تور بەت سۈپىتىنىڭ ياخشى – يامانلىقى ، تور بېكەتنىڭ كېيىنكى  تارەققىياتى بىلەن زىچ مۇناسىۋەتلىك بولىدۇ . بەزى تور بەت تۈزگىچىلەر  ئۆزىنىڭ

تور بەت ئېچىش يۇمشاق دېتاللىرىنى بەش قولدەك بىلىدىغانلىقىدىن مەغرۇرلىنىپ، مۇشۇ كەسپ بىلەن بىۋاستە باغلىنىشلىقى بولغان رەڭ پىسخىكىسى ،

قۇرۇلما ، گۈزەل – سەنئەت قاتارلىق ئامىللىرىغا سەل قارايدۇ . نەتىنجىدە تور بەت قۇرۇلۇپ چىققان بولسىمۇ، تور بەتنىڭ قۇرۇلما ۋە سەنئىەتلىگى

كۆڭۈلدىكىدەك بولمىغاچقا ، زىيارەتچىلەرنى جەلپ قىلىش تەسكە توختايدۇ . چۈنكى تور بەت تۈزۈشكە ھەر قانچە ئۇستا بولغان تەقدىرىدىمۇ، بۇ

مەشغۇلات جەريانى  پەقەت تور بەت تۈزگۈچى ئۈچۈنلا  ئىشلەيدۇ ، باشقىلارنىڭ ھەقىقىي كۆرىدىغىنى  ئەڭ ئاخىرقى پۈتۈپ چىققان تور بەتنىڭ ئۈنۈمى.

لايىھەلەش جەريانى گۈزەللىك ھىس تۇيغۇسىنىڭ ھاسىلاتى بولۇپ ھىساپلىنىدۇ . مۇۋاپىقىيەت قازانغان كۆپىنچە تور بېكەتلەرنىڭ  زىيارەت بەتلىرى 

ئادەتتە ناھايىتى  سەنئەتلىك بولىدۇ .ئەمما تور بەت لايىھەلەشتە سەنئەتلىك قىلىپ لايىھەلەش ئاساسلىق نىشان ئەمەس پەقەت بىر ۋاستىدىن ئىبارەت .
(1)بېكەتكە نام تاللاش  :بېكەتكە تاللانغان نام يىغىنچاق ، قىسقا ،بېكەت  مەزمۇنىغا خاس ، ئەستە تۇتۇش قولاي بولۇش تەلەپ قىلىنىدۇ  . ئىمكان بار

تور بەت مەزمۇنى بىلەن باغلانمايدىغان ناملارنى ئىشلەتمەسلىك لازىم . ئۇنداق بولمايدىكەن زىيارەتچىلەر بېكەت نامىغا قىزىقىپ ، تور بەتلەرنى زىيارەت

قىلغان تەقدىرىدىمۇ ، ئۈمۈتسىزلىنىپ قايتىپ چىقىدۇ .
(2) تور بەت مەزمۇنى توپلاش :
بېكەت نامىنى ئويلىشىپ بولغاندىن كېيىن ، ھەر بىر بەتكە ئېھتىياجلىق بولغان مەزمۇن ماتىرياللىرىنى توپلىۋېلىش لازىم .
(3)رەسىم تەييارلاش :
پەقەت يېزىقلا ئىشلىتىلگەن بېكەتنىڭ جەلپ قىلىش كۈچى بولمايدۇ .شۇڭلاشقا بەت ۋە يېزىقلارغا  شەكىل بەلگە رەسىملەرنى مۇۋاپىق قوشۇپ ئىشلىتىش

لازىم . بەزى ۋاقىتلاردا بىر نەچچە بەت يېزىلغان چۈشەندۈرۈش ،بىر پارچە رەسىمچىلىك تەپسىلىي بولمايدۇ  .
بۇنىڭدىن باشقا سۈپەتكە  تەسىر يەتكۈزمىگەن ئاساستا  ، رەسىم  سىغىمىنى ئىمكان بار ئېھتىياجلىق ئۆلچەمدە كىچىكلىتىپ ، تور بەتنىڭ ئېچىلىش

سۈرئىتىنى ئەڭ يۇقىرى چەكتە كاپالەتكە ئىگە قىلىش كېرەك  .چۈنكى  رەسىمنىڭ چوڭ – كىچىكلىگى تور بەتنىڭ ئېچىلىش سۈرئىتىنى بەلگىلەيدىغان

ئاساسلىق ئامىلدۇر .  رەسىملەرنى تاللىغاندا ئالاھىدە تەلەپ بولمىسا gifھۆججەت شەكلىدە ساقلاش (gifھۆججەت شەكلى ئارقىلىق ئارقا تەگلىگى سۈزۈك

بولغان رەسىملەرنىمۇ ساقلاشقا بولىدۇ )    ؛ئەگەر رەسىملەرگە قويىلىدىغان تەلەپ يۇقىرى بولسا jpgۋە ياكى pngھۆججەت شەكلىدە ساقلاش لازىم .
(4) تور بەت رامكا قۇرۇلمىسىنى بېكىتىش :
تور بەت رامكىسىنى بېكىتىش مۇۋاپىق بولۇش ، بەك قالايمىقان ئورۇنلاشتۇرىۋەتمەي ، مەزمۇنغا ئاساسەن بېكىتىش؛ چەكلىك بولغان ئېكران يۈزلىكىنى

ئۈنۈملۈك ئىشلىتىش بىلەن بىرگە  ، قىستاڭچىلىق تەسىرى بەرمەسلىك ئۈچۈن ، مۇناسىپ كېلىدىغان جايلار بولسا ئاق قالدۇرۇش لازىم .
(5)تەگلىك رېڭىنى  بەلگىلەش :
تەگلىك رېڭىنى بەت مەزمۇنغا ئاساساسەن بەلگىلىسەك بولىدۇ.مەسىلەن :تۈزىۋاتقىنىمىز تور خاتىرىسى(blog) بولسا ، ھىس تۇيغۇغا مۇۋاپىق كېلىدىغان

سۇس قىزغۇچ رەڭ ، سۆسۈن رەڭ دىگەندەك نەپىس رەڭلەرنى ئىشلەتسەك بولىدۇ .
(6)        باشقا ئامىللارنى  قىستۇرۇش :
تور بەت ئۈنىمىنى بىر قەدەم ئىلگىرلىگەن ھالدا كۈچەيتىش ئۈچۈن ، بەتلەرگە يەنە مۇۋاپىق بولغان ئاۋاز ، ھەركەتلىك سۈرەت ، Flash,javaApplet

قاتارلىق ئامىللارنى قىستۇرۇشقا بولىدۇ . ئەمما بۇ ئامىللارنى بەك كۆپ قىلىۋېتىشكە بولمايدۇ ، بولمىسا تور بەتنىڭ ئېچىلىش سۈرئىتى ئاستىلاپلا

قالماستىن ، ئېچىلغاندىن كېيىنكى تور بەت ، زىيارەت قىلغۇچىنىڭ كۆزىنى ئالا چەكمەن قىلىۋېتىشى مۈمكىن .