6–ئىيۇن كەچتە، شىنجاڭلىق خاسىيەتلىك ئادەم ئۆمەرجان ھىمىت ئۆزى ئىلگىرى ياراتقان دۇنيا جىنىس رىكورتىنى بۇزۇپ ، بىر مىنۇت ئىچىدە قولى بىلەن ئۇرۇپ سۇندۇرغان شېغىل تاشنىڭ سانىنى 21 دانىدىن 27 دانىگە يەتكۈزدى.
شۇ كۈنى كەچ ، مۇخبىر ئۈرۈمچىدىكى مەلۇم بىر مېھمانسارايدا ئۆمەرجان ھىمىتنىڭ ئىككى قولى بىلەن شېغىل تاشنى تارتىپ ئۈزۈۋەتكىنىدە ئەتراپتىكى كىشىلەرنىڭ ھەيرانلىق ئىلكىدە تاش پارچىلىرىنى خاتىرە قىلىپ ساقلىۋېلىش ئۈچۈن تالىشىۋاتقانلىقىنى كۆردى.
مۇسابىقە ئاياقلاشقاندىن كېيىن، ئۆمەرجان ھىمىت تاش پارچىلىرىنى پۇتى ۋە بوينىغا قىسىش ئارقىلىق سۇندۇرۇپ، مەيداندىكى تاماشىبىنلارنىڭ يەنە بىر قېتىم قىزغىن ئالقىشىغا ئېرىشتى.
ئىگىلىنىىشىچە، ئۆمەرجان ھىمىت جۇڭگودىكى 79 – خاسىيەتلىك ئادەم بولۇپ ، بىرىنچى قېتىمدا بىر مىنۇتتا 20 دانە تاشنى سۇندۇرغان . ئىككىنچى قېتىمدا 21 دانە تاشنى سۇندۇرغان . ھازىرغا قەدەر شىنجاڭدا يارىتىلغان دۇنيا جىنىس رىكوتىنىڭ سانى 70 خىلدىن ئارتۇق بولۇپ، غەربىي رايون بويىچە بىرىنچى ئورۇندا تۇرىدىكەن.
مەنبە:شىنجاڭ ئۇيغۇر ئاپتۇنۇم رايۇنى خەلق ھۆكىمىتى ئاخبارات تورى-تەڭرىتاغ تورى