«1-ئىيۇن بالىلار بايرىمى» ئۈچۈن ھەقسىز ئېسىل سوۋغات
_ھەي! دۇنيا، مەن بەش ياشتا

ئۈرۈمچى شەھەرلىك ئاياللار بىرلەشمىسى شىنخۇا يەسلىسىنىڭ قوش تىل سىنىپ ئوقۇغۇچىسى، بەش ياشلىق ئاتىللا ئابلىمىتنىڭ «ھەي! دۇنيا، مەن بەش ياشتا» تېمىسىدىكى ماي بوياق رەسىم كۆرگەزمىسى 2009-يىلى 5-ئاينىڭ 19-ۋە 20-كۈنلىرى ئىككى كۈن شىنجاڭ سەنئەت ئىنىستىتۇتىنىڭ كۆرگەزمە زالىدا ئۆتكۈزۈلۈپ، پېشقەدەم ئۇستاز رەسساملىرىمىزنىڭ يۇقىرى باھاسىغا ئېرىشكەن ھەمدە كۆرگەزمىگە كەلگەن ئاتا-ئانىلارنىڭ دىققىتىگە سازاۋەر بولغانىدى. ئەپسۇس، شۇ كۈنلىرى نورمال ئوقۇش كۈنى بولغاچقا باشلانغۇچ ۋە ئوتتۇرا مەكتەپ ئوقۇغۇچىلىرىنىڭ مۇتلەق كۆپىنچىسى بۇ كۆرگەزمىنى كۆرۈشكە مۇۋەپپەق بولالماي ئۆكۈنۈش ئىچىدە قالغانىدى. بۇ كۆرگەزمىنىڭ جەمئىيەتتە ئىنكاسى ياخشى بولغاچقا، بالىلارنىڭ پات ئارىدا كېلىش ئالدىدا تۇرغان «1-ئىيۇن بالىلار بايرىمى»نى تەبرىكلەش، ئۇلارنىڭ بايرىمىنى مول مەنىۋى مەزمۇن بىلەن بېيىتىش، كۆرەلمەي قالغان پەرزەنتلىرىمىز ۋە ئاتا-ئانىلارغا بۇ رەسىملەرنى كۆرۈۋېلىش پۇرسىتى يارىتىپ بېرىش يۈزىسىدىن، ھەرمىللەت،ھەر ساھەدىكى كىشىلەرنىڭ كۈچلۈك تەلىپىگە ئاساسەن دۆلىتىمىز ئىچى-سىرتىغا تۇنۇلغان داڭلىق ماي بوياق رەسسامى،ئۇستاز ئابدۇكېرىم نەسىردىن ئاكىنىڭ بۇ ئىشقا ئاتايىن ۋاقىت ئاجرىتىپ كۆڭۈل بۆلۈپ مۇناسىۋەتلىك ئادەملەر بىلەن ئالاقىلىشىشى ھەمدە «شىنجاڭ غەربىي دىيار ئۇسلۇبى»رەسىم كارىدورىنىڭ ئاكتىپ تىرىشچانلىق كۆرسىتىشى ئارقىسىدا بۇ كۆرگەزمە يەنە بىر قېتىم ئېچىلماقچى.
بۇ كۈنىدىكى رەسىملەر  تاللاپ سەرخىللاشتۇرۇلغاندىن سىرت، يېڭىدىن سىزىلغان بەزى رەسىملەرمۇ قويۇلىدۇ. شۇڭا، ئالدىنقى قېتىم بۇ كۆرگەزمىگە قاتنىشىش شەرىپىگە مۇيەسسەر بولالمىغان بارلىق كىشىلىرىمىز جۈملىدىن كىچىك دوستلارنىڭ، شۇنداقلا ئۆز پەرزەنتىنىڭ ياراملىق ئادەم بولۇشى ئۈچۈن ھەر قاچان پەرۋانىدەك كۆيۈۋاتقان غەمگۇزار ئاتا-ئانىلارنىڭ بۇ قېتىملىق كۆرگەزمە پۇرسىتىنى چىڭ تۇتۇپ، قەدەم تەشرىپ قىلىشىنى قارشى ئالىمىز.
بۇ كۆرگەزمە ھەقسىز ئېچىلىدۇ.

ۋاقتى: 2009-يىلى 6-ئاينىڭ 1-، 2- ۋە 3-كۈنلىرى ئۇدا ئۈچ كۈن ئۆتكۈزۈلىدۇ.
ئورنى: ئۈرۈمچى ھايۋاناتلار باغچىسى دەرۋازىسىدىن كىرىپ ئۇدۇل 100 مېتىرچە ماڭسىڭىز، قىيپاش سول تەرەپ ئۇدۇلىدىكى «شەرق-غەرب »كۆرگەزمىخانىسى
بۇ قېتىمقى كۆرگەزمىنى قوللىغان ئورۇنلار:
«شەرق-غەرب رەسىم كارىدورى»
«شىنجاڭ ئاياللىرى» ژۇرنىلى رېداكسىيىسى
«شىنجاڭ غەربىي دىيار ئۇسلۇبى» رەسىم كارىدورى

بوسا ئاشۇ كۆرگەزمىنى مۇشۇ يەردىلا ئاچقان بولساق بوپتىكەن.ھەممىمىز كۆردىكەنمىز.....   

بالىلار ئۈچۈن كارامەت ياخشى پۇرسەتكەن

مۇمكىن بۇ كۆرگەزمىنى مۇشۇ يەردە كۆرۇش ئىمكانىيتى بولغان بولسا ياخشى بۇلاتتى

بەك ياخشى ئىش بولۇپتۇ .بالىلارغا ئۈلگە بۇلغۇسى .

مەن بالامنى كۆرسىتىپ كەلمىسەم.......

ھىش  بىر  يامان  گەپ-سوز  يوقلام  ئىنكاس  يىزىش  توختالدى  دەيدىغان           

بۇ بەك ياخشى بوپتۇ؟..................................

تورغا يوللىۋەتكەن بولساڭلار بىزمۇ كۆرۈۋالاتتۇقكەن.

Quote:

بۇ مەزمون9قەۋەتتىكى月光521نىڭ2009-05-29 15:18 دە يوللىغان يازمىسى   :
تورغا يوللىۋەتكەن بولساڭلار بىزمۇ كۆرۈۋالاتتۇقكەن.

ھازىرمۇ كۆرىۋېتىپسىزغۇ ،

بەك ياخشى بۇلۇپتۇ!   

ھەي مېنڭ بەكلا كۆرگۈ بار ئىدى،

ھەي ئېسىت ، يىراقنىڭ يەنىلا يىراقلىقى باردە.

بالىلارنىڭ  بايرىمىغا  شات  خوراملىق   تىلەيمەن