مۇئەللىمنىڭ كۆز يېشى

Maarip

مۇئەللىمنىڭ كۆز يېشى

) L! d" m, U- i" ^4 X

ھەبىب ئىسمائىل

　　ئادەمنىڭ ئوقۇغۇچىلىق ۋاقىتلىرىدا نۇرغۇنلىغان قىزىقارلىق ئىشلار بولىدىكەن. شۇ ۋاقىتلاردا يۈز بەرگەن بىر ئىش ھېلىمۇ ئىسىمدە تۇرۇپتۇ.
# R4 x% Y) z! o　　باشلانغۇچ مەكتەپنىڭ 3-يىللىقىدا ئوقۇۋاتقان چاغلىرىمىز ئىدى. سىنىپىمىزدا پەرھات ئىسىملىك ناھايىتى كەپسىز بىر ساۋاقدىشىمىز بۇلىدىغان، ئۇ شوخ ھەم قىزىقچى ئىدى. دەرسلەرگە ئانچە كۆڭۈل بۆلۈپ كەتمەيتتى. دائىم تاپشۇرۇق ئىشلىمەيتتى. بىر كۈنى مۇئەللىم ئۇنىڭغا؛
　　ــ پەرھات ، سەن قاچانغىچە تاپشۇرۇق ئىشلىمەيسەن؟ - دېدى.
　　ــ ئەمدى چوقۇم ئىشلەيمەن ،- دېدى پەرھات شوخلۇق بىلەن.
- P1 f' k- r3 U　　ـ ئەگەر يەنە ئىشلىمىسەڭچۇ؟
　　پەرھات زەڭگەر كۆزلىرىنى پىلدىرلىتىپ جىممىدە بولۇپ قالدى. كىيىن سىنىپىمىزدىكى ئويۇقنى كۆرسىتىپ تۇرۇپ:
　　ــ ئەگەر يەنە تاپشۇرۇق ئىشلىمىسەم، ئاشۇ ئۇيۇقتا بىشىمغا ياغلىق چېگىپ بىر سائەت تۇرىمەن، ــ دېدى. ئۇ ۋاقىتلاردا بىزگە كونا ئۆيلەرنى مەكتەپ قىلىپ بەرگەچكە سىنىپىمىزدا ئۇيۇق بار ئىدى. مۇئەللىم پەرھاتنىڭ گېپىنى ئاڭلاپ كۈلۈپ قويدى.
　　ئەتىسى پەرھات ھېلىقى ئويۇققا بىر پارچە لاتىنى پەردە قىلىپ تارتىپ قويدى. ھەممىمىز ئۇنىڭ يېڭى ئۇيۇنغا تەييارلىق قىلىۋاتقانلىقىنى بىلدۇق. چۈشتىن كىيىن سىنىپ مەسئولىمىزنىڭ دەرىسى بولۇپ، ھەممىمىز دەپتەرلىرىمىزنى پارتا ئۈستىگە قويۇپ تەق بولۇپ تۇردۇق، پەقەت پەرھاتلا تاپشۇرۇق ئىشلىمىگەن بولسىمۇ ناھايىتى خاتىرجەم كۆرۈنەتتى. مۇئەللىم سىنىپقا كىرگۈچە بولغان ئارىلىقتا ئارىمىزدىن ئەركىن ئورنىدىن تۇرۇپ دوسكىغا دانە - دانە قىلىپ: «ھازىر بىلەتسىز ئۇيۇن كۆرسىتىلىدۇ. باش رولچىسى چارلىز چاپلىننىڭ شاگىرتى - پەرھات» دەپ يېزىپ قويدى. لېكىن نۆۋەتچى ئوقۇغۇچىلار مۇئەللىمنىڭ ئاچچىقىدىن قورقۇپ دەرھال دوسكىنى ئۆچۈرۈۋەتتى. مۇئەللىم سىنىپقا كىرىشىگە ئەرۋاھ لەقەملىك ساۋاقدىشىمىز ئەسقەر «ئويۇن باشلاندى» دەپ ۋارقىرىدى. مۇئەللىم ئۇنى شۈك بولۇشقا ئىملەپ قويۇپ بىزنى ئولتۇرۇشقا ئىشارەت قىلدى ۋە تاپشۇرۇقنىڭ ئىشلىنىش ئەھۋالىنى سۈرۈشتۈردى. پەرھاتنىڭ ئالدىغا كەلگەندە؛
　　-سەن يەنە تاپشۇرۇق ئىشلىمەپسەنغۇ؟ دېدى.
        - مۇئەللىم مەن ئىشلىگەن، بىراق ئۆيدە ئۇنتۇپ قاپتىمەن – دېدى ئۇ.
+ `. ?. o. v+ s, x( ]% p　　- ئۆيۈڭ يىراق بولمىغاندىن كىيىن دەرس ئارىلىقىدا ئەكەلسەڭ بولمامدۇ؟ ماڭ ھازىر بېرىپ ئەكەلگىن،- دېدى مۇئەللىم. لېكىن پەرھات گەپ قىلماي بېشىنى ساڭگىلىتىپ تۇرىۋەردى.مۇئەللىم سەل ئاچچىقلىنىپ
. n6 g/ O% }  p) Y6 T　　ـ ئۆتكەنكى بەرگەن ۋەدەڭ ئېسىڭدىدۇ - دېدى.
9 b+ ]- O7 `. o* I　　ــ ئېسىمدە - دېدى پەرھات ۋە بىر سەكرەپلا ئۇيۇققا چىقىۋالدى.ئاندىن ئەسقەرگە قاراپ؛
　　ــ ياغلىق! دەپ ۋارقىرىدى. ئەسقەر دەرھال بوينىدىكى گالىستۇكنى يېشىپ ئۇنىڭغا بەردى. پەرھات ئۇنى بېشىغا چىگىۋىدى. قىز بالىغىلا ئوخشاپ قالدى. مۇئەللىم ئۇنىڭغا قاراپ:
$ ]- Z9 X3 m4 v! y- B  n　　ــ پەرھات، بولدى، چۈشۈت كەت! دېدى
　　ــ ياق، مەن تاپشۇرۇق ئىشلىمىگەننىڭ جازاسىنى كۆرۈشۈم كېرەك - دېدى ئۇ ھەييارلىق بىلەن. مۇئەللىم گەپ قىلماي دەرس سۆزلەشكە باشلىدى. ئەمدى ئۇ مۇئەللىم دوسكىغا خەت يېزىۋاتقان پۇرسەتتىن پايدىلىنىپ ، ھەر خىل قىلىقلارنى چىقىرىپ بىزنى كۈلدۈرشكە باشلىدى. ئۇ كۆزىنىڭ پاختىسىنى چىقىرىپ، تىلىنى ساڭگىلاتقان ئىدى ھەممىمىز كۈلۈشۈپ كەتتۇق. پەرھات مۇئەللىم قارىغان ھامان جىم بولۇپ قالاتتى. بىر ئازدىىن كىيىن ئۇ ئويۇقتىن پۇتىنى چىقىرىپ ھەدەپ تىپىرلىغىلى تۇردى. دەل شۇ چاغدا ئۇنىڭ ئەسلىدىنلا پۇتىغا چوڭ كىلىپ قالغان ئايىقى بىرى ئۈستەل يۈزىگە، يەنە بىرى ئۇنى تۇتۇۋالماقچى بولۇپ ماڭغان مۇئەللىمنىڭ يۈزىگە تەگدى. بۇ ياش بەلكىم ئاغرىق دەستىدىن چىققاندۇ ياكى بىزنىڭ نادانلىقىمىزغا ئېچىنىپ تۆكۈلگەن ياشتۇ....
8 K3 d' g6 [* e+ \  r　　ھازىر شۇلارنى ئويلىسام ناھايىتى خىجىل بۇلىمەن، شۇ چاغلاردىكى كەپسىزلىكىمىز، نادانلىقىمىزغا بەكمۇ ئېچىنىمەن.
　　                  ------ شىنجاڭ ئۆسمۈرلىرى گېزىتىدىن ئېلىندى

مەنبە: خەلق تورى

otmakani

; x, B  d3 G, q4 g& c0 k

otmakani

. {" X/ w/ P& n: J+ H: p* B0 m, ]

otmakani