مەردان: رۇمى شېئىرلىرىدىن

مەردان · ۋاقتى: 2013-8-9 01:40:33


	(13) ئۆزۈمنىڭ تۇنجى مۇھەببەت ھېكايىسىنى ئاڭلىغان شۇ مىنۇتتىن باشلاپ سېنى ئىزدەشكە ئاتلاندىم، بۇنىڭ قانچىلىك قارغۇلارچە سەپەر ئىكەنلىكىگە بىر نەرسە دېيەلمەيتتىم. ئاشىق-مەشۇقلار ھامان بىر كۈنى بىر جايدا ئۇچراشمايدۇ. چۈنكى ئۇلار ھەرزامان بىللە. (14) بىر ئۆمۈر بىر-بىرسىمىزنىڭ چىرايىنى كۆرۈپ تۇردۇق، بۈگۈنمۇ ھەم شۇنداق. بۇ سۆيگۈ سىرىنى قانداق ساقلىدۇق؟ قاش بىلەن سۆزلەپ، كۆز بىلەن ئاڭلاپ. (15) بۇرۇن بىر خىجىلچان ئادەم ئىدىم، مېنى ناخشا توۋلىيالايدىغان قىلدىڭ. بۇرۇن، ئۈستەلدىكى نېمەتلەرگە قول سوزالمايتتىم، بۈگۈن تېخىمۇ كۆپ ھاراق ئىچىمەن. بۇرۇن، بورا ئۈستىدە يالغۇز ئولتۇرۇپ، دەبدەبە بىلەن دۇئا قىلىشقا ئادەتلەنگەن ئىدىم. ھالا بۈگۈن بالىلار ئەتراپىمدا ئويناشماقتا، ماڭا قاراپ ئېچىلىپ كۈلمەكتە. بۇ يازمىنى ئاخىرىدا مەردان تەھرىرلىگەن. ۋاقتى 2013-8-9 01:42

abdukayyum · ۋاقتى: 2013-8-10 09:08:44


	سەھەردىلا بۇ گۈزەللىكتىن ھوزۇرلاندۇرغان دوستمىزغا مىڭلارچە تەشەككۈر!

ئەرتېكىن · ۋاقتى: 2013-8-14 19:30:30


	ئەمگىكىڭىزگە تەشەككۈر!

مۇنەۋۋەر ئابدۇق · ۋاقتى: 2013-8-15 00:35:18


	ھارمىغايسىز...يەنىمۇ داۋامى..

مەردان · ۋاقتى: 2013-8-15 01:59:30


	(16) مەبۇدتا چىرايىڭ بولغانلىقى ئۈچۈن چوقۇنغۇچىغا ئايلاندىم. شاراب قەدىھىڭدىن كەلگەنلىكى ئۈچۈن زابويغا ئايلاندىم. سۆيگۈڭنىڭ شىددىتىدىن بىر ھېچنېمىستكە ئايلاندىم. سېنىڭ بىلەن ئۆتۈشۈپ تۇرىدىغان بۇنداق يوقلۇق، باشقا ھەرقانداق مەۋجۇتلۇقتىن ئۈستۈن تۇرىدۇ. (17) سۆيگۈڭ سەۋەبلىك ھوشۇمنى يوقاتتىم سەۋدايىلىقتا مەستخۇش بولدۇم تۇمانلار ئارا ئۆزۈم بىلەن ناتونۇش بولدۇم غەرق مەستمەن ئۆيگە قايتىدىغان يولنى تاپالماسمەن باغلاردا، پەقەت سېنىڭ چېھرىڭنىلا كۆرىمەن گۈل ۋە دەرەخلەردىن سېنىڭ ھىدىڭنىلا پۇرايمەن بۇ مۇھەببەت ساراڭلىقىغا شۇنچە پاتتىمكى ئەمدى ھاراق بىلەن ھاراقكەشنى ئايرىيالماسمەن ئەمدى سۆيگۈچى بىلەن سۆيۈلگۈچىنى ئايرىيالماسمەن (18) ئاشىقنىڭ دەردى ۋە لاۋۇلداپ كۆيۈۋاتقان ئىشىق ئوتى، ئۇنىڭ قەدىمى يەتكەن ھەر بىر تۇپراقتا كۆيۈك ئىزى قالدۇرىدۇ. يارىلانغان قەلبنىڭ ئاھى ئاللاھقا كىرىدىغان ئىشىكتۇر. بۇ يازمىنى ئاخىرىدا مەردان تەھرىرلىگەن. ۋاقتى 2013-8-16 23:04

مەردان · ۋاقتى: 2013-8-17 00:45:40


	(19) ئاۋاز بىلەن سۈرەت ئارىسىدا ئۇچۇرلار شارقىراتمىدەك ئاقىدىغان بىر تونىل بار. ئۆزىدىكى سۈكۈت ئىچىدە ئېچىلىدۇ ئۇ، قۇرۇق ۋەز ئەۋجىدە ئېتىلىدۇ. (20) ھەق-ناھەق چىگرىسىنىڭ سىرتىدىكى ئاشۇ يايلاقتا سېنى ساقلايمەن. ئۇ يايلاقتا ياتقىنىڭدا، سەن ئېرىشكەن مەئىشەت سۆزلەش دائىرەڭنى چېكىگە يەتكۈزىدۇ. پىكىر، پاراڭ ھەتتا «سەن»،«مەن» دېگەندەك سۆزلەرنىڭمۇ قىلچە ئەھمىيىتى قالمايدۇ. (21) ھەر بىر تال توزاننىڭ ھەركىتىگە زەن سالغىن. يېتىپ كەلگەن ھەر بىر يولۇچىغا، ئۇلارنىڭ ھەر بىرسىنىڭ ئوخشىمىغان تائاملارنى بۇيرۇتقۇسى بارلىقىغا زەن سال. يۇلتۇزنىڭ قانداق ساقىشىغا، قۇياشنىڭ قانداق كۆتۈرۈلىشىگە، بارلىق دەريالارنىڭ دېڭىز قوينىغا ئۆزىنى قانداق ئاتىدىغانلىقىغا زەن سالغىن. ئاشپەزنىڭ قانداقلارچە ئوخشىمىغان يولۇچىلارغا ئوخشاشمايدىغان تائاملارنى تەييارلايدىغانلىقىغا قارا. دېڭىزنى سىغدۇرالايدىغان ماۋۇ ئىستاكانغا، ساڭا روبىرو تۇرغان ئاۋۇ ئادەمگە قارا. شەمسىددىننىڭ* كۆزىدىكى مەرۋايىت دەرياسىغا قارا. * شەمسىددىن تەبرىزنى كۆرسىتىدۇ. بۇ يازمىنى ئاخىرىدا مەردان تەھرىرلىگەن. ۋاقتى 2013-8-17 00:47

مەردان · ۋاقتى: 2013-8-19 14:53:26


	(22) قېنى كەل، يۈزۈڭنى بۇ زابوينىڭ مەڭزىگە ياق، غەزەپ ۋە ئۇرۇشقاقلىقنى ئۇنتۇغىن بىردەم. ساڭا تەڭگە ئۇزاتقىنىمدا ئۇنى خۇشاللىق بىلەن قوبۇل قىل ۋە بىر قەدەھ ئالتۇن نۇرلىرى تامشىپ تۇرغان خۇشپۇراق مەي بىلەن رەھمەت ئېيت. چوقۇمكى، ئاشۇ تەگسىز سىرلار ئالىمىنىڭ ئىشىكىنى ئېچىپلا قالماي، مېنىڭ قەلب ئىشىكىمنىمۇ ئاچالايسەن. مېنىڭ بارلىقىم پەقەت مۇنۇ يوقلۇقتۇر. ئۇنى خالىغىنىڭچە ئاتا. ئەي ئاغدۇرغۇچىلار ۋە داۋالىغۇچىلار، قېنى بۇ كاللامنى ئاغدۇرۇڭلار ھەم دەۋالاڭلار. تامغاڭنى بادام ئۈستىگە ئۇرما، ئۇنى مانا بۇ يەرگە ئويۇپ قوي. بەزى ئىشلاردا ئۆزۈمنى كۈندە ئەللىك قېتىم ئەسكەرتمىسەم بولمايدۇ: --توختات ئۇ ئوۋنى، سەكرە بۇ توزاققا، ئەي ئوۋچى! بۇ يازمىنى ئاخىرىدا مەردان تەھرىرلىگەن. ۋاقتى 2013-8-19 14:57

سەمەندەر · ۋاقتى: 2013-8-20 07:12:07


	داۋاملىق يوللا بۇ يازمىنى ئاخىرىدا سەمەندەر تەھرىرلىگەن. ۋاقتى 2013-8-20 07:22

مەردان · ۋاقتى: 2013-8-21 02:31:26


	(23) پىشقان مۇھاكىمىلەردىن ئىشىق ھەقىقىتىگە ئېرىشەلمەيسەن. ئىشىك تاشلىۋېتىلگەن. قۇشلار ئۇپۇقتا ئەركىن قانات قاقماقتا، ئۇلار ئۇچۇشنى قانداق ئۆگەنگەن؟ يېقىلىپ، يېقىلىپ، يەنە يېقىلىپ. بۇ يازمىنى ئاخىرىدا مەردان تەھرىرلىگەن. ۋاقتى 2013-8-21 02:32

مۇنەۋۋەر ئابدۇق · ۋاقتى: 2013-8-21 16:30:29


	داۋامى.....

مەردان · ۋاقتى: 2013-8-22 03:21:36


	(24) ئاشۇ بۈيۈك سىر ئىچىدە ئولتۇراقلاشقان، ھېچقانداق نەرسىگىلا ھەقىقىي ئىگىمىز. قانداق رىقابەتتۇر بۇ، ھەمدە بىزلەر چىداشقا مەجبۇر، ئايرىلىپ كېتىشتىن ئىلگىرى، ئوخشاش قەدەمدە، ئوخشاش بىر ئىشىكتىن تەڭلا ئۆتىدىغان؟ بۇ يازمىنى ئاخىرىدا مەردان تەھرىرلىگەن. ۋاقتى 2013-8-22 03:49

مەردان · ۋاقتى: 2013-8-22 21:35:00


	شائىرنىڭ يېڭىدىن نەشردىن چىققان «باھاردىكى باغقا كىرىش- كەل روھىمىزنى سۆزلەيلى بىردەم» ناملىق خەنزۇچە توپلىمىدىن ۋە بىر قىسىم خەنزۇچە، ئىنگىلىزچە توربەتلەردىن تەرجىمە قىلىندى. بۇ يازمىنى ئاخىرىدا مەردان تەھرىرلىگەن. ۋاقتى 2013-8-22 21:36

مەردان · ۋاقتى: 2013-8-23 14:25:22


	شەۋكەت ئىبراھىم يوللىغان ۋاقتى 2013-8-4 10:37 رۇھى شېئىرلىرى دېگەن تېمىنى كۆرۇپلا تىزلىك بىلەن ئاچت ...

م.ئە.ئۆزكان · ۋاقتى: 2013-8-24 00:14:22

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

مەردان · ۋاقتى: 2013-9-8 13:08:33


	كىمۇ ئۇ ئېغىزىمدا سۆزلەۋاتقان رۇمى مەن كېچە-كۈندۈز ئويلايدىغان نەدىن كەلگەنىدىم؟ نېمە ۋەجىدىن؟ دېگەن سوئاللار باش-ئاخىرى يوق، تەگسىز سوئاللار... شۈبھىسىزكى، روھىم باشقا بىر جايدىن كەلگەن. شۇنداق بولغانىكەن، ئۆمرۈمنى شۇ يەردە ئۆتكۈزۈشنى خالىدىم، ئاشۇ مەن كەلگەن جايدا. باشقا بىر مەيخانىدىن باشلانغان مېنىڭ مەستلىكىم. ئاشۇ يەرگە قايتساملا، يېشىلىمەن پۈتۈن مەستلىكتىن. باشقا بىر دىياردىن كەلگەن قۇش ئۆزۈم، ئەمدى بۇ قەپەس ئىچىدە ئولتۇرغان، ھامان بىر كۈنى كېتىمەن ئۇچۇپ. بىراق ئۇشبۇ دەم قۇلىقىمدا ئاڭلاۋاتقان، ئېغىزىمدا سۆزلەۋاتقان كىمكىنا ئۆزى؟ كىمۇ ئۇ كۆزۈمدە قاراۋاتقان؟ كىمكىنا ئۇ روھ؟ توختالمايمەن سوئال سوراشتىن. ئانچىكى جاۋابنى تېتىغان بولسام، قۇتۇلار ئىدىم بۇ مەستلىك قەپىسىدىن. ئۆز ئالدىمغا ئايرىلالمايمەن، قايتالمايمەن. كىم ئەكەلگەن بولسا، شۇ ئېلىپ كەتسۇن. مەن ئالدىن ئويلاپ باقمىغان بۇ شېئىردا ئېيتقانلىرىم ۋە بىلمەسلىكىم مېنى تېخىمۇ جىمغۇر قىلىۋېتىدۇ، ئاز سۆزلەيدىغان ھەم ساز سۆزلەيدىغان قىلىۋېتىدۇ. بۇ يازمىنى ئاخىرىدا مەردان تەھرىرلىگەن. ۋاقتى 2013-9-8 13:42

م.ئە.ئۆزكان م.ئە.ئۆزكان توردا يوق جۇغلانما 2491	ۋاقتى: 2013-8-24 00:14:22 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
م.ئە.ئۆزكان م.ئە.ئۆزكان توردا يوق جۇغلانما 2491
	ئىنكاس ئېسىل ناچار جابدۇق پاش قىلىش

مەردان: رۇمى شېئىرلىرىدىن

باھا سۆز