پەيغەمبەر ( س ئە ۋ ) ئەلەيھىسسالام توسقان توغرا بولمىغان نىكاھلار تۈۋەندىكىچە

1- ۋاقىتلىق نىكاھلىنشتۇر،
مەسىلەن؛  بىر ئەر بەر ئايالنى بىر ئاي بىر يىلدەك مۇئەييەن مۇددەت خۇتۇن قىلىشقا ئوخشاش. بۇ توغرىدا ئەلى رەزىيەللاھۇ ئەنھۇدىن رىۋايەت قىلىنغان بىرلككە كىلىنگەن ھەدىس بار < پەيغەمبەر ئەلەيھىسسالام خەيبەردە تۇرغان ۋاقىتتا ۋاقىتلىق نىكاھ قىلىشتىن، ئائىلىدە باقىدىغان ئىشەكنىڭ گۆشىنى يىيىشتىن  توسقان> (مۇسلىم رىۋايەت قىلغان) بۇ نىكاھنىڭ ھۆكىمى  ئۇنداق نىكاھ كۈچكە ئىگە ئەمەس. قاچانلا بولسا بو نىكاھنى بۇزۇش ۋاجىپ. بۇ نىكاھتا ئەگەر ئەر-ئايال بىلەن بىر تۈشەكتە يېتىپ بولغان بولسا مەھرى كۈچكە ئىگە . مەھرى ئايالغا قالىدۇ ھەم ئىككىسىنى ئاجرىتىۋېتىدۇ

2-مەھرىسىز ئۆز-ئارا قىز ئالماشتۇرۇپ نىكاھىغا ئېلىش
بۇ ۋەلى ئۆزىنىڭ قىزىنى باشقا بىر ئادەمگە ، بۇ ئادەممۇ قىزىنى تويلاپ بىرىش شەرتى بىلەن نىكاھلا بىرىشتۇر. مەيلى ئۇ ئىككىسى
مەھرى دىيىشكەن ياكى دىيىشمىگەن بولسۇن . بۇ توغرىدا، پەيغەمبەر ئەلەيھىسسالام مۇنداق دىگەن؛  < ئىسلامدا ئالماشتۇرۇپ نىكاھىغا ئېلىش يۇق>ئەبۇ ھۇرەيرە رەزىيەللاھۇ ئەنھۇ مۇنداق دەيدۇ،< پەيغەمبەر ئەلەيھىسسالام قىز ئالماشتۇرۇپ نىكاھىغا ئېلىشتىن توستى>    بۇ بىر ئادەمنىڭ، قىزىڭنى ماڭا بەرگىن، مەن قىزىمنى ساڭا بىرىمەن، ياكى سەن قىز بىر تۇققىنىڭنى ماڭا بەرگىن، مەنمۇ قىز بىر تۇققىنىمنى ساڭا بىرىمەن دىيىشىدۇر.       ئبنى ئۆمەر رەزىيەللاھۇ ئەنھۇ   مۇنداق دىگەن    پەيغەمبەر ئەلەيھىسسالام قىز ئالماشتۇرۇپ نىكاھىغا ئېلىشتىن توستى بۇ بىر ئادەم باشقا بىر ئادەمگە ئۇنىڭ قىزىنى ئېلىش بەدلىگە قىزىنى تويلاپ بىرىدۇ ئۇ ئىككىسى ئوتتۇردا مەھرى بولمايدۇ (بىرلىككە كىلىنگەن ھەدىس)   بۇ نىكاھنىڭ ھۆكىمى، ئەر ئايال بىلەن بىر تۈشەكتە يېتىشتىن بۇرۇن بۇزۇش كىرەك. ئەگەر يېتىپ بولغان بولسا مەھرىدىن باشقىسى ئەمەلدىن قالدىرۇلدۇ. ئايالغا بىرىلگەن مەھرى ئەمەلدىن قالدۇرۇلمايدۇ ( ئايالغا قالىدۇ)

3-ھالال قىلىش نىكاھى
بىر  ئايال ئۈچ تالاق قىلىنسا يولدىشىغا ھارام بۇلۇدۇ. ئاللاھ مۇنداق دىگەن؛ { ئەگەر  ئۇ  ( ئەر )  ئۇنى  (ئايالىنى) ئۈچ قېتىم تالاق قىلسا  ( ئۇ ئايال ) باشقا ئەرگە تەگمىگۈچە ئۇنىڭغا دۇرۇس بولمايدۇ  (بەقەرە سۆرىسى230-ئايەت)    ئۇ ئايالنى تۇنجى ئىرىگە ھالال قىلىپ بىرىش مەخسىتىدە يەنە بىرىگە بىر كۈنلۇك ياكى مەلۇم ۋاقىت بەلگىلەپ نىكاھلاپ قۇيۇشتۇر ، مانا بۇ نىكاھ باتىل . ئىبنى مەسئۇد  رەزىيەللاھۇ ئەنھۇ  مۇنداق دىگەن؛ رەسۇلۇللاھ ، ھالال قىلغۇچى ۋە ھالال قىلىنغۇچىغا لەنەت قىلدى ( تىرمىزى رىۋايتى)بۇ نىكاھنىڭ ھۆكىمى؛  بۇنداق نىكاھ ( تەھلىل نىكاسى) قەتئى خاتا. ئۇ ئايال ئۈچ تالاق قىلىنغان ئادەمگە ھالال بولمايدۇ . ئەگر بىر يەردە بولغان بولسا ، مەھرى ئايالغا ھىساپ بۇلۇدۇ. ئاندىن ئۇ ئككىسىنى ئايرىۋېتىلدۇ
4- ئىھرام باغلىغۇچىنىڭ نىكاھى
بىر ئادەم ھەجگە ياكى ئۆمرىگە ئىھرام باغلاپ، ئىھرامدىن چىقىشتىن بۇرۇن توي قىلىشنى كۆرسىتىدۇ. بۇ نىكاھنىڭ ھۆكمى. باتىلدۇر. ئۇندىن كىيىن ئەگەر ئۇ ئايال بىلەن توي قىلماقچى بولسا ، ھەج، ياكى ئۆمرىنى تۈگىتىپ بولغاندىن كىيىن يېڭىدىن نىكاھ قىلىندۇ.   پەيغەمبەر ( س  ئە  ۋ ) مۇنداق دىگەن؛ < ئىھرام باغلىغۇچى نىكاھىغا ئالمايدۇ ۋە نىكاھمۇ قىلىنمايدۇ >  يەنى ئۇنىڭغا نىكاھ قىلىنمايدۇ. باشقىسى ئۈچۈنمۇ  نىكاھ قىلىپ قويمايدۇ. بۇيەردىكى تۇسۇش ھارام بولغانلىقى ئۈچۈندۇر.

5- ئىددەت ئىچىدە تۇرۇپ نىكاھلىنىش ئۇ . بىر ئادەم  ئاجىرشىش سەەۋەبىدىن ياكى ئىرى ئۈلۈپ كەتكەنلىك سەۋەبىدىن  ئىددەت تۇتىۋاتقان ئايال بىلەن توي قىلىشتۇر. بۇ نىكاھ باتىلدۇر. بۇنىڭ ھۆكىمى.  نىكاھ باتىل بولغانلىغى ئۈچۈن ئىككىسىنىڭ ئوتتۇرسى ئايرىۋېتىلدۇ. ئەگەر ئەر ، ئايال بىلەن بىرگە بولغان بولسا، تويلۇق ئايالغا ھىساپ بۇلۇدۇ. ئۇ ئادەمنىڭ، ئايالنىڭ ئىددىتى چىقىپ بولغاندىن كىيىن نىكاھىغا ئېلىش ھارام.  بۇنىڭ سەۋەبى ئۇنى جازالاشتۇر. بۇ توغۇرلۇق قۇرئان كەرىمدە مۇنداق دىيىلگەن  
{ ئىددىتى توشمىغۇچە ئۇلارنى نىكاھىڭلارغائېلىشقا بەل باغلىماڭلار}  (بەقەرە 235- ئايەت )

6-ۋەلىسىز نىكاھ
بۇ ئەرنىڭ ئايالىنى  ۋەلىسىنىڭ رۇخسىتىسىز نىكاھىغا ئېلىشىدۇر. بۇ نىكاھتا ۋەلىنىڭ بۇلىشىدىن ئىبارەت مۇھىم بىر ئاساس كەم بولغانلىغى ئۈچۈن باتىلدۇر. پەيغەمبەر ( س  ئە  ۋ ) ئەلەيھىسسالام مۇنداق دىگەن ؛ ۋەلىسىز نىكاھ نىكاھ بولمايدۇ ( ئەسھابۇل سۈنەنى رىۋايەت قىلغان )بۇنىڭ ھۆكمى.   ئىككىسىنىڭ ئوتتۇرسى ئايرىۋېتىلدۇ. ئەگەر بىر يەردە بولغان بولسا مەھرى ئايالغا ھىساپ بۇلۇدۇ. كىيىن ئۇ ئايالنىڭ ۋەلىسى رازى بولسا  نىكاھ ۋە تويلۇق بىلەن  ئۇ ئايالنى نىكاھىغا ئالسا بۇلۇدۇ.
7- ئەھلى كىتاپ بولمىغان كاپىر  ئايالنى نىكاھىغا ئېلىش.
ئاللاھ مۇنداق دىگەن؛ { مۇشرىك ئاياللار ئىيمان ئېيتمىغۇچە،  ئۇلارنى نىكاھىڭلارغا ئالماڭلار}(بەقەرە سۆرىسى 221- ئايەت)    مۇسۇلماننىڭ ، مەيلى مەجۈسى بولسۇن، ياكى كومىنىست بولسۇن، ياكى بۇددىست بولسۇن، كاپىر ئايالنى نىكاھىغا ئېلىش ھارام. شۇنداقلا مۇسۇلمان ئايالنىڭ مەيلى ئەھلى كىتاپ بولسۇن ، ياكى غەيرى كىتاپ بولسۇن كاپىرغا تىگىشى مۇتلەق ھارامدۇر.  بۇ ھەقتە ئاللاھ مۇنداق دىگەن؛ { ئۇلار كاپىرلارغا ھالال ئەمەس. كاپىرلارمۇ ئۇلارغا ھالال ئەمەس}  ( سۆرە مۇمتەھنە 10- ئايەت ) بۇ مەسىلىنىڭ ھۆكىملىرى تۈۋەندىكىچە؛
(1)  كاپىر ئەر-ئايالنىڭ ئىككىسىنىڭ بىرسى مۇسۇلمان بولسا  نىكاھى بۇزۇلىدۇ. ئەگەر ئىككىسنىڭ ئىددەت تۈگەشتىن بۇرۇن مۇسۇلمان بولسا ئەسلىدىكى نىكاھى بۇيىچە بۇلۇدۇ. ئەگەر ئىددەت تۈگەپ بولغاندىن كىيىن مۇسۇلمان بولسا، ئۇمۇمى ئالىملارنىڭ كۆز قارشى بۇيىچە يېڭىدىن نىكاھ مەجبۇرىيەتلىرى ئۆتەش لازىم.
(2) ئەگەر ئايال تۇرمۇش قۇرۇشتىن بۇرۇن مۇسۇلمان بولغان بولسا ئۇنىڭغا مەھرىدىن ھىچنىمە تەگمەيدۇ. چۈنكى ئايرىلىش ئايالدىن بۇلۇدۇ. ئەگەر ئەر كىشى مۇسۇلمان بولسا  ئايالغا مەھرىنىڭ يېرىمى بىرىلدۇ.  ئەگەر ئايال تۇرمۇش قۇرۇپ بولغاندىن كىيىن مۇسۇلمان بولغان بولسا  مەھرىنىڭ ھەممىسى ئايالغا بۇلۇدۇ.
ئەر-ئايال ئىككىسىنىڭ بىرنىڭ  مۇرتەد بۇلۇشنىڭ ھۆكىمى بولسا، ئىككىسىنىڭ بىرىنىڭ مۇسۇلمان بۇلۇشنىڭ ھۆكىمىگە ئوخشاش.
(3) مۇسۇلمان بولغان ئادەمنىڭ نىكاھىدا  مۇسۇلمان بولغان، ياكى مۇسۇلمان بولمىسىمۇ ئەھلى كىتاپ بولغان تۆتتىن  ئارتۇق ئايالى بولسا، ئۇلاردىن توتنى تاللاپ قالغىنىدىن ئايرىلىپ كىتىدۇ.   پەيغەمبەر ( س ئە ۋ ) ئەلەيھىسسالام، ئون ئايالىنىڭ ھەممىسى مۇسۇلمان بولغان بىر ئادەمگە < ئۇلاردىن تۆتنى تاللىغىن >(ئىمام ئەھمەد، تىرمىزى رىۋايتى)   شۇنداقلا مۇسۇلمان بولغان بىر كىشىنىڭ نىكاھىدا  ئاچا- سىڭىل بولسا خالىغان بىرىدىن ئايرىلدۇ. چۈنكى ئاچا-سىڭىلنىڭ بىر ئادەمنىڭ نىكاھىدا بۇلۇشى دۇرۇس ئەمەس. بۇ ھەقتە ئاللاھ مۇنداق دىگەن؛ ]{ئىككى ھەمشىرنى بىرلا ۋاقىتتا ئەمرىڭلاردا  ساقلىشىڭلار ھارام قىلىندى ] (سۆرە نىسا 23-ئايەت )
پەيغەمبەر ( س ئە ۋ ) ئەلەيھىسسالام مۇسۇلمان بولغان ۋە نىكاھىدا ئىككى ھەمشىرنى نىكاھىدا  ساقلىغان ئادەمگە مۇنداق دىگەن
ئىككىسىدىن قايسىسنى خالىساڭ بىرىنى تالاق قىلغىن >[(ئىمام ئەھمەد رىۋايتى)

مەنبە  ' "مۇسۇلمانلار يۇلى " دىن ئېلىندى  587، 588، 589- بەتلەر  
ئاپتور ' ئەبۇ بەكرى جابىرىل جەزائىرى

بېلىشكە تېگىشلىك ئىشلار ئىكەن، رەھمەت!

ھازىرقى ياشلىرىمىزنى توغرا يولغا باشلىغۇسى............

اللە رەھمەت قىلسۇن .ياخشى تىما يوللاپسىز.

ئۇنداقلارغا بۇ توغۇرلۇق نەسىھەت قىلسىڭىز قۇلىقىغا مۇش ئۇرغاندەك بىلىنىدۇ .
كۆرسىمۇ كۆرمەسكە سىلىپ ئۆزىنى -ئۆزى ئالدايدۇ.

شۇنداختىمۇ ھەر بىر كىشى بىلىۋىلىشقا تىگىشلىك ئىشلاركەن

تىمىغا تەشەككۈرلەر

   taza  titiksiz  gap  boptu  ,halal  juptidin  baxka  ,yana   birla   ayaldin  baxka  ,hamma  nikak   bolmugur  ,haram  nikak  ,kimu  u  bir  ar  4  hotun  alsun  digan,kargan  arkixili  4  hotuni  baning  hotunlirini  axna  kilip  oynamdu

مۇھەممەت پەيغەمبەر ۋاقتىدا ۋە ئۇنىڭدىن بۇرۇن تىخى ۋاقىتلىق نىكاھ دەيدىغان نەرسە مەۋجۇد ئەمەس ئىدى.  ۋاقىتلىق نىكاھ  ئىسلام دىنى پەيدا بولۇپ، نىكاھ ئوقۇش رەسمىيىتى، كۆپ خوتۇنلۇق بولۇش تۇزۇمى ۋە تالاق تۇزۇمى پەيدا بولغاندىن كىيىن  ئاندىن پەيدا بولغان بىر خىل ئالاھىدە نىكاھ تۇزۇمى. ۋاقتىلىق نىكاھ  مۇھەممەت پەيغەمبەر ئالەمدىن ئۆتكەندىن كىين ئاندىن پەيدا بولۇپ، ئىسلام ئەللىرىدە  بولۇپمۇ سودىگەرلەر ئىچىدە ئۇموميۇزلۇك يامراپ كەتكەن. شۇڭا سىز مىسال كەلتۇرگەن يوقۇرقى ھەدىسنىڭ مەزمۇنى ئىشەنچىسىز. بۇ نۇرغۇن ھەدىسلەرنىڭ ساختا ئىكەنلىكىنى يەنە بىر قىتىم ئىسپاتلاپ قويپتۇ. ئىسلام شەرىئىتىدە ۋاقىتلىق نىكاھ ئىتىراپ قىلىنىدۇ، شۇنداقلا تارىىختا پۇتكۇل مۇسۇلمان ئەللىرىدە ناھايىتى كەڭ ئوموملاشقان. سىزنىڭ يوقۇرقى ھەدىسلىرىڭىز ۋە چۇشەندۇرۇشلىرىڭىزنى ئسىلام ئەسلىيەتچىلىرى، شىئەلەر شۇنداقلا  ئىسلام شەرىئىتىدىكى مۇتلەق كۆپ قىسىم مەزھەپلەر ئىتىراپ قىلمايدۇ. سىزگە ئوخشاش ئسىلام دىنىنى توغرا چۇشەندۇرۇشكە ئۇيغۇرلارنى توغرا يولغا باشلاشقا ئۇرۇنۇۋاتقان ئاق كۆڭۇل مۇسۇلمانلار تولىمۇ ھۆرمەت قىلىمەن، ئەمما ئىسلام دۇنياسىدىكى ئچكى زىددىيەتلەرنى تارىختىن بۇيان ھىچكىم توساپ قالالىغان ئەمەس. بۇندىن كىيىنمۇ توساپ بولالمايدۇ. بۇنىڭغا مەلۇم ئادەملەرلا ئەمەس، بەلكى ئىسلامنىڭ ئىچكى ماھىيىتى سەۋەپچى.
ئەجىبا ئېران ئسىلام داھىسى ئىسلامنى، قۇرئاننى سىزچىلىك چۇشەنمەسمۇ، ئىران زوڭتۇڭلىرى ئىسلام دىنىنى سىزچىلىك چۇشەنمەسمۇ.

          «ئېران ئسىلام جۇمھۆرىيتىدىكى قانۇنلۇق پاھىشۋازلار»
ئېران زوڭتۇڭى نىجاد ئەھمەتنىڭ يىنىدىكى ئەڭ مۇھىم شەخسلەرنىڭ بىرى، ئىران ئىسلام ئىنقىلابى مۇھاپىزەت ئەترىتىنىڭ قۇماندانى، تىھران ساقچى ئىدارىسىنىڭ بىرىنچى قول باشلىقى رىزا زارەئى 2008-يىلى 3-ئاينىڭ باشلىرىدا ئۆزىنىڭ شەخسى داچىسىدا ئالتە پاھىشە ئايال بىلەن قىپيالىڭاچ ھالدا قولغا چۇشكەن. قىزىقارلىقى ساقچىلار پاھىشە ئاياللارنى سوراق قىلغاندا، ئۇلار: قۇماندان رىزا بىزنى كىيىمىڭلارنى سىلىۋىتىپ ئىبادەت قىلىڭلار دەپ بۇيرۇغان - دەپ جاۋاپ بەرگەن. رىزا  قولغا ئىلىنىپ ئۇچ كۇندىن كىيىن كىپىلگە بىرىلىپ قويۇۋىتىلگەن. ئىران داھىسى ھۇمەينى  رىزانى 3-ئاينىڭ 14-كۇنى مەخپى سوراق قىلىشنى، مەزكۇر خەۋەرنى قەتئى چەكلەشنى تەلەپ قىلغان. ئەمما بۇ سەتچىلىك يەنىلا پۇتۇن ئىرانغا تارقىلىپ كەتكەن.
رىزا زارەئى ئىران زوڭتۇڭى نىجادنىڭ ئەڭ مۇھىم قوللىغۇچىلىرىدىن بولۇپ، ئىراندا ناھايىتى چوڭ شۆھرەتكە ئىگە ئىدى. ئۇ نىجادقا ياردەملىىشىپ ئىراندىكى ئاياللارنىڭ يۇزىنى ئىتىش، ئاياللار ئۇتۇك كىيمەسلىك دىگەندەك ھەركەتلەرگە باشچىلىق قىلغان. ئەمما بۇ گىنىرالنىڭ ئەكسىچە ئالتە پاھىشە ئايال بىلەن قولغا چۇشۇپ قىلىشى، پۇتكۇل ئىران خەلقىنى ھەيران قالدۇرغان.
ئىراندا گەرچە ئاياللارنىڭ يۇزىنى ئىچىپ يۇرۇشى قەتئى چەكلەنگەن بولسىمۇ، ئەمما دۆلەت ئىچىدىكى پاھىشۋازلىق قىلمىشلىرى يەنىلا چەكلىنىپ بۇلالمىغان. ھەتتا پاھىشۋازلىق قىلمىشلىرى قانۇنلۇق ئۇسۇل بىلەن پەدازلىنىپ ھۆكۇمەتنىڭ قوللىشىغا ئىرىشكەن.  بايلارنىڭ كۆپ خوتۇنلۇق بولۇشى، ئىشسىزلىق نىسبىتىنىڭ يوقۇرى كۆتۇرىلىشى، ھۆكۇمەتنىڭ دۆلەت ئىقتىسادىنى پۇتۇنلەي ھەربى ئىشلارغا سەرپ قىلىۋىتىشى، نامراتلار سانىنىڭ شىددەت بىلەن ئىشىپ بىرىشى، ئەركىن مۇھەببەتلىشىشنىڭ چەكلىنىشى قاتارلىق تۇرلۇك سەۋەپلەر  تۇپەيلىدىن ئىراندا ياشلارنىڭ توي قىلىشى كۇندىن كۇنگە تەسلەشكەن. بەزى ئاتانىلار قىزلىرىنى ئەمەلدارلار ۋە بايلارغا كىچىك خوتون قىلىپ بىرىشكە رازى بولغانكى ئۇلارنىڭ ئەركىن مۇھەببەتلىشىشىگە، ئۆزىنىڭ تەڭرى قوشقان جۇپتىنى تىپىشىغا  رازى بولمىغان. شۇنىڭ بىلەن بويتاق ئەرلەرنىڭ جىنسى ھىسسىياتىنى قاندۇرىدىغان "ۋاقىتلىق نىكاھ" ئىراندا ناھايىتى بازار تاپقان.  ئەرلەر ۋاقىتلىق نىكاھ ئوقۇتۇش ئارقىلىق ئاياللار (ئەمىلىيەتتە پاھىشىلەر) بىلەن بىر كىچىلىك ھەتتە ئىككى -ئۇچ سائەتلىك ئەر خوتۇن بولۇشۇپ بولغاندىن كىيىن، ئايالغا ئازتولا پۇل بىرىپ "تالاق" دىيىش ئارقىلىقلا  نىكاھنى ئاخىرلاشتۇرغان. بۇخىل قانۇنلۇق پاھىشۋازلىق ھەركىتىگە بويتاق ئەرلەرلا ئەمەس ھەتتا  كۆپ خوتۇنى بار ئەمەلدارلار ۋە بايلارمۇ ئاكتىپ قاتناشقان.

ۋاقىتلىق نىكاھ ئىسلام شەرىئىتىدە «مۇتاھ» دەپ ئاتىلىدىغان، ئىسلام شەرىئىتىدە  قانۇنلۇق دەپ قارىلىدىغان بىر خىل نىكاھ تۇزۇمى بولۇپ، تارىختا يۇرت ئاتلاپ سودا قىلىدىغان مۇسۇلمان سودىگەرلەرنىڭ جىنسى تەلىپىنى شۇنداقلا بويتاق ئەرلەرنىڭ ھەتتا كۆپ خوتونى بار ئەرلەرنىڭمۇ جىنسى تەلىپىنى قاندۇرۇپ كەلگەن كەلگەن بىر خىل قانۇنلۇق پاھىشۋازلىق شەكلى. شۇ سەۋەپتىن  ئىران ئىسلام ھۆكۇمىتى بۇ خىل قانۇنلۇق پاھىشۋازلىق قىلمىشىنى قوللاپلا قالماستىن يەنە كۇچلۇك تەشەببۇس قىلماقتا.  ئىراننىڭ سابىق زوڭتۇڭى راپسان جانى «ۋاقتىلىق نىكاھ» نى ئاللانىڭ ئىرادىسى دەپ كۇچلۇك تەشەببۇس قىلغان. ئىران ئىچكى ئىشلار مىنىستىرى مۇستاپا مۇھەممەتمۇ : "ۋاقىتلىق نىكاھ"  ئىراندىكى كۇنسىرى كۆپىيىۋاتقان توي قىلالمايۋاتقان نامرات ياشلارنىڭ جىنسى تەلىپىنى قاندۇرۇشتىكى ئەڭ ياخشى ئۇسۇل- دەپ ئۇچۇق ئاشكارا جاكارلىغان. شۇ سەۋەپتىن ئىراندا ۋاقىتلىق نىكاھ ئۇچۇن مۇلازىمەت قىلىدىغان ئاياللار قوشۇنى(قانۇنلۇق پاھىشەلەر)  كۇندىن كۇنگە كۆپىيىپ قانۇنلۇق پاھىشۋازلىق قىلمىشلىرى  ئادەتتىكى پۇقرادىن تارتىپ تاكى دۆلەت ئەمەلدارلىرىغىچە ئوموملاشقان.
خەۋەرنىڭ كىلىش مەنبىئى:
http://blog.voc.com.cn/blog.php?do=showone&uid=2323&type=blog&itemid=451723
http://land-wind.52blog.net/tag/%E4%B8%B4%E6%97%B6%E5%A9%9A%E5%A7%BB/
http://space.taobao.com/761b19ed6a28ef3627f64fb7bb24de89/show_blog-18340948.htm

ئالاقىدار مەزمۇنلار تەرمىلەر مۇنبىرىدىن ئىلىندى.
http://www.termiler.com/ShowPost.asp?ThreadID=1047

yol99 تورداش سىز،مۇھەممەت پەيغەمبەر ۋاقتىدا ۋە ئۇنىڭدىن بۇرۇن تىخى ۋاقىتلىق نىكاھ دەيدىغان نەرسە مەۋجۇد ئەمەس ئىدى.  ۋاقىتلىق نىكاھ  ئىسلام دىنى پەيدا بولۇپ، نىكاھ ئوقۇش رەسمىيىتى، كۆپ خوتۇنلۇق بولۇش تۇزۇمى ۋە تالاق تۇزۇمى پەيدا بولغاندىن كىيىن  ئاندىن پەيدا بولغان بىر خىل ئالاھىدە نىكاھ تۇزۇمى. ۋاقتىلىق نىكاھ  مۇھەممەت پەيغەمبەر ئالەمدىن ئۆتكەندىن كىين ئاندىن پەيدا بولۇپ، ئىسلام ئەللىرىدە  بولۇپمۇ سودىگەرلەر ئىچىدە ئۇموميۇزلۇك يامراپ كەتكەن---------------

سىز قۇرئان كەرىمدىكى{بۈگۈن سىلەرنىڭ دىنىڭلارنى پۈتۈن قىلدىن، سىلەرگە نىئىمىتىمنى تاماملىدىم،ئىسلام دىنىنى سىلەرنىڭ دىنىڭلار بۇلۇشقا تاللىدىم }
(سۆرە مائىدە 3-ئايەت) دىگەن ، دىمەك سىز ، رەسۇلۇللاھتىن كىيىن پەيدا بولغان . دەپسىز
ماقۇل شۇنداقمۇ دەپ تۇرايلى؟ ئاللاھ «دىنىڭلارنى پۈتۈن قىلدىم »دەۋاتسا سىزنىڭچە ئىسلام دىنىنىڭ چالا قالغان يەرلىرى بار ئوخشىمامدۇ؟
ـــــــــــــــــــــــ
. ئىسلام شەرىئىتىدە ۋاقىتلىق نىكاھ ئىتىراپ قىلىنىدۇ، دەپسىز
رەسۇلۇللاھتىن كىيىن پەيدا بولغان ئىشلارنىڭ ھەممىسى بىدئەت ئىكەنلىكىنى  بىلىدىغانسىز؟
سىزنى ئەلبەتتە بىلىدۇ دەپ ئويلايمەن. سىز . ئىسلام شەرىئىتىدە ۋاقىتلىق نىكاھ ئىتىراپ قىلىنىدۇ،
دەپسىز . رەسۇلۇللاھتىن كىيىن پەيدا بولغان دىنى ئىشلارنى توغرا دەپ قارىغان كىشلەرگە ھەيرانمەن ، ئۇلار قۇرئاننى كىمنىڭ كۆزى بىلەن ئۇقۇغاندۇ؟ ياكى ئۇلار ئىرانلىقنىڭ كۈزى بىلەن
ئۇقامدۇغاندۇ؟  
ــــــــــــــــــــــــ

      «ئېران ئسىلام جۇمھۆرىيتىدىكى قانۇنلۇق پاھىشۋازلار»
ئېران زوڭتۇڭى نىجاد ئەھمەتنىڭ يىنىدىكى ئەڭ مۇھىم شەخسلەرنىڭ بىرى، ئىران ئىسلام ئىنقىلابى مۇھاپىزەت ئەترىتىنىڭ قۇماندانى، تىھران ساقچى ئىدارىسىنىڭ بىرىنچى قول باشلىقى رىزا زارەئى 2008-يىلى 3-ئاينىڭ باشلىرىدا ئۆزىنىڭ شەخسى داچىسىدا ئالتە پاھىشە ئايال بىلەن قىپيالىڭاچ ھالدا قولغا چۇشكەن. قىزىقارلىقى ساقچىلار پاھىشە ئاياللارنى سوراق قىلغاندا، ئۇلار: قۇماندان رىزا بىزنى كىيىمىڭلارنى سىلىۋىتىپ ئىبادەت قىلىڭلار دەپ بۇيرۇغان - دەپ جاۋاپ بەرگەن. رىزا  قولغا ئىلىنىپ ئۇچ كۇندىن كىيىن كىپىلگە بىرىلىپ قويۇۋىتىلگەن. ئىران داھىسى ھۇمەينى  رىزانى 3-ئاينىڭ 14-كۇنى مەخپى سوراق قىلىشنى، مەزكۇر خەۋەرنى قەتئى چەكلەشنى تەلەپ قىلغان. ئەمما بۇ سەتچىلىك يەنىلا پۇتۇن ئىرانغا تارقىلىپ كەتكەن.
رىزا زارەئى ــــــــــــــــــــــــــ

ئىرانغا كەلسەك، مەن ئىراننى تازا چۈشەنمەيمەن ،
< پەيغەمبەر ئەلەيھىسسالام خەيبەردە تۇرغان ۋاقىتتا ۋاقىتلىق نىكاھ قىلىشتىن، ئائىلىدە باقىدىغان ئىشەكنىڭ گۆشىنى يىيىشتىن  توسقان> (مۇسلىم رىۋايەت قىلغان )    
سىز يۇقارقى ھەدىسنى ساختا دىسىڭىز بۇ ئۆزىڭىزنىڭ ئەركىنلىگى ، بۇ ھەدىسنى بارلىق مۇسۇلمان ئەل ئىتراپ قىلىدۇ،
بۇ ئەسەرنىڭ ئاپتورى؛ «ئەبۇ بەكرى جابىرىل جەزائىرى» مەدىنىدىكى پەيغەمبەر مەسجىدىنىڭ خەتىبى، داڭلىق ئۆلىما ، شۇ كىشىمۇ يالغاننى توقۇشتىن  قورقماسمۇ؟

Quote:

بۇ مەزمون5قەۋەتتىكىkarakuyun2نىڭ2009-02-12 16:02 دە يوللىغان يازمىسى   :
   taza  titiksiz  gap  boptu  ,halal  juptidin  baxka  ,yana   birla   ayaldin  baxka  ,hamma  nikak   bolmugur  ,haram  nikak  ,kimu  u  bir  ar  4  hotun  alsun  digan,kargan  arkixili  4  hotuni  baning  hotunlirini  axna  kilip  oynamdu

بۇ تازا تېتىقسىز ئىنكاس بوپتۇ ،  باش دىسە پاقالچاق، پىشۇرۇپ بىرەي دىسە خام يەيمەن دىگەندەك ، كىم سىزگە 4 خۇتۇن ئېلىڭ دەپتۇ؟  بۇ يەردە 4 خۇتۇننىڭ گىپى بولمىدى تورداش .
سىز ،ئىسلام دىنى، كۆرسەتكەندەك ھەر جەھەتتىن ئادىل بولالىسىڭىز سىزنى شەرىيئەت 4 خۇتۇن ئېلىشتىن توسمايدۇ. شۇڭا قۇرئاندا« ئادىل بولالماسلىقىڭلاردىن قورقساڭلار بىر خۇتۇن بىلەن كۇپايىلىنىڭلار»
( سۆرە نىسا 3- ئايەتنىڭ بىر قىسمى)دەپ كۆرسەتكەن  ، سىز ئادىل بولسىڭىز ، ۋىژدانلىق ئەركەك مۇسۇلمان بولسىڭىز نەچچە ئايالىڭىز بولسىمۇ ھەرگىز ئاشنا ئوينىمايدۇ. چۈنكى ئۇ
ھەقىقى مۇسۇلمان بولسا ياراتقان ئىگىسىدىن قورقىدۇ، ئەكسىچە ئاللاھنى تونىمايدىغان، بىلى بوشلاردىن بولسا  بىر خۇتۇن بولسىمۇ كۆزىڭىزنى پارقىرتىپ قۇيۇپ ئاشنا ئويناۋېرىدۇ  شۇ

ئەر-ئايال، قىز ئوغۇللارغا  ئاللاھتىن ئىنساپ- تەۋپىق، شەرمى ھايا ھەقىقى ئىمان تىلەيلى!