مەھبۇبەمگە يېزىلغان خەت
         ئەسلى سىزنى سەن دېمەي دېگەن بولساممۇ،كۆڭلۈم ئۇنىمىغان ،تىللىرىم قېتىۋالغان بولسىمۇ،ئۇلارنى مەجبۇرلاپ،«سىز»نى«سەن»دېيىشكە كۆندۈردۈم.

                                                          بىلەمسەن
        بىلەمسەن؟...مۇشۇماكاندا ساڭا ئاشىق بىقارار بولۇپ،ئۈمىدسىز مۇھەببەتنىڭ ئازابىنى تارتىۋاتقان بىر نىمجاننىڭ بارلىقىنى بىلەمسەن؟قاقاقلاپ كۈلىۋاتقىنىڭدا،غەمسىز يۈرىۋاتقىنىڭدا...تەشنالىقتا يولۇڭغا تەلمۈرگەن خۇمار كۆزلەردىن ياشلار تۆكۈلىۋاتقىنىنى...
قامىغان يۈرەكتىن قانلار ئېقىۋاتقانلىقىنى بىلەمسەن؟...قەلبىمدىكى جاراھەت كۈنسېرى
چوڭايماقتا،دەدلىرىم كۆپەيمەكتە،سەنسىز ئالەم قاراڭغۇ ماڭا ،سەنسىز ياشىماق ئەلەمدۇر ماڭا..
بۇنى  بىلەمسەن؟؟؟.....



         بىر كۈنى سەن مەندىن :
       _مېنى ياخشى كۆرگىنىڭىزگە پۇشايمان قىلامسىز ؟،_دەپ سورىدىڭ.
         مەن:
       _ياق،_دەپ جاۋاپ بەردىم ھەم سەۋەبىنىمۇ دەپ بەرگەن ئىدىم .
         ئەمدى ساڭا ھەقىقىي جاۋابىنى بېرەي،مەن ھەم پۇشايمان قىلىمەن ھەم پۇشايمان قىلمايمەن.


                                                   پۇشايمان قىلدىم
       ئۇلار كۈلدى.بۇ مەسخىرە كۈلكىسى ئىدى.ئۇلار كۈلۈشكە ھەقلىق....مەن ئۆزۈمگە
تەئەللۇق بولمىغان قەدىرسىز مۇھەببەتنىڭ رىشتىگە باغلانغان ئىدىم.ئۆزىدىن باشقىنى
سۆيمەيدىغان....دۇنيادا پاك ئەقىدە،ساپ مۇھەببەتنىڭ بارلىقىنى قىلچە چۈشەنمەيدىغان
بىر نادانغا كۆيگەنىدىم ...ھەقىقەتەن سۆيۈشنى بىلمىگەن ئادەم ،قانداقمۇ سۆيۈلسۇن؟...
ساپ ھەم پاك سۆيگۈمنى بىر نادانغا ئاتىغىنىم ئۈچۈن چەكسىز  پۇشايمان قىلدىم......

                                                   پۇشايمان قىلمايمەن
       ئەمدى بىلدىم ،ئۆكۈنۈشكە ،ئازابلىنىشقا ،زارلىنىشقا تېگىشلىك ئىنسان مەن ئەمەس،بەلكى سەن ...
      سەن پۈتۈن ھاياتىمنى ،ساپ مۇھەببىتىمنى ئاتا قىلىشقا تەييار تۇرغان بىر كۆيۈملۈك ھەمراھتىن ئايرىلدىڭ!...مەنىلىك تۈس ئېلىپ ،رەڭگارەڭ گۈللەرگە پۈركىنىش ئالدىدا
تۇرغان مەنىۋى دۇنيايىڭ قۇرۇپ قاقشال بولۇپ قالدى...
      سەن سۆيۈلۈشنى سۆيۈشتىن ئۈستىن كۆرۈشۈڭ كېرەك ئىدى.بۇنىڭ ئۈچۈن بىر ئۆمۈر نادامەت
ئىچىدە ياشايسەن !...
       سېنىڭدىن ئايرىلغىنىمغا مەڭگۈ پۇشايمان قىلمايمەن!


       مەھبۇبەم،«بۇ جاھان ئۆتنە جاھان »ئىشەنمەمسەن؟ئىشەنمىسەڭ كۆڭۈل ئەينىكىڭگە
قاراپ باق،بىر چاغلاردا مەن زار -زار يىغلاپ ،سېنىڭ ئاياغلىرىڭغا باش قويغانىدىم.
بۇندىن كېيىنكى ھالىتىڭ مەن ئاشىقنىڭ تەقدىرى بولۇپ قالغۇسى.

      خەير،مەھبۇبەم،ساڭا يازغان خەتلىرىمنى مۇشۇ جايدا ئاخىرلاشتۇراي!
      

        مەنبە:ئۆز خاتىرەمدىن

       ئاپتورى:مەمەتجان يۈسۈپ                                            

مۇھەببەت ئۇلۇغدۇر ۋاپاسى بىلەن،
زارلانما ھەر قانچە قىينىسا ھىجران.
ھىجراندا تاۋلانغان سۆيگىگە پەقەت،
ئاچىدۇ كەڭ قۇچاق ۋىسال ھەر زامان.

خېلى زەربىگە ئۇچىراپسىز ھە!!!بۇ بوپتۇ ئۆكۈنمەڭدە!!!ئوغۇل بالىغا ئۈچ قېتىم بېرىدۇ دەيدۇ!!!يەنە ئىككى قېتىمى بار!!!چاق-چاق،ياخشى يېزىپسىز!!!مۇھەببەت دىگەن شۇنداق نەرسە،ئىككىلى تەرەپ ياخشى كۆرمىسە روياپقا چىقىشىغا بىرنىمە دېمەك تەس!!!

بۇ سۆزنى مەن دوستىمدىن ئاڭلىغاندەك قىلىمەنغۇ  بۇ سەن ئەمەستۇ.
مۇھاببەت دىگەن ؟.....ھەي

مۇھەببىتىڭىزدىن ناھايىتى تەسىرلەندىم، ئەمما مەڭگۈ پۇشايمان قىلماڭ. چۈنكى ئۇنى ياخشى كۆرۈپ مۇھەببەتنىڭ نىمىلىكىنى ھېس قىلدىڭىز. بەلكىم ئۇنىڭدىن ئايرىلىشىڭىز سىزنىڭ بەختلىك كۈنلىرىڭىز باشلىنىشى بولۇپ قېلىشىمۇ مۇمكىن ، ئۈمىدۋار بولۇڭ. كەلگۈسىدە چوقۇم تېخىمۇ ياخشى بىر قىزغا ئۇچىرايدىغانلىڭىزغا ئىشىنىڭ...

جىڭ لاتا نىمىكەنسە نەگە بىرىپ دىسەڭ دىيە ئاداش ماندا ئوسۇرۇق گەپللىرىڭنى