يېقىندا بىر چەت كەنتتىكى 25 ياشلاردىكى بىر چوكان ناھىيىدىن كەلگەن كادىرلارغا دەرت تۆكۈپ، تۇرمۇشتا تارتىۋاتقان بەزى ئېغىر قىيىنچىلىق، روھىي ئازاپلىرىنى بايان قىلدى ۋە ئۆزىنى قانۇن بۇيىچە قوغداشنىڭ يۇلى بار-يوقلىقى توغرىسىدا مەسلىھەت سورىدى.
     ئۇ ئىختىيارسىز چىقىقۋاتقان كۆز ياشلىرىنى توختىتالمىغان ھالدا  بوقۇلداپ يىغلاپ تۇرۇپ سۆزلەيتى .ئۇ چوكان  ھازىرقى ئېرى بىلەن توي قىلغىلى 6-7يىل بولغان بولۇپ، دەسلەپتە ئېرى ساق-سالامەت بولۇپ، مۇناسىۋىتىمۇ بەك ياخشى ئىكەن، مۇشۇ جەرياندا ئۇلار بىر پەرزەنتلىك بوپتۇ (ئۇ پەرزەنتى ھازىر بەش ياشقا كىرىپتۇ). تۆت يىلنىڭ ئالدىدا ئېرى تۇيۇقسىزلا ئۆزىنى باشقۇرالمايدىغان روھىي كېسەلگە دۇچار بولۇپ قاپتۇ. بۇ چوكان ئۆيىگە كىرسە ئېرى ئايالىنى تىللاپ، گېلىدىن سىقىپ ئۇرۇپ كېتىدىكەن. ئۇلار چوڭلار بىلەن بىر ھويلىدا بولۇپ، بۇ چوكان ئېرى روھىي كېسەل بولۇپ قالغاندىن بۇيان ئېرى ئۆيگە كىرگۈزمەي ئۇرىدىغان بولغاچقا قېينئانىسى بىلەن بىرگە ياتىدىكەن. داۋالاتقان بولسىمۇ ھازىرغىچە ئەسلىگە كەلمەپتۇ. بۇ چوكاننىڭ قېينئاتا،قېيىنئانىسى كېلىنىنى <<ئوغلىمىزنى سەن دۇئا ئوقۇتۇپ ساراڭ قىلىپ قويدۇڭ >>دەپ داۋاملىق  قوپال مۇئامىلە قىلىپ خورلايدىكەن . <<ئوغلىمىزنى سەن مۇشۇنداق قىلىپ قويغاندېكىن ئۇ قىلىدىغان ئىشنىڭ ھەممىسىنى سەن قىلىسەن>>دەپ تاماق ئېتىش، كىر-قات يۇيۇش قاتارلىق ئاياللارغا مۇۋاپىق كېلىدىغان  ئىشتىن تارتىپ  ئەرلەر قىلىدىغان بارلىق دېھقانچىلىقنىڭ ئېغىر-يېنىك ئىشلىرىغا سالىدىكەن. قولىغا تۈزۈك پۇل بەرمەيدېكەن. بۇ چوكان بۇ خىل خورلۇق ، قىيىنچىلىق دەستىدىن نەچچە قېتىم ئۆلىۋېلىش نىيىتىگىمۇ كېلىپ، ئوماق پەرزەنتىگە قاراپ بۇ نىيىتىدىن يېنىپ يەنىلا چىداپ كېلىۋېتىپتۇ. ئېرى ساقايمىغاندېكىن ئاجىرىشىپ كېتىپ ، تۇرمۇش يۇلىنى باشقىدىن ئورۇنلاشتۇرۇپ، پەرزەنتىنى ياراملىق ئادەم قىلىپ تەربىيلەشنى ئويلاپ، بۇ ئويىنى  باشقىلار ئارقىلىق قېيىنئاتا-قېيىنئانىسىغا دېسە ئۇلار قەتئىي قوشۇلمايدېكەن.
    ناھىيىدىن چىققان كادىرلار بۇ  نازۇك مەسىلىگە دەماللىققا ئوچۇق جاۋاپ بەرمىگەن بولسىمۇ، ئۇ چوكانغا بۇ ئەھۋالنى ئاياللار بىرلەشمىسىگە مەلۇم قىلىش  ئارقىلىق  قانۇن  بۇيىچە مۇۋاپىق بىر تەرەپ قىلىش تەكلىپىنى بەردى. توۋا، جەمىيەتتە ئادەمنىڭ بېشىغا ئويلاپ باقمىغان دىشۋارىچىلىق كېلىدىكەن. يۇقارقى ئىشتا  بىر قارىسا ئۇ چوكان ئېرىدىن ئاجىرىشىپ كەتسە ۋاپاسىزلىق قىلغاندەك تويۇلىدېكەن، يەنە بىر قارىسا تېخى يەنە نەچچە باھارى بار بۇ چوكانغا ھەقىقەتەن ئۇۋال بولغاندەك قىلىدۇ، بۇنىڭغا قانۇندىن خەۋىرى بار مۇنبەرداشلار ، ئادۇكاتلار مەسلىھەت بېرىپ باقسۇن.

مەنبەسى :ئۆزەم.

روھىي كىسەل بولۇپ قالغۇچى گەرچە يولدىشى بولسىمۇ،ئاجرىشىشنى تەلەپ قىلسا بولىدۇ،ئۇ ئايالنىڭ ئۇنچە خورلۇق تارتىپ كىتىشىنىڭ ئورنى يوق  

ھەي ،،مۇشۇنداق ئىشلارمۇ بارمىكەن تىخى          

قېنى قانۇن مۇتخەسسىسلىرى بىرسىمۇ يوققۇ؟ شەبنەم چايخانىسىدىغۇ مەخسۇس«قانۇن مەسلىھەتچىسى» بار ئىدى،ھەر كۈنى كەچتە بىر سائەت ئاۋازلىق ھەقسىز مەسلىھەت بېرەتتى.

مەن بىلىشىمچە دەپ باقاي:
بۇنى يېزا كادىرلىرىغا ياكى يۇرت كاتتىلىرىغا ئىنكاس قىلىپ، ئېرىنىڭ ئاتا-ئانىسىغا خىزمەت ئىشلەش ئارقىلىق ئېرىنىڭ سالامەتلىكىنى تەكشۈرتۈشنى قولغا كەلتۈرسە، ئاندىن داۋالاتسا ،ئەگەر راستلا  داۋالاپ ساقايتىش مۇمكىن بولمايدىغان روھى كېسەل بولسا ئاندىن  بالىنى ساغلام چوڭ قىلىش ئۈچۈن ئاجرىشىشنى تەلەپ قىلىپ سوتقا ئەرز سۇنسا بولارمىكىن.