باغۋەنمەن -مۇئەللىممەن
ئاپتۇر :كامىلجان ناسىر(دىلداش)
باغۋەنمەن مۇئەللىممەن،
بەختىمدۇر مىنىڭ كەسپىم.
ئەجرىمدىن ئاۋام كۈلسە،
بۇ منىڭ بۈيۈك پەخرىم.
باغۋەنمەن مۇئەللىممەن،
ئارمىنىم ھامان ئەۋلات.
غايەمدە سۈزۈك چاقنار،
تۆھپىكار بۈيۈك ئەجدات.
باغۋەنمەن مۇئەللىممەن،
ئەجرىمدىن كۈلۈپ ئۆتسەم.
پەن شەيداسى ئەۋلادقا،
مېھرىمنى تۈكۈپ ئۆتسەم.
باغۋەنمەن مۇئەللىممەن،
كەسپىمدىن زەپەر قۇچسام.
غەپلەتلىك نادان دىلغا،
بىلىمدىن چېراق يۇتسام.
كۈنلەر شۇنداق ئۆتىۋاتىدۇ
خەقنى دوراپ يۈرىۋاتىمىز،
خىيال سۈرۈپ كۈلىۋاتىمىز.
ئەجىر قىلماي ئەۋلادلار ئۈچۈن،
ماختىنىپلا يۈرىۋاتىمىز .
كۈن ئۆتكۈزدۇق ھاراقنى ئىچىپ،
مەسىت بۇلۇشتۇق ،ياخشىدىن كىچىپ.
ئۇيۇن دىسە بارىمىز ئەۋۋەل ،
ئۈگۈنۈشتىن يۈرۈيمىز قىچىپ .
كۈنلەر شۇنداق ئۆتىۋاتىدۇ ،
بىزنى دەۋىر كۈتىۋاتىدۇ.
ئويلىنايلى تەقدىر ئۈستىدە،
دىل غەپلەتتە يىتىۋاتىدۇ.
قەدىرلەيلى كۈنلەرنى ھامان،
ئۈگۈنەيلى بارساق ھەر قايان.
ئەجىر قىلغان يايرايدۇ كۈلۈپ،
ئەجىر سىزگە يوقتۇر ھىچ ھايان.
تۈگەشمەيدۇ ئانا تىل
تۈگىمىسە مىلىلىتم ،
تۈگەشمەيدۇ ئانا تىل.
قەدىرلىسە غۇرۇردا ،
ياشاپ بارار تۈمەن يىل.
ئانا تىلدۇر مىللەتنىڭ،
ئىپتىخارى -غۇرۇرى .
شان -شەۋكىتى پەخىرلىك،
زور قىممىتى ھۇزۇرى.
ئېزىزلىساق يۈرەكتىن،
قەدىرلىسەك ھۆرمەتتە.
تىلىمىزدىن ھەر قاچان،
چۈشۈرمىسەك پۇرسەتتە.
ئۇنۇتمىساق ۋىژداندىن،
ئەۋلاتلارغا ئۈگەتسەك.
ئەبجەش قىلسا ئەۋلاتلار،
نادانىلىق دەپ تۈزەتسەك.
تۈگەشمەيدۇ تىلىمىز ،
قەدىرلىسەك ھەممىمىز.
ئانا تىلغا ھەقىقى ،
بولسا ئىخلاس ئىشقىمىز.
نامەرد
«توڭدۇم» دېسەڭ بەردىم چاپاننى،
«مەنپەت» دېسەڭ بەردىم ھاياننى.
يىتۈك بولدۇم ھەر دەم سەن ئۈچۈن ،
تۇنۇتتۇم ھەم ياخشى -ياماننى.
ئىخلاس قىلدىم مېھىرىم بېغىشلاپ،
ئۆتتۈم سېنى ھەتتا ھاپاشلاپ .
ساداقەتنى شۇنداق ساقلىدىم ،
ئايىماستىن يېنىش - يېنىشلاپ .
تىللىساڭمۇ قاخشاپ كەتمىدىم،
ۋاپاسىز دەپ «تالاق» ئەتمىدىم.
جانان بىلدىم «جانانىم» دېسەڭ،
سەندىن ئۆزگە قانان كۈتمىدىم .
ئاتىغاندەك كۆڭۈل مېھرىمنى،
سەن بەرمىدىڭ ماڭا مېھرىڭنى.
ئەسلىدىنلا نامەرد ئىكەنسەن،
چۈشەندىم چىن ئىچكى سىرىڭنى.
ساداقەتنىڭ گۈلى بول
ئاي ئەگىيدۇ بېشىمدىن ،
كۈن ئەگىيدۇ بېشىمدىن.
رەشىكلەردىن ئۆرتەندىم.
سەن ئۆتمەمسەن قېشىمدىن.
گۈل بەرگىدە شەبنەمدەك ،
يۈرىكىمدە چاقنايسەن .
كۆز ياشلىرىم بىر دەريا ،
بېلىق بۇلۇپ ئاقمايسەن .
قارچۇغۇمدا ئەكسىڭ بار ،
دىلدا چەكسىز مېھرىڭ بار.
خىيالىمدا شۇ سۆيگۈڭ ،
پەرىزاتتەك سېھرىڭ بار .
ئاشىقىڭ مەن بىر ئۆمۈر ،
ساداقەتنىڭ گۈلى بول .
پاك سۆيگۈنى كۈيلىگەن،
ئاشىق بۇلبۇل كۈيى بول .
سەھرا قىزلىرى
مېھنەتكە ئاشىق تامادىن يىراق،
چېھرى گويا ئاي پاك قەلبى دەريا.
ھەۋەس قىلمىغاچ سۈنئى گىرىمغا ،
ئەجرىدىن دىلنى قىلار مەھلىيا .
ھارمايدۇ ئىشلەپ ئېتىز باغرىدا،
مول ھۇسۇل ئېلىش ئارزۇ- تىلىكى.
يەرگە مېھمرى زور جانان مېھرىدەك،
تالمايدۇ شۇڭا بىر جۈپ بىلىكى .
ئەجرىگە باقسام چېھرىگە كۆيمەي،
قالدى يۈرەكتە سانسىز ئىزلىرى.
چېھرىدىن ئۆرلەپ تۇرسىمۇ توپا،
ئۇتتى مەيلىمنى سەھرا قىزلىرى.
ئەقىدەڭگە ئاشىقمەن
گۈزەل بولماق ئويىدا ،
تەلەپ قويۇپ ئۆزەڭگە.
يۈزلىرىڭنى پەدازلاپ،
سۈرمە -سۈرمە كۆزۈڭگە.
ھەۋەس قىلما كىيىمگە،
ئەجرىڭ بىلەن گۈزەل بول.
ئەل ئىشىغا تۆكۈپ تەر،
ئەل ئاغزىدا غەزەل بول.
ئەقىدەڭگە ئاشىقمەن ،
چىرايىڭغا كۆيمەيمەن .
ھۆسنى گۈزەل قەلبى سەت،
نادانلارنى سۆيمەيمەن.
ئىچىنىش
ھەر بىر باقسام سىياقىڭغا بۇرادەر،
دىلنى ئۆرتەر ئىچىنىشلىق غەزەپلەر.
كۈرۈنمەيدۇ ئىنسان سۈپەت سىياقىڭ،
قايان كەتتى سىنىڭدىكى ئەدەپلەر .
«خىروئېن» ۋە ھاراق بىلەن يايرايسەن،
كۈندە ئىشرەت،كەچتە تانسا ئوينايسەن.
ئاتا - ئاناڭ بىساتىنى بارىنى ،
خەجلەپ بولدۇڭ، يا ئۇيۇنغا تويمايسەن.
نەزەر سالغىن ئېزىز دوستۇم ئالەمگە ،
ئۆمۈر دىگەن باقى ئەمەس ئادەمگە .
ئويلاپ قۇيغىن ئۆزەڭنى ھەم ئەۋلاتنى،
قالماي دىسەڭ ئاقىۋىتى ماتەمگە.
پەخرىمسەن گۈزەل قەشقەر
پەخرىمسەن گۈزەل قەشقەر،
گۈللەندىڭ تىپىپ نۇسرەت.
ھەر باقسام جامالىڭغا ،
قەلبىمدە يانار ھۆرمەت .
مەھلىيا قىلار دىلنى ،
گۈللەنگەن گۈزەل چېھرىڭ.
شەنىڭگە ياغار ئالقىش ،
سىڭگەچ ئەل ئۈچۈن مېھرىڭ.
ياڭرايدۇ ھامان ناخشام ،
كۈيلىسەم سېنى قانچە .
قەلبىمدە قىيان ئىشقىڭ ،
ھۆرمىتىم ئاشار شۇنچە .
بۈركۈتتەك قانات قاققىن ،
يۈكسېلىپ جاسارەتتە.
گۈللەيمىز سىنى ھەردەم،
دىلدىن زور مۇھەببەتتە.
رۇزى سايىت دىللاردا ھايات
دىھقان ئۈچۈن كۆيگەن يۈرەكتىن،
نەزمە پۈتكەن ئوتلۇق تىلەكتىن .
پەخىرلەنگەن ئىشچان زىرەكتىن ،
رۇزى سايىت دىللاردا ھايات .
ئۈمۈد باغلاپ دىھقانغا دىلدىن ،
تەرىپىنى چۈشۈرمەي تىلدىن .
يانماي ئۆتكەن بۈيۈك مەنزىلدىن.
رۇزى سايىت دىللاردا ھايات .
دىھقان كۈلسەزوقلۇنۇپ كۈلگەن ،
گەر يىغلىسا مۇڭىغا چۆككەن .
ئاھ ، زارىنى ئاۋامغا تۆككەن ،
رۇزى سايىت دىللاردا ھايات .
ئەجىركەشنىڭ ئەجرىنى بىلگەن ،
كۆڭۈللەردە گۈل بۇلۇپ ئۈنگەن .
ھاياتتىكى تەسلىككە كۆنگەن ،
رۇزى سايىت دىللاردا ھايات .
كىم سۈيۈنمەس تۆھپىكارىدىن ،
پەخىرلىنىپ دىلدا بارىدىن .
گەر كەتسىمۇ زىمىن پانىدىن ،
رۇزى سايىت دىللاردا ھايات .
ئاي سەنەم
ئايپەرىدىن تۇغۇلغانمۇسەن ،
ئايغا ئوخشاش گۇزەل ئايسەنەم .
ئاي ئېگىلدى قەددىڭنى كۆرۇپ ،
ئىگىلمىسۇن ساڭا قاي سەنەم .
ئاي دىڭكىچە خىلۋەت كۇلبەمدە ،
چاڭقاق ھىسلار تۇغيان دىلىمدا .
بەخىت كەبى كۇلۇم سىرەيسەن ،
بەخىتسىز شۇ مىسرالىرىمدا .
نە ئەجەپكى مىسكىن قەلبىمنىڭ ،
تىڭى زۇلمەت تىڭىدۇر يورۇق .
شۇ سەۋەپتىن ئۇنۇتساڭمۇ سەن ،
سىنى ھەرگىز ئۇنتۇغۇنۇم يوق .
ساداقەتنىڭ گۇلى بول
ئاي ئەگىيدۇ بىشىمدىن ،
كۇن ئەگىيدۇ بىشىمدىن .
رەشىكلەردىن ئۆرتەندىم ،
سەن ئوتمەيسەن قىشىمدىن .
گۈلبەرگىدە شەبنەمدەك ،
يۇرۇكۇمدە چاقنايسەن .
كۆز ياشلىرىم بىر دەريا ،
بىلىق بولۇپ ئاقمايسەن .
قارچۇغۇمدا ئەكسىڭ بار ،
دىلدا چەكسىز مىھرىڭ بار .
خىيالىمدا شۇ سۆيگۈڭ،
پەرىزاتتەك سېھرىڭ بار .
ئاشىقىڭمەن بىر ئۆمۇر ،
ساداقەتنىڭ گۈلى بول .
پاك سۆيگۈنى كۇيلىگەن ،
ئاشىق بۇلبۇل كۇيى بول .
تىلەك
قەدىمىڭنى كۇتەر مەھەللەم ،
زىمىستانلار تەشنا باھارغا .
قۇلاق سىلىپ باقتىڭمۇ جىنىم ،
ئاشىقىڭنىڭ ئاھۇ زارىغا .
سالامىڭغا چىرماشقان شامال ،
يىرىم يولدا قاپتىمۇ ھېرىپ .
كۇتۇش بىلەن ئۆرتۇنۇپ يۇرەك ،
يەتتى تاقەت چېكىگە بېرىپ .
لىكىن يەنە تىلەيمەن تاقات ،
بىلىم بىلەن كۇشلەنگىن ئەركەم .
دىل رىشتىم ھەم ئىشەنچەم سەندە ،
ساداقەتنى دىلدا تۇت مەھكەم .
يۇرۇكۇمگە بىرىپ تەسەللى ،
سالامىڭنى يىزىپ بىر ئەۋەت .
پەن بىلىمدە ئۆركەشلە ئالغا ،
كۇتۇشلىرىم ئەيلىسۇن مەدەت .
سەھراغىمۇ كىلىپ كەت
(راۋاپ قوشىقى)
ياشاۋەرمەي شەھەردە ،
سەھراغىمۇ كىلىپ كەت.
ساپ ھاۋادىن،ناۋادىن،
سەنمۇ ھۇزۇر ئېلىپ كەت.
ئاسغالىتتۇر يوللىرى ،
پورەك ئاچقان گۈللىرى.
ئىشلەپ ھارماس قوللىرى،
كۈندە سەيلە قىلىپ كەت.
تۇرمۇشىمىز پاراۋان،
ئىسلاھاتتىن كۈلدى جان.
ئامەت دىگەن قوش ھامان،
بۇ سىرلارنى بىلىپ كەت .
قايناق ھايات شوخ ھايات،
غەم -ئەندىشە يوق ھايات.
باياشادلىق -تۇق ھايات .
باغرىغا ئىز سىلىپ كەت .
سۆيگۈگە باي ناخشىلار ،
پاك سۆيگۈنى پاش قىلار .
كۆپتۇر شۇنچە ياخشىلار ،
ياخشىلاردىن كۈلۈپ كەت.
ياشناي دىسەڭ ئەگەردە ،
يۈرىۋەرمەي شەھەردە .
سالامىمنى شەھەرگە ،
خۇشال _خۇرام ئىلىپ كەت .
ئۈمىدتە مەن سۈيەلمىسەممۇ
سۆيىمەن دەپ يۈردۈم تامادا ،
گەرچە سىنى سۈيەلمىسەممۇ .
ئازاپلاردا زارىقىپ شۇنچگە ،
سىرلىرىڭنى بىلەلمىسەممۇ .
ئويلىغانچە چۆكىمەن غەمگە،
بولغاچ ماڭا ۋىسالىڭ يىراق .
سەن پەرۋاسىز ياشاپ كەلدىڭغۇ؟
يۈرىكىمدە تۇرسا ئىشتىياق .
ياش قۇشۇلار يىشىمغا ئەتە ،
تەقدىرىمدىن كىمەيدى بىر ياش.
ۋاقىت بىزگە قاراپ تۇرمايدۇ ،
ئۆتۈپ بارار شۇنچە ئالدىراش.
پورسەتلەرنى كۈتىمەن يەنە،
جاۋابىڭغا بۇلۇپ ئىنتىزار.
بۈگۈن يىلنىڭ ئاخىرقى كۈنى،
جاۋاپ بەرگىن بولسا ئىختىيار.
ئايرىلىش
ئارقامغا داجىدىم يەنە بىر قەدەم،
تىترىدىم سۆيگۈنىڭ ئالدىدا غال-غال.
سۆيگۈ دەپ ئۆلمەكچى بولغانلىقىمنى،
بىلمەيسەن- بىلمەيسەن مەڭگۈ ئېھتىمال.
تۇرىمەن ئالدىڭدا جەسەتكە ئوخشاش ،
سەنمۇ ھەم مەن ئۈچۈن بىر جەسەت گويا.
باھاردەك قەلبىڭنى كەزسەممۇ مىڭ يىل،
ئۆلۈمدەك بىر سۆيگۈ ماڭا تۇتىيا.
«خوش» دىيىش ئازاپلىق بولسىمۇ گەرچە،
بىلىمەن ئايرىلىش قىيىندۇر -قىيىن.
سۆيگۈمىز قېپقالسۇن ئۇلۇغ پېتىچە،
قىلمايلى نەرقنى ئۇنۇڭ بىر تىيىن .
قىرىساممۇ سۆيگۈم ياش
چاقچاق قىلسام سىزگە ئۇماق قىز ،
ئەجەپمۇ كۆپ كەتىڭىز كايىپ.
سۆزىڭىزنىڭ يەكۈنى بولدى:
- قېرىدىڭ سەن سۆيگۈڭمۇ راھىپ.
دۇرۇس،چېچېم،ساقىلىم ئاپپاق،
چىرايىممۇ بوۋاي سىياقى.
چاقچىقىمغا بەرمەڭ رەددىيە ،
مەندە ئويغاق سۆيگۈ پىراقى .
گەرچە ئادەم قېرىپ كەتسىمۇ ،
قېرىمايدۇ سۆيگۈسى پەقەت .
قېرىغانچە يالقۇنلاپ بارار ،
ئالدىراپلا ئوقىماڭ لەننەت .
ئىنسان قىممىتى
ئىنساننىڭ قىممىتى ئەمەس بايلىقتا،
بىلىم ۋە ھۆنەردۇر ئىنسانغا قانات .
ھەقىقى بايلىقتۇر بىلسەڭ بۇرادەر ،
بىلىم ۋە ھۆنەردە قەدىرلىك ھايات.
بەزىلەر بايلىقنى مۇقەددەس بىلىپ،
ئۇنتۇيدۇ ھەممىنى قەدىر قىممەتنى.
يىراقلاپ ئادىمى خىسلەت غۇرۇردىن،
قولىدىن كەتكۈزۈپ بارار پۇرسەتنى.
ھاياتتا ھالاللىق بولسۇن مىزانىڭ ،
پاراسەت- ئەقلىڭدىن تاپقايسەن بىسات.
يۇقاتما قەدرىڭنى ئۇلۇقلۇقۇڭنى ،
يۇقاتساڭ بۇلۇدۇ تارىخىڭ كاسات .
قان قۇسسۇن كۆرەلمەسلەر
قان قۇسسۇن كۆرەلمەسلەر،
ئەسلىنى بىلەلمەسلەر .
ئازاپلىق ھامان قەلبى ،
خۇش يايراپ يۈرەلمەسلەر.
قان قۇسسۇن كۆرەلمەسلەر،
غۇرۇرنى بىلەلمەسلەر .
مىللەتكە بۇلۇپ خائېن ،
نام-شۆھرەت بىرەلمەسلەر.
قان قۇسسۇن كۆرەلمەسلەر،
نەسلىنى چۈشەنمەسلەر .
دوستىغا قۇرار قاپقان ،
ھەقلىقە ئىشەنمەسلەر.
قان قۇسسۇن كۆرەلمەسلەر،
ئەجىرلىك يۈرەلمەسلەر.
كۆيدۈرگە بۇلۇپ ئەلگە ،
ئاراملىق بىرەلمەسلەر.
ئۇيغۇر ئوغلىمەن
ھېسلارغا باي ئۇيغۇر ئوغلىمەن،
قەلبىمدە بار يۈكسەك جاسارەت.
پاك ۋىژدانىم رولچىم - يىتەكچىم،
تۇسالمايدۇ غەپلەت،پالاكەت .
بولغاچ مەندە ئەجدادىم قېنى ،
جەسۇر بىر روھ ھەمرادۇر ماڭا .
ئانا دىيار جەننەتۇر -جەننەت ،
چىمدىم تۇپراق گويا تۇتىيا .
خىيالىمدا سەن ئانا دىيار ،
سەنلا مېنىڭ سۆيگۈ قۇياشىم.
زەررىلىرىڭ كۆكلىتەر ھامان ،
زەررىلەردىن تاج كەيدى باشىم.
ئەل ئۆستۈردى مېىنى باغرىدا ،
ۋۇجۇدۇمغا كۈچ _ قۇۋەت بېرىپ.
ئالغا بېسىپ ئەجدات ئىزىدىن ،
توسقۇنلارنى ئۆتىمەن يېرىپ .
ئانا
خىسلەتلىرىڭ بىر داستان، ئانا ،
مېرىڭ گويا كەڭ ئاسمان ، ئانا .
ئەجرىڭ بىلەن دىل بوستان، ئانا،
مەن سەن ئۈچۈن بىر گۈلخان ،ئانا.
پەخىرلىكمەن ئەجرىڭدىن ،ئانا،
جانلار كۈلگەچ بەھرىڭدىن،ئانا.
ئەنداز ئالغان گۈزەللىك سەندىن،
سۈيۈملىكسەن مېھرىڭدىن ئانا .
رىزا ئەتمەك ئەھدىم سەن ،ئانا،
كۈلسەڭ تەڭلا كۈلىمەن ،ئانا .
سەجدىگاھېم بىر ئۆزۈڭ تەنھا ،
ئارمانىڭنى بىلىمەن ، ئانا.
ھايات قەدرى
ھاياتنىڭ قەدرىگە يەتكىن،
بېھۇدە ئۆتمىسۇن ۋاقتىڭ .
ئەجىر قىلساڭ تۈكۈپ ئۈنچە،
چېچەكلەپ گۈللىگەي بەختىڭ.
ھايات گويا كۆچەت بىلسەڭ ،
ئەجىر قىل مېۋىسى تاتلىق.
ۋەتەن خەلقىڭگە بەر مېۋە ،
كېلەر شۇندا ساڭا شاتلىق.
ھاياتىڭ دىلرەبا زۆھرە ،
ئۇنىڭ ئېشقىدا بول تاھىر.
ھاياتنى سۆيمىسەڭ شۇنداق،
پۇشايمان قىلىسەن ئاخىر.
ئانا تىلىم جان تىلىم
(راۋاپ قۇشقى)
ھۆرمىتىمدە پەخىرلىك ،
ئانا تىلىم جان تىلىم .
مەدەنىيەت تەختىدە ،
بۈيۈك سۇلتان خان تىلىم .
سىنىڭ بىلەن ئالەمدە ،
قەدىر تاپتۇق زوقلاندۇق.
تۆھپىلەردىن تارىختىن ،
مەغرۇرانە روھلاندۇق .
ئۇشبۇ سۆزۈم دەلىلى :
داڭلىق ئۇيغۇر مۇقامى .
ئانا تىلدىن پۈتۈلگەن ،
ھەر بىر بېيىت،ئاھاڭى .
ئۇيغۇر دىگەن ئىسىمنى ،
كەڭ جاھانغا تۇنۇتتى.
ئەۋلاتلارنىڭ قەلبىنى،
شان-شەرەپتىن يۇرۇتتى.
ھېمىتىدىن نەسلىمىز ،
پەخىرلەندى ئالەمگە
ئانا تىلنى ئۈگەنمەك ،
پەرىز ھەر بىر ئادەمگە .
تىل كۆكىدە چاقنىغان،
بوۋام مەھمۇد قەشقىرى.
تارىخلارغا نەزەر سال ،
پارلاپ تۇرار تەسۋىرى.
كۆز يۇمالماس ھەقىقەت،
ئانا تىلىم ئۇلۇق تىل.
رىقابەتتىن قالمايسەن،
ئۈگەن ھەردەم تۇلۇق بىل،
شەرەپ قۇچتى كىم بىزدەك-
تىلى بىلەن جاھانغا ؟
تارىخلارغا نەزەر سال -
ھەر بىر دەۋىر-زامانغا .
يۇقالمايدۇ تىلىمىز ،
ئۇلۇقلىنار ئەبەتكە.
خار كۆرگەنلەر مەھكۇمدۇر،
ئەۋلاتلاردىن لەنەتكە .
خىسلەتلەرنىڭ دەستۇرى،
ئانا تىلىم جان تىلىم .
ئۇلۇقلۇنار سۆيگۈدىن ،
تۇمۇرۇمدا قان تىلىم .
ياشا ئەبەت جان تىلىم ،
سەن نەسلىمنىڭ غۇرۇرى.
تەلپۈنىدۇ سەن ئۈچۈن ،
ئۇيغۇرۇمنىڭ ۋۇجۇدى.
گۈزەللىككە مۇھتاج بۇ ئالەم
شۇنچە گۈزەل سەبى يۈرەكلەر ،
شۇنچە گۈزەل ئوتلۇق تىلەكلەر .
شۇنچە گۈزەل -گۈزەل كۈيلەردىن ،
پۇرەك ئاچقان رەڭدار چېچەكلەر .
گۈزەللىك سىن قۇشار ھاياتقا ،
گۈزەللىك ئۇ،شادلىققا ھاتەم .
مۇھتاج ئاڭا ھامان بۇ ئالەم ،
گۈزەللىكنىڭ شاھىدۇر ئالەم .
يەر شارىنىڭ گۈزەللىكى بىز ،
گۈزەللىككە ئىنتىلەيلى تەڭ .
چىن ھەقىقى ئىنسان بىز ئەبەت،
مېھنەت ئۈچۈن تۈرەلىسەك يەڭ .
شەكلەنمىگىن سۆيگىمدىن
ئىزدەپ يۈرسەم سەندىن ئۆزۈمنى،
سەن ئۆزۈڭنى ئىزدەيسەن كىمدىن؟
كۈزەتتىڭمۇ مىنى بىرەر رەت،
تىلەپ كەلسەم سىنى ئىشقىمدىن.
سەن ئۆزۈڭنى ئىزدىمە ئەمدى،
يۈرۈگۇمدە باردۇر سۈرىتىڭ.
ئەقىدەمدىن چىرىپ يوقالسۈن،
قەلبىڭدىكى تالاي ھەسرىتىڭ.
شەكلەنمىگىن ئوتلۇق سۆيگۈمدىن،
چۈشكۈنلۇكلەر يوقالسۇن يىراق.
يۈرەكلەرنى جۈپلەيلى ئەمدى،
كۆڭلۈمدە كۆپ سەن ئۈچۈن پىراق.
مەڭگۈلۈك چاقچاق
كەچمىشلەرگە تاشلىساڭ نەزەر ،
تۇيۇلارمەن ساڭا بىر ئەخماق .
ئاشىقلىقىم ئۇقتۇردى شۇنى ،
سۆيگۈڭ ماڭا مەڭگۈلۈك چاقچاق.
بۇسۇغىدا يىغلايدۇ ھىجران ،
رەشىكلەردىن ئۆرتۈنۈپ يۈرەك.
نىمىنىدۇر ئۇنتىدى بەلكىم ،
ئېككىمىزنى كۈتكەن كېلىچەك .
تار رەستىدە قالدۇق ئۇچرۇشۇپ ،
غەمكىن كۆزدىن چېقىلدى چاقماق.
زورۇقمىدىم بىلدىم يەنىلا ،
سۆيگۈڭ ماڭا مەڭگۈلۈك چاقچاق .
خەۋەر بەرگىن
ئەنسىزلىككە سىلىپ قەلبىمنى ،
جىمجىتقىنە كەتتىڭ يوق بۇلۇپ.
سىنىڭسىزمۇ دەردىم ئازمىدى ،
ئۇزاقلاردىن كەلگەن ئاھ ئۇرۇپ.
ئازاپلاردىن كۆيدى بۇ يۈرەك ،
چۈشۈمدىمۇ جامالىڭ پىنھان .
قەيەرلەردە مەغرۇر يۈرۈيسەن،
مەغرۇرلۇقۇڭ قىينايدىغۇ جان .
خەۋەر بەرگىن مەۋجۇتلۇقۇڭدىن،
ھاياتلىقىم بىر ساڭا تالىق .
بىر ساڭىلا تەلۋە ئاشىقنى ،
ھەيران قىلىپ كۆرسۇن خالايىق.
سۆيگۇ ئىكەن بىر ئۇدۇم
ناخشا توۋلاپ ئاكام ھەر كېچە،
مەھەللىنى چىقاتتى كېزىپ.
ياڭرىتاتتى سويگۇ ناخشىسى،
شۇنداق مۇڭلۇق رىتىمغا تىزىپ.
<<توۋا>> دەيتىم ئچىمدە دائىم،
ئاكامنىڭ بۇ قلىقلىرىدىن.
<<ساراڭمىدۇ>>دەيتىم،چۇشەندىم،
ئوتۇپ سو يگۇ ئېرىقلىرىدىن.
ئەخماق ئەمەس ئىكەن ئاكاممۇ،
ناخشا توۋلاپ يۇرگىنى بىلەن.
ناخشا ئوقۇپ ئۇچرىشار ئىكەن،
ئەمدى بىلدىم سۇيگۇنى بىلەن.
شۇنداق كۇنلەر كەلدى بېشىمغا....
ئاكام ئوخشاش ناخشا توۋلۇدۇم.
يۇرىت ئىچىنى ئارلىدىم ھەر كەچ،
دېمەك سويگۇ ئكەن بىر ئۇدۇم.
شىرىن چۈشتەك ئوتمەكتە كۈنلەر
شىرىن چۈشتەك ئوتمەكتە كۈنلەر
شىرىن چۈشنىڭ ئەللەيلىرىدە،
تولغىنىمەن سۆزلەپ ئۆزۈمگە.
قارچۇقىڭدىن چاچرىغان نۇرلار،
جۇلا بەردى ئويچان كۆزۈمگە.
قۇچاق ئېچىپ كەلدىڭ مەن تامان،
قىيانلىدى قەلبىمدە ھېسلار .
باغلىۋالدى قەلبىمنى مەھكەم،
تەشنالىقتا كۆرۈنمەس يىپلار.
شىرىن چۈشتەك ئۆتمەكتە كۈنلەر،
چاڭقاقلىقتا تىلەيمەن سىنى.
چاك-چاك بولدى يۈرەك ئارماندا،
ئۆڭۈپ كەتتى چىرايىم قىنى.
چۈش كۆرۈپلا ئۆتەرمۇ ئومرۈم،
قالدۇرالماي لەۋلىرىڭدە ئىز.
مىسرالارغا تىزىمەن سىنى،
كۆڭلۈمدىكى ئەي سۆيۈملۈك قىز.
ياشلىق ئىزلەش
گۈزەل ياشلىق ئېقىنمۇسەن چېقىنمۇ؟
قايسى ئىنسان يەشتى سېرىڭنى.
گۆدەك پېتىم خۇشلاشتىم مەن سەن بىلەن،
بىلەلمىدىم ئاشتىم قانچە قىرىڭنى.
شائېر بولدۇم شەنىڭ ئۈچۈن كۈي قېتىپ،
كۆز چاقنىتار ساڭا تىزغان گۈللىرىم.
دەريالارنى بىر ساڭىلا باشلىدىم،
تۈگىمەيدۇ نىچۈن تېخى چۆللىرىم.
غەمكىن ئېدىڭ چېچەكلەتتى ئارمانلار،
ئارمانلارنى ساڭا ئاققان نۇر دەيمەن.
ئەللەيلىنىپ قۇچىقىڭدا نە سەۋەپ ،
مەن نېمىشقا يېڭى ياشلىق ئىزدەيمەن.
ھايات دېمەك ئىنسان ئۈچۈن قۇنالغۇ،
ئۇنىڭ قەدرى بىلىنمەيدۇ ئۆتكەندە.
ئەشۇ سىياق كەتىىم سەندىن ياشلىغىم،
مەن ئەسلىدىم سەن قۇلۇمدىن كەتكەندە.ئاپتۇر: كامىلجان ناسىر(دىداش)قەشقەر يېڭىشەھەر ناھيىسىدە شىپاگەر .ئاپتۇرنىڭ ئەسكەرىتمىسى: سىز بۇ تىكىسىتلەردىن تاللاپ مۇزىكا ئىشلىمەكچى ، پايدىلانماقچى بولسىڭىز ياكى باشقا مۇنبەرلەرگە يۆتكىمەكچى بولسىڭىز چۇقۇم مەن بىلەن ئالاقىلىشىپ روخسىتىمنى ئېلىڭ.[ بۇ يازما deldax تەرپىدىن2009-02-24 04:21دە قايتا ت ]
| بانكا
| دوست قاتارى
| مېدال مەركىزى
يېڭى يازمىلىق سەھىپە 
ئادەتتىكى سەھىپە 
