ئىلىدىكى ئايال ئەدىبلەر جەم بولۇپ پىكىر ئالماشتۇردى

مۇنەۋۋەر ئابدۇق · ۋاقتى: 2013-8-14 21:27:23


	قىسمەت مۇنەۋۋەر ئابدۇقادىر ھەي!ھايات سىنىقىڭ نىمە ئانچە كۆپ، بۇ سېنىڭ ئۆزۈڭنى ياراتقېنىڭمۇ؟ قاقاقلاپ كۈلىسەن يۈرسەم ياش تۆكۈپ ، بۇ مېنى يا يەرگە قاراتقېنىڭمۇ ؟ گاھىدا شادلىقتىن تېلىقىپ كۈلدۈم، سېغمىدى تەنلېرىم ،يېرىلدى تېرەم. گاھىدا سېنىڭدىن تويدۇم مېڭ، تويدۇم، بەخىتتىن كەلمىگەچ زەررە نېسىۋەم. ھەي! ھايات ئويۇنۇڭ بىسياركەن ھەجەپ، ئەلەڭلەپ قارىدىم ئېزىپ ئۆكۈنۈپ. ۋە لېكىن ئىنسانغا تىنمىدىم زىنھار ، غەملەردىن يول ئاچتىم قىسمەتكە كۆنۈپ. (يېڭى قاشتىشى ژورنىلىنىڭ 2013-يىللىق 2-سانىدا، بىر يۈرۈش شېئىرلىرىم بىلەن بىرىلگەن) ئەسسەلامۇ ئەلەيلكۇم قەلەمدىشىم مارىگۈل تېشلىقمۇ ؟ مېنىڭىمۇ ئاز تولا ھاسىلاتتىم بار ئېدى،نەچچە كۈن ئالدىراش ئۆتتۈم ئېلىدا ،تۈنۈگۈن شىخەنزىگە قايتىپ كېلىپ يەنە ئالدىراش ئىشلەپ كەتتىم . مەن مۇ ئاللاھ خالىسا قولۇم بىكا بولغان كۈنى ئىنكاس شەكلىدە ئويلىغانلىرىمنى ئۇچرۇشۇشتىكى ئەخمىيەتلىك پاراڭلارنى يىزىپ يوللايمەن ،سىزگە ئۇچۇر قىلسام جاۋاپ بولمىدى،شۇڭا بۇ تىمىدا سۆزلىشىشكە توغرا كەلدى، مەن ئۇ، كۈنى مۇنۇ شېئىرىمنى ئوقىغان دوستۇم ئۇ،روبايىمنى نەدىنمۇ تاپقانسىز ...ھى..ھى..مەن ئۆزەم ئوقۇپ بەرگەن شېئىرنى يوللاپ قويدۇم خاپا بولمايدىغانسىز ھە..؟

بىلقىز سۇلايمان · ۋاقتى: 2013-8-14 21:49:49


	پاھ،ئەھمىيەتلىك ھېيت بوپتۇ. مۇشۇنداق ئۇچرىشىشلار كۆپرەك بولسا، يۈرەكلەر ياشىرىدۇ-دە! ئاز ۋاقىت ئەسرالاشقان بولساقمۇ، قەلبىمىزدە چوڭقۇر مېھىرلەر قالدۇرۇلغان مىنۇتلارنى بىرگە ئۆتكۈزگەن ،ئاتاغلىق نەسىرچى قەلبىنۇر ئىلياس قاتارلىق ھەمشىرىلەرگە ، تور يۈزىدە ئازدۇر -كۆپتۇر پىكىر ئالماشتۇرۇپ ، قەلب رىشتىمىز چىڭىۋاتقان مۇنەۋۋەر ئابدۇقادىر،بەرگىيە ...قاتارلىق قەلەمكەش سىڭىللىرىمغا سېغىنغان يۈرەكتىن ئوتلۇق سالاملار بولسۇن! مەنمۇ بۇ قېتىم ساۋاقداشلار ئۇچرىشىشى سەۋەبلىك غۇلجىغا بېرىشنى ،بارغاندىن كېيىن قەلەمكەش سىڭىللار بىلەن دىدار - مۇلاقەتتە بولۇشنى نىيەت قىلغان بولساممۇ، مەلۇم سەۋەبلەر تۈپەيلىدىن نېسىب بولمىدى. ئاللاھ خالىسا ،بىر بېرىشنى ئارزۇ قىلىمەن. شۇ چاغلاردا ئوتلۇق نەپەسلەرنىڭ يۈزلەرگە ئۇرۇلىشىنى ۋە ئۇنىڭدىن مەستخۇش بولۇشنى خىيال ئەينىكىمدىن ئۆتكۈزۈپ ، سىلەرگە ئوتلۇق سالاملار كەتتى!

تۇرسۇنگۈل ساۋۇت · ۋاقتى: 2013-8-14 22:52:08


	سۆيۈملىك ھەمشىرلەرنىڭ تېنىگە سالامەتلىك،تۇرمۇشىغا خاتىرجەملىك ،قەلىمىگە بەرىكەت تېلەيمەن.

guzalnur · ۋاقتى: 2013-8-15 02:59:08


	بۇ بەك ياخشى ئىش بوپتۇ.بەرگىيەدىن ئدڭلىغان ئىدىم.بۇەۇن مۇنبەردىن كۆرۈپ بەك خۇش بولدۇم.بەك ئەھمىيەتلىك يىغىلىش بوپتۇ.

marigul · ۋاقتى: 2013-8-15 10:18:28


	قۇچاقلىدى زىمىننى قۇياش گۇلنىسا ئىمامنىياز قۇچاقلىدى زىمىننى قۇياش ، ئالەم گۈزەل ئوتلۇق سۆيگۈدىن . بىخ سۈرمەكتە يېشىل ھايات ھەم ، مېھىر ئېمىپ ئۇنىڭ نۇرىدىن . يېشىل ئالەم بولدى رېسىدە ، كۈمۈش تەڭگە ئاستى چېچىغا . گۈلنىڭ بەرگى زىناقلىرىغا ، سۆيدى قۇياش بېسىپ باغرىغا . گۈل - چېچەكلەر يەتتى ۋايىغا ، خەندان ئۇرۇپ بۇلبۇل شوخلىنىپ . ھاياجاندىن ئۇرغۇدى ھېسلار ، تەبئەتكە قانماي زوقلىنىپ . سۆيگۈ تۆكتى تەپتىدىن قۇياش ، تەبئەتنىڭ ئېتەكلىرىگە . مەۋجۇداتقا بەردى زەر - جۇلا ، نۇرغا چۆمدى ئالەم لىققىدە . (ئىلى گېزىتى 2013- يىلى 5- ئاينىڭ 11- كۈنى سانىدا بېرىلگەن ) بۇ يازمىنى ئاخىرىدا marigul تەھرىرلىگەن. ۋاقتى 2013-8-15 10:23

risaletmerdan · ۋاقتى: 2013-8-15 10:29:53


	مېنىڭمۇ بېرىپ سىلەر گۈللەرنىڭ يوپۇرمىقى بولغۇم كەلدى

نەرگىس · ۋاقتى: 2013-8-15 10:53:20


	ئەزىزەلىرىم، ھەممىڭلارغا ئوتلۇق سالام! بۇ يىلقى جەم بولغان دەملەردە كۆڭۈلدىن كۆڭۈلگە تۇتاشقان قەلب ئېرىقىڭلاردا زۈمرەت كەبى مېھىر سۈيى شىۋىرلاپ ئېقىۋاتقاندا يەنە توك كېتىپ چىراق ئۆچۈپ قالمىغاندۇ-ھە!.... بۇلتۇرقى شۇ دەقىقىنى ئەسلەپ قالدىم. چىراقنىڭ ئۆچۈپ قېلىشىغۇ ھېچگەپ ئەمەس، سىلەر ئىلى قىزلىرىغا. سىلەرنىڭ جۇشقۇن روھىڭلار، ئاتەش نەپەسلىرىڭلار، قىزغىن ھايات ئىشقىڭلار بىلەن ئوقۇغان شېئىرلىرىڭلار، ئېيتقان ناخشاڭلار بىلەن بىلىپ-بىلمەيلا يۈز ئېچىپ قالغان قاراڭغۇلۇق تۇنجۇقۇپ كەتكەن ئىدى ...

تارال · ۋاقتى: 2013-8-15 23:06:32


	DDV يوللىغان ۋاقتى 2013-8-14 14:34 ناۋادا دەپ بەرمىسە قانداق قىلىسەن؟ بۇ خەۋەر يالغان بولمىسىلا، ئۇلار راستلا ئەدەبىي ئىجادىيەت توغرىلىق پىكىر ئالماشتۇرغان بولسىلا، نېمە دېيىشكەنلىكىنى چوقۇم دەپ بېرىدۇ. بولمىسا كېيىن بۇنداق خەۋەرلەرنى كۆرسەم نەزىرىمدىن ساقىت قىلىمەن! چۈنكى، سەن قورسىقىڭ ئاچقاندا ئاشخانىغا تاماق يېيىش ئۈچۈن كىرەمسەن ياكى تەخسە كۆرۈش ئۈچۈنمۇ؟...

سەنەۋەر · ۋاقتى: 2013-8-15 23:10:44


	بۇ يىغىلىشىڭلاردىن تولىمۇ خۇرسەن بولدۇم ، قاراپ ئولتۇرۇپ كۆزۈمگە ياش كەلگىنىمنى سەزمەي قاپتىمەن . خالىدە ھەدەمنىڭ بۇرۇنقىدەكلا تېتىك تۇرقىغا كۆز تەگمىسۇن ، رەشىدە ھەدەم بىلەن بۇرۇنقىدەك مۇڭدىشىپ تۇرالمىساممۇ ، لېكىن پات - پات يادىمغا كېلىپ قالىدۇ . نۇرىيە ئابدۇكېرىمنى مەن « سىز ماڭا مەنسۇب ئەمەس » ناملىق ھېكايىسىدىن تونىغان ئىدىم، گەرچە باشقا ئەسەرلىرىنى ئوقۇشقا مۇيەسسەر بولالمىغان بولساممۇ ، لېكىن مۇشۇ ئەسىرى ماڭا بەك يارىغان ئىدى . باياتىن كاللامغا كەلگەن نەرسىلەر نەگە كەتكەندۇ ؟ ئىشقىلىپ ھەممىڭلارغا كۆز تەگمىسۇن .

ئارزۇگۈل · ۋاقتى: 2013-8-16 00:24:55


	كېچىكىپ كۆرگەن بولساممۇ لېكىن يەنىلا ئىنكاس يازماي تۇرالمىدىم. خەيرىلىك كۈنلەردىكى بۇ ئۇچرۇشۇشتىن دىلىم سۆيۈندى. تېخىمۇ بەرىكەتلىك بولغايسىلەر! دوستۇم قەلبىنۇر سىزنى سېغىندىم

م.توختى سەببەت · ۋاقتى: 2013-8-16 12:47:44


	ئىلى بوستانلىقىدىكى خۇشناۋا بۇلبۇللارنىڭ جەم بولۇپ،بەس-بەستە سايرىغانلىقىنى ئاڭلاپ، تولىمۇ خوش بولدۇم! ئۇلارنىڭ ئاۋازى بىزگىمۇ يەتتى. بارلىق ئايال قەلەمكەشلەرنىڭ ئىجادىيىتىگە ئۇتۇق،ئائىلىسىگە بەخت تىلەيمەن!

ي.ت.توغراق · ۋاقتى: 2013-8-16 14:08:24


	پائالىيەتكە قاتناشقان بارلىق ئاپتۇرلارنىڭ تېنىگە سالامەتلىك تىلەيمەن

تارال · ۋاقتى: 2013-8-16 14:12:54


	DDV يوللىغان ۋاقتى 2013-8-16 13:38 مېنىڭچە ئەدەبىيات كوچىسىدىكى بىر نەچچەيلەن بىر يەرگە ... ئۇنداقتا سېنىڭچە، ئۇلارنىڭ بۇنداق خەۋەرنى مۇنبەردە، كوچا-كويلاردا سازايى قىلىپ يۈرگىنىنىڭ ئەھمىيىتى يوقكەندە؟

ئەلرام · ۋاقتى: 2013-8-22 00:29:33


	گۈللەرنىڭ بىر يەرگە جەم بۇلۇپ ئۆز-ئارا چۈشىنىش ھاسىل قىلىشقانلىقىدىن، سىرداشقانلىقىدىن خۇرسەن بۇلدۇم. بۇنىڭ ئەھمىيتىنى ئۇلارنىڭ بۇنىڭدىن كېيىنكى ئەسەرلىرىدە، پىكىر، تەلقىنلىرىدە كۆرسەك ھەجەپ ئەمەس. سىلەرنىڭ ھەربىر كۈنلىرىڭلارنىڭ خۇشاللىق ھەم ئەھمىيەتلىك ئىشلار بىلەن ئۆتىشىگە تىلەكداشمەن.

بۇژغۇن · ۋاقتى: 2013-8-23 00:26:14


	يارايسىلەر سۆيۈملۈك جاپاكەشلەر...! ئۇيغۇر ئەدەبىياتى ئۈچۈن قوشۇۋاتقان ئەجىر- مېھنىتىڭلار ئەۋلاتلارنى سۆيۈندۈرگۈسى،قەلبلەرنى ئويغاتقۇسى،ئىلى دولقۇنلىرىدەك مەڭگۈ نەرە تارتقۇسى.. قەلبلەرنى خۇش پۇراق گۈل دەستىلىرىڭلار بىلەن مەڭگۈ بەختكە نائىل قىلىڭلار....!تىنىڭلار سالامەت بولسۇن! ھاياتىڭلار شادلىققا تويۇنسۇن...ئائىلەڭلار بەىتلىك بولسۇن...!ئىجادىيىتىڭلار تىخىمۇ بەرىكەتلىك بولسۇن...!