ئوغۇل دىگەن سۆزنىڭ سالمىقىنى بىزدىن بەكرەك ئوغۇللار ئوغۇللار چۈشىنىدىغۇ دەيمەن، سىلەر پات يىقىندا ۋە ياكى كەلگۈسىدە بىر ئائىلىنىڭ تۈۋرىكى بولىسىلەر ياكى ئائىلىگە تۈۋرۈك بولۇپ بولغانسىلەر،تۈۋرىكى ئاجىز ئۆي ئاسانلا غۇلاپ چۈشىدۇ، سىلەر بىر ئائىلىگە ئاتا بولىسىلەر ئاتا دىگەن سۆز ئاتا قىلىش سىلەر شۇ ئائىلىگە كىرەكلىك بولغان نەرسىلەرنى ئاتا قىلالامسىلەر؟
   سىنىپىمدىكى ساۋاقداشلىرىم بىلەن پات-پات مۇنازىرلىشىپ قالىمەن، ئۇلارنىڭ قىلۋاتقان سۆزلىردىن ئەجىبا  بىز ئوغۇللارنىڭ نەزىردە شۇ شۇنچىلىك خارمۇ؟ ئەجىبا بىز تەلپىنىدىغان ئۇيغۇر يىگىتلىرى  تۈگىگەنمىدۇ دەپ قالىمەن ،بىلەمسىلەر سىلەر بىر ئوغۇل تۇرۇپ بىر قىزنىڭ سىلەرنى بىقىشىنى ئۈمۈد قىلساڭلار،كەلگۈسىدە باي قىز تىپىپ شۇنىڭ بىلەن توي قىلسام  ھەممىدىن خاتىرجەم دىسەڭلار سلەرنىڭ يىگىتلىكىڭلار نەگە كەتتى ، سىلەر ھازىر دىگەن زامان ئۆزگەردى ئوغۇل قىزلارنى ئەمەس قىزلار ئوغۇللارنى باقىدۇ،قىزلار ئوغۇللارنى تاپىدۇ،قىزلار ئوغۇللاغا خەجلەيدۇ دەپ بىر خىل پەخىرلىنىپ كىتىدىكەنسىلەر راس پەخىرلىنەمسىلەر؟ مۇشۇ گەپلەرنى دىگىنىڭلاردا ئوغۇللۇق غورورىڭلار ئازراقمۇ تەۋرەنمەسمۇ؟ تىخى ماۋۇ يۇرتتا قىز ئەرزانكەن  مانچە پۇلغا نەچچە قىز ئالغىلى بولدىكەن دەپ ئىزا تارتماي شۇ گەپلەرنى قىلىپ كىتىسىلەر شۇ سەۋەپتىن بىز بىلەن سىلەر ئوتتۇرۇڭلاردا  ئازارلىق يۇز بىرىدۇ، مەن سىلەرگە دەپ قوياي قىز نەرسە كىرەك ئەمەس خالىغانچە سىتىۋالدىغان .  
  ئىلگىرى ئەرلەر ئورۇن جەھەتتە ئاياللاردىن تۆۋەن تۇرۇپ قالسا ئۆزنى ئەر ھىساپلىمايتى ،ئاياللارنىڭ ئۆز ئورنىنى ئىلىشىنى بىر خىل ھاقارەت ھىساپلايتى بېراق ھازىرچۇ؟ '  
جەمىيتىمىز ھەقىقەتەن بۇزىلۋاتىدۇ، بولۇپمۇ ئۇيغۇر جەمىيىتى ئىلگىرى قىز ئوغۇللار ئوتتۇرسىدا  ھازىرقىدەك  ئاممىۋى سورۇن تۈگۈل كوچىلاردا بىللە مىڭىپ قىلىشتىنمۇ ئەيمىنىدىغان ،بىراق ھازىرچۇ؟ ئالدىمىزدا مويسىپىتلار كىىتپ بارسىمۇ  سەت قىلىق چىقىرىپ گىرەلىشىپ مىڭىپ كىتىمىز  ، بىلىپ قىلىڭلار بىز ئۇيغۇر.  
   بىز سىلەرنىڭ ئالدىڭلاردا مۇنداراق كېينىپ ئۆتۈپ قالساق سىلەر بىزگە قىزىڭلار ،ئاچاڭلار ،سىڭلىڭلار ئورنىدا  تەربىيە  ئىشلىمەكتە يوق  بەز مارغان مۈشۈكتەك  قاراپ كىتىسىلەر گەرچە يىنىڭلاردا شۇنداق چىرايلىق جۈپتىڭلار تۇرسىمۇ.  بىلەمسىلەر ئەسلى قىزلار سىلەردىن ئەيمىنسەك ،ھايا قىلساق ،تەپتاسساق توغرا بولاتتى ،لېكىن ئەپسۇس.
سىلەردەك ئۇيغۇر يىگىتلىرمىز تۇرۇپ يات مىللەتنى قوغلاشساق ،يات مىللەتنىڭ ئوغۇللىرغا كۆيۈپ يۇرسەك سىلەرچە بۇ قاملىشارمۇ؟ ئەسلىدە سىلەر تۇرغان يەردە بېز باشقا بىرنىڭ كەينىدىن ماڭساق بۇ سىلەرگە قىلىنغان  ھاقارەت ئەمەسمۇ؟ بېز نىمىشقا يات مىللەتنىڭ ئوغۇللىرغا كۆيىمىز،ئەجىبا بىزھۆرمەت قىلىدىغان چوقىنىدىغان تەلپۇنىدىغان ئۇيغۇر يىگىتلىرى تۈگىدىمۇ؟ سىلەردىكى ئوغۇللارغا خاس ئوغۇلبالىداچىلىق نەگە كەتتى؟  سىلەر ھازىر يۇرۋاتقان قىز دوستۇڭلار بىلەن توي قىللالامسىلەر دېسە يۇرىكىڭلارنى تۇتۇپ سالماقلىق بىلەن گەپ قىلىپ بىقىڭلار" مانا مەن توي قىلىمەن" دەپ ئورنىڭلاردىن دەس تۇرالايدىغانلىرىڭلاردىن  نەچچىسى بار ،باشقىلارچۇ؟ ئويۇن ياكى ئىچ پۇشۇقى ئۈچۈنلا يۇرگەن ئەجىبا قىزلار شۇنچە خارمۇ؟ قىزلارنىڭ سىلەرنى ياخشى كۆرۈپ سىلەرگە كۆڭۈل بەرگىنى،سىلەرگە ئىشەنگىنى ئۇچۇنلا قىزلارنى كىيىپ كونىرسا خالىغانچە تاشلاپ يىڭىنى سىتىۋىلىپ كىيدىغان كىيىم -كىچەكنىڭ ئورنىدا كۆرسەڭلار بولامدۇ؟ قىزلار سىلەر ئۈچۈن تەييارلانغان ئويۇنچۇقمۇ؟ سىلەر قىزلارنى ئۇنداق بۈزلۇپ كەتتى بۇنداق بۇزلۇپ كەتتى دەپ بارچە گۇنانى قىزلارغا قويىسىلەر،ئەنە شۇ بۇزۈلۈپ كەتكەن ،تۇيۇق يولغا كىرىپ قالغان قىزلارنىڭ شۇ يولغا كىرىپ قىلىشىغا كىم سەۋەپچى؟ ئەنە شۇ قىزلار سىلەر تەرپىدىن كەيگۈڭلار كەلسە كىيدىغان بولمىسا يىڭىنى سىتىۋىلىپ كونىرسا تاشلىۋىتىلگەن كىيىم ئەمەسمۇ؟  سىلەرنىڭمۇ ئاچا سىڭىللىرىڭلار  قىزىڭلار بار بۇ جاھان ئۆتنە جاھان سىلەر ئۆزۈڭلارنىڭ قىزلىرىڭلارغا ئىگە بولالمىساڭلار،ئۆزۈڭلار قىلغان ئىشىڭلارغا مەسىئۇل بولالامىساڭلار ئۇلارنى يامان يولدىن توسيالمىساڭلار، ئۇلارنى خاتا يولدىن قايتيۇرۇپ كىلەلمىسەڭلار،يات مىللەتتىن بولغان ئوغۇللار بىزگە ئىىگە بولارمۇ؟ سىلەر شۇنچە ئاجىزمۇ؟
ئوغۇللار سىلەر ھاراققا،نەشىگە بەكلا بىرىلىپ كىتىۋاتىسىلەر، سىلەر نىمە ئۈچۈن كەلگەن؟ ھاراق نەشە بەزىلەرنىڭ ئۈچ ۋاخ تامىقىغا بولۇپ قىلۋاتىدۇ،ھەتتا قورامىغا يەتمىگەن باللارمۇ شۇنىڭغا ئۈگۈنۈپ كىتىۋاتىدۇ، ئەڭ كۈلكىلىك يىرى ھاراقنى قولۇڭلارغا ئىلىۋىلىپ خۇدايىم بۇيرىسا دەپ قەسەم ئىچىپ كىتىسىلەر،تىخى ئۆزۈڭلارنى مۇسۇلمان چاغلايسىلەر، مۇسۇلمان دىگەن قانداق بولىدۇ بىلەمسىلەر،بىز ئۇيغۇر بولغىنىمىز ئۈچۈنلا مۇسۇلمان بولۇپ قالمايمىز،ئۇيغۇر دىگەنلىك مۇسۇلمان دىگەنلىك ئەمەس، مۇسۇلمان ئىرىق مىللەت ئايرىمايدۇ، سىلەر مۇسۇلمانغا لايىق ئىش قىلدىڭلارمۇ؟  
   نىمىشقا ھاراق ئىچىسەن،نەشە چىكىسەن؟"شۇ دەرت ،دەرت يامان" سىنىڭ قانچىلىك دەردىڭ بولماقچىدى، بىز ھازىر قايسى ئەھۋالدا ،مىللىتىمىز قانداق كىرزسقا دۇچ كىلۋاتىدۇ،  بىلىپ قوي ئاتا-ئاناڭ سېنى قاتارغا قوشۇپ ،سىنى باشقىلارنىڭ ئالدىدا خار بولۇپ قالمىسۇن دەپ ئۆزى  يىمەي ساڭا يىگۈزدى كىيمەي كىيگۈزدى،شۇ جەريانلاردا نىمە كۈنلەرنى كۆرمىدى،كىملەرنىڭ ئالدىدا خار بولمىدى، ئەنە شۇ بىزنى دەپلا جاپا چىكىپ  بىزلەرنىڭ تۇززۇك ھالاۋىتىمزنى كۆرمەي بىزنى تاشلاپ كەتسە چىدايمىزغۇ؟ نىمىشقا ئەمدى شۇ كىچىككىنە ئوڭۇشسىزلىق ئالدىدا ئۆزىمىزنى يوقىتىپ شۇ نىجىسنىڭ ئالدىدا پەس بولىمىز؟ئەجىبا بىز ھاراقكەش مىللەت دىگەن نامغا ئىرىشمەكچىمۇ؟ سىنى دەپ ئۆزى يىمەي ،كىيمەي،مۇشۇ بالام مەندەك خەخ ئالدىدا خار بولۇپ قالمىسۇن دەپ باشقىلارنىڭ ئالدىدا سا -غايغان ئاتا-ئاناڭنىڭ ھالىغا ۋاي،سىنىڭ ئائىلە ئىختىسادىڭ شۇنچىلىك ياخشىمۇ ؟ بىلسەڭ سىنى قىيلنىپ قالمىسۇن دەپ ئۆزى قىينالسىمۇ چىشىنى چىشلەپ ۋاي بالام دەپ ئالدىڭدا قىلمىغىنى قالمىدى،ئۇلار بىر ئۆمۈر جاپا تارتىش ئۈچۈنلا يارتىلغانمۇ؟ ئاي بىشىدا ئەۋەتكەن پۇل ھەپتىلىك خىراجاتىڭگە يەتمىسە،تىخى ئۇلارغا يالغان سۆزلەپ ھەرخىل يوللار بىلەن ئۇلارنى ئالدايسەن،ئۇلارغا پوپوزا قىلىپ ئۇلارنى قىسىسەن،دادا-ئانا ئەھۋالىڭلار قانداراق،سىنى جاپادا قويدۇم مانا بۇ مىنىڭ كۆڭلىم دەپ باقتىڭلارمۇ؟ئەكىسچە ئۇنداق دىيىشنىڭ ئورنىغا ئۇنداق قىينالدىم بۇنداق قىينالدىم دەپ ئۇلارنى ئەندىشىگە سىلىپلا ئۆتىسىلەر.  
  ئەجىبا ھاراق ئىچسەڭلار نەشە چەكسەڭلار دەردىڭلار تۈگەرمۇ؟ھەممە ئشلار ئوڭشىلارمۇ؟ ئۆزۈڭلار ئىچسەڭلار بوپتۇ قىزلارغىمۇ زوراپ ئېچۇرسىلەر،ئەسلى سىلەر توسىشىڭلار كىرەكتىغۇ؟ئەنە شۇ ئىچۋاتقان چىكىۋاتقان قىزلار سىلەرنىڭ سىڭلىڭلار ،ئاچاڭلار،قىزىڭلار بولۇپ قالسا سىلەر يەنە زورلامتىڭلار؟ ئىچكەندە بىللە ئچىپ چەككەندە بىللە چىكىشىپ بىررەمتىڭلار،شۇلار تۇيۇق يولغا كىرىپ قالسا كارىڭلار بولماي ئۆز يولىڭلارغا كىتىپ قالامتىڭلار؟ نېمىشقا شۇ قىزلارغا توغرا كۆرسۈتۈپ بەرمەكتە يوق ئەكىسچە ئۇلارنىڭ سىلەرگە بولغان ئىشەنچىسىدىن،مۇھاببىتىدىن پايدىلىنىپ ئۆزۈڭلارنىڭ بىردەملىك خۇشاللىقىڭلارنىڭ ئورنىغا ئۇلارنىڭ ئۆمۈرلىك بەختىنى نابۇت قىلىسىلەر ؟نىمىشقا ئۇلارنى تۇيۇق يولغا كىرىپ قىلىشقا مەجبۇر قىلىسىلەر؟ ئۇلار كەلگۈسىدەسىلەر بىلەن تۇرمۇش قۇرۇپ بىر مىللەتنىڭ ئانىسى بولىدىغۇ؟ شۇلار خاتا يولغا كىرىپ قالسا ئۇنې بۇ يولدىن تارتىپ چېقىرىپ،ئۇلارنى توغرا يولغا باشلىيالامسىلەر؟ ئۇلارغا تىخى مۇشۇنداق ئۇيغۇرنىڭمۇ بارلىقىنى،سىلەرنىڭمۇ ۋاپادار ،ۋىجدانلىق ئاقكۆڭۈل ئۇيغۇر يىگىتىدىن ئىكەنلىكىڭلارنى بىلدۈرەلەمسىلەر؟  
    سىلەردە كەلگۈسى ئەۋلاتلارغا ئۆلگە بولغۇدەك شۇنداق ساپا بارمۇ؟ئويۇن تاماششاغا بىرىلىش،  ھاراق نەشىەگە بىىرىلىپ كىتىش ،كەيىپ ساپا،مەسۇلىيەتسىزلىك،سۇيۇقلىق  مانا بۇ بىر ئائىلىگە تۇۋرۇك بولغۇچىنىڭ  تەييارلىقىمۇ؟ باللىرىڭلار سىلەرنى ئۆلگە ئالىدۇ، سىلەر ئۇلار ئۈچۈن ئەڭ ياخشى ئەينەك .  
  بىلىشىڭلار كىرەك بىزگە سۆلەتۋاز،ھاراقكەش،نەشىكەش،خىنىم مىجەز،سۇيۇق قىلغان ئىشىغا ئىگە بوللامايدىغان ئوغۇللار كىرەك ئەمەس.  بىزنىڭ كۈتىدىغىنىمىز  بىزھۆرمەت قىلدىغان،بىزگە توغرا يولنى كۆرسىتىپ بىردىغان ،بىزگە ئىگە بولالايدىغان قىلغان ئىشىغا مەسۇل بولالايدىغان،غايىسى ئۈچۈن تىرشىدىغان، ۋىجدانلىق ئۇيغۇر يىگىتى.  

بۇ  تېمڭىز  ھەقىقەتەن  كىشىنى  ئويلاندۇردۇ،دىمىسىمۇ  ھازىر  بىر قىسىم ئوغۇللىرىمىز ئۈزىنىڭ جەمىيەتتىكى ،ئائىلىدىكى ئورنىنى  يوقۇتىۋاتىدۇ!!!ئۈزىنى قىمار،ھاراق ،نەشە سورۇنلرىغا  ئاتىۋەتكەن ئۇيغۇر  يىگىتلىرىمىز  ھوشۇڭلارنى تېپىڭلار......

ئاۋال  سىزنى ياراتقان ياراتقۇچى ئېگىمىزگە تەشەككۈر!ئاندىن قالسا سىزنى توغۇپ، بېقىپ چوڭ قىلغان ۋە تەربىيلىگەن ئاتا-ئانا،ئۇستازلىرىڭىزغا ،قېرىنداشلىرىڭىزغا تەشەككۈر!
مەسىلىنى ئىككى تەرەپتىن كۈزەتمەك لازىمىدۇر!بۇنىڭدا سەل بىتەرەپنى ئاساس قىلىپ كۈزىتىپ يازغاندەك  قىلىسىز.  ( سۇ سايغا ئەمەسمۇ؟ چاقچاق ھە) ئادەم ئۆزىدىكى نۇقساننى ئېنىق تونۇپ كۆرەلمىگىندەك،بىر توپ ۋە شەيئى ئىچىدىمۇ بەزىدە شۇنداق ئەھۋاللار مەۋجۇت بولۇپ تۇرىدۇ.
لىكىن ھازىر يۈز بېرىۋاتقان نۇرغۇن ئىش-ھادىسىلەرنى ئومۇمىي جەھەتتىن بىر تەرەپلىمە ھالدا يىغىنچاقلاپ  بېرىپسىز!  شۇنچىلىك جۈرئىتىڭىزگە ئاپىرېن!

ئەجدادلىرىمىزنىڭ تارىخىغا قاراپ  باقىدىغان بولساق،ئەر دىگەننىڭ ۋەزىنىنىڭ قانچىلىك دەرىجىدە ئېغىر ئىكەنلىكىنى كۆرۈپ يېتەلەيمىز!
شەكلى ئەر بولسىلا ، ئۇ ئەر ھېساپلانمايدۇ. ئۇ ئۆز مەسئۇلىيتىنى تولۇق تونۇپ يېتىپ،بۇرچىنى ئادا قىلالىسا،ۋە شۇ يولدا تىرىشالىسا ئاندىن ئەر ھېساپلىنىدۇ.

بۇرۇنقى زامانلاردا ،ئاياللار كۆپىنچە ئۆي ئىشلىرىنىلا قىلاتتى.قالغان سىرتنىڭ ئىشلىرىنى ۋە تۇرمۇشنىڭ ئاساسلىق ئىشلىرىنى ئەرلەر قىلاتتى.  ئاياللار ئۆيىدە ئۆي ئىشلىرىنى قىلىپ،ئېرىنى ياخشى كۈتۈپ،بالىلىرىنى ئوبدان تەربىيلەيتتى.ئىلىم-مەرىپەتكە ھېرىسمەن ئىدى.ئىمان-ئېتىقادى چىڭ ئىدى.شۇڭلاشقا مەشھۇر  ئالىمىمىز  مەھمۇد بىن ھۈسەيىن قەشقىرى،يۈسۈپ خاس ھاجىپ ......دىگەندەك دۇنياغا مەشھۇر  ئالىملىرىمىز مەيدانغا كەلگەن.بۇ يالغۇز بىر تەرەپنىڭلا ئىشى ئەمەس.ھەر ئىككى تەرەپ ئورتاق نىشان،ئورتاغ غايە ئۈچۈن كۈرەش قىلالىغاندىلا  يۈز بېرىدىغان ئىش.

ئۇنىمۇ دەپ باقىمىز،بۇنىمۇ دەپ باقىمىز ،يىغىپ كەگەندە ئېتىقادسىزلىقنىڭ ئاقىۋېتى   

ئېتىقادسىزلىقنىڭ ئاقىۋېتى -ھالاك بولۇشتىن باشقا نەرسە ئەمەس

ئەڭ ئاۋال ئۆزىمىزنى تونايلى!قاغجىراپ كەتكەن ،گىرانتلىشىپ قېتىپ كەتكەن كاللىمىزنى قاتتىق سېلكىۋېتىپ،ئېتىقادنىڭ،ئىلىم-مەرىپەتنىڭ شېرىن بۇلاقلىرىدا سۇغىرايلى! باشقىلاردىن ئۆمۈد كۈتۈشتىن بۇرۇن ئۆزىمىزدىن ئۆمۈد كۈتەيلى!
ئىش ئەمەلىي بولسۇن!

راست دەيسىز،جەمئىيىتمىزدە بۇنداق يىگىتلىرىمىز كۆپىيىپ كېتىۋاتىدۇ،تېخى ئاغزىدا ئوغۇل بالىمەن دەپ مەيدىسىگە ئۇرغان بىلەن  ئالغان مائاشىنى بۇزۇپ - چېچىپ خەجلەپ بولۇپ قىز دوستىدىن پۇل ئېلىپ خەجلەيدىغان، پۇل بەرمىسە خاپا بولۇپ باتناپ يۇرىيدىغان، كۈندە قىز دوستىنىڭ يېنىغا پۇل ئالغىلى كېلىدىغان....... ئىشقىلىپ زادى يىگىتلىك غورورىغا يات ئىشلارنى قىلىۋاتقان يىگىتلەرنى ئۇچرىتىۋاتىمىز. ئاشۇلاردا بىر مەسئولىيەت،غورۇر دېگەن نەرسە بارمىدۇ؟شۇ ئىشلارنى قىلغاندايۈزى قىزارمامدىغاندۇ؟ھەي ........

Quote:

بۇ مەزمون5قەۋەتتىكىrayhanamنىڭ2009-05-27 15:26 دە يوللىغان يازمىسى   :
راست دەيسىز،جەمئىيىتمىزدە بۇنداق يىگىتلىرىمىز كۆپىيىپ كېتىۋاتىدۇ،تېخى ئاغزىدا ئوغۇل بالىمەن دەپ مەيدىسىگە ئۇرغان بىلەن  ئالغان مائاشىنى بۇزۇپ - چېچىپ خەجلەپ بولۇپ قىز دوستىدىن پۇل ئېلىپ خەجلەيدىغان، پۇل بەرمىسە خاپا بولۇپ باتناپ يۇرىيدىغان، كۈندە قىز دوستىنىڭ يېنىغا پۇل ئالغىلى كېلىدىغان....... ئىشقىلىپ زادى يىگىتلىك غورورىغا يات ئىشلارنى قىلىۋاتقان يىگىتلەرنى ئۇچرىتىۋاتىمىز. ئاشۇلاردا بىر مەسئولىيەت،غورۇر دېگەن نەرسە بارمىدۇ؟شۇ ئىشلارنى قىلغاندايۈزى قىزارمامدىغاندۇ؟ھەي ........

بەزى قىزلار يامان ئۇگۇتۇپ قويغان چىغى

رەھمەت!بۇ تېمىڭىز كىشىنى ئويلاندۇرىدىكەن ، ھەقىقەتەن ئېتىقادسىزلىقنىنڭ ئاقىۋىتى ،  ئۇنداق يىگىتلەرگە ئاللا ئىنساب بەرسۇن !  يامان  يوللاردا  مېڭىۋاتقان قىزلارنىڭمۇ كوڭلىگە ئاللا  ئىنساب  بەرسۇن!     بىراق سىلەر  ھەممە سەۋەبنى بىزدىن  كورسەڭلار  بۇ ئەمدى قانداق بولغىنى؟  دېگىنىڭىز توغرا ،  ئاساسى سەۋەب بىزدە ،بۇنى تەن ئالىمىز ،بىراق  سىلەردىمۇ ئاز تولا بار،  ۋىجدانلىق ، غۇرۇرلۇق، ساپ كوڭۈل ئۇيغۇر يىگىتلىرى تېخى تۇگەپ قالمىدى، لېكىن  سىلەر ئۇلارنى ياراتتىڭلارمۇ؟ ھە دېسىلا گومۇش ، مەتۇ دەپ  ئۇلارنى چەتكە قاقتىڭلار، ئەمدى گەپلىرى ياغدەك  نوچى يگىتلەر  تەرىپىدىن ئالدانغاندا ھەممىنى بىر تاياقتا ھەيدەپ  يامانغا چىقىرىسىلەر،  سىلەرمۇ  ئويلىنىپ بېقىڭلار،                       گېپىم قاتتىق كەتتى ،خاپا بولماسلىقىڭىزنى ئۇمىد  قىلىمەن،سىزنى  مۇشۇنداق ياخشى تەربىيلىگەن ئاتا-ئانىڭىزغا  رەھمەت!

Quote:

بۇ مەزمون5قەۋەتتىكىrayhanamنىڭ2009-05-27 15:26 دە يوللىغان يازمىسى   :
راست دەيسىز،جەمئىيىتمىزدە بۇنداق يىگىتلىرىمىز كۆپىيىپ كېتىۋاتىدۇ،تېخى ئاغزىدا ئوغۇل بالىمەن دەپ مەيدىسىگە ئۇرغان بىلەن  ئالغان مائاشىنى بۇزۇپ - چېچىپ خەجلەپ بولۇپ قىز دوستىدىن پۇل ئېلىپ خەجلەيدىغان، پۇل بەرمىسە خاپا بولۇپ باتناپ يۇرىيدىغان، كۈندە قىز دوستىنىڭ يېنىغا پۇل ئالغىلى كېلىدىغان....... ئىشقىلىپ زادى يىگىتلىك غورورىغا يات ئىشلارنى قىلىۋاتقان يىگىتلەرنى ئۇچرىتىۋاتىمىز. ئاشۇلاردا بىر مەسئولىيەت،غورۇر دېگەن نەرسە بارمىدۇ؟شۇ ئىشلارنى قىلغاندايۈزى قىزارمامدىغاندۇ؟ھەي ........

بۇلانىمۇ يىگىتلەر دىگىلى بۇلامدىكەن،بۇلار دىگەن زەيپانە،بىرەر قېتىم ئارىيەت ئالسىغۇ،مەيلى، سىزگەپۇل دىسە تىزلاندۇرۇپ بېشىڭىزدىن ئۆرۇپ بىرىڭ.

ئەجەپ قىزلارنىڭ كۆڭلىدىكىنى تېپىپسىز ، ئەگەر ئوغۇللار قىزلىرىمىزغا ھەقىقى كۆيۈنگەن بولسا ، ئۆز سىڭلىسى ئورنىدا كۆرۈپ مۇئامىلە قىلغان بولسا ، يولدىن ئازغان قىزلار كىلىپ سۈركەلسە تەڭ كالچىيىپ ئارقىسىدىن ماڭماي ھاي ، سىز بىر ئۇيغۇر قىزى جۇمۇ دەپ ئەيمىندۈرەلىگەن بولسا نۇرغۇن قىزلىرىمىز تۈزۈلۈپ كەتكەن بولاتتى ...
لىكىن ھەممە يىگتىلەرنى بىر تاياققا ھەيدىگۈم يوق ، شۇنداق يىگىتلىرىمىزمۇ خېلى كۆپ ، مەن  يىگىتلىرىمىزگە شۇنى دىمەكچى مىللەتنىڭ كەلگۈسى كەلگۈسىدە ئانا بولىدىغان بىز قىزلارنىڭ قولىدا ، بىز قىزلارنىڭ كەلگۈسىمىز بولسا سىلەرنىڭ قولۇڭلاردا ...

تېما ئىگىسى ياخشى مەزمۇننى ئوتتۇرغا قۇيۇپتۇ،دېمىسمۇ ھازىرقى بەزى ئۇقۇغۇچىلارنىڭ قىلىقىنى بىر نىمە دەپ بولماس،تىرشۋاتقانلارنىمۇ كۇرۇڭ،ھەر بىر نەرسىنىڭ ئىككى خىل تەرپى بۇلدىغۇ،بەزى گەپلەرنى سىلەرنىڭ چىشڭلارغا تىگىپ دىگەندۇ،ئۇلارمۇ ئوڭشىلىدۇ،مەڭگۈ بۇنداق ئۇتۇپ كەتمەيدۇ،ھازىر بىلىنمىگەن دادىسنىڭ يۇمشاق پۇلنى خەجلىگەن بىلەن،جەمئىيەتكە چىقسۇنچۇ،نوچىلقى بىر تىين.

ئەسىرىڭىز ياخشى يىزىلىپتۇ .
   ياخشىلار بۇنى كۆرسە تىخىمۇ ياخشىلانغۇسى ، يامانلار بۇنى كۆرسە ئۇلارمۇ ياخشىلىنىپ كەتكۈسى !!!!!!!
  زامان چاقى ئىگىز پەس ، دۇنيا ئەركەك دەپ چاقىرماقتا  .

Quote:

بۇ مەزمون9قەۋەتتىكىazizam613نىڭ2009-05-27 17:18 دە يوللىغان يازمىسى   :
ئەجەپ قىزلارنىڭ كۆڭلىدىكىنى تېپىپسىز ، ئەگەر ئوغۇللار قىزلىرىمىزغا ھەقىقى كۆيۈنگەن بولسا ، ئۆز سىڭلىسى ئورنىدا كۆرۈپ مۇئامىلە قىلغان بولسا ، يولدىن ئازغان قىزلار كىلىپ سۈركەلسە تەڭ كالچىيىپ ئارقىسىدىن ماڭماي ھاي ، سىز بىر ئۇيغۇر قىزى جۇمۇ دەپ ئەيمىندۈرەلىگەن بولسا نۇرغۇن قىزلىرىمىز تۈزۈلۈپ كەتكەن بولاتتى ...
لىكىن ھەممە يىگتىلەرنى بىر تاياققا ھەيدىگۈم يوق ، شۇنداق يىگىتلىرىمىزمۇ خېلى كۆپ ، مەن  يىگىتلىرىمىزگە شۇنى دىمەكچى مىللەتنىڭ كەلگۈسى كەلگۈسىدە ئانا بولىدىغان بىز قىزلارنىڭ قولىدا ، بىز قىزلارنىڭ كەلگۈسىمىز بولسا سىلەرنىڭ قولۇڭلاردا ...

98%قوللايمەن!

يۈرەكتىكى سۆزلەر بوپتۇ جۇمۇ!شۇنداقمۇ قىزلار؟

ھەممە ئادەم ياخشى بولسا  ياخشى ئادەملەرنىڭ قىممىتى قالمايدۇ.