| ‹‹ئىلى دەرياسى››ناملىق چوڭ تىپتىكى ناخشا–ئۇسسۇل كېچىلىكى ئۆتكۈزۈلدى |
مەنبە:تەڭرىتاغ ئويغۇر تورى 2010-يىلى14-ماي
مېھرىگۈل ناسىر خەۋەر قىلىدۇ: ‹‹ئىلى دەرياسى›› ناملىق چوڭ تىپتىكى ناخشا – ئۇسسۇل كېچىلىكى 12 – ماي كەچتە ئۈرۈمچى ‹‹خەلق›› تىياتىرخانىسىدا قويۇلدى. ئاپتونوم رايونلۇق سىياسىي كېڭەشنىڭ رەئىسى ئەسقەت كەرىمباي، ئاپتونوم رايونلۇق پارتكوم دائىمىي كومىتېتىنىڭ ئەزاسى ئەركىنجان تۇراخۇن ھەر مىللەت تاماشىبىنلار بىلەن بىللە كېچىلىكنى كۆردى.
ئىلى دەريا ۋادىسىدىكى يايلاقلارنىڭ تۆت پەسىللىك مەنزىرىسى ئارقا كۆرۈنۈش قىلىنغان بۇ سەنئەت كېچىلىكى ‹‹قارلىق چوققا››، ‹‹يېشىل دالا››، ‹‹شەپەق››، ‹‹گۆھەر زېمىن›› دېگەن تۆت قىسىمدىن تەركىب تاپقان. ئىلى ئوبلاستلىق ناخشا – ئۇسسۇل ئۆمىكىنىڭ ئارتىسلىرى بۇ سەنئەت كېچىلىكىدە قازاق خەلقىنىڭ تۇرمۇش كارتىنىسىنى رەڭگارەڭ سەھنە ئارقا كۆرۈنۈشى، لەرزان ئۇسسۇل ۋە يېقىملىق كۈيلەر بىلەن جانلىق سۈرەتلەپ بەردى.
| [ئاپتورى: مەنبەسى: ۋاقتى: 2010-5-14 18:17:02 ئۇقۇلۇشى: 513 قېتىم] |
|
