| رۇسىيەدە ئورمانلىققا ئوت كېتىپ 40 ئادەم قازا قىلدى ، يەتتە رايون جىددىي ھالەتكە كىردى |
مەنبە:تەڭرىتاغ ئويغۇر تورى 2010-يىلى4-ئاۋغۇست
شىنخۇا تورى بېيجىڭ 3–ئاۋغۇست تېلېگراممىسى : 2–ئاۋغۇست ، رۇسىيە زۇڭتۇڭى مېدىۋېدىۋ ئورمان ئوت ئاپىتى سەۋەبىدىن يەتتە رايوننىڭ جىددىي ھالەتكە كىرگەنلىكىنى ، يەرلىك ھۆكۈمەتلەرنىڭ بۇ رايونلاردىكى كىشىلەرنىڭ ئورمانلىققا كىرىشىنى چەكلىگەنلىكىنى ئېلان قىلدى . ئىگىلىنىشىچە ، بۈگۈن ئوت ئاپىتىدە قازا قىلغانلارنىڭ سانى 40 ئادەمگە يەتكەن .
ئىيۇل ئېيىنىڭ كېيىنكى يېرىمىدا ، رۇسىيەدە كۆرۈلگەن يۇقىرى تېمپېراتۇرا ۋە قۇرغاقچىلىق چوڭ كۆلەمدىكى ئورمان ئوت ئاپىتىنى كەلتۈرۈپ چىقارغان . كرېمل سارىيى 2–ئاۋغۇست ئېلان قىلغان باياناتىدا ، زۇڭتۇڭ ئوت ئاپىتى ئەھۋالى ئېغىر بولغان يەتتە رايونغا جىددىي ھالەت يۈرگۈزۈش پەرمانى چۈشۈرگەن .
فىرانسىيە ئاگېنتلىقىنىڭ خەۋىرىگە قارىغاندا ، ئالدىنقى ھەپتە رۇسىيە ئاخبارات ۋاستىلىرى ئاممىنىڭ بۇ قېتىملىق ئوت ئاپىتىگە نىسبەتەن ھۆكۈمەتنىڭ تەدبىرىدىن رازى بولمىغانلىقىنى ئېلان قىلغان .
رۇسىيە جىددىي ئەھۋالغا قوماندانلىق ئىشتابىنىڭ 2–ئاۋغۇست ئېنىقلىشىچە ، ئورمان ئوت ئاپىتىدە قازا قىلغانلارنىڭ سانى 40 ئادەمگە يەتكەن ، 2–ئاۋغۇستقىچە 1875 ئېغىز ئۆي كۆيۈپ كەتكەن ، 2000 دىن ئارتۇق ئادەم ئۆيماكانسىز قالغان ، 128 مىڭ گېكتار يەردىكى ئورمانلىقتا يەنىلا ئوت كۆيۈۋاتقان بولۇپ ، 2000 نەپەر قوراللىق قىسىم ئوفىتسېر–ئەسكەرلىرىنى ئۆز ئىچىگە ئالغان ئون مىڭدىن ئارتۇق ئادەم ئوت ئۆچۈرۈش ھەرىكىتىگە قاتناشقان .
| [ئاپتورى: مەنبەسى: ۋاقتى: 2010-8-4 12:51:43 ئۇقۇلۇشى: 5 قېتىم] |
|
