ئوغلۇمغا جاۋاپ(پىنھانى)
ئپتۇرى:ئەمەتجان ئاۋۇت پىنھانى
ئوغلۇم سورىدى بىر كۈنى،
مەندىن مۇنداق ئۈچ سۇئال.
قۇلاق سېلىپ ئاڭلىدىم،
چوڭ بولغاندۇ ئىھتىمال.
بىرسى: قىمار ئويناشنىڭ،
زىيىنى بىلەمسىز؟!.
ئەجىر قىلىپ تاپماستىن،
يۇقىتىپلا يۈرەمسىز؟.
بىرسى:ھاراق ئىچكەننىڭ،
پايدىسىنى دەپ بىرىڭ.
پۇلنى ئۇنداق بۇزغىچە،
ماڭا كىتاپ ئەپ بىرىڭ.
بىرسى:چەكمەڭ تاماكا،
ئۇ كىلەمدۇ بىكارغا؟
ساغلام بولسا تىنىڭىز،
ھەممىمىزگە شۇ پايدا..
ئوغلۇم ئەقىل تېپىپتۇ،
خىجىل بولدۇم شۇندىلا.
تۈزىتەي بۇ ئىللەتنى،
ئويغىنايچۇ،بولدىلا.
تۇرمۇش دىگەن بىر سەھنە،
ئۆي تۇتۇش بىر بۆلىكى.
قەدىرلەڭ سىز ھاياتنى،
بولسا ئۇنىڭ كىرىكى.
ھاراقنىمۇ ئىچكۈزەر،
تاماكىمۇ چەككۈزەر.
كەيىپلىكنىڭ ھوزۇرى،
دەت-ئەلەمنى كەتكۈزەر.
ئەمما ئىچىپ شۇنچە يىل،
ھوزۇرىنى بىلمىدىم.
ئاينىپ كەتتى دەرت-ئەلەم،
تەسەللىمۇ تاپمىدىم.
ئەمدى سىزگە بىر سۈزۈم:،
ھاياتلىقنى قەدىرلەڭ.
بەكمۇ قىسقا بۇ ئۆمۈر،
سەگەك تۇرۇڭ،مۈگدىمەڭ!
ساغلام تەندە ساپ ئەقىل،
ئىس-تۈتەككە تاشلىماڭ.
سىزگە كەلسە بۇ سۇئال،
مەندەك گەدەن قاشلىماڭ..
ئاپتۇر:قەشقەر يېڭشەھەر ناھىيەسىنىڭ ھاراپ يېزىسىدىن.
(شەبنەم مۇنبىرىدە يوللىغان ئەسەرلىرىمنىڭ مۇۋاپىق كەلگەنلىرىنى ‹‹شەبنەم ئۈنچىللىرى››ناملىق توپلامغا قاتناشتۇرۇشقا سۇنىمەن)
| بانكا
| دوست قاتارى
| مېدال مەركىزى
يېڭى يازمىلىق سەھىپە 
ئادەتتىكى سەھىپە 
