قىرىققا ئۇلاشتى ياش،كەچمىشىم قايان؟!
ئۇپۇققا تۇتاشقان يول،مەنزىلىم قايان؟!
سۆيگۈم بىر شاقىراتما ، ساداسى قايان؟!
قانات قاقار خىيالىم،ئەيلەر نە بايان؟!

**************************************
ياشلىقنىڭ پەيزى بىرلە،كۈۋەجەيدۇ قان،
تار كېلۇر كۆكرەك قەپەس،يۈرۈك ئوخچىغان.
نىداسى بۇلبۇل گويا،سۆيگۈگە  تولغان،
مەكتۇپ يازسام گۈل ئۈچۈن،شامال توختىغان.

مەكتۇپ ئېلىپ شاماللار ،گۈلگە ئۇچرىغان،
گۈل سىلكىنىپ بەرگىدە،يۈركى توختىغان.
سۆيگۈ تامغان پىراقتا ، كۆزنى  ياشلىغان،
چەشمە تىزىپ بەرگىدىن،جاۋاپ ئوخچىغان.

ئاي كۈلۈپتۇ لىۋىدە ، كۆڭۈللەر  تىنىپ،
پانۇس ياساپ قۇياشتىن،خانىگە ئېسىپ.
كۈتىۋالدى دىلرابا،مىڭ جانى بىلەن،
مارجان قىلىپ شەبنەمنى،بوينۇمغا ئېسىپ.

تۈنلەر تاڭغا يول ئاچتى،تاڭلارمۇ تۈنگە،
ئەسىر شۇ دەم سۆيگۈگە،بارچە مەۋجۇتلۇق،
ئېقىنلاپ  ئاقتى  تاغ ، يوللار گۈل-چىمەن،
ئۆزگەرگەن مەيىن شامالغا،شىۋىرغا-جۇتلۇق.

رىۋايەت تۈسىگە كىرىپ،كەڭ كائىنات،
ھۆر-پەرىلەر خىزمەتتە،قىلىشار ھەۋەس.
نىكاھقا يىتىپ سائەت،كەلدى پەيغەمبەر،
مىھرىمدىن ئىككى ئوغۇل،تامدى ھەم-نەپەس.

ياخشى يېزىلىپتۇ .ئۇزىڭىز يازدىڭىزمۇ ياكى...........!         

ئەلبەتتە ئۆزەم يازدىم،رەھمەت

بەك ياخشى يېزىلغان شېئىر ئىكەن. يەنە بولسا يوللاپ تۇرارسىز~~~~~~~!
رەھمەت سىزگە.