مېھرىئاي شېئىرى

روزى قادىر · ۋاقتى: 2013-8-11 21:00:24


	ئۇنچە كەپسىز بولمىغىن كۆڭلۈم مېھرىئاي توختىروزى سۆيمەك ئۈچۈن ئاينىڭ مەڭزىگە ئاق بولۇتقا باسقاندا قەدەم، قامچا بولدى كۆلدە مەجنۇنتال دىل ئۆيۈمنى چىرمىدى ئەلەم. ئاشىقلىقتا گىياھ تۆكتى ياش چېكەتكىلەر ئېيتقاندا ناخشا، يۈرەكلەرنى قان قىلدى پىغان ئارمان ئورۇپ بېشىنى تاشقا. قىمىرلايدۇ غېرىبان كەپە يالغۇزلۇقتا غەم باسقان توغراق، ئۇنچە كەپسىز بولمىغىن كۆڭلۈم ئەللەي ئىتەي چوڭ بولغىن تىزراق.

ي.ت.توغراق · ۋاقتى: 2013-8-13 07:43:48


	بۇ شېئىر بەك گۇڭگىلىشىپ كەتتىمۇ قانداق

روزى قادىر · ۋاقتى: 2013-8-13 09:59:27


	بىلىم مېھرىئاي توختىرۇزى مىڭ يىللىق توغراقتەك ئىگىلسە قەددىم ئايلاندىڭ زېمىنغا ، يۈلىدىڭ بىلىم، «دوست»دىسە كار قىلماس باشقىغا،ئەمما- سۇ ئىچەر تارىمدەك چاڭقىغان دىلىم. كۆڭلۈڭنى تاش بىلىپ ئاغرىتسام بەزەن كۆڭلۇمنى بىلىسەن پاخـتىدىن يۇمشاق، تاش ئاتسام ئاچچىقتىن ساڭا بەرىبىر - قۇرسىقىم ئاچقاندا بىرىسەن بۇلماق.

ئابلەت.م.كۈيزار · ۋاقتى: 2013-8-13 15:43:08

روزى قادىر · ۋاقتى: 2013-10-5 17:53:00


	گۈل بەرگىدە ياتىمەن يالغۇز، مېھراي توختىروزى گۈل بەرگىدە ياتىمەن يالغۇز يېپىپ قۇيار ئاي ماڭا يوتقان. كارۋان شامال مەڭزىگە بۇ دەم يۇلتۇزلارنىڭ لەۋلىرى قونغان. بارمىقىمدىن تامچىيدۇ خىيال، ئۆتكىنىدە قۇشلار مەي پۇراپ. ئېرىقلاردىن ئاققان تۇيغۇلار كائىناتنى رەڭلەرگە ئۇراپ. قايناپ تۇرغان دولقۇنلۇق دېڭىز، گىرە سالار كۆكلەر بوينىغا. قەد كۈتەرگەن ھەيۋەت تەڭرىتاغ، قۇياشىمنى ئالار قۇينىغا. بۇشلۇقلاردا چەكسىز ئومىتلەر، ئۈزۈپ يۈرەر قۇلۋاقتەك گويا. جۇپ كۆزلەردە چەكسىز سۈكۈنات تەلمۈرۈشتە،ئاھ بۇلبۇلگۈيا .

روزى قادىر · ۋاقتى: 2013-10-6 15:25:45


	تۈكۈلمىگەن ياش مېھراي توختىروزى يۈرىكىمنى چاققاندەك چايان، قانسىرىدى باغرىمدا جاھان. تۇمۇرۇمدا ئاقىدۇ كۆز ياش تىنىقلىرىم سەكراتتا ھامان. دەرتلىرىمدىن يىغلىدى ئاسمان، گۈلخان بۇلۇپ كۆيمەكتە دېڭىز. قەلىب ئەمەس كەتكەن ئىزىلىپ يىغا ئازاپ تېرىلغان ئېتىز. شوخلۇقۇمنىڭ تەشۋىشى تۇلا ھاپاش بۇلار ئاڭا يېتىرقاش. تۈكۈلمىگەن كۆز ياشمەن ھەيھات ۋۇجۇدۇمغا سىڭگەن ئېچىرقاش. 6- ئۆكتەبىر

eli.abdukadir · ۋاقتى: 2013-10-6 17:53:01


	بۇشېئىردىكى ئۆزگىچە ئىپادىلەش مىنى جەلىپ قىلدى!

تۇرسۇنئاي · ۋاقتى: 2013-10-6 22:39:30