قۇدرەت ئەلى
                                    كەچۈرۈڭ، قىزچاق
قىزچاق ،مېنى راستىنلا كەچۈرۈڭ.سىزنى سۆيەلمەيمەن.بۇ ‹‹سىزنى سۆيگۇم يوق ››دىگىنىم ئەمەس،بەلكى سىزنى سۆيۈشكە سالاھىتىم توشمايدۇ.چۈنكى مەن ئايالى ،ئىككى ئوغلى بار ،34ياشلىق، ئائىلىلىك ئەر.بىراق مەن سىزنى سۆيسەم بولمايدۇ...
مەن سىز بىلەن توردا ‹‹مۇنازىرە مۇنبىرى››دە تونۇشقان ، ئوخشاش قاراشلىرىمىز ئاخىرى بىزنى ئۇچرىشىشقا نىسىپ قىلدى.شۇنداق تەبئى،قائىدە –يۇسۇن ئىچىدە بىر نەچچە قېتىم ھەمسۆھبەتتە بولدۇق.مەن بۇنىڭدىن بەكمۇ خوشھال. بۇنىڭدىن كېيىن يەنە موشۇنداق ئۆتەلىسەك بۇ تولىمۇ ياخشى ئىش بولاتتى.بىراق مەن سىزنى سۆيسەم بولمايدۇ...
سىز ئالىي مەلۇماتلىق ،گۈزەل،پاراسىتىڭىز كۆلىرىڭىزدىن چىقىپ تۇرىدىغان،ھەر قانداق ئەركەكنىڭ ھوجۇدىغا ئوت ياقالىغۇدەك بىر قىز.سىزنىڭ گۈزەللىكىڭىز ئادەمدە مۇھاببەت ئويغاتسا،پەزىلىتىڭىز كىشىنى سۆيۈندۈرىدۇ.ئەڭ موھىمى مەن سىزنىڭ تولىمۇ ئەخلاقلىق ئىكەنلىكىڭىزنى تونۇپ يەتتىم.سىزدەك بىر قىزنىڭ مېنى ياخشى كۆرۈپ قالغانلىقىڭىزدىن مەن پەخىر ھىس قىلىمەن.بىراق مەن سىزنى سۆيسەم بولمايدۇ...
ھېلىمۇ ئېسىمدە،بىز دەسلەپتە ‹‹گۇڭگا شىېئىرلار ھەققىدە›› پىكىر ئىقتىلاپى قىلىشقاندۇق.ھەتتا بىر –بىرىمىزنى ‹‹...سىز ھىچنىمىنى بىلمەيدىكەنسىز ...›› دەپ تاكاللىشىپمۇ قالغاندۇق.لىكىن ئاخىرى پىكىرىمىز بىر نوقتىدا ئۇچرىشىپ قالغان چاغدا‹‹ئىلگىرى قىززىق قانلىق قىلغان››لىغىمىز ئۈچۈن ئەپۇمۇ سوراشتۇق.
يۈز تۇرانە كۆرۈشۈشكە مەن تەكلىپ قىلغان ئىدىم.ئەمدى سىزگە راست گەپنى دەۋىتەي؛مەن سىزنى ئەڭ سەمىمى مۇھاببىتىم بىلەن ياقتۇرۇپ قالغاندىم.سىز شۇنچە گۈزەل ھەم شۇنچە كەمتەر ئىدىڭىز.مەن سىزنى ياخشى كۆرۈپ قالغانسىرى ،سىزدىن ئۆزۈمنى تارتتىم.چۈنكى مەن سىزنى ياخشى كۆرۈپ قالسام بولمايتتى. چۈنكى مەن ئايالى ،ئىككى ئوغلى بار ،34ياشلىق، ئائىلىلىك ئەر ئىدىم.
مەن سىزنىڭمۇ مېنى سۆيىدىغانلىقىڭىزنى ،سىز ماڭا ئېيتىشتىن بۇرۇنلا ھىس قىلغان . ئەگەر ئىككىمىز بىرەر پىنھان جايدا ئۇچراشساق ،سىز ئۆزىڭىزنى تۇتىۋالغان تەقدىردىمۇ ،مەن ئۇنداق قىلالماسلىقىم مۇمكىن ئىدى.ئەقىلنىڭ دۈشمىنى ھىسيات،مەن بۇنى بىلىمەن.ئەگەر ئاشۇنداق چاغدا سىزگە چېقىلىپ سالسام ،مەن ئۆزۈمنى بىر ئۆمۈر كەچۈرەلمەسلىكىم مۇمكىن.ئەر كىشى دىگەن چوقۇم ئۆزى قىلغان ئىشقا ئۆزى ئىگە بولىشى كېرەك .ناۋادا شۇنداق ئىش يۈز بەرگەن بولسا مەن قانداق قىلار ئىدىم؟
ئايالىمنى قويىۋىتىپ سىزنى ئالامدىم،ياكى سىزگە يۈزسىزلىك قىلامدىم؟
مەن گەرچە ئايالىم بىلەن مۇھاببەتلىشىپ توي قىلمىغان بولساممۇ،ئۇنى ياخشى كۆرۈپ كەلدىم.ئەگەر ئۇنى ياخشى كۆرمىگەن ھالەتتىمۇ ،ئايالى بار ئەركەك تۇرۇپ،سىز بىلەن مۇھاببەتلەشسەم بولامدۇ؟ سىز ئايالىمنىڭ ئورنىدا تۇرۇپ ئويلىسىڭىز ئاندىن ھىس قىلىشىڭىز مۇمكىن.
مەن ئۆزۈمنى قاچۇرغانسىرى سىز تېخىمۇ ئەدەپ كەتتىڭىز.ھەر كۈنى مەن بىلەن تىلفۇندا كۆرۈشۈپ تۇرۇپ،يەنە يۈز تۇرانە كۆرۈشۈشنى تەلەپ قىلدىڭىز.ھەتتا ‹‹تۈنجى ۋە ئەڭ ئاخىرقى قېتىم...›› بىر قۇچاقلىۋالماقچى بولدىڭىز .بىراق مەن قوشۇلمىدىم.سىز يىغلىدىڭىز...مەن ئىشىنىمەن،سىز  بۇ يىغا ئارقىلىق مەڭگۈلۈك يىغىنىڭ ئالدىنى ئالالايسىز.مەنمۇ ھەم شۇ.
قىزچاق ،مېنى راستىنلا كەچۈرۈڭ.سىزنى سۆيەلمەيمەن.بۇ ‹‹سىزنى سۆيگۇم يوق ››دىگىنىم ئەمەس،بەلكى سىزنى سۆيۈشكە سالاھىتىم توشمايدۇ.چۈنكى مەن ئايالى ،ئىككى ئوغلى بار ،34ياشلىق، ئائىلىلىك ئەر.بىراق مەن سىزنى سۆيسەم بولمايدۇ...
مەن ئەسلى بۇگەپلەرنى سىزگە يۈز تۇرانە ئېيتاي دىگەن.لىكىن سىزنىڭ قىزلىق غورورىڭىزغا تىگىپ قويۇشتىن ئېھتىيات قىلىپ تورغا يوللىدىم.سىزنىڭ توردىكى ئەسەرلەرنى ئالا قويماي كۆرىدىغانلىقىڭىزنى بىلىمەن .سىز بۇنى بىر ئاكىنىڭ نەسھىتى دەپ بىلگەيسىز.خوش،سىزگە ئامانلىق تىلەيمەن.

توۋا
   توردىكى ئازغۇنلۇقنىمۇ بوش چاغلىغىلى بول مايدىكەن جۇمۇ ؟
   لىكىن نۇرغۇن ئىشلاردا دىققەت قىلساقلا خاتالىقلاردىن ساقلىنا لايمىز .

  راسلا مەزمۇنلۇق بوپتۇ..      ئاخىرىدا تىخى بىر ئاكىنىڭ نەسھىتى دەپ
   بىلگەيسىز ؛؛؛؛؛؛؛    مىنىڭمۇ بىر دوستۇمغا مۇشۇنداق دىگۇم كىلىۋاتىدۇ.
    (باشقىلارنىڭ چاپىنىدا تەرلەش ياخشى ئىش ئەمەس)   شۇنداق بولسىمۇ
   بۇنى مىنى يازدى دەپ ئويلىسىڭىز مەن بەكمۇ خۇرسەن بولاتتىم.

كەچۈرۈشى مومكىن ...........................

مىنىڭچە كەچۈرىدۇ...
يامان نىيەتلىك بولمىسىلا.

   نىمە دىگۈلۈك ؟ توردىكى مۇھەببەت ئاخىرى ئادەمنى يىغلىتىپ قويىدىكەن ......  

سىز بۇنى بىر ئاكىنىڭ نەسھىتى دەپ بىلگەيسىز.خوش،سىزگە ئامانلىق تىلەيمەن.

ئەركەكتەك گەپ قىپسىز !

(يايلاق)يارايسېز    جېڭ  ئەركەكلەرنېڭ   خېىسلېتې   باركەن    مانې   غۇرۇر  دەيمېز..............................!

              

مېنىڭچە ئۇ قىز سىزنى كەچۈرۈشى كېرەك.
كۆڭۈل شۇنداق بەڭۋاش نەرسە. ئەگەر ئۇ قىز راستىنلا سىز ئېيتىغاندەك بولسا سىزنى كەچۈرىدۇ.سىز باشتا ئۇنىڭ بىلەن تۇنۇشغاندا ئۇنىڭغا ئائىلىڭىز  بارلىقىنى بىلدۇرگەندىلا ئۇ قىز قەلبىدىكى سىزگە بولغان مۇھەببەتنى مەڭگۈگە ئۇنتۇپ كېتىشى ياكى قەلبىدە ساقلىشى كېرەك ئىدى.

مۇھەببەت بەزىدە ئادەمنى شۇنداق قىلىپ قويىدۇ، ئەمما ئەقلىي تەپەككۇر قىلغاندا بۇ ئىشلار ناھايتى ئاسانلا ھەل بولۇش باسقۇچىغا يىتىدۇ، ئەمما بۇ ئىنتايىن تەس ھەم كىشىلىك ھاياتتىكى بىر سىناق. ئۇ قىز چوقۇم سىزنى كەچۈرىۋېتىدۇ، چۈنكى سىزنىڭ تەسۋىرلىشىڭىزدىن ئىنتايىن ئەقىللىق قىزدەك كۆرىنىدۇ.

ناھايىتى ياخشى يېزىپسىز.قەلمىڭىز ھىرىپ قالمىغاي