ھەردائىم كۆپ ئولتۇرۇش خەتەرلىك!

xarbat

220 مىڭ ئادەمگە قارىتا ئېلىپ بېرىلغان بىر تۈرلۈك تەتقىقاتتا كۆرسىتىلىشىچە، قورامىغا يەتكەنلەر ئەگەر ھەر كۈنى ئولتۇرۇش ۋاقتى 11 سائەتتىن ئېشىپ كەتسە، ئۇلار بۇنىڭدىن سىرت ۋاقىتلاردا قانچىلىك ھەرىكەت قىلىشىدىن قەتئىينەزەر، ئۈچ يىلدىلا ھەر كۈنى ئوتتۇرا ھېساب بىلەن 4 سائەتلا ئولتۇرىدىغان ئادەمگە قارىغاندا ئۆلۈپ كېتىش نىسبىتى 40% ئېشىپ كېتىدىكەن.ھەر كۈنى ئولتۇرۇش ۋاقتى 8 سائەتتىن 11 سائەتكىچە بولغان كىشىلەرنىڭ ئۆلۈپ كېتىش نىسبىتى، ھەر كۈنى 4 سائەتتىن ئاز ئولتۇرىدىغان كىشىلەرگە قارىغاندا 15% چوڭ بولىدىكەن.

 ئۇنىڭدىن سىرت، ئۇزۇن ئولتۇرىدىغانلارنىڭ تېنىدىكى خولسېترول، قان شىكىرى ۋە ئۈچ كىسلاتالىق گلىتسىرد قاتارلىقلار تېخىمۇ يۇقىرى بولىدىكەن. نۇرغۇن قورامىغا يەتكەن كىشىلەر بوش ۋاقىتلىرىدا ئولتۇرۇشنى ياخشى كۆرىدۇ،قورامىغا يەتكەنلەرنىڭ يېرىمىدىن ئازراقىلا دۇنيا سەھىيە تەشكىلاتى تەۋسىيە قىلغان ھەر ھەپتىدە 150 مىنۇت ئەتراپىدا ئوتتۇرا دەرىجىدە تەنھەرىكەت ئىشلەپ بېرىش تەلىپىگە چۈشىدىكەن. مەلۇم بىر مۇتەخەسىسنىڭ كۆرسىتىشىچە، ھەرىكەت قىلماسلىق يۈرەك-قان تومۇر كېسەللىكىلىرى كېلىپ چىقىشىدىكى ئاساسلىق سەۋەبلەرنىڭ بىرى بولۇپ، قورامىغا يەتكەنلەرنىڭ ھەر كۈنى 30 مىنۇت ئەتراپىدا تېز يول يۈرۈپ بەرسە ئاستا خاراكتېرلىك كېسەللىكلەرنىڭ ئالدىنى ئالغىلى بولىدىغانلىقى تەۋسىيە قىلىنغان.

گۈللالە

مۇشۇ ئىككى يىلدا ئەڭ ئۇزاق ئولتۇرۋالدىغان بولدۇم.....................

مەرىپەت

بىزدەك ئۆرە تۇرۇپ دەرس سۆزلەيدىغانلارنىڭ ئۆمرى قانداق بولار؟...