تالىبان لاھور شەھىرىدە مەيدانغا كەلگەن 24 كىشىنىڭ ئۆلۈمىگە ۋە 300گە يېقىن كىشىنىڭ يارىلىنىشىغا سەۋەب بولغان پارتىلىتىش ۋەقەسىگە مەسئۇل بولدى
پاكىستاننىڭ لاھور شەھىرىدە ئاز دېگەندە 24 كىشىنىڭ ئۆلۈمىگە ۋە 300گە يېقىن كىشىنىڭ يارىلىنىشىغا سەۋەب بولغان پارتىلىتىش ۋەقەسىنىڭ مەسئۇلىيىتىنى تالىبان ئۈستىگە ئالدى.
تالىباننىڭ ھەربىي مەسئۇللىرىنىڭ بىرى بولغان ھاكىمۇللاھ مەسئۇد، رويتېرس ئاخبارات ئاگېنتلىقىغا بەرگەن باياناتىدا، لاھوردا يۈز بەرگەن قانلىق ھۇجۇم ھەققىدە توختىلىپ، «نىشانىمىزغا يەتتۇق. ئۇزۇندىن بېرى بۇ ئىشنى پىلانلاۋاتاتتۇق. بۇ ۋەقە سۋات ھەربىي ھەرىكەتلىرىگە بولغان بىر نارازىلىقتىن ئىبارەت ئىدى» دېگەن.
مەنبە:تۈركىيە ئاۋازى تورى