| ‹‹ يۈشۇغا باغلانغان كۆڭۈل رىشتىسى ، چەكسىز مېھر –شەپقەت ››تېمىسىدىكى چوڭ تىپتىكى ئىئانە پائالىيىتى ئۆتكۈزۈلدى |
شىنخۇا ئاگېنتلىقى، بېيجىڭ، 20–ئاپرېل تېلېگراممىسى :‹‹يۈشۇغا باغلانغان كۆڭۈل رىشتىسى ، چەكسىز مېھر–شەپقەت›› تېمىسىدىكى يەر تەۋرەشكە تاقابىل تۇرۇش–ئاپەتتىن قۇتقۇزۇش چوڭ تىپتىكى ئىئانە توپلاش پائالىيىتى 20–ئاپرېل كەچتە مەركىزىي تېلېۋىزىيە ئىستانسىسىنىڭ مەركىزىي زالىدا ئۆتكۈزۈلۈپ ، جۇڭخۇا پەرزەنتلىرىنىڭ قىزغىن ھېسسىياتى ، چەكسىز مېھر–شەپقىتى ۋە جۇڭخۇا مىللەتلىرىنىڭ قۇدرەتلىك ئۇيۇشقاقلىقى دۇنياغا يەنە بىر قېتىم نامايان قىلىندى.
ج ك پ مەركىزىي كومىتېت سىياسىي بىيۇروسى دائىمىي كومىتېتىنىڭ ئەزاسى لى چاڭچۈن ، ج ك پ مەركىزىي كومىتېت سىياسىي بىيۇروسىنىڭ ئەزاسى ، گوۋۇيۈەننىڭ مۇئاۋىن زۇڭلىسى، گوۋۇيۈەن يەر تەۋرەشكە تاقابىل تۇرۇش–ئاپەتتىن قۇتقۇزۇش باش قوماندانلىق ئىشتابىنىڭ باش قوماندانى خۇي لياڭيۈ ، ج ك پ مەركىزىي كومىتېت سىياسىي بىيۇروسىنىڭ ئەزاسى ، شۇجىچۇنىڭ شۇجىسى، مەركىزىي كومىتېت تەشۋىقات بۆلۈمىنىڭ باشلىقى ليۇ يۈنشەن ، ج ك پ مەركىزىي كومىتېت سىياسىي بىيۇروسىنىڭ ئەزاسى، دۆلەت ئىشلىرى كومىسسارى ليۇ يەندۇڭ، مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن باشلىقى، جۇڭگو قىزىل كىرېست جەمئىيىتىنىڭ باشلىقى خۇا جيەنمىن، مەملىكەتلىك سىياسىي كېڭەشنىڭ مۇئاۋىن رەئىسى، جۇڭگو ئىجتىمائىي پەنلەر ئاكادېمىيەسىنىڭ باشلىقى چېن كۈييۈەن پائالىيەتكە قاتناشتى ھەم پۇل ئىئانە قىلىپ، ئاپەت رايونىدىكى خەلققە بولغان چوڭقۇر غەمخورلۇقىنى ئىپادىلىدى.
بۇ قېتىم يەر تەۋرەش ئاپىتىگە ئۇچرىغان يۈشۇدىكى قېرىنداشلارغا ئىئانە توپلاش پائالىيىتىنى مەركىزىي كومىتېت تەشۋىقات بۆلۈمى، خەلق ئىشلىرى مىنىستىرلىقى، دۆلەت رادىيو–كىنو–تېلېۋىزىيە باش ئىدارىسى، جۇڭگو قىزىل كىرېست باش جەمئىيىتى، جۇڭخۇا خەير–ساخاۋەتباش جەمئىيىتى بىرلىكتە ئۇيۇشتۇردى. بېيجىڭ ۋاقتى سائەت 20 دە ئىئانە توپلاش پائالىيىتى رەسمىي باشلاندى ، كۆپچىلىك ئورنىدىن تۇرۇپ، يۈشۇدىكى يەر تەۋرەش ئاپىتىدە بەختكە قارشى قازا قىلغان قېرىنداشلارغا سۈكۈتتە تۇرۇپ تەزىيە بىلدۈردى.
بۇ قېتىمقى ئىئانە توپلاش پائالىيىتى مېھر–مۇھەببەت، كۈچ–قۇۋۋەت مۇجەسسەملەنگەن پائالىيەت بولدى. ئىچكىرى ئۆلكىلەردىكى نەچچە 100 ئەدەبىيات–سەنئەت خىزمەتچىسى ، شياڭگاڭ ، ئاۋمىن ، تەيۋەن رايونلىرىدىن كەلگەن سەنئەت ساھەسىدىكى زاتلار تەشەببۇسكارلىق بىلەن ئۆزىنى تىزىملىتىپ ، ئويۇن قويۇشقا قاتناشتى. سەھنىدىكى ئارتىسلار پۈتۈن ۋۇجۇدى بىلەن نومۇر ئورۇنلىدى، زال ئىچى–سىرتىدىكىلەر بەس–بەستە پۇل ئىئانە قىلدى . ئىگىلىنىشىچە ، ئىئانە توپلاش پائالىيىتى ئاخىرلاشقاندا، نەق مەيداندا جەمئىي 2 مىليارد 175 مىليون يۈەن ئىئانە توپلانغان.
مەنبە:تەڭرىتاغ ئويغۇر تورى
2010-يىلى21-ئاپرېل
| [ئاپتورى: مەنبەسى: ۋاقتى: 2010-4-21 13:05:14 ئۇقۇلۇشى: 402 قېتىم] |
|
