2009– يىل6– ئاينىڭ15– كۈنى 10:22 تەڭرىتاغ تورى  

     مۇخبىرىمىز ئادىلجان تۆلەڭ خەۋىرى : شىنجاڭ ئاياللار بالىلار فوندى جەمئىيىتىنىڭ تەمىنلىگەن ئۇچۇرىغا ئاساسەن ، 12–ئىيۇن چۈشتىن كېيىن مەن تورىمىز مۇخبىرلىرى بىلەن بىرلىكتە شىنجاڭ تىببىي ئۇنىۋېرسىتېتى قارمىقىدىكى 1–دوختۇرخانىسىنىڭ بالىلار 2–بۆلۈمىدە يېتىپ داۋالىنىۋاتقان ئۇيغۇر قىزى نۇربىيە مەخمۇتنى يوقلاپ باردىم . نۇربىيە مەخمۇت بۇ يىل11 ياشقا كىرگەن بولۇپ ، قايتا قوزغىلىدىغان توسالغۇ خاراكتېرلىك قان ئازلىق كېسىلىگە گىرىپتار بولغان . نۇربىيەنىڭ دادىسى مەخمۇت تۇرسۇننىڭ ئېيتىشىچە ، نۇربىيەنى داۋالىتىش خىراجىتى ئۈچۈن ھازىرغا قەدەر 270 مىڭ يۈەندىن ئارتۇق پۇل كەتكەن ، دوختۇرخانا پەقەت يىلىك ئالماشتۇرغاندىلا ، نۇربىيەنىڭ ھاياتىنى ساقلاپ قالغىلى بولدىغانلىقىنى ئېيتقان بولۇپ ، يىلىك ئالماشتۇرۇشقا ئاز دېگەندىمۇ 500 مىڭ يۈەن كېتىدىكەن .

      نۇربىيە مەخمۇت شىنجاڭ ئاقسۇ ۋىلايىتى ئاۋات ناھىيە بەشئېرىق بازىرىدىن بولۇپ ، باشلانغۇچنىڭ 3–يىللىقىدا ئوقۇۋاتاتتى . 2007–يىلى 9–ئايدا نۇربىيە زۇكام بولۇپ قالغان ، ئائىلىسىدىكىلەرمۇ دەسلەپتە ئادەتتىكى زۇكام بولۇشى مۇمكىن دەپ ئويلىغان . بىر ئايدىن كېيىن ، بالىنىڭ تامىقى ئازلاپ ، چىرايى بارغانسېرى تاتىرىپ ، بەدىنى ئاجىزلاشقا باشلايدۇ . بۇنىڭدىن  ئەھۋالنىڭ خەتەرلىك ئىكەنلىكىنى سەزگەن ئاتا –ئانا نۇربىيەنى ئاقسۇ ۋىلايەتلىك دوختۇرخانىغا ئېلىپ بارىدۇ . ئاقسۇ ۋىلايەتلىك دوختۇرخانا بالىنى تەكشۈرۈپ ، بىر ئاي داۋالاش ئېلىپ بارغاندىن كېيىن ، ئۆزلىرىنىڭ ئامال قىلالمىغانلىقىنى ، تېزدىن ئۈرۈمچىدىكى چوڭ دوختۇرخانىلارغا يۆتكەشنى ئېيتقان . 2007–يىلى 10–ئايدا مەخمۇت تۇرسۇن قىزى نۇربىيەنى ئېلىپ ، شىنجاڭ ئۇيغۇر ئاپتونوم رايونلۇق خەلق دوختۇرخانىسىغا كەلگەن ، شىنجاڭ ئۇيغۇر ئاپتونوم رايونلۇق خەلق دوختۇرخانىسى بالىلار قان كېسەللىكلىرى بۆلۈمى ئەتراپلىق تەكشۈرگەندىن كېيىن ، نۇربىيەنى قايتا قوزغىلىشچان توسالغۇ خاراكتېرلىك قان ئازلىق كېسىلىگە گىرىپتار بولغان دەپ خۇلاسە چىقارغان .

      نۇربىيەنىڭ ئائىلىسىدە جەمئىي بەش جان ئادەم بار بولۇپ ، نۇربىيە بالىلارنىڭ ئىككىنچىسى ئىكەن . دادىسى مەخمۇت تۇرسۇن ئاۋات ناھىيىلىك يېزا–كەنت سۇ بىلەن تەمىنلەش پونكىتىنىڭ ئىشچىسى بولۇپ ، ئايلىق مۇئاشى 1200 يۈەن ئىكەن . ئاپىسىنىڭ خىزمىتى يوق بولۇپ ، ئائىلىسىگە تەۋە بەش مو يەرنى تېرىپ كىرىم قىلىدىكەن . ئىككى يىلغا يەتمىگەن ۋاقىت ئىچىدە ، نۇربىيەنى داۋالىتىش ئۈچۈن 270 مىڭ يۈەندىن ئارتۇق خىراجەت كەتكەن . بۇ پۇلنى ئۇلارنىڭ تۇغقانلىرى ، نۇربىيەنىڭ مەكتىپى ، مەخمۇت تۇرسۇننىڭ ئىدارىسى قاتارلىق ئورۇنلار ياردەم قىلغان . كېيىن مەخمۇت تۇرسۇن يەنە 100 مىڭ يۈەنگە يېقىن پۇل قەرز ئالغان ھەمدە ئۆي–زېمىن ، ئېتىزلىرىنىڭ ھەممىىنى سېتىۋەتكەن .

    قېرىنداشلار ، تۇرمۇشىتا بېشىمىزغا كۈلپەت چۈشكەندە ھەمىمىز كۆيۈنۈشكە ، ياردەمگە مۇھتاج . ھەممىمىز بۇ جەمئىيەتنىڭ بىر ئەزاسى بولۇش سۈپىتىمىز بىلەن ، نۇربىيەگە ياردەم قولىمىزنى سۇنايلى ! بۇ ناتىۋاننىڭ قەلبىنى ئىللىتىپ ، ئۇنىڭغا بۇ دۇنيانىڭ ئىللىقلىقىنى ، جەمئىيەتنىڭ مېھر–مۇھەببەتكە تولغانلىقىنى ھېس قىلدۇرايلى ! ئۇنىڭ ھاياتى ، كەلگۈسى پەقەتلا سىز ۋە بىزنىڭ ساخاۋەتلىك قولىمىزدا ! بىر تال تاماكىنى ئاز چېكىپ ، بىر ۋاق ئېسىل تاماقنى ئاددىيلاشتۇرساق بەلكىم بىر جاننىڭ قىممەتلىك ھاياتىنى ساقلاپ قېلىشىمىز مۇمكىن!

     تەڭرىتاغ تورى ، شىنجاڭ ئاياللار بالىلار فوندى جەمئىيىتى بىلەن بىرلىشىپ ، ‹‹ تەڭرىتاغنىڭ جەنۇب شىمالىدىكى كېسەلگە گىرىپتار بولغان نامرات بالىلارغا مېھر – مۇھەببەت يەتكۈزەيلى ! ›› تېمىسىدىكى بىر يۈرۈش چاتما خەۋەرلەر ئارقىلىق ، كېسەل ئازابىنى تارتىۋاتقان نامرات بالىلارغا ياردەم بېرىش ھەققىدىكى خەۋەر – ماقالىلىرىنى داۋاملىق ئېلان قىلىدۇ . ئەگەر سىز بۇ بالىلارغا ئىللىقلىق يەتكۈزمەكچى بولسىڭىز ، شىنجاڭ ئاياللار بالىلار فوندى جەمئىيىتى جۇڭگو سودا–سانائەت بانكىسىنىڭ ئاپتونوم رايونىمىزدىكى تارماق بانكىسى تىجارەت بۆلۈمى مىن دې يولى تارماق بانكىسىدىن ئاچقان 3002010109200052592 نومۇرلۇق بانكا ھېسابات نومۇرىغا ئىئانە ئەۋەتىشىڭىزنى ، ياكى 2319418— 0991 نومۇرى بىلەن ئالاقىلىشىشىڭىزنى ئۈمىد قىلىمىز !

ئۇلۇغ اللاھ شىپالىق بەرسۇن ...
ياردىمىمىزنى ئايىمايمىز سىڭلمىزغا .

ئاللاھ شىپالىق بەرسۇن

ئۇلۇغ اللا شىپالىق بەرسۇن.بىچارىگە........    

270  مىڭ  يۇئەن،  يائاللا  ھېلىمۇ  ئاشۇنچىلىك  پۇل  كىتىپتۇ؟  بىزدەكلەرگە  ھىش  بىر  ئىلاجىسىز  ،مۇشۇنداق  كېسەلدىن  ياراتقان  ئاللا  يىراق  قىلغاي،كەڭ  تورداشلارنىڭ  ئازدۇر  كوپتۇر  بىرلىكتە  كۇچ  چىقارساق،  داۋالىنى  جەھەتتە  ئاز  تولا  ياردىمىمىز  تىگىپ  قالسا  ئەجەپ  ئەمەس    ھەممىمىز  بىرلىكتە  كۇچ  چىقىرايلى!!!

ئاللاھ شىپالىق بەرسۇن   

ئاللاھ شىپالىق بەرسۇن         

ئىنئانە توپلاش، مىھرى شەپقەت يەتكۇزۇش تېمىلىرنى كۆرۇپ ئۇلارغا ئاز بولسىمۇ كۆڭلۈمنى بىلدۇرگىم كىلىدۇ، خىزمەت بىسىمى ۋە تۇرمۇش ئالدىراشچىلىقى تۇپەيلىدىن ئايرىم ۋاقىت چىقىرىپ بانكىغا كىرىپ كەم دىگەندە بىر سائەت ۋاقىت چىقىرىپ ئوچرەت ساقلاپ پۇل سىلىش ئىمكانىيىتى يوق، تور بانكىسى ئارقىلىق پۇل سىلىپ كۆڭلۈمنى بىلدۇرەي دىسەم تور بانكىسىسى ئارقىلىق پۇل ئەۋەتىشنى بىلمەيدىكەنمەن، كىم ماڭا ئۈگۈتۈپ قويىدۇ.

ئىنئانە توپلاش، مىھرى شەپقەت يەتكۇزۇش تېمىلىرنى كۆرۇپ ئۇلارغا ئاز بولسىمۇ كۆڭلۈمنى بىلدۇرگىم كىلىدۇ، خىزمەت بىسىمى ۋە تۇرمۇش ئالدىراشچىلىقى تۇپەيلىدىن ئايرىم ۋاقىت چىقىرىپ بانكىغا كىرىپ كەم دىگەندە بىر سائەت ۋاقىت چىقىرىپ ئوچرەت ساقلاپ پۇل سىلىش ئىمكانىيىتى يوق، تور بانكىسى ئارقىلىق پۇل سىلىپ كۆڭلۈمنى بىلدۇرەي دىسەم تور بانكىسىسى ئارقىلىق پۇل ئەۋەتىشنى بىلمەيدىكەنمەن، كىم ماڭا ئۈگۈتۈپ قويىدۇ.

چچ نومۇرڭىزنى دەپ بېرىڭ مەن ئۈگىتىپ قوياي...

Quote:

ئاپتور جاۋابىنى بويلاپ 7قەۋەت  dilnor كە 2009-06-23 23:16ئەۋەتىلدى  :
ئىنئانە توپلاش، مىھرى شەپقەت يەتكۇزۇش تېمىلىرنى كۆرۇپ ئۇلارغا ئاز بولسىمۇ كۆڭلۈمنى بىلدۇرگىم كىلىدۇ، خىزمەت بىسىمى ۋە تۇرمۇش ئالدىراشچىلىقى تۇپەيلىدىن ئايرىم ۋاقىت چىقىرىپ بانكىغا كىرىپ كەم دىگەندە بىر سائەت ۋاقىت چىقىرىپ ئوچرەت ساقلاپ پۇل سىلىش ئىمكانىيىتى يوق، تور بانكىسى ئارقىلىق پۇل سىلىپ كۆڭلۈمنى بىلدۇرەي دىسەم تور بانكىسىسى ئارقىلىق پۇل ئەۋەتىشنى بىلمەيدىكەنمەن، كىم ماڭا ئۈگۈتۈپ قويىدۇ.

www.95599.cn غا كىرىڭ.
2.快捷转账 نى بېسىڭ.سول تەرەپتە.
3.ئۈستىدىرەك ئوتتۇردا 收款方管理 غامائوسنى توغۇرلاپ  收款方维护 نى بېسىڭ.
4.新增收款方 نى بېسىڭ.ئاشۇ يەرگە قارشى تەرەپنىڭ ئۇچۇرلىرىنى كىرگۈزۈڭ.(开户行网点 دىگەن يەرگە www.95599.cn نى تولدۇرۇڭ.
5.转出账户 سىزنىڭ، 转入帐户  قارشى تەرەپنىڭ  ،ئاشۇلارنى تاللاپ، سالماقچى بولغان پۇل سوممىسىنى تولدۇرپ 提交 قىلىڭ!!   چوققۇم قىللالايسىز !!! سىناپ بېقىڭ !!

قولىمىزدىن كېلىشىچە ياردەم قىلايلى ! تاما -تاما كۆل بولار !!

ئاللاھ شىپالىق بەرسۇن .......................قولىمىزدىن كېلىشىچە ياردەم قىلايلى ! تاما -تاما كۆل بولار !!

Quote:

ئاپتور جاۋابىنى بويلاپ 9قەۋەت  ILYARUK كە 2009-06-24 00:35ئەۋەتىلدى  :


www.95599.cn غا كىرىڭ.
2.快捷转账 نى بېسىڭ.سول تەرەپتە.
3.ئۈستىدىرەك ئوتتۇردا 收款方管理 غامائوسنى توغۇرلاپ  收款方维护 نى بېسىڭ.
.......

بۇ يېزا ئىگىلىك تور بانكىسىنىڭكىدەك تۇرىدۇ، مىنىڭ بىجىرگىنىم سودا سانائەت تور بانكىسى. مەن شۇنچە ئىزدەپمۇ سىز دىگەن خەتلەرنى تاپالمىدىم.

Quote:

ئاپتور جاۋابىنى بويلاپ 11قەۋەت  dilnor كە 2009-06-24 00:55ئەۋەتىلدى  :

بۇ يېزا ئىگىلىك تور بانكىسىنىڭكىدەك تۇرىدۇ، مىنىڭ بىجىرگىنىم سودا سانائەت تور بانكىسى. مەن شۇنچە ئىزدەپمۇ سىز دىگەن خەتلەرنى تاپالمىدىم.

  توغرا،مېنىڭ يېزائىگىلىكنىڭ،  ئادەتتە توردىن مال سېتۋېلىۋاتقان بولسىڭىز ، سىناپ باقسىڭىز چوققۇم قىلالايسىز!
工行 نىڭمۇ  转账 دەيدىغان يېرىنى بېسىڭ، قوقماي بېسىڭ ، پۇلىڭىز ئۇنداق ئاسان قېچىپ كەتمەيدۇ، ئاخىرىدا سىز يەنە مەخپى نومۇر كىرگۈزسىز ئەمەسمۇ ، قېنى ئەمىسە قوقماڭ ھە !!!!

بۇ قىزنىڭ كېسىلىگە اللە شىپاھلىق ئاتا قىلسۇن....

ئاللاھ بۇرۇنراق شىپاھ بەرگەي....... قڭلىمىزدىن كىلىشچە ياردەم قىلايلى....