http://dl9.glitter-graphics.net/pub/1291/1291699nswohxa4om.gif

كىشلىك ھاياتتا ھەر قانداق ئادەمنىڭ ئۆزىگە تەسىر قىلغان ،قەلبىگە ھۆرمەت ھېسياتى قوزغىغان ئادىمى بولىدۇ.دەل،مىنىڭ دادام قەلبىمگە شۇنداق تەسىر قىلغان كىشلەرنىڭ بىرى.ئۇنىڭ ھەربىر سۆزىدىن ئۆزىمگە تەسەللىي،ئەقىل تاپاتتىم.ئۇنىڭ ھەر بىر سۆزلىرىنى ئاڭلىغىنىمدا ئۇنىڭغا بولغان ھۆرمەت بىر ھەسسە ئاشاتتى.ئۇ بىر ئاچچىقى يامان ئادەم ،لىكىن ئانچىكى كىچىك ئىشلارغا ئاچچىقلانمايدۇ.پەقەت بىرەر ئىش كۆڭلىگە ياقمىغان ،ئۇنىڭ دېگىنى بويىچە بولمىغان چاغلاردىلا ئاچچىقلىنىپ قالىدۇ.
ھېلىمۇ ئىسىمدە ،بىر كۈنى ئۇ مىنى دوستلىرى بىلەن ئولتۇرىدىغان بىر ئولتۇرۇشقا ئېلىپ باردى.بۇ ئولتۇرۇش بىر باغدا بولغان ئىكەن.باغ ئىچىدە بىر كىچىك ئېرىق بار ئىكەن.مەن دادام بىلەن شۇ ئېرىق بويىغا كەلدۇق،دادام ماڭا:
-قىزىم،ئاتلاپ ئۆتۈپ باقە،دېدى-دە،بىر ئاتلاپلا ئۆتۈپ كەتتى.مەن شۇ ئان دادامغا :
-دادا ،مەن قورقىمەن،دېدىم قورقۇمسىراپ.دادام :
-ھۇ ،قورقۇنچاق.چۇقۇم ئۆتۈپ كېتەلەيسەن.تەۋەككۇل قىلىپ باقە.ئاللاھ ھەقىقەتەن تەۋەككۇل قىلغانلارنى ياخشى كۆرىدۇ.ئاللاھقا تەۋەككۇل قىل!.دېدى.ئۇ ماڭا  ناھايتى ئۈمۈدلۈك قاراپ.شۇنىڭ بىلەن مەن ئېرىقتىكى ئۇلۇغ سۇغا قارىمايلا ،بىر ئاتلاپلا ئۆتۈپ كەتتىم .يىقىلىپ كېتىشكە قىل قالغاندا ،دادام مىنى تۇتۇۋالدى.مەن ئۆتۈپ كەتكەنلىكىمدىم ناھايتى خوشال بولدۇم.شۇنىڭدىن تارتىپ مەن ھەممە ئىشقا تەۋەككۇل قىلىپ باقىدىغان بىر تەۋەككۇلچى بولۇپ قالدىم.
*                 *                  *                         *            
دادامنىڭ ھەر بىر سۆزلىرى پەرزەنتلەرگە تەربىيە ئىكەن.مىنڭ ئۈچىنچى ئاكام سەل ھاكاۋۇر ،دىمىغى ئۆرە چوڭ بولۇپ قالغان ئىدى.دادام ئۇنىڭ بۇ مىجەزىنى پەقەتلا ياقتۇرمايتى.بىر كۈنى ئىشىكنىڭ يېنىدا تۇرۇپ دادامنىڭ ئاكامغا مۇنداق نەسھەت قىلىۋاتقانلىقىنى ئاڭلاپ قالدىم.
-بالام ،كۆڭلىدە تېرىقچىلىق كىبرى بولغان كىشى جەننەتكە كىرەلمەيدۇ،ھاكاۋۇرلۇق شەيتاننىڭ ئىشى.شەيتان ئەينى ۋاقىتتا ھاكاۋۇرلۇق قىلىپ ،ئاللاھقا گەدەنكەشلىك قىلغاچقا ،ئاللاھ ئۇنى جەننەتتىن قوغلاپ چىقارغان .شەيتان شۇڭا مەڭگۈلۈك لەنەتكەردى بولۇپ قالدى،سېنىڭ شەيتاندەك ئاقىۋەتكە قالغۇڭ يوقتۇ؟،-دېگەنلىكىنى ئاڭلاپ قالدىم .دادامنىڭ بۇ نەسھەتلىرى ئاكامغىلا ئەمەس ،ماڭىمۇ قىلغان تەربىيە نەسھەت ئىدى.كىيىن دادامنىڭ قايتا-قايتا تەربىيىسى بىلەن ئاكامدىكى ئۇ ئىللەت يوقالدى.
*                      *                          *                          *
بىر كۈنى مەن ئۆيدە يالغۇز قالدىم ،غېرىپسىغاچقا كۆڭلۈم شۇنداق يېرىم ئىدى.دادام كىرىپ مەندىن نىمە ئىش بولغانلىقىنى سورىدى.مەن :
-دادا،بىر سىڭلىم ياكى ھەدەم بولغان بولسا ،ھە.يالغۇز قالغاندا مەن بىلەن بىللە مۇڭداشقان بولاتتى،دېدىم.دادام سۆزىمنى ئاڭلىغاندىم كىيىن:
-بالام ،شۈكرى قىل،يالغۇز بالا بولۇپ قالمىغىنڭغا ،ئاكىلىرىڭ بارغۇ؟قىزىم ساڭا دىسەم،پەزىلەتسىز كىشى مىڭ كىشى ئارىسىدىمۇ ئۆزىنى يالغۇز ھېس قىلىدۇ.خۇرسىنما.مەن ساڭا بەك ئامراق.ھەزىرتى ئەكرەم مۇھەممەد مۇستافا(س ئە ۋە ):«پەرزەنتىڭلارنى ئوخشاش كۆرىڭلار،ئوخشاش مۇئامىلە قىلىڭلار.ئەگەر مەن بىر پەرزەنتىمنى يەنە بىر پەرزەنتىمدىن ئەزىز كۆرگەن بولسام ،قىزلارنى ئەزىزلىگەن بولاتتىم» دېگەن سۈيۈملۈك قىزىم،مەن ساڭا ئامراق.سەن ھەرگىز يالغۇز ئەمەس،ئاللاھ ساڭا ھەقىقىي ھەمراھ.بىز بۇ دۇنياغا يالغۇز كېلىمىز ،يەنە يالغۇز كېتىمىز ئەمەسمۇ؟
ئۇنىڭ بۇسۆزلىرىدىن شۇنچە سۈيۈندۈم.شۇندىن بېرى مەن يالغۇز دەپ ئاغىرىنمايدىغان بولدۇم.
دادام بىر كەم سۆز ئادەم .تولا سۆزلەشنى خالىمايدۇ.ئەمما ،بىرسىگە گەپ قىلسا ،ئەشۇنداق ھەدىس ۋە شىرىفتىن سۆزلەپ ئادەمنى قايىل قىلىدۇ.           *                         *

*                *    
ئېھ،رەھمدىل ،شەپقەتلىك ،مېھرىبان ،ھېكمەت بىلەن ئىش قىلغۇچى ،كەرىملىك ئاللاھ ئاتا-ئانام مىنى كىچىك چېغىمدا شەپقەت قاناتلىرى ئاستىدا كۈيۈنۈپ ،ئاسراپ چوڭ قىلغانغا ئوخشاش ،ئۇلارغىمۇ شەپقەت قىلغىن،ئۇلارنىڭ بىلىپ-بىلمەي قىلغان گۇناھلىرىنى كەچۈرگىن،ئۇلارنى دۇنيا ۋە ئاخىرەتتە ياخشى ئاقىۋەتكە ئىگە قىلغىن،ئۇلارنى ئۆمرىنى ئۇزۇن قىلغىن،ماڭغان يۇلىنى نۇرانە قىلغىن،ئۇلارنى ئاستىدىن ئۆستەڭلەر ئېقىپ تۇرىدىغان جەننەت بىلەن مۇكاپاتلىغىن،ئامىن ئاللاھۇ ئەكبەر!

تىلىم تۇنجى چىققاندا،
ئىلىم سالدىڭ تىلىمغا.
جەننەت ساڭا يار بولسۇن،
دۇئا قىلىمەن ئاللاھقا.

رازى بولغىن جان دادا،
بىغۇبار،سەبىي قىزىڭدىن.
سەۋەنلىكىمنى ئەپۇ قىل ،
يانغىن ئاچچىقك نىيتىڭدىن.

يالغۇز قالغان چېغىمدا،
بەردىڭ ماڭا ئىلىمنى.
ئۇنۇتمايمەن بىر ئۆمۈر،
ماڭا قىلغان سۆزىڭنى.

ئاڭلىسام ھەر بىر سۆزىڭنى،
ئاشار قەلبىمدە ھۆرمۈتۈڭ.
خۇشتار شەربەت سۆزۈڭگە،
دۇردانىدۇر ھېكمىتىڭ.

ئۇچۇپ كەتسەم يېنىڭدىن،
رازى بولغىن جان دادا.
گەر قايتۇرالمىسام ئەجرىڭنى،
مەندىن يانمىسا ئاللاھتىن يانا.

ئۆمرۈڭ ئۇزۇن،بەخىتلىك بولغىن،
ئەل ئىچىدە ئەزىز ،قىممەتلىك بولغىن.
ياخشى نامىڭدىن ئەھلى جەننەتى بولغىن،
بىر ئۆمۈر قەدىرلىك ،ھىممەتلىك بولغىن.

مەنبە:ئۆزئىجادىيتىمدىن رەھمەت ،جېنىم دادا،ھەممە نەسھەتلىرىڭىنى ئىسىمدە چىڭ تۇتىمەن.سەندەك ياخشى دادام بولغۇنىدىن خوشالمەن،جان دادا سەندىن پەخىرلىنىمەن،،،

بۇنداق ياخشى تىمىنڭ تۇنجى ئۇقۇرمىنى بۇلغانلقمدىن بەك خۇشال مەن رھمەت

بەك ياخشى يىزىپسىز ..مىنىڭ دادام ،،،،،،،،،،،،،،،،             

بەكمۇ  ياخشى يېزىلغان تېمىكەن ،،،،رەخمەت ،مەنمۇ يىراقتىكى دادامنى ئەسلەپ قالدىم ،،،

رەخمەت دوستۇم . تېمىڭىزنى ئوقۇپ چىقتىم ياخشى يېزىپسىز . بولسا داۋاملىق يوللاپ تۇرارسىز!

دادا......
مەن بۇرۇن دادامدىن پەخىرلىنەتتىم، بىلسەم شۇ چاغلاردا كىچىككەنمەن، يەنە قاچان ھەقىقىي پەخىرلىنىدىغان كۈنلەرنىڭ كىلىدىغانلىقىنى بىلمەيمەن......  

رەھمەت دوستۇم تېمىڭىزغا، ئېسىل تېمىلارنى يوللاۋاتىسىز (يەنە بىر گەپنى ئىچىمدە دەۋەتتىم   )

ئاتا-بىر تۈپ سۆيگۈ دەرىخى.تىما ئىگىسىنىڭ ئەجرىگە رەھمەت...............

بۇگۇن كۆڭلۈم بەك بەك يېرىم، بۇ تېمىڭىزنى كۆرۇپ تېخىمۇ يېرىم بولدى، ئۆزەمدە شۇنداق بىر ھىس تۈيغۇ پات ئارىدا دادام بىلەن كۆرۇشىدىغاندەك، چۇنكى مەن ئانىلاردا بولۇشقا تىگىشلىك ئەڭ موھىم نەرسەمدىن ئايرىلىش ئالدىدا تۇرماقتىمەن، بۇگۈن دادامنى بەك سېغىندىم،

miningmu  qadirdan  dadamgha  bolghan  tesiratim  tolimu  chongqur .allha ulargha kop hidayetlerni ata  qilghay!!

بۇ تېمىڭىز ئىنتايىن ياخشى چىقىپتۇ...
دادامنىڭ ئىسىل پەزىلەتلىرى ۋە ئىسىل نەسىھەتلىرى تۈرتكىسىدە 6يىللىق ئالىي مەكتەپ ھاياتىمنى ئاخىرلاشتۇرۇپ،جەمىيەتتەبىر كىشىك ئورنۇمنى تېپىپ كۆڭۈللۈك ئائىلىدىن بىرنى قۇرۇپ ئانا بولۇپ ئولتۇرۇپتىمەن.
مانا بۇ شۇ مىھرىبان،قەدىردان دادامنىڭ بىز ئۈچۈن تۆككەن ئەجرىنىڭ مەسھۇلاتى...ئەپسۇس دادام ئۇ دۇنيادا بىز ئۈچۈن روھىي مەدەت تىلەپ تۇرىدىغاندۇ.
جان دادامنىڭ ياتقان يىرى جەننەتتە بولغاي...ئامىن!

ئاتا-بالا مېھرى ئەلۋەتتەئۇلۇغ

ئەسرىڭىز بەك ياخشى چىقىپتۇ   ،تېىخمۇ تىرشىڭ
بەك تەسىرلەندىم .

مېھرى - مۇھەببەت ئۇرغۇپ تۇرغان تېمىلىرىڭىزنى بەك ياقتۇرىمەن سىڭلىم ، سىزگە تېخىمۇ زور ئۇتۇقلار تىلەيمەن .

دادىلىرىمىزنى يوقلاپ تۇرايلى،دۇئا قىلىپ تۇرايلى . . .