جاپاكەش ئانام
                                                    
                                                           ئاپتۇرى:ئابلىكىم ھەسەن

                                                            تەڭنىدە نان توشۇيمەن
                                                            تونۇر بېشىغا.
                                                            ئاپتاپ مېنى زورلايدۇ
                                                            چۈشلۈك ئۇيقۇغا.
                                                            ئۇخلا دەيدۇ، ئۇخلا دەيدۇ،
                                                            «چىرت-چىرت»تومۇزغا.
                                                            ئانام تونۇر بېشىدا ،
                                                            ئۇخلاي نېمىشا!؟

                                                            يەڭلىك تۇتقان ئانامنىڭ
                                                            چىرايىغا قارىسام،
                                                           «تەرىڭىزنى لۆڭگىدە
                                                           سۈرتەيمۇ؟»دەپ سورىسام،
                                                           ناندەك قىزىل يۈزىگە
                                                           ئىللىق كۈلكە تولىدۇ.
                                                           ئېڭىشكەنچە يالقۇنغا،
                                                           نان قومۇرۇپ كېتىدۇ.
                                                           قومۇرۇلغان نانلارنى
                                                           قېقىپ-قېقىپ كېتىدۇ.
                                                          سۈرتۈپ بولۇپ نانلارنى
                                                          ماڭا سۇنۇپ بېرىدۇ.

                                                           نان دېگەننى تونۇرسىز
                                                           پىشۇرغىلى بولمامدۇ؟!
                                                          نان دېگەننى ئوتۇنسىز
                                                          پىشۇرغىلى بولمامدۇ؟!
                                                          نانمۇ كۆيسە ،ئاناممۇ
                                                          كۆيىدىكەن ئەمەسمۇ!

                                                          كىرپىكىڭىز كۆيۈپتۇ !
                                                         چاچلىرىڭڭىز كۆيۈپتۇ!
                                                        خۇددى نانمۇ كۆيگەندەك...
                                                        دەيسىز دائىم جېكىلەپ:
                                                       «نان ئۇۋىتما ،ئومىقىم،
                                                        يامان بولىدۇ،
                                                        ناننى سۆيگىن ،خورلىما،
                                                       خۇددى مېنى سۆيگەندەك!...

                                                       بىلسەڭ ،بالام ، بۇئوتۇن
                                                      جاڭگالدىكى بوۋاڭنىڭ
                                                      دۈمبىسىنى سۇندۇرغان .
                                                      بىلسەڭ ،بالام ،بۇ ئۇنلار
                                                      چوڭ داداڭنى جۈدەتكەن.
                                                      ئويۇنچى سۈر تەخەينى
                                                      بىريىلدىلا مۈكچەيتكەن.

                                                      لېكىن بالام ،ئاشۇ نان
                                                      كۈچلۈك قىلغان ھەممىنى.
                                                      ئەنە ئاتاڭ بازغاندا
                                                      يانجىماقتا تۆمۈرنى،
                                                      ئاكاڭ خاڭدىن ھارۋىدا
                                                      توشۇماقتا كۆمۈرنى.
                                                      ئەنە ھەدەڭ ساغماقتا
                                                     تۆت-بەش سېغىن كالىنى.

                                                     ئېيىتقىن بۇنچە يۈگۈرۈك،
                                                    جۇشقۇن قىلدى كىم سېنى ؟
                                                    بىلسەڭ ،بالام ،مۇشۇ نان
                                                    جۇشقۇن قىلغان ھەممىنى ...»

                                                     ***   ***    ***         ***
                                                     تەڭنىدە نان توشۇيمەن
                                                     تونۇر بېشىغا.  
                                                     تومۇز غىلار بىر تاتلىق
                                                     كەتتى ئۇيقۇغا.  

  دۇنيا ئانىلارنىڭ ئەجىرىدىن كۆكلىگەن ، ئانىلارسىز دۇنيا يىتىم .

بۇ ناھايىتى ياخشى يېزىلغان شېئىركەن ،ھەم ياخشى تىما يوللاپسىز،جاھاندا ئانىدىن ئۇلۇغ ئىنسان بولمىسا كىرەك .

ھەقىقەتەن ياخشى يېزىلغان شېئىر ئىكەن. ماڭا بەك يارىدى. يەنەبولسا يوللاپ تۇرۇڭ~~~~~~~!

   پادىشاھ -پالۋانلار -سەركەردە ئۈچۈن ،
                               تەڭرىدىن    قالسىلا  ،   ئانىلار ئۇلۇق .
                               ئۇلارنىڭ ئەجرىسىز پەرزەنىت يوق پۈتۈن ،
                               بالىدا ھەققى بار  ئانىنىڭ  تۇلۇق ....  .

ئانا ـــــ بىر ئۇلۇغ ئىنسان،ھەقىقى ئانىلارنى قانچە تەرىپلىسەكمۇ ئازلىق قىلىدۇ.ئانا دېسە،ھەممە يەر ـ جاھان،جۈملىدىن پۈتكۈل كائىناتمۇ تەۋرەيدۇ.بىزنى تۇغۇپ قاتارغا قوشقىچە نۇرغۇن جاپالارنى تاتسىمۇ ۋايسىمىغان ئانىلارنى قانچە تەرىپلىسەكمۇ ئازلىق قىلىدۇ.لېكىن مەن ھەر دائىم مۇشۇنداق مۇنبەرلەردە ئانا،دادا توغۇرلۇق يېزىلغان تېمىلارنى كۆرگىنىمدە كۆزلىرىمگە ئىختىيارسىز ياش كېلىدۇ.مېنىڭمۇ مۇشۇنداق بىر مېھرىبان ئاتا ـ ئانام بولسىچۇ دەپ يىغلايمەن.لېكىن مەن ئاتا ـ ئانىغا زار بولغانسىرى مەن ئاتا ـ ئانامدىن شۇنچىلىك يىراقلاپ كەتتىم.ئۇلارنى ئەسلىيەلەيدىغانلىقىمغىمۇ  بەزىدە ئىشەنمەيمەن؟ھۆرمەتلىك تېما ئېگىسى ئەجرىڭىزگە رەھمەت.ئەھمىيەتلىك تېمىلىرىڭىزنى مۇنبەردە داۋۋاملىق كۆرۈپ تۇرۇشنى ئۈمۈد قىلىمەن.

ئانا دىسەم مۇبارەك ئىسمىڭ،
تەھرارلىنار  ھەر كۈن لىۋىمدە.
ئانا دىسەم  يېنىمدا سەن يوق،
سەنسىز يۈرسەم قالدىم ئەلەمدە.

پۇل تاپقاندا ھەممە كىشى دوس،پەقەت ئانىلا نامىرات چىغىڭدىكى ئەڭ يىقىن ھەمراھ