ئەسسالامۇ ئەلەيكۇم ئۈشبۇ ئەسەرگە نەزەرتاشلىغان ھۆرمەتلىك قىرىندىشىم .
مەن بۇ يىل 16 ياش ، ئويلايمەن ، نە چوڭقۇر مەزمۇن نە پاساھەتتىن سۆز ئاچالمايدىغان مەن ، مۇنبەرگە كىلىپ دوستلارنىڭ قىممەتلىك ۋاقتىنى ئىلىپ ئولتۇرمىسام بولاتتى .لىكىن بىر غايىۋى كۈچ مىنى قەلەم تەۋرىتىشكە ئۈندىدى .
چۈنكى مەن مەھمۇد بوۋامنى چۈشەپ قاپتىمەن !!!!!!
توساتتىن بىرسىنىڭ " بالىلىرىم ، ئورنۇڭلاردىن تۇرۇڭلار ، كۈن يۇرۇغىلى نە ۋاخ ! " دىگەن ئاۋازى ئاۋازى ئاڭلاندى . مەن چالا ئۇيقۇدا كۆزۈمنى غىل-پال ئېچىپ قارىسام ، ئۇ ئەسلىدە مەھمۇد بوۋام ئىكەن . قولىدا ھاسا ، چىرايىدىن بىر خىل نەپرەت ۋە ئۆكۈنۈش تۇيغۇسى چىقىپ تۇراتتى .
ئۇ خىلى ئۇزاققىچە جىكىلىدى ، ئۇياقتىن- بۇياققا مىڭىپ بىر نىمىلەرنى دەيىتتى . بىز يەنىلا شىرىن ئۇيقۇغا بەنىد بولدۇق .
مەن توساتتىن ئويلاپ قالدىم . بىز ئەزەلدىن ئۆزىمىزنى "مەھمۇد قەشقىرى ، يۇسۈف خاس ھاجىپنىڭ ئەۋلادى" دەپ بۆيۈك قالپاقنى كىيىپ يۈرۈپتۇق ، بۈگۈنكى كۈندە ئۇ بىزنىڭ بىر تامچە سۇغا زار بولۇپ قاغجىراپ كەتكەن قۇم دانچىلىرىغا ئوخشاش چېچىلىپ ياتقىنىمىزنى ، شىرىن غەپلەت ئۇيقۇسىغا غەرق بولغىنىمىزنى ، مەرىپەت ، مىللى ئۆرپ-ئادەتلەردىن ياتلىشىپ ناچار ئىللەتلەرنى چېكىمىزگە تىڭىپ يۈرگەنلىكىمىزنى كۆرۈپ بىزنى ئويغاتقىلى كەلسە ، بىز يەنە ئىلىك ئالماستىن ئۇيقىمىزنى ئۇخلىساق ، بۇ بىر قارا يۈزلۈك بولامدۇ قانداق ؟!
مەن بىرئاز قىمىرلاپ تامغا يۆلىنىپ ئولتۇردۇم ، بۇ ئۇخلىغاندىن مىڭ ياخشى دەپ ئويلىدىم كۆڭلۈمدە . بوۋام ھاسىنى يەرگە بىر قاتتىق ئۇردى دە كىتىپ قالدى . يۈرۈگۈم جىغغىدە قىلدى ......
......
توساتتىن ئاجايىپ بىر مۆجىزە كۆرۈلدى . تۈن قاراڭغۇلىشىپ قاتتىق بوران چىقىپ كەتتى . قۇم دانچىلىرى خۇددى ئاسماندىن قۇيغاندەك شىددەت بىلەن تۆكۈلەتتى . كۆڭلۈمدە بىر ئىش ئايان بولغاندەك قىلىپ ، پۈتۈن تېنىم شۈركىنىپ كەتتى . خۇددى بىر ئازدىن كىيىن بىزمۇ قۇمغا غەرق بولىدىغاندەك . پۈتۈن بەدىنىمنى تىتىرەك بىسىپ كەتتى. شۇ ۋەھىمە ئىچىدە " ئاكا ، ئۇكىلىرىم ، ئورنۇڭلاردىن تۇرۇڭلار ، تىز ،چاپسان !!! " دەپ ۋارقىرىغىنىمچە ئويغىنىپ كېتىپتىمەن .
مەن شۇ ئويغىتىشقا دەۋەت قىلغانلار ئىچىدە سىز ۋە ئۇمۇ بار بولسا كىرەك دەپ ئويلاپ سۇڭا قەلەم تەۋرەتتىمغۇ .
دەۋرنىڭ توختاۋىسىز تەرەققىياتىغا ئەگىشىپ يات ئەللەرنىڭ يىڭىچە غەيرى مەدىنىيەتلىرى تەبىئيلىككە ۋە پاكلىققا ئىگە ساپ ۋە چىن بولغان مىللى مەدىنىيتىمىزگە سىڭىپ كىرىۋاتىدۇ . بۇلارنى بىز يەنى بولۇپمۇ بىر قىسىم ياشلىرىمىز ئاكتىپلىق بىلەن سەلبىي جەھەتتىن قوبۇل قىلىپ مىللى مەدىنىيتىمىزنى يوقىلىش گىردابىغا ئەكىلىپ قويدى .
ئاتا-ئانا ، مەكتەپ ، جەمىيئەتنىڭ بالىلار ۋە ياشلارغا بولغان مىللى ئۆرپ-ئادەت ، مىللى خاسلىق توغرىسىدىكى تەلىمنىڭ كەمچىللىكى تۈپەيلى ، بىز بارا-بارا ئۆزىمىزنى يوقىتىپ قويىۋاتىمىز .
ئارىمىزدىن نى-نى ئۇلۇغ زاتلىرىمىز چىقىپ مىللىتىمىزنى دۇنياغا تونۇۋاتىدۇ ، باشقا خەقلەر " ئۇيغۇر " دىگەن بۇ نامنى ئىتىراپ قىلىۋاتىدۇ ۋە ھۆرمىتى تىخىمۇ ئېشىۋاتىدۇ . لىكىن ئۆز نۆۋىتىدە يەنە بىر قىسىم كىشىلىرىمىز " ئۇيغۇر " دىگەن بۆيۈك قالپاقنى كىيىۋىلىپ ، بولمىغۇر ناچار ئىشلار بىلەن شۇغۇللىنىپ مىللەتنىڭ نامىنى سىسسىتىۋاتىدۇ . بۇ ھەقتە تىل ئېچىشقا مەن تىخى ئاجىزلىق قىلىمەن . لىكىن يىراقنى كۆرەر دانا زاتلىرىمىز مىللەت ، مەدىنىيەت ، ساپا توغرىسىدا خىلى پىكىرلەرنى ئوتتۇرغا قويدى ۋە قويىۋاتىدۇ ، لىكىن بىز ......
بىز مۇشۇنداق بىر مۇرەككەپ دۇنيادا ياشاۋاتىمىز ، بەزى ئىشلارنى ئويلاپ يەتمەك قىيىن ، كىيىن نىمە ئىشلار يۈز بېرىدۇ بۇنىسى نامەلۇم . شۇڭا سىلەردىن ئۆتۈنىمەنكى : قىرىنداشلار ، ئۆزىمىزنى تونۇيلى ، ئۆزىمىزنى يوقىتىپ قويمايلى ، خەق نىمە قىلسا بىزمۇ شۇنى قىلىۋەرمەيلى . شۇ ئەسنادا بىزنىڭ باشقىلاردىن پەرقلىنىپ تۇرىدىغانغا ئەتلەس كۆينىكىمىز بىلەن چىمەن دوپپىمىزدىن باشقا ھىچنەرسىمىز يوقتەكلا ھىس قىلىپ قالدىم .
ھە راست ! بىز جىنىمىزدا ئاتا-بوۋىلىرىمىز ، ئۇلۇغ مومىلىرىمىز قالدۇرۇپ كەتكەن ياغلىق روماللارنى ساقلىيالمىدۇقيۇ كىيىنكىلەرنىڭ ئەتلەس كۆينەك ، چىمەن دوپپا دىگەنلەرنى ساقلاپ قالالىشىدىن گەپ ئېچىش تىخىمۇ قىيىندە !
كۈندىن بىرى يۈرەگىمگە چۈشتى كۈلپەت ئەندىشە ،
پاتتى يۈرەك تىگى يوق ھاڭ ئازاپ قىسمەت غەمگىچە .
مەنبە : ئۆز يازمام
يۈرەك سۆزۈم : بۇ ماقالە قىسقارتىپ ئېلىندى . گەرچە بىر كىچىك بالا بولساممۇ ، يۈرەك سۆزۈمنى تۆكتۈم . دوستلارنىڭ مىنى ئاللىقانداقتۇر بىر شۇئارلارنى توۋلاپ كەتتى بۇ بالا دەپ ئەيىپكە بۇيرىماسلىقىنى ئۈمۈت قىلىمەن .
2009-يىلى 6-ئاينىڭ 21-كۈنى .
[ بۇ يازما rewayat.713 تەرپىدىن 2009-06-23 11:25 دە ]