كەلگۈسى 10 كۈندە ، سوغۇق ھاۋا ئېقىمى ئېلىمىزگە تەسىر كۆرسىتىدىكەن
كەلگۈسى 10 كۈندە ، سوغۇق ھاۋا ئېقىمى ئېلىمىزگە تەسىر كۆرسىتىدىكەن . شىمالىي قىسىم رايونلىرىدا ھاۋارايى كۆپ ئۆزگىرىپ ، تېمپېراتۇرىنىڭ ئۆرلەپ تۆۋەنلەش ئۆزگىرىشى زور بولىدىكەن . ئالدىنقى بىر مەزگىلدە تېمپېراتۇرا ئادەتتىن تاشقىرى يۇقىرى بولۇپ كەتكەن رايونلارنىڭ تېمپېراتۇرىسى نىسبەتەن تۆۋەنلەيدىكەن . شىمالىي شىنجاڭ ، ئىچكى موڭغۇلنىڭ شەرقىي شىمال قىسمىدىكى قىسمەن رايونلاردا ئوتتۇرىچە تېمپېراتۇرا يىللاردىكى ئوخشاش مەزگىلدىكىدىن سەل تۆۋەن بولۇپ ، شىمالىي قىسىمدىكى باشقا رايونلارنىڭ ئوتتۇرىچە تېمپېراتۇرىسى يىللاردىكى ئوخشاش مەزگىلدىكىگە ئوخشاپ قالىدىكەن ياكى نىسبەتەن يۇقىرى بولىدىكەن . سىچۈەن ئويمانلىقى ، چاڭجياڭ دەرياسىنىڭ ئوتتۇرا ۋە تۆۋەن ئېقىن رايونىدىكى تېمپېراتۇرىنىڭ يۇقىرى بولۇش دەرىجىسى سەل تۆۋەنلەپ ، ئادەتتە بىر سېلسىيە گىرادۇستىن ئۈچ سېلسىيە گىرادۇسقىچە تۆۋەنلەيدىكەن . چاڭجياڭنىڭ جەنۇبى ۋە جەنۇبىي جۇڭگودا تېمپېراتۇرا كۆرۈنەرلىك يۇقىرى بولىدىكەن . شىزاڭنىڭ شەرقىي جەنۇبىي قىسمى ، يۈننەننىڭ غەربىي قىسمىدا كۆرۈنەرلىك ھۆل – يېغىن بولمايدىكەن . تېمپېراتۇرا سەل يۇقىرى بولدىكەن .
مەنبە : تەڭرىتاغ تورى «شىنجاڭ خەلق رادىئو ئىستانسىسى»