قىزىم 5 ياشقا كىرەي دىگەن ئىدى.ئۇيغۇرچە ئوقۇش يېزىشنى تامامەن ئۆگنىپ بولغان ئىدى.سانلارنى،كەررە نى ساناشنىمۇ خېلى ئۆگىنپ بولغان ئىدى.بىرىنچى يىللىقنىڭ ئىككىنچى مەۋسۈمىدە 2 ئاي سىناق ئوقۇپ،ئوقۇش پۈتتۈرۈش ئىمتىھانىدا ئەدەبىياتتا 89 نومۇر،ماتىماتىكىدا 69 نومۇر ئالغان ئىدى.مەن ئۇ مەكتەپتىن قىزىمنى يۈتكەپ، قوش تىللىق مەكتەپكە ئاپىرىپ1-سىنىپقا بەرگەن ئىدىم، دەسلەپتە ئالغان ئىدى،كېيىن يېشى كىچىككەن دەپ قايتۇرماقچى بولدى.مەن سىنىپ مەسئۇلى بىلەن ئازراق سۆزلەشتىم :
_ يېشى كىچىك بولغان بىلەن بىرىنچى سىنىپتىكى بالىلار ئۆگىنىدىغان دەرسلەرنى ئۆگىنىپ بولدى.ئاۋال ئوقۇتۇپ بېقىڭلار،بولمىغاندا سىنىپ چۈشۈپ قالسا پىكرىم يوق.مەن ئىشنىمەنكى قىزىم باشقا بالىلارغا يىتىشىپ ماڭالايدۇ.بىز ئائىلىدە تېخىمۇ ياخشى ئۆگىتەيلى.
_ سىلى ئۇنداق دىگەن بىلەن شوجاڭ(مەكتەپ مۇدىرىنى شۇنداق دەيدىكەن) يېشى كىچىككەن ،قايتىپ كەتسۇن، دېدى.شوجاڭ بىلەن كۆرشۈپ باقاملا -يە؟
_ سىز دىگەن «شوجاڭ» قىزىمنىڭ ياشتا كىچىك ئىكەنلىكىنى ئوبدان بىلىدۇ،ئۇ كىچىك بولسىمۇ ئوقۇتۇپ بېقىشقا ئۆزى قوشۇلغان ئىدى.مەن بۇ توغۇرلۇق ھەم ئۇنىڭ بىلەن كۆرۈشكەن ئىدىم،يەنە كۆرۈشەمدىمەن؟ ( قانداق كۆرۈشۈشنى دەيدىغانسىز ئەمدى؟ دىگىم كەلدى-يۇ ئۇنداق دېمىدىم)
_  ئەمىسە كەچۈرۈڭ،مېنىڭمۇ ئامالىم يوق.
_ ئۇنداقتا قىزىمنى مەكتەپتە ئوقۇتمايسىلەر شۇنداقمۇ؟ مەن قىزىمغا مەيلى قانداقلا بولمىسۇن بىلىم ئۆگەتمەكچى،يەسلىدە ئۆگىنىدىغاننى ئۆگنىپ بولدى،مەكتەپكە كىچىك دەپ ئالمىساڭلار قىزىم نېمىش قىلىدۇ؟ بىكار ئوينىسا ئۆمرى بىكار ئۆتۈپ كېتىدۇ،مەكتەپكە ئالمىدىڭلار، ئەمدى ماڭا بىرلا ئامال قالدى،ئۇ بولسىمۇ قىزىمنى موللامدا ئوقۇتىمەن .ھۆكۈمەت سەۋەبىنى،مەسئۇلىيەتنى سۈرۈشتە قىلسا مۇشۇ مەكتەپنى،سىلەرنى كۆرسۈتۈپ قويىمەن جۇمۇ(ئەمىلىيەتتە ئۇنداق قىلغىلى بولمايدۇ-دە،موللامدا ئوقۇتۇش قانۇنغا خىلاپ تۇرسا).
    مەن شۇنداق دىگەنچە چىقىپ كەتتىم.بالامنى ئېلىپ مائارىپ ئىدارىسىگە باردىم.دەل شۇ كۈنى مائارىپ ئىدارىسىنىڭ ئەمەلدارلىرى يىغىن ئېچىۋاتقان ئىكەن، باشلىقىنى ساقلاپ تۇراي دىسەم مەنمۇ ئىشقا كىچىككىدەكمەن.شۇ قايتىپ كەتكەنچە قىزىمنى ئۆيگە ئەكىلىۋالدىم.ئۆيدە ئۆزى خالىغانچە يېزىپ،ئوقۇپ ئۆگىنىۋاتىدۇ.مەنچە بولسا مەكتەپتە سېستىمىلىق ئۆگىنىدىغان ۋاقىتلىرى ئىدى.ئەمما بۇنىڭغا مائارىپ تۈزۈلمىمىز يول قويمىدى.سىلەرچە مەن ئۆكتەملىك قىلىپتىمەنمۇ ياكى مائارىپ تۈزۈلمىسى سەل قاتمالمىكەن؟ بۇنىڭغا ئۆزەممۇ جاۋاپ ئىزدەۋاتىمەن.
     بەزىلەر دەيدۇ: «بالا كىچىك بولسا كىيىن بېشى ئاغرىيدىغان بولۇپ قالىدۇ،ھۆكۈمەت 7 ياش دەپ بىكىتكىنىكەن چوقۇم ئەمەل قىلىش كېرەك،چۈنكى بۇ ياش چەكلىمىسى نۇرغۇن تەتقىقاتتىن ئۆتكەن»
     مەن دېدىم:«توغرا،مەن بۇنى چۈشىنىمەن،لېكىن يەنە شۇنداق ئەقىللىق بالىلارمۇ باركىن ئاللا  بۇ بالىغا ئەقىلنى يەتكىچە بەرگەن،تولىمۇ ئەپسۇس تۈرلۈك تۈزۈملەر بۇ بالىنىڭ  ئەقلىنىڭ جارى قىلدۇرلىشىنى چۈشەپ قويىدۇ.ئىنسانلار تۈرلۈك تۈزۈملەرنى بىكىتىپ ئۆزىمىزنى ئۆزىمىز قاتمۇ-قات تۈزۈم ئىچىگە ئورىۋالىمىز.جۈملىدىن بەزى ئالاھىدە ئەقىللىق بالىلارنىڭ ئەقلىنى جارى قىلدۇرش پۇرسىتىدىن مەھرۇم قويىمىز»
سىز بۇنىڭغا قانداق قارايسىز؟
___________________
2008-12-9
قىزىمنىڭ تۆت يېرىم ياش ۋاقتىدىكى دېكلىماسسىيەسىنى ئاڭلاپ باقماقچى بولسىڭىز مانا بۇ يەردە:  ./read.php?tid-49330.html

جۇڭگوچىلىقتا بىر كىمدىن خاپا بولىسىز ،،،  

موللامدا ئوقۇتۇش راستىنلا قانۇنغا خىلاپما؟ بۇنى مەن بىلمەيدىكەنمەن ھەم ئاڭلاپمۇ باقماپتىكەنمەن...

يو، شوجاڭ بىلەن كۆرشۈپ باقامسىز يا؟دىگىنى قارىمامدىغان،بۇنىڭ تىگىدە گەپ بارئىكەن،مەن ئۇقۇپ قالدىم.   

قىزىڭىزنىڭ ئەقىللىقلىغىدىن سۆيۈندۈم ئۇكام . سىزنىڭ مەسئۇلىيەتچانلىغىڭىزمۇ كىشىنى قايىل قىلىدىكەن .
مېنىڭچە بالىنى مەكتەپكە كىچىك بەرگەننىڭ زىيىنى يوق . بىزمۇ  قىزىمىزنى  6ياشقا كىرمەي تۇرۇپ مەكتەپكە بەرگەن . ھازىر 13ياشقا كىردى . تولۇقسىز 2-يىللىقتا ئوقۇۋاتىدۇ . گەرچە ھازىر باشلانغۇچتىكىدەك ئەلاچى بولمىسىمۇ قوش تىللىق تەجرىبە سىنىپىدا ئوقۇۋاتىدۇ .
لېكىن ھازىر تۈزۈملەر بەك چىڭىپ كەتكەنمۇ ، نەچچە يىل ئاۋالقىغا ئوخشىمايدىكەن .
شۇنداقتىمۇ  ئامالىنى قىلىپ باقسىڭىز بوپتىكەن . ئىشلىرىڭىزغا ئۇتۇق تىلەيمەن .

  ئالدى ئىشىكتىن يىڭنە پاتمايدۇ،ئارقا ئىشىكتىن پويىز قاتنايدۇ .  
     سىزمۇ بالىڭىزنى پويىزلىق ئەكىرىۋەتمەمسىز ~~~~

بىزنىڭ بۇ يەردە 14 ياشتا ئۇنۋېرستىتقا ئۇقۇشقا كىرگەنلەرمۇ بار ، ئۇلارنى ئەجەپ كىچىك دىمەپتا؟

مېنىڭچە سىز سەل ئۆكتەملىك قىلىپسىز ، ئىلگىرى مېنىمۇ مەكتەپكە بەرگەندە بىزنىڭ بىر تۇققىنىمىز بالىسىنى مەن بىلەن تەڭ مەكتەپكە بەرگەن (بالىسى مەندىن بىر ياش كىچىك ئىدى)
شۇنىڭ دەردىنى ئاز تارتمىدى . بىر بولسا ئەقلى ئۆزىدىن چوڭ بالىلارغا يىتىشمەي دەرستە كېيىن قالغان ، نېمە تاپشۇرۇق بەرگىنىنى بىلەلمىگەن ، سىنىپتا كىچىك بالىلاردەك قىلىقلارنى قىلىپ ساۋاقداشلىرىنىڭ ۋە ئوقۇتقۇچىللىرىنىڭ نەزىرىدىن چۈشكەن ... ئەڭ چاتاق يېرى سىنىپتىكىلەرنىڭ (ئۆزىدىن چوڭلارنىڭ) بوزەك قىلىنىشغا ئۇشچىغان . مېنىڭچە سىز قىزىنىڭىزنى 7 ياكى 8 ياشتا مەكتەپكە بېرىڭ !
سەمىمىي تەكلىپىم !

   مىنىڭچىمۇ  يىشىغا يەتكۈۈزۈپ بېرىڭ ، ھازىر ياشنى بەك چىڭ تۇتىدۇ ....پۇ جىئاۋ  ئىشلىمەك تەس .ئالدىراپ مەكتەپكە بەرمەي ،ئارزۇسى بويىچە ھەر خىل تەربىيلەش سىنىپلىرىغا بېرىڭ !

قىزىڭىزنىڭ دېكلىماتىسىيەسىنى ئاڭلىدىم ھەقىقەتەن ياخشى دېكلىلىماتسىيە قىپتۇ .

بۇ ئىككى ئاساسەن دىگەن ئىشتىكى ئارخىپقا تاقىشىدۇ.ئەگەر بۇبالىنى قوبۇل قىلسا ،ئالدىنقى يىللاردىكى ۋە كىلەر يىلقى ئارخىپلارنىڭ ھەممىسى خاتا بولۇپ قالىدۇ دىگەن گەپ.شوڭا بۇئىشتا  مۇئەللىملەر  بەك ئېھتىيات قىلىدۇ.بىراق بۇنىڭغا ئامال يوقمۇ ئەمەس،يەنى سىز مەكتەپ مۇدىرى بىلەن كورۇشسىڭىز،ئۇخالىسا،بۇيىل 7ياشقا كىرىپ  لىكىن مەكتەپكە كەلمىگەن بالىلارنىڭ جايىغا سەپلەپ قويسا بولىدۇ.بۇنىڭ ئۇچۇن تۇنۇش ياكى تۇنۇشتۇرۇش بولۇشى كېرەك.

ئەركىزات ئەپەندى سىزنىڭ ئىشىڭىزنىڭ ئۇتۇقلىق بولىشىغا تىلىكداشمەن.
مەن قىزىڭىزنىڭ دىكىلاماتسىيەسىنى ئاڭلىدىم، قىزىڭىز بەك زىرەكتەك قىلىدۇ .سىز بۇنداق ئىشتىك بەل قويىۋەتمەڭ ،داۋاملىق ئامال ئىزدەڭ.
دۇنيادا مۇمكىن بولمايدىغان ئىش يوق.

قىزىڭىز بەكلا ئەقىللىق ئىكەن ، ئوقۇغان شېئىرنى ئاڭلىدىم . سىز يەنىلا ئۆزىڭىزنى بېسىۋېلىڭ ، ھەممە ئىشنىڭ ۋاقتى ياخشى. مەن سىزگە شۇنداقلا دىيەلەيمەن ....

ۋەزىيەتكە ماسلىشىڭ ، ئامال يوق ، ياخشى تەربىيىلىسىڭىزلا بولدى ، سىزنىڭ كۆزلىگەن مەقسىتىڭىزدىن چىقىپ كېتىشى ئېھتىمالغا يېقىن . قاخشاشنىڭ زۆرۈرىيىتى يوق .

ھازىرچە ئالمىسا مەيلى ئەمەسمۇ؟ ھازىرقى بالىلار قوش تىللىق مەكتەپكە كىرىش ئۈچۈن زاكىسىدىن تۇرۇپلا، ئېغى يوق ئىشتاننى تاشلىماي تۇرۇپ ئۆگىنىشنى باشلايدۇ، باشلانغۇچنى پۈتتۈرگىچە ھېلىقى تەجرىبە ئوتتۇرا،................. بىر نېمە ئوتتۇرىلار ئۈچۈن( ئەمەلىيەتتە ئانىسى بىلەن دادىسىنىڭ ئارزۇسى، راستىنى ئېيىتقاندا ئابرويى ئۈچۈن) جان تىكىپ «تۆت كۆز» گە ئايلىنىدۇ، تولۇقسىزنى پۈتتۈرسە ھېلىقى ئىچكىرى تولۇق ئوتتۇرا دېگەن ھەممە ئادەمنىڭ كۆزنى قىزارتىدىغان يەر ئۈچۈن ھەممىسىنى ئاتايدۇ، تولۇق ئوتتۇرا پۈتكىچە بولغان ئىشلارنى ھەممىمىز خېلى بىلىمىز، ئالىي مەكتەپكە كىرسە ئاۋال شۇنداق« ياخشى» دېيىلگەن بالىلار ئاخىرى «ھازىرقى ئالىي مەكتەپ باللىرى ئۇنداق، مۇنداق» بولۇپ ئالىي مەكتەپنى پۈتتۈرسە ئۆز يۇرتىدىن خىزمەت ئىزدەپ يۈرىشىدۇ. ھەي ئەقىللىق جامائەت، ھاجەتمۇ؟!  ئەشۇ كىچىكىدىن تارتىپ كىتابتىن بېشىنى كۆتۈرمىگەن، جەمئىيەت، تەبىئەت دېگەندىن ئايرىلىپ قالغان بالىلار ئاخىرى نېمە بولماقچى؟؟؟؟؟؟
پەرزەنىت ئىككى ياشقىچە ئانىسىنى ئەمسە، يەتتە ياشقىچە ئاتا-ئانىسىنىڭ تەربىيەسىدە بولسا بولمدۇ؟؟؟؟؟؟؟؟