PIN بولسا SIM كارتىسىنىڭ مەخپىي نۇمۇرى، 4 خانە بولۇپ SIM كارتىسىنىڭ ئىچىدە ساقلىنىدۇ. SIM نۇمۇرىنى ئىشلىتىشنى قوزغاتقاندىن كېيىن ھەر قېتىم يانفوننى ئاچقاندا PIN نۇمۇرىنى كىرگۈزگەندىن كېينلا تورنى زىيارەت قىلىشقا يول قويىدۇ. PUK نۇمۇرى بولسا PIN نۇمۇرىنى يېشىدىغان ئالاھىيدە ئىقتىدارلىق ئاچقۇچ، 8 خانە بولۇپ يانفون ئىشلەتكۈچىلەر بۇ نۇمۇرنى بىلمەيدۇ. پەقەت يانفون مۇلازىمەت ئورۇنلىرىدىكى كەسپىي خادىملارلا مۇناسىۋەتلىك مەشغۇلاتلارنى ئېلىپ بارالايدۇ.
PIN نۇمۇرىنى 3 قېتىم خاتا كىرگۈزگەندىن كېيىن، SIM كارتىسى ئاپتوماتىك قۇلۇپلىنىدۇ. بۇ ۋاقىتتا پەقەت PUK ئارقىلىقلا قۇلۇپنى ئاچقىلى بولىدۇ. بۇنى كىرگۈزۈشنىڭ 10 قېتىملىق پۇرسىتى بار. شۇڭا يانفون ئىگىلىرى ئۆز ئالدىغا مەشغۇلات ئېلىپ بېرىشتىن ئېھتىيات قىلىشى كېرەك. 10 قېتىمدىن ئاشقۇچە توغرا كىرگۈزۈلمىسە SIM كارتىسى ئاپتوماتىك ھالدا ئۆزىنى ۋەيران قىلىۋىتىش پروگراممىسىنى قوزغىتىدۇ. شۇنىڭ بىلەن SIM كارتىسى كېرەكسىز نەرسىگە ئايلىنىدۇ. بۇ چاغدا بۇنى قايتا ئوڭشاشقا ئامال يوق، پەقەت قايتىدىن كارتا بىجىرىشكە مەجبۇر بولىسىز.
ئېھتىياتچانلىق بىلەن ئىشلەتسىڭىز PIN نۇمۇرى بىخەتەرلىك ئۇچۇرلىرىڭىزنى قوغدايدۇ. (زاۋۇتتىن چىققان ۋاقىتتىكى PIN نۇمۇرى 0000 بولىدۇ.)
يانفون مەخپىي نۇمۇرى يانفوننى قۇلۇپلاشقا ئىشلىتىدىغان بولۇپ، يانفون ئىچىدە ساقلىنىدۇ، ئوخشاش بولمىغان تىپتىكى يانفونلارنىڭ مەخپىي نۇمۇر ئۇزۇنلۇقى ئوخشاش بولمايدۇ.
نوكىيا يانفونلىرىنىڭ زاۋۇتتىن چىققاندىكى يانفون مەخپىي نۇمۇرى 12345 بولىدۇ.
تېما مەنبەسى:
http://sebori.cn/kulub/viewthread.php?tid=96