ئاق ئۈجمىنىڭ شىپالىق رولى

xarbat

ئاق ئۈجمىنىڭ شىپالىق رولى

9 F9 t6 a2 S! n# _1 Y. E4 q

/ o' k3 U2 x" P5 m; u- k$ r+ Tئاق ئۈجمە پىشقاندا كۈنىگە ئىككى قېتىم ، ھەر قېتىمدا 40 گىرامدىن 80 گىرامغىچە پاكىز يۇيۇپ يەپ بەرسە ، ئىچكى ئەزالارنى قۇۋۋەتلەيدۇ ، بەدەننى ، بۆرەكنى جىگەرنى كۈچلەندۈرىدۇ ، ئۇسسۇزلۇقنى قاندۇرۇپ، سۈيدۈكنى راۋانلاشتۇرىدۇ ، ئۇيقۇنى ياخشىلاپ ، ئىشتىھانى ئاچىدۇ ، نېرۋىنى ياخشىلايدۇ ، قان كۆپەيتىپ ، كۆزنى روشەنلەشتۈرىدۇ، قۇلاق غۇڭۇلداشقا ، قەۋزىيەتكە مەنپەئەت قىلىدۇ .
. n3 d4 q7 Q" G7 c( N, U   ئاق ئۈجمە يوپۇرمىقىنى كۈنىگە ئىككى قېتىم ، ھەر قېتىمدا 15 گىرامدىن پاكىز يۇيۇپ قاينىتىپ ئىچىپ بەرسە ، قىزىتمىنى قايتۇرىدۇ ، يەلنى ھەيدەپ ، قاننى سۇيۇلدۇرىدۇ ، ئىسسىقتىن بولغان زۇكام ، يۆتەل ، باش ئاغرىقلىرى ، كۆزدىكى قىزىللىققا مەنپەئەت قىلىدۇ . توسالغۇلارنى ئېچىپ ، قەۋزىيەتنى داۋالايدۇ .
   ئاق ئۈجمە يىلتىزىنىڭ ئاق پوستىنى كۈنىگە ئىككى قېتىم ، ھەر قېتىمدا 10 گىرامدىن ئېلىپ پاكىز تازىلاپ قاينىتىپ ئىچىپ بەرسە ، ئۆپكىنى ياشارتىدۇ ، يۆتەلنى توختىتىدۇ . دەم سىقىلىشنى ياخشىلايدۇ ، ئۆپكىنىڭ ئىسسىقتىن بولغان ئاغرىقلىرى ، قان تۆكۈتۈرۈش ، سۇلۇق ئىششىق ، قورساق كۆپۈشكە مەنپەئەت قىلىدۇ .(ئىزاھات : سوغۇقتىن بولغان يۆتەللەرگە بېرىلمەيدۇ)
   ئاق ئۈجمىنىڭ نوتا شېخىنى پاكىز تازىلاپ يالپاغداپ كېسىپ قاينىتىپ كۈنىگە ئىككى قېتىم ، ھەر قېتىمدا 10 گىرامدىن ئىچىپ بەرسە ، رېماتىزىملىق بوغۇم ئاغرىقلىرىغا مەنپەئەت قىلىدۇ ، سوغۇق يەلنى ھەيدەپ ، پۇت–قول ئۇيۇشۇشنى ياخشىلايدۇ ، قاننى تازىلايدۇ .

تۇرسۇنجان

بىزنىڭ باغدا ئۈژمە بارئىدى مەن ھەريىلى ئۈسـگە چىقىپ تويغۇچە يەپ چۈشىمەن

جام

6 P2 w8 c1 l& ?; s4 Z! Z
( `/ ]+ y) d- H. W/ j; rمەن يېزىمىزدىكى ئەڭ چەت، بىراق مۇھىتى شۇنچىلىك ساپ ھەم گۈزەل بىر مەھەللىدە يالاڭ ئاياغ قوي پادىلىرىنى بېقىپ چوڭ بولغان. شۇ ۋاقىتلىرىمدا بىزنىڭ مەھەللىدە ئۈژمە- ئۆرۈكلۈك باغلار تولىمۇ كۆپ ئىدى، ۋىلايەت- ناھىيە، يېزا باشلىقلىرى ھەر يىلى يازدا ئېغىنىشىپ بۇ باغلاردا ئارام ئالاتتى. بىزمۇ شۇ باغلاردىكى قوچاق يەتكۈسىز ھەر يوغان ئۈژمە دەرەخلىرىگە مايمۇندەك يامىشىپ چىقىپ، مەي باغلاپ پىشىپ كۆزنىڭ يېغىنى يىگۈدەك بولۇپ كەتكەن ئاق ئۈژمە، چېقىر ئۈژمىلەردىن تويغۇچە يەپ ھوزۇرلىناتتۇق. بۈگۈنكى كۈندە ئۇلاردىن ئەسەرمۇ قالمىدى. چۈنكى، ھازىر يەرلەرنى تىجەش، رەتكە سېلىش.... دېگەندەك زامانىۋى ئىسلاھاتنىڭ تەلەپلىرى سەۋەبىدىن بۇ كۈجۈم مەھەللىمىز شۇ گۈزەل تەبئىي «ھۆسىن- جامالى» دىن قېلىپ، بۈگۈنكى كۈندىكى «زامانىۋىي تۈس» ئالغان مەھەللىگە ئايلاندى. بىزنىڭ مەھەللىگە ھەر دەرىجىلىك باشلىقلار ئەينى ۋاقىتتىكىدەك ئارام ئالغىلى ئەمەس، بەلكى ئانى قىل، مانى قىل دەپ بۇيرۇق چۈشۈرگىلى كېلىدىغان بولۇپ كەتتى.... شۇ سەۋەبتىن بىز تۇرماق ئەشۇ بىغۇبار سەبىيلىرىمىز بىز كىچىك ۋاقىتلىرىمىزدا ئالغان «ئۈژمە» ھوزۇرىنى ئالالمايدىغان بولۇپ قالدى. مەن ھازىر يېزىمىزدىكى يېڭى بىر مەھەللىگە كۆچۈپ كەلدىم، ھازىرچە ھىچكىم ئانى قىل- مانى قىل دېيەلمەيدىغان ئايرىم باغۇ- زېمىنىم بار، شۇڭا بالىلىرىمغا مەن كىچىك ۋاقتىمدا ئالغان شۇ ھوزۇرنى بېرەي دەپ باغقا ئۈژمە دەرىخى ئۆستۈرۈۋاتىمەن. كۆپچىلىككە مەلۇمكى، ئۈژمىنى ئەجداتلىرىمىز «جەننەتنىڭ مېۋىسى» دەپ تەرىپلەيتى، مەن بۇنى ئىلگىرى ئانچە چۈشەنمەيتىم، ھەتتا بۇنى خۇراپىيلىق دەپ ئويلىغان يەرلىرىممۇ بار. بىراق شەربەت ئەپەندىمنىڭ بۇ تېمىسى ۋە باشقا بىرقىسىم ماتېرىياللار، باشقىلارنىڭ ئۆز ئېغىزى بىلەن دەپ بەرگىنىگە ئاساسلانغاندا ئۈژمىنىڭ مېۋىسىدىن تارتىپ ھەتتا پۈتكۈل دەرەخ گەۋدىسىگىچە ھەقىقەتەن «جەننەت مېۋىسى» بولۇشقا مۇناسىپ ئىكەن.
ھازىر ياز كەلدى، رايونىمىزدا ئۈژمە پىشىش ئالدىدا تۇرىۋاتىدۇ، بىز ماتېرىياللار ۋە تەجرىبىلىك رىتسىپلار ئاساسىدا پۇرسەتنى چىڭ تۇتۇپ، ئۈژمىنىڭ تۈرلۈك شىپالىق خاسىيەتلىرىدىن پايدىلىنىپ، بەلگىلىك ئۈنۈم ھاسىل قىلساق، بۇ ئەلۋەتتە ئەرزىگۈدەك ياخشى ئىش بولاتتى.

ئەپەندى

ئۈجمە شىپالىق مىۋە ،بۇيىل مەنمۇ ھويلامغا ئىككى تۈپ تىكتىم ،خۇدا بۇيرىسا كىلەر يىلى شاتۇتقا ئۇلايمەن.