ئۇيغۇر «قارا جەمئىيەت كاتتىبېشى»غا مۇددەتسىز قاماق جازاسى بېرىلدى

   «چاڭشا كەچلىك گېزىتى»نىڭ خەۋىرىگە قارىغاندا، شىنجاڭلىق قۇرامىغا يەتمىگەنلەرنى جىنايى ئىشلارغا سالىدىغان، قارا جەمئىيەت تۈسىنى ئالغان تەشكىلات دېلوسى ئۈستىدىن 21- نويابىر خۇنەن چاڭشا شەھەرلىك ئوتتۇرا خەلق سوت مەھكىمىسى ئوچۇق سوت ئېچىپ ھۆكۈم ئېلان قىلدى.(ئەكبەر قۇش) ئەكبەر ئەمەت قاتارلىق 42 جاۋابكارغا ئايرىم- ئايرىم مۇددەتسىز قاماق جازاسى ۋە مۇددەتلىك قاماق جازالىرى بېرىلدى.  
   بۇ دېلو ج خ مىنىستىرلىكى 公安部 نازارەتچىلىكىدە بېجىرىلگەن پەۋقۇلئاددە زور دېلو بولۇپ، بۇ جىنايەتچىلەر شايكىلىرى ئىچىدە .(ئەكبەر قۇش) ئەكبەر ئەمەت قاتارلىق بەش ئادەمگە مۇددەتسىز قاماق جازاسى، ئىككى ئادەمگە 20 يىللىق قاماق جازاسى، قالغانلىرىغا مۇددەتلىك قاماق جازالىرى بېرىلدى.
   باش جىنايەتچى ئەكبەر ئەمەت قارا جەمئىيەت تۈسىنى ئالغان تەشكىلات قۇرۇش ۋە ئۇنىڭغا باشچىلىق قىلىش جىنايىتى، قەستەن ئادەم يارىلاندۇرۇش جىنايىتى، ئوغرىلىق قىلىش جىنايىتى، قاقتى- سوقتى قىلىش جىنايىتى، قانۇنسىز قاماش جىنايىتى، قىمار ئويناش جىنايىتى قاتارلىق جىنايەتلەرنى ئۆتكۈزگەن بولۇپ، بىرنەچچە جىنايەتكە قوشۇپ جازالاش بويىچە مۇددەتسىز قاماق جازاسى بېرىپ، سىياسىي ھوقۇقىدىن ئۆمۈرۋايەت مەھرۇم قىلىش، 800 مىڭ يۈەن شەخسىي مال- مۈلكىنى مۇسادرە قىلىش ھەمدە 500 مىڭ يۈەن ئىشتىراپ قويۇش ھۆكۈم قىلىندى.
  
دېلو ئەسلەتمىسى:

   باش جىنايەتچى .(ئەكبەر قۇش)ئەكبەر ئەمەت بۇ يىل 44 ياشتا بولۇپ، ئاقسۇ ۋىلايىتىنىڭ كۇچا ناھىيىسىدىن. ئالدىنقى ئەسىرنىڭ 90- يىللىرىنىڭ باشلىرىدا ئەكبەر ئەمەت جىنايەتچىلەر گۇرۇھىنىڭ غوللۇق ئەزالىرى ئەمەر ئالاۋدۇن، تۇرغۇن توختى قاتارلىقلار بىلەن بىرلىشىپ، ئالداپ سېتىش، تەھدىت سېلىش قاتارلىق ۋاسىتىلەر ئارقىلىق شىنجاڭلىق قۇرامىغا يەتمىگەنلەرنى چاڭشا شەھىرىدە ئوغرىلىق، تارتىۋېلىش ھەرىكەتلىرىگە سالغان.  
   ساقچى دائىرىلىرىنىڭ تونۇشتۇرۇشىچە، ئەكبەر ئەمەت جىنايەتچىلەر گۇرۇھى 2000- يىلىدىن بۇيان ئىلگىرى- كېيىن بولۇپ 20 نەچچە ئاممىنى ئۇرۇپ يارىلاندۇرغان ھەمدە تۈرلۈك يوللار ئارقىلىق ھەر يىلى 1 مىليون يۈەندىن كۆپرەك قوغداش ھەققى ئالغان.
   2006- يىلى 25- مارت چاڭشا شەھەرلىك ج خ ئىدارىسى مەخسۇس دېلو گۇرۇپپىسى قۇرغان. شۇ يىلى 19- ئاپرېل ج خ مىنىستىرلىكى، خۇنەن ئۆلكىلىك ج خ نازارىتى ۋە شىنجاڭ ج خ داىرىلىرىنىڭ ماسلىشىشى بىلەن مەخسۇس دېلو گۇرۇپپىسى تۇتۇش ھەرىكىتىنى قانات يايدۇرۇپ، بۇ جىنايەتچىلەر گۇرۇھىنىڭ كاتتىبېشى ئەكبەر ئەمەت قاتارلىق 12 ئادەمنى بىراقلا تۇتقان، ئەڭ ئاخىرىدا جىنايەتچى ئۇنسۇرلاردىن 42 نى قانۇن بويىچە قولغا ئالغان.



مەنبە : خۇنەن ئۆلكىسى مەركىزى چاڭشا شەھرى كەچلىك گېزىتى

بەك ياخشى ئىش بوپتۇ. بۇنداق ئەبلەخلەرنى جازالاش كېرەك. قانچلىغان نارسىدە بالىلار مۇشۇ ھارامتاماقلارنىڭ قولىدا ۋەيران بولغاندۇ.

بۇ بىچچارىلە ئارقا ئىشىكنى خاتا ماڭغان چىغى .

   بولسا ئىچكىردىكى بالىلارنىڭ قايتىپ چىقىپ توغرا يوللاردا ئۆز يۇرتى ئۈچۈن  كىچىككىنەك بولسىمۇ ئەجىر قىلىشىنى سەمىمى ئۆتۈنۈپ تىلەيمەن .

تۇتۇلغىنى بىر ، قۇتۇلغىنى ........

ئۇلار ئوغرى ، قاراقچى ،
ناماز ئوقۇسا دىنىي ئەسەبىي ئونسۇر ،
سەل ئىش بىلىدىغان ئۇيغۇر بۆلگۈنچى ،
ھەرقانداق يوغان بېشىڭ بولسىمۇ قالپاق تەييار ،.....!!!!





ھـازىـر زەھـەرلـىـك چـېكـىـملـىـك ئـۇيـغـۇريـاشـلـىـرىـمـىـزدا بـارغانـسىرى ئـېغىر ئـىجتىمائىي ئاپەتكە ئايلانماقتا . . . . . . . . ، بۇ ئاپەت خەلقنىڭ ، مىللەتنىڭ ئۈمىدى بولغان ياشلىرىمىزنى بەختسىزلەر ، مەھبۇسلار ، ساراڭلار ، جەسەتلەر لاگىرىغا ئىتتىرمەكتە . شۇنى بېلىشىمىز كىرەككى مىللەتنى يالغۇز توپ - زەمبېرەكـلا ئەمەس . چېكىملىك نەيچىسى ، ئېچىملىك رومكىسى ، بىلەن بوزۇقچىلىقمۇ خار-زەبۇن قىلالايدۇ . . . . . . . . !!!؟؟؟

ئىچكىرى ئۆلكىلەردە ھالال تىجارەت قىلسا ھېچكىم توسمايدىغۇ،بىراق ئۆزىمىزنىڭ مىللىتى ئىچىدىن چىققان بىر قىسىم مۇناپىقلار ئۆزىمىزنىڭ بالىلىرىنى ئىچكىرىگە ئالداپ ئاپىرىپ سېتىپ ،خىرويىن ئېلىپ سېتىش،ئۇغۇرلۇققا سېلىش،ئىپپەت نۇمۇسنى سېتىش قاتارلىق نۇمۇسسىز قىلمىشلار بىلەن شۇغۇللۇنۇشقا مەجبۇر قىلىدۇ.بۇ خىلدىكى مۇناپىىقلارنىڭ كاساپىتىدىن شۇڭا ئىچكىرىگە بارغان ئۇيغۇرلار باشقا مىللەتلەر ئالدىدا سۇغۇق مۇئامىلىگە ئۇچرايدۇ ،ئۇلارنىڭ كۆزىگە شىنجاڭ ،ئۇيغۇر دىسە ھەممىسى <<ئوغرى ،يانچۇقچى،ئاقچى ،كۆكچى...........>>كۈرۈنۈپ كىتىدۇ شۇڭا بۇ خىلدىكى مۇناپىقلارغا مەملىكەت دائىرىسىدە كەڭ كۆلەملىك تازىلاش ئېلىپ بېرىلسا بۇلاتتى.

ئەگەر راس شۇنداق بولغان بولسا مۇددەتسىز قاماق جازا ئاز بوپ قاپتۇ

ئەزىز قېرىنداشلار ،دىنداشلار، دوستلار ، مىللەتداشلار ، تىلداشلار ، زامانداشلار:
بىز ئۇيغۇرلار بىر ئاز قىززىق قان كىلىمىز ، ھەم بۇقىزىققانلىق كۆپلىگەن ئىشلاردا ئىسپاتلاندى .ئىسپاتلىنىۋاتىدۇ.  ئەمدىكى مەسىلە شۇ ئۇيغۇرلارنىڭ ، مىللەتنىڭ كەلگۈسى بولغان ئۇيغۇر پەرزەنتلىرىنىڭ ، سەبىي ئوماق ئۇيغۇر بالىلارنىڭ ئەشۇنداق ھالغا چۈشۈپ قېلىشىدا باشقىلارنىڭ ، باشقا تائېپىلەرنىڭ رەزىل،ئىپلاست قوللىرى بارمۇ ؟ ئارقا كۆرىنىشى قانداق ؟. بىر قوللۇق پىلانلىق، رەزىل پىلانلار بىلەن بولىۋاتامدۇ ؟ ياكى ئۆزى خالاپ ئوغرى ، يانجۇقچى يەنە بىر نىمىچى بولۇپ قېلىۋاتامدۇ . ؟ كاللىمىزنى سىلكىپ ئويلىساق ئازىراق جاۋاپ چېقىشى مۆمكىن ........!!!!

ئىتنىڭ باللىرىنى ئىتىپلا تاشلىۋەتمەي ، بىكار قاماپ قويغىنىنى ！

ئۆزىمىزنى ئېتىراپ قىلايلى! __ ئەختەم ئۆمەر .

بۇ كاتتا خوش خەۋەركەن،ياخشى بوپتۇ.  

بوناھايتى خوش خەۋەرئىكەن.ئىتىۋەتمەي...ھەي.....

بۇ جىنايەتچىلەر ئۆزىمىزگە پايدىسىزلىقلار ئېلىپ كەلگەندىن سىرت ئۆزگىمۇ پايدىسىز ئەخلەت ھىسابلىنىدۇ . بۇ جىنايەتچىلەر قانچىلىغان ئۇيغۇر نارسىدىلىرىمىزنى ئالداپ كېتىپ جىنايەتچى قىلىپ جەمىيەتكە چىقاردى ؟ قانچىلىغان ھالال تىجارەت بىلەن شۇغۇللىنىۋاتقان چوڭ-كىچىك  تىجارەتچىلىرىمىزنى بۇلاپ تالىدى ؟ ئۇيغۇرنى ئىچكىرى ئۆلكىلەردە بىر تىينغا ئەرزىماس قىلىۋەتتى ! ئۇ مۇناپىقلار كومپارتىيەنىڭ جازاسىدىن باشقا يەنە ئاللانىڭ جازاسىغا ئۇچرايدۇ . ئەسلى شۇنىڭغا ئوخشاش باشلامچىلىرىنى چامما كىسەك قىلىپ ئۇ دۇنيالىق سوتقا تاپشۇرسا بولىدۇ .

ياخشى ئىش بولۇپتۇ ،لىكىن خوش بولمىدىم ،بۇلار پەقەت مىڭدىن بىرى ،ھارام يېگۈچىلەر تەل-توكۇس يوقالمىغىچە ھالال يىگۈچىلەرگە كۈن يوق !

مۇشۇنداق ئىپلاسلارنىڭ كاساپىتىدىن ئىچكىرىدە  شىنجاڭلىق دىسە ياتاقمۇ بەرمەيدىكەن ،،،،
بولسا  بىر ھەپتە قىيناپ ئۆلتۈرگەن بولسا بۇ ئىپلاسنى