ھىلارى ، ئاسىيا زىيارىتىنى باشلاش ئالدىدا
ھىلارى كلىنتون ئاسىيا زىيارىتىدىن ئىلگىرى قاتناشقان بىر يىغىندا، ئاسىيا دۆلەتلىرىگە مۇناسىۋەتلىك مۇھىم باياناتلاردا بولدى.
تۈركىيە ئاۋازى رادىئوسى خەۋىرى: ئامېرىكىنىڭ دۆلەت ئىشلىرى كاتىپى ھىلارى كلىنتون، ئاسىيا زىيارىتىگە چىقىشتىن ئىلگىرى نيويوركتا قاتناشقان بىر يىغىندا، ئاسىيا دۆلەتلىرىگە مۇناسىۋەتلىك مۇھىم باياناتلاردا بولدى.
جۇڭگو بىلەن ھەربىي مۇزاكىرىلەرنىڭ مۇشۇ ئاي قايتىدىن باشلىنىدىغانلىقىنى ئېيتقان ھىلارى كلىنتون، بولۇپمۇ جۇڭگودا، چاۋشىيەن ۋە بىرمىدا كۆرۈلىۋاتقان كىشىلىك ھوقۇق مەسىلىلىرىنىڭ ياخشىلىنىشى ئۈچۈن تىرىشچانلىق كۆرسىتىدىغانلىقىنى تىلغا ئالدى.
ئۇ يەنە مۇنداق دېدى:
«ئەگەر چاۋشىيەن ئاتوم بومبىسى ئىشلەپ چىقىرىشتىن پۈتۈنلەي ۋاز كەچسە، ئوباما ھۆكۈمىتى بۇ دۆلەت بىلەن بولغان مۇناسىۋەتلىرىنى نورماللاشتۇرىدۇ. ئۇزۇن مۇددەتلىك تىنچلىق كېلىشىمى تۈزىدۇ، ئېنېرگىيە ۋە ئىقتىسادىي جەھەتتىن ياردەمچى بولىدۇ»
شۇنداق قىلىپ، ھىلارى كلىنتوننىڭ تۇنجى چەتئەل زىيارىتى ياپونىيە، ھىندونېزىيە، كورىيە ۋە جۇڭگو قاتارلىق ئاسىيا دۆلەتلىرىدە ئېلىپ بېرىلىدىغان بولدى.