زەھەر قەسىدىسى
(ساتىرا)
ئەنۋەرجان قادىر

مەن تۈرلۈك چاي ئويناپ كۈنلەر ئالدىراش،
<< خوش>>،<<سىڭسۇن!>>ئەۋجىدە يوق جاننى ئاياش.
چۈش بىلەن باشلانسا بۇلۇر تەڭ كېچە،
مەست پېتى كۈتىمىز يېڭى كۈن-قۇياش.

ھاراقسىز ئولتۇرۇش ئۈلۈمگە تەڭداش،
ئىچسەكلا بولمايدۇ ياتلاش- ياتسىراش.
ھاراق-قان، ھاراق-جان، ھاراق جانىجان!
بىر  سوتكا ئىچمىسەك بۇلار قانسىراش....................

ھاراقسىز ئات تويى- مېھماننى گوللاش،
ھاراقسىز مەرىكە ماتەمگە ئوخشاش.
ھاراقسىز ئۇشتۇلماس ھەتتا قارىلىق،
ھاراق-ئۇ، ھەرقانداق سورۇنغا يولباش.

ھاراقتا باقىيغا كەتتى كۆپ ئاداش،
چۈچۈشلەر ئىلكىدە گىلدىڭلىدى باش.
مازاردىن يېنىپلا مەرھۇمغا ئاتاپ،
ئىچىشكەش دىيىشتۇق، ئەجەپ كەتتى ياش!...............

ئېھ،ھاراق! سەنسىز نە بەختىيار ياشاش،
سەن بىلەن ئىشلار ھەل، چوڭ ئىشنى باشلاش.
رىشتىمىز ئۈزۈلمەس سەندىن تا ئەبەت،
شۇ سەۋەپ بار ساڭا مۇنداق بىر قاراش.

ھاراق بىر مۆجىزە ، ئاجايىپ بايقاش،
ئىنساننىڭ ئەقلىدە ئىنساننى باپلاش.
دېگىنى<< مەي ئەمەس، كەيپىدۇر ھارام>>.
گۇناھنىڭ سۈيىدە گۇناھنى چايقاش.

كېلىڭلار، ئىچەيلى بارلىق قېرى-ياش!
ياخشىغۇ يۈرەككە مىق قېقىش- قاداش!
ھاراقتىن چىقىدۇ جىمىي نوچىلىق،
جىدەللەر قاينىسۇن ، بولمايلىياۋاش!..................

مەنبە: جۇڭگو مىللەتلىرى

مۇسۇنداق ئىسىل ئەسەرنى ئوقۇغىڭىز كەلمىدىما

ھاراقني بەك ماختاپسزمو..............

مەزمۇنى خېلى ياخشىكەن، ئورتاقلاشساق

بۇ شېرمۇ ئابدىۋېلىكامنىڭ شېردەك ئىسىل شېر

ساتىرا دەكلا ساتىرا كەنغۇ ~~ ئارقىغا ئاچچىق كىنايە ،ئۆتكۇر تىللار يۇشۇرۇنغان .  

باشقىلارمۇ سىزدەك مۇشۇنداق شېرنىڭ قەدىرىنى بىلەرمۇ؟

بەك ياخشى يېزىلغان شېئىر ئىكەن. يەنە بولسا يوللاپ تۇرارسىز~~~~~~~!
رەھمەت سىزگە.

مىنىڭ مەقسىدىم شەبنەم ئۈچۈن نادىر تېما يوللاپ شەبنەمنى ئىللىق ئائىلىگە ئايلاندۇرۇش

ياخشى ياخشى ياخشى ناھايىتى ياخشى.  ~~~

تورغا يېڭىدىن كىرگەچكە ئىنكاس يېزىشنى تازا قاملاشتۇرالمىدىڭىزمۇ نىمە

ياخشى شىئېر يوللاپسىز.ئۆزىڭىزنىڭ ئىجادىيىتىنى كۆپرەك يوللاشنىمۇ ئۇنتىماڭ!