ھەممىمىزگە مەلۇم بولدى ، نۆۋەتتە كېڭەيتىلمەكچى بولغان «قوش تىل» ئوقۇتۇشى ئۇيغۇر تىلىنى يار لىۋىگە قىستاپ بېرىۋاتىدۇ ، چۈنكى بۇ يىلدىن باشلاپ مەكتەپلەرنىڭ ئۇيغۇرچە دەرسلىكى پۈتۈنلەي دىگۈدەك ئەمەلدىن قالدۇرۇلغان ، دەرسلىك كىتابلار خەنزۇچە قىلىنغاندىن كىيىنكى ئەھۋالنىڭ قانداق بولىدىغانلىقىنى كۆز ئالدىمىزغا كەلتۈرىشىمىز تەس ئەمەس .مەكتەپلەردىكى دەرسلىك يوق بولدى دېگەنلىك تىل ئۈگۈنۈش مۇھىتى ۋەيران بولدى دېگەنلىك بولىدۇ.
بۇ شارائىتتا بىز قانداق قىلىشىمىز كېرەك ؟ تىلىمىزنى ئىنگىلىز تىلى ، خەنزۇ تىلى قاتارلىقلارنىڭ قۇربانى قىلىۋەتسەك قاملاشماس . ھازىر تور دۇنياسىدا ئۇيغۇر تىلىدىن باشقا تىللارغا مۇناسىۋەتلىك مۇنازىرە ياكى ئۈگۈنۈش ماتېرىياللىرىنى تاپقىلى بولىدۇ . نېمىشقا ئۆزىمىزنىڭ تىلىدىن باشقا تىلغا بۇنچىلىك كۈچەيمىز ؟ ئۆزىمىزنىڭ تىلىنى تاشلاپ قويىمىز؟ ...
شۇڭا تور دۇنياسىدا بولسىمۇ بىر ئۇيغۇرتىلى مەخسۇس دەرسخانىسى ئاچساق دېگەن مەقسەتتە بۇ تېمىنى يوللاپ باقتىم . پۈتۈنلەي شەخسەن قارىشىم.
1.بۇنداق قىلىش ھېچقانداق قانۇنغا خىلاپ ئەمەس ، ئەنسىرىمىسىڭىزمۇ بولىدۇ .
2. قاتنىشىش ۋە قوللاش پۈتۈنلەي ئىختىيارىي بولىدۇ .
3.ئىقتىسادىي مەنپەئەت ئېلىپ كىلەلمەسلىكى مۇمكىن .
يۇقارقىدەك مەسىلىلەر ئالدىدا قانچىلىك ئادەم بۇ ئىشنى قوللايدۇ ؟ ... قېنى بىر پىكىرلىشىپ باقساق ...