ئاممىۋى ئاپتوبۇس : 1-ئامما قىستاڭچىلىقنى ئورتاق زىممىسىگە ئالىدىغان تۇرمۇش . 2-قانۇنغا خىلاپ ھىساپلانمايدىغان تېگىپ كىتىش سورۇنى . ئامېرىكا : 1-ئەزەلدىن ھېچقانداق دۆلەت بۇنچە مەردلىك بىلەن ئۆز خەلقىگە شۇنچە كۆپ ئويۇنچۇقلارنى بېرىپ باققان ئەمەس ياكى بۇنچە كۆپ ئىقتىدارلىق كىشىلەر دۇنيانىڭ ھەرقايسى جايلىرىدىكى بۇلۇڭ - پۇچقاقلارغا بېرىپ ۋەتىنىنى قوغداپ باققان ئەمەس . ئامېرىكا قوشما شىتاتلىرى شۇنداق بىر ئاددىي ساۋاتكى ، - قاراملىق بىلەن ئىش قىلغان كىشىلا ئىستىقباللىق بولالايدۇ . 2-ئەركىن كىشىلەرنىڭ دۆلىتى ، ئېكىسپىلاتاتسىيە قىلۇنغۇچىلارنىڭ يۇرتى . ئاۋىسترالىيە : جەنۇبىي دېڭىزدىكى بىر مەملىكەت . بۇ مەملىكەتنىڭ بىر قۇرۇقلۇق ياكى بىر ئارال ئىكەنلىكى توغرىسىدا جۇغراپىيىشۇناسلار بىرمەيدان ئىنتايىن تېتىقسىز تالاش - تارتىش ئېلىپ بېرىپ ، ئاقىۋەتتە ئۇنىڭ سانائەت ۋە سودا تەرەققىياتىنى ئېغىر ھالدا كىچىكتۈرىۋەتكەن . ئائىلە : ھاراق ئىچىدىغان ئەر بىلەن ئاغزى بېسىلمايدىغان ئايالدىن تەركىب تاپىدۇ . ئائىلە باشلىقى : بالىلىق بولمىغۇچە ئېرىشكىلى بولمايدىغان مەنسەپ . ئائىلە تاپشۇرۇقى : ئاتا بىلەن ئانا ئوتتۇرىسىدىكى زېھىن سىناش مۇسابىقىسى . ئائىلە جابدۇقى : ئائىلە ئەزالىرى تەرىپىدىن باشقۇرىلىدىغان بىر مۇنچە ئىلمىي ماقالىلەر . ئائىلە ھېسابات دەپتىرى : 1-ئەرنىڭ ئىقتىدارسىزلىقىنى ، ئايالنىڭ ئەقىللىقلىقىنى ئىسپاتلايدىغان نۇقتا . 2-ئون يۈەن پۇل كەم بۇلۇپ قالغانلىقى ئۈچۈن چوڭ باش ئاغرىقى تېپىپ بېرىدىغان دەپتەر . ئائىلە ئوقۇتقۇچىسى : ناچار ئوقۇغۇچىلارنىڭ ئىتىبار بېرىشىگە ئېرىشىدىغان نوپۇزسىز ئوقۇتقۇچى . ئاياللارنىڭ دوستلۇقى : ئىككى ئايالنىڭ قايتىدىن ئەپلىشىپ قالغانلىقى ، ئۈچىنچى ئايالنىڭ ئۇلارغا ئورتاق دۈشمەن بولۇپ قالغانلىقىنىڭ ئىسپاتى . ئايالنىڭ جەلىپكارلىقى : ئەرلەرنى نىمە قىلىشىنى بىلەلمەيدىغان قىلىپ قويالايدىغان قورال . ئايالنىڭ قەلبى : 1-چەكسىز ھەسرەت . 2-ھېچكىم جاۋاپ بېرەلمەيدىغان ، ھەتتا ئۆزىمۇ جاۋاپ بېرەلمەيدىغان ئىمتىھان سۇئالى . ئايروپىلان : 1-قىلچە بىخەتەرلىك تۇيغۇسى بولمىغان تەسەۋۋۇر كۈچى . 2-جىمى ئىشنى كۆپۈككە ئايلاندۇرىدىغان پەلسەپە . قىمار خەتىرى ۋە سۈرئەتنىڭ تېزلىك مەنىسى ئارلاشتۇرۇپ قاچىلانغان ئۇزۇن ساندۇق . تاقەت قىلالماسلىق ، ئايروپىلاندىكى بىر ئايال يولۇچىنىڭ ئىككى بالىسى بار ئىكەن . بالىلار ئايروپىلان بۆلىمىدە ھېچكىم يوقتەك قىيغىتىپ ئويناپتۇ . بۇنىڭغا تاقەت قىلالمىغان بىر يولۇچى ئۇلارغا قاراپ سۆزلەپتۇ _ بالىلار ، تالاغا چىقىپ ئوينىساڭلار قانداق ؟
مەنبە ، شەيتان لوغەت |