قەشقەردىكى بالىلار(تۇلۇنئاي)

تۇلۇنئاي · ۋاقتى: 2013-7-29 10:18:37


	قەشقەردىكى بالىلار ئاپتورى:ئىززەتگۈل ساتتار(تۇلۇنئاي) باغقا باشلاپ كىرەر دەپ، ئانار ئۈزۈپ بېرەر دەپ، شەربەت سىقىپ چىقار دەپ، بىز سىلەرنى ئىزدەيمىز، قەشقەردىكى بالىلار. مول داستىخان سالار دەپ، تاتلىقلاردىن تىزار دەپ، چايغا ناۋات سالار دەپ، بىز سىلەرنى ئىزدەيمىز، قەشقەردىكى بالىلار. ساتارىنى ئالسۇن دەپ، مۇقام توۋلاپ بەرسۇن دەپ، ساما ئويناپ بەرسۇن دەپ، بىز سىلەرنى ئىزدەيمىز، قەشقەردىكى بالىلار. دەريا بويى سۈزۈك تاش، قېنى باشلاپ بارسۇن دەپ، ئوينلارغا تارتسۇن دەپ، بىز سىلەرنى ئىزدەيمىز، قەشقەردىكى بالىلار. ۋاللەي-ۋاللەي ئوينايلى، مۆكۈمۈكۈلەڭ ئوينايلى، ئېرىق-ئۆتەڭدىن ئۆتەيلى، بىز سىلەرنى ئىزدەيمىز، قەشقەردىكى بالىلار. چامغۇر بولساق يۇلار دەپ، قوغلاشماقتا تۇتار دەپ، بىزگە ياغلىق تاشلار دەپ، بىز سىلەرنى ئىزدەيمىز، قەشقەردىكى بالىلار. جاڭگاللارغا باشلار دەپ، توشقان ئوۋلاپ بېرەر دەپ، كاۋاپ قىلىپ بېرەر دەپ، بىز سىلەرنى ئىزدەيمىز، قەشقەردىكى بالىلار. بۇ يازمىنى ئاخىرىدا تۇلۇنئاي تەھرىرلىگەن. ۋاقتى 2013-7-29 10:21

ئابلەت.م.كۈيزار · ۋاقتى: 2013-7-29 11:57:52


	ئەجەپمۇ تېتىدى بۇ شېئىرىڭىز . تېخمۇ بەرىكەتلىك بولۇڭ سىڭلىم!

دىلكەش · ۋاقتى: 2013-7-29 12:35:29


	شېئىرىڭىزدىن بەكلا سۇيۇندۇم، تېرىشىڭ

ئارتۇچ · ۋاقتى: 2013-7-29 12:43:10


	مۇنداق سۈيۈنۈشلۈك شېئىرلىرىڭىز ئۈزۈپ قالمىسۇن

ئابدۇخالىق · ۋاقتى: 2013-7-29 12:53:07


	مۇشۇنداق تاتلىق شېئىرلىرىڭىزنى دائىم ئوقۇپ تۇرسام دەيمەن سىڭلىم ، سىزگە بەخت - ئامەت يار بولسۇن !

تارال · ۋاقتى: 2013-7-29 14:08:33


	ئاپتور بۇ شېئىرىدا قەشقەرلىك بالىلارغا بولغان يۈكسەك ھۆرمىتىنى، مۇھەببىتىنى، قىزىقىشىنى، قايىللىقىنى ئىپادىلىگەندەك قىلغان بىلەن، ئاستىرىتتىن ئۇلارنى ‹‹ئويۇنچى››، ‹‹يومشاقباش››، ‹‹مەدىكار›› تىپىدا تەسۋىرلىگەن!... بۇ شېئىر بەلكىم قەشقەرنىڭ سەيلە-ساياھەت كوپراتىپلىرىدا ئىشلەۋاتقان بالىلارغا ئاتاپ يېزىلغان بولۇشىمۇ مۇمكىن...

ئەلرام · ۋاقتى: 2013-7-29 14:21:35


	بەزى ئۇيۇنلارمۇ بالىلارنى ئۆز ئارا ئىتتىپاقلىققا، بىرلىككە يېتەكلەيدۇ، شۇنداقلا ئۇلارنىڭ ئىجادچانلىق رۇھىنىمۇ يىتىلدۈرۈدۇ. شېئىر ياخشى چىقىپتۇ.

tikan_kux · ۋاقتى: 2013-7-29 22:19:30


	تورغا لايىق ئەسەر بوپتۇ. داۋاملىق تىرىشىڭ!

ي.ت.توغراق · ۋاقتى: 2013-7-30 08:00:33


	بالىلارنىڭ شېتىلە قىلىقلىرىنى ياخشى تەسۋىرلەپسىز

تۇلۇنئاي · ۋاقتى: 2013-7-31 11:29:55


	قىران يوللىغان ۋاقتى 2013-7-29 14:08 ئاپتور بۇ شېئىرىدا قەشقەرلىك بالىلارغا بولغان يۈكسەك ... مەن بۇ شېئردا قەشقەرلىك بالىلارنى سىز دىگەندەك ‹‹ئويۇنچى››،‹‹يۇمشاقباش››،‹‹مەدىكار››تەرىپلىگىنىم يوق.پەقەت بالىلارنىڭ ئوينغا ئامراق قىزىقىشىدىن پايدىلنىپ(مەيلى بىز قايسى يۇرتتىن بولايلى،بالىلار ئويۇن ئويناشقا ئامراق كىلىدۇ.)قەشقەرلىك بالىلارنى دوسلۇققا چاقىردىم.مەلۇم بىر ئويۇننى ئويناش جەريانىدا بىر يۇرتنىڭ ئالاھىدىلىكى،تارىخى،ئۆرۈپ ئادىتى،مەدىنيىتى قاتارلىق بىلىملەرنى ئۆگەنگىلى بولىدۇ دەپ قارايمەن. مېنىڭچە،بالىلار شېئرى بالىلارچە،بالىلارنىڭ ئالاھىدىكىكى،بالىلارنىڭ مىجەزى،قىزىقىشى بويىچە يېزىلىشى كېرەك.

م.نۇرلان · ۋاقتى: 2016-3-16 17:54:25


	تۇلۇنئاي، تېخىمۇ تىرىشىڭ، ئۇتۇق تىلەيمەن.