كەلمىسە (پىنھانى)
ئاپتۇرى: ئەمەتجان ئاۋۇت پىنھانى
بىر كۈنۈم مىڭ يىلچە بار دىلدا بارىم كەلمىسە،
كۈتكۈنىم كۈتكەن مىنىڭ ئىنتىزارىم كەلمىسە.
بۇ ئىشىق سەۋداسىغا بولدۇم قاچان مۇپتىلا،
تاپماس ئارام بۇ يۈرەك مىھرىبانىم كەلمىسە.
چاڭقىغان بۇ دىلىمغا مىڭ كۆڭۈل بولماس شىپا،
مەشۇغۇم دەرتكە داۋا سۆيگەن نىگارىم كەلمىسە.
جەننەتۇل پىردەۋسىدىن يوق تامايىم ھىچ مىنىڭ،
بۇ يۈرەك تەشناسىغا گۈل ئۇزارىم كەلمىسە.
ئوخشىماس يارىمغا ھىچكىم ئۇ ماڭا تۇتىيا،
نە كىرەك بۇ جان ماڭا لالىزارىم كەلمىسە.
توختىماس جۇشقۇن بۇلاق بۇ كۈڭۈل ئارمانلىرىم،
كىرەك ئەمەس ياشاش ماڭا تەندە جانىم كەلمىسە.
ئاپتۇر: قەشقەر يېڭشەھەر ناھىيەسىنىڭ ھاراپ يېزىسىدىن.