دەرد

شېئىر

مەن ئۆلگەندە توۋلىماي ناخشا،
ئىشىنىمەن چالىسەن دۇنيا.
ئالقىنىڭدا ئۇۋۇلاپ تۇرۇپ،
قارغىشلارنى گۆرۈمگە تاشلا.

خىيالىڭدا كۆمدۈڭ مىڭ مەرتە،
ياندۇرغاچقا ئەزرائىل دۈشمەن.
يالغىنىڭغا مەنمۇ ھەم خۇشتار،
قورۇنمايلا سۇنغانتىڭ كىپەن.

چالۋاقىما دىگىن مۇردامنى،
چۆچىمىگىن ئوچۇق كۆزۈمدىن.
قۇيۇۋەتكىن ئەمدى بولسىمۇ،
تىرىكلىكتە قارغۇلىغىمدىن........

قانداق قىلسام بولاتتى رەيھان،
جەسىدىمنى قويغۇڭ يوق پۈتۈن.
ئەسلىدىنلا مەن چالا ئۆلۈك،
تۇتاشمىغاچ بەك ئاچچىق تۈتۈن.

يەرلىكىمنى ئېچىۋەتكۇڭ بار،
مەن شۇنىڭدىن قورقۇپ يېرىم جان.
جىنازامغا قويغۇڭ بارمىكىن،
ئوتلۇرۇڭنى ئايىماي يالغان.

سەن پولاتتىن قاتۇرغىن ياكى،
جىنلىرىممۇ كۆيۈپ يۈرمىسۇن.
يالغىنىڭغا ھېچ قانماي ئۆلسەم،
قارغۇ كۆزۈم كۆرۈپ قالمىسۇن....


مەنبە ئۆزۈم(سىمكالاڭنىڭ دەرىتلىرى)