قىسمەت(پىنھانى)
ئاپتۇرى: ئەمەتجان ئاۋۇت پىنھانى
دادام ئوتۇن ئەتمەكچى بولۇپ،
تازا چەنلەپ سالدى كۆتەككە.
ئەپسۇس پالتا تەگمەي نىشانغا،
ئويۇن بولدى ئوغلۇم-گۈدەككە.
ئوغلۇم ئېلىپ قولىغا پالتىنى،
يارماق بولدى ئەشۇ كۆتەكنى.
قاڭقىپ كىتىپ پالتا توساتتىن،
پۇتى تامان كەستى ئۆتەكنى.
يارماق بولدۇم ئۆزۈم ئاخىرى،
كۈتەك تامان ئۇردۇم پالتىنى.
يېرىلدى ئوتۇن كۈلدى بوۋاي،
يىغلاتتى ھەم ئەقلى كالتىنى.
بۇ ھەقىقەت گۈدەك بىلمىدى،
لىكىن بوۋاي قالدى كۈچىدىن.
بىر ھەقىقەت بار مىسرالىرىمدا،
سېلىشتۇرۇپ تېپىڭ ئىچىدىن.
بۇ مۇشۇنداق ئۆتكۈنچى ھايات،
ياشلىق باھار ئۇنىڭ بىر گۈلى.
قەدىرلىسەڭ ياشلىغىڭنى سەن،
قۇت تاپىدۇ ئارمانىڭ گۈلى.
ئاپتۇر: قەشقەر يېڭشەھەر ناھىيەسىنىڭ ھاراپ يېزىسىدىن