىغا ھەقىقى كۈڭۈل بۈلۈنۈپتۇ.مىنىڭ كەسپىم پۇل-مۇئامىلە بولسىمۇ ئەدىبىياتنى قىزغىن سۈيۈپ كەلدىم.
يەنە بىر تەكلىپ:ژورنالدىكى تەھرىرلەرنىڭ مەنپەت مۇناسىۋىتى شەكىللەندۇرمەي ،باشقا ساھەدىكى قەلەمكەشلەرگىمۇ ئىلھام بىرىپ،ئىجادىيەتتە يىتەكلىشىنى ئۈمۇت كىلىمەن!.

سىز ئەسىرىڭىزنى نەگە ئەۋەتمەكچى؟ يازغۇچىلار جەمئىيىتى ئەسەر قوبۇل قىلمايدۇ. بەلكى،تەكلىپلىك يازغۇچىلارنىڭ باشقا ژۇرناللاردا ئېلان قىلىنغان ئەسەرلىرىگە توختام بويىچە قەلەم ھەققى تولۇقلاپ بەرمەكچى ئىكەن....

بىزنىڭ يازغۇچىلىرىمىزنىڭ ئەمدى ئىقتىسادىي جەھەتتە قەد كۆتۈرۈدىغان ۋاقتى كېلىپتۇ.مۇشۇنداق بولسا باشقا ئىش-پائالىيەتلەرنى تاشلىۋىتىپ يەڭنى شىمايلاپ بىراقلا يېزىقچىلىققا كىرىشسىمۇ بولغۇدەك....  

يازغۇچىلىق دىگەن ئۇنداق يەڭنى شىمايلاپ كىلىپلا قىلغىلى بۇلىدىغان ئىش ئەمەس،يازغۇچىلىق كىشىلەردىن ئىقتىدار،جۈرئەت،تەمكىنلىك،تىرىشچانلىق،ۋاقىت تەلەپ قىلىدىغان كەسىپ.سىززە كۆڭلىڭىزدە قىلىۋاتقان كەسپىڭىزنى تاشلاپلا ئايدا بىر نەچچە رومان،ھېكايىلەرنى يېزىپلا 5-6مىڭ كوي تاپاي دەپ ئويلىغانمىدىڭىز؟

تەكلىپ-پىكىرلەر ئورۇنلۇق بولىۋاتىدۇ...