ئامېرىكا قورۇقلۇق ئارمىيىسىنىڭ قوماندانى جورج كاسېي، ئامېرىكا ئەسكەرلىرىنىڭ ئىراق ۋە ئافغانىستاندا 10 يىل تۇرغۇزۇشنىڭ پىلانلانغانلىقىنى بىلدۈردى
ئىراقتىن 2012- يىلى چېكىنىدىغانلىقىغا دائىر ۋەدە بەرگەن ئامېرىكا ئەسكەرلىرىنىڭ، ئىراق بىلەن ئافغانىستاندا يەنە 10 يىل تۇرۇش ئېھتىمالىنىڭ بارلىقى ئېلان قىلىندى.
ئامېرىكا قورۇقلۇق ئارمىيىسىنىڭ قوماندانى جورج كاسېي، ۋاشىنگتوندا بەرگەن بىر قىسقا دوكلاتتا، ئامېرىكا ئەسكەرلىرىنىڭ ئىراقتىن 2012- يىلىدا تامامەن چېكىنىپ چېقىشىنىڭ پىلانلانغانلىقىنى خاتىرلىتىپ ئۆتتى ۋە يىللار بويى داۋاملىشىدىغان بىر ئۇرۇش ئۈچۈن ئون ئۇرۇش قىلغۇچى بىرىگادا، ئەسكەر ۋە ئارقا سەپ كۈچلىرىدىن تەشكىل تاپقان ئامېرىكا ئەسكەرلىرىنىڭ ئىراق ۋە ئافغانىستاندا تۇرغۇزۇشنىڭ پىلانلانغانلىقىنى بىلدۈردى.
بۇ جەرياندا، ئافغانىستاننىڭ شەرقىگە جايلاشقان پاكتىيا رايونىدا قارشىلىق كۆرسەتكۈچىلەر تەرىپىدىن ئېلىپ بېرىلغان ھۇجۇم، ئامېرىكا ۋە ئافغان ئەسكەرلىرى تەرىپىدىن تارمار قىلىندى. ھاۋا كۈچلىرىمۇ ئىشتىراك قىلغان ھەربىي ھەرىكەتتە، 15 نەپەر قارشىلىق كۆرسەتكۈچىنىڭ ئۆلگەنلىكى ئېلان قىلىندى.
ئىگىلىنىشىچە، ئامېرىكا قوشما شتاتلىرىنىڭ ئىراقتا 139 مىڭ، ئافغانىستاندا 52 مىڭ بار ئىكەن.
مەنبە:تۈركىيە ئاۋازى تورى