| خۇ جىنتاۋ ، ۋېن جياباۋ كەلكۈندىن مۇداپىئەلىنىپ ۋە ئۇنىڭغا تاقابىل تۇرۇپ ، ئاپەتتىن قۇتقۇزۇش خىزمىتى توغرىسىدا يەنە مۇھىم يوليورۇق بەردى |
مەنبە:تەڭرىتاغ ئويغۇر تورى 2010-يىلى4-ئاۋغۇست
كەلكۈندىن مۇداپىئەلىنىش ۋە ئۇنىڭغا تاقابىل تۇرۇشقا دائىر خىزمەتلەرنى پۈتۈن كۈچ بىلەن چىڭ تۇتۇش لازىم
شىنخۇا ئاگېنتلىقى، بېيجىڭ، 2 – ئاۋغۇست تېلېگراممىسى. باش شۇجى خۇ جىنتاۋ، زۇڭلى ۋېن جياباۋ نەچچە كۈن ئىلگىرى كەلكۈندىن مۇداپىئەلىنىپ ۋە ئۇنىڭغا تاقابىل تۇرۇپ، ئاپەتتىن قۇتقۇزۇش خىزمىتى توغرىسىدا قايتا مۇھىم يوليورۇق بېرىپ مۇنداق تەكىتلىدى: ھازىر مەملىكەت بويىچە كەلكۈندىن مۇداپىئەلىنىش، كەلكۈنگە تاقابىل تۇرۇش ئاچقۇچلۇق باسقۇچقا ھەم مۇھىم مەزگىلگە قەدەم قويدى، كەلكۈندىن مۇداپىئەلىنىش ۋە كەلكۈنگە تاقابىل تۇرۇشقا دائىر خىزمەتلەرنى پۈتۈن كۈچ بىلەن چىڭ تۇتۇش، قەتئىي بوشاشماسلىق ۋە بىخەستەلىك قىلماسلىق كېرەك؛ ھەر دەرىجىلىك رەھبەرلەر مەسئۇل بولۇش تۈزۈمىنى ئەستايىدىل ئەمەلىيلەشتۈرۈپ، كەلكۈندىن مۇداپىئەلىنىش، كەلكۈنگە تاقابىل تۇرۇش تەدبىرلىرىنى كۈچەيتىش، بولۇپمۇ نۇقتىلىق رايونلار بىلەن ئاجىز ھالقىلاردىكى خىزمەتلەرنى چىڭ تۇتۇش، ئاممىنىڭ ھاياتىي بىخەتەرلىكىگە كاپالەتلىك قىلىش كېرەك؛ كەلكۈننىڭ تەھدىتىگە ئۇچرىغان ئاممىنى ۋاقتىدا يۆتكەپ، مۇۋاپىق ئورۇنلاشتۇرۇش، ئاپەتتىنقۇتقۇزۇش، ياردەم بېرىش ۋە ئاپەتتىن كېيىنكى ئەسلىگە كەلتۈرۈش، قايتا قۇرۇش خىزمىتىنى پۇختا، ياخشى ئىشلەش كېرەك؛ ئېتىزلارنى بېسىپ كەتكەن سۇنى چىقىرىۋېتىش ۋە يېزا ئىگىلىك ئىشلەپچىقىرىشىنى ئەسلىگە كەلتۈرۈشنى چىڭ تۇتۇپ قانات يايدۇرغاندىن سىرت، تولۇقلاپ تېرىش ۋە ئۆزگەرتىپ تېرىشقا تېزدىن تەشكىللەپ، بۇ يىل كۈزلۈك ئاشلىقتىن مول ھوسۇل ئېلىشقا تىرىشىش كېرەك؛ كەلكۈندە بۇزۇلغان قۇرۇلۇشلارنى رېمونت قىلىش بىلەن بىللە، زور كەلكۈن ئاپىتىدە ئاشكارىلانغان گەۋدىلىك مەسىلىلەرگە قارىتا سۇچىلىق سېلىنمىسىنى كۆپەيتىپ، ئوتتۇرا، كىچىك ئېقىنلارنى تۈزەش، قىيان زىيىنىدىن مۇداپىئەلىنىش، خەتەرلىك كىچىك تىپتىكى سۇ ئامبارلىرىنى مۇستەھكەملەش، سۇچىلىق مۇئەسسەسىلىرىنى يەنىمۇ پۇختىلاپ، ئاپەتكە تاقابىل تۇرۇش، ئاپەتنىڭ زىيىنىنى يېنىكلىتىش ئىقتىدارىنى ئۆستۈرۈش كېرەك.
ج ك پ مەركىزىي كومىتېتى سىياسىي بىيۇروسىنىڭ ئەزاسى، گوۋۇيۈەننىڭ مۇئاۋىن زۇڭلىسى خۇي لياڭيۈنىڭ رىياسەتچىلىكىدە 2 – ئاۋغۇست دۆلەت ئاپەتنىڭ زىيىنىنى يېنىكلىتىش مەركىزىدە دۆلەت ئاپەتنىڭ ئالدىنى ئېلىش باش ئىشتابى ۋە دۆلەت ئاپەتنىڭ زىيىنىنى يېنىكلىتىش كومىتېتىنىڭ بىرلەشمە يىغىنى ئېچىلىپ، باش شۇجى خۇ جىنتاۋ، زۇڭلى ۋېن جياباۋنىڭ مۇھىم يوليورۇقىنىڭ روھى يەتكۈزۈلدى ھەم ھازىرقى كەلكۈن ئاپىتى ئەھۋالى تەھلىل قىلىنىپ، كەلكۈندىن مۇداپىئەلىنىش، كەلكۈنگە تاقابىل تۇرۇش، خەتەردىن قۇتقۇزۇش ۋە ئاپەتتىن كېيىنكى قايتا قۇرۇش خىزمىتى يەنىمۇ تەپسىلىي ئورۇنلاشتۇرۇلدى. خۇي لياڭيۈ مۇنداق تەكىتلىدى: جايلار، مۇناسىۋەتلىك تارماقلار جەزمەن ئىدىيە ۋە ھەرىكىتىنى باش شۇجى خۇ جىنتاۋ، زۇڭلى ۋېن جياباۋنىڭ مۇھىم يوليورۇقى بويىچە بىرلىككە كەلتۈرۈپ، مەسئۇلىيەت ئېڭى ۋە تەخىرسىزلىك ئېڭىنى يەنىمۇ كۈچەيتىشى، تەشكىلىي رەھبەرلىكنى ھەقىقىي كۈچەيتىپ، تاقابىل تۇرۇش تەدبىرلىرىنى ئەستايىدىل ئەمەلىيلەشتۈرۈپ، بۇ يىلقى كەلكۈندىن مۇداپىئەلىنىش، كەلكۈنگە تاقابىل تۇرۇش جېڭىدە قەتئىي غەلىبە قىلىشى، بۇ يىل يېزا ئىگىلىكىدە مول ھوسۇل ئېلىش، خەلق ئىگىلىكىنىڭ سىلىق ھەم تېزرەك راۋاجلىنىشىنى ئىلگىرى سۈرۈشنى ئۈنۈملۈك كاپالەتكە ئىگە قىلىشى كېرەك.
| [ئاپتورى: مەنبەسى: ۋاقتى: 2010-8-4 12:57:41 ئۇقۇلۇشى: 6 قېتىم] |
|
