ـ ئاپا! ۋاي قولۇم!
ئەمدى بابۇر داۋاملىق ئولتۇرالمىدى. ئۇ ئورنىدىن تۇرۇپ كەينىدىكى ئورۇنغا قارىۋېدى، دەرۋەقە، ئارقا تەرەپتىكى ئورۇندا ئىككى ئۇيغۇر قىزى ئولتۇرغانىدى. ئۇلارنىڭ ئەنسىز چىرقىراشلىرىغا، جىددىيلەشكەن چىرايىغا، قاپقارا چاچلىرىنى ئاددىيلا قىلىپ ئېگىز تۈگىۋالغان، چىرايلىرى سۈپسۈزۈك، قوشۇمىلىرى بىلىنەر-بىلىنمەس تۈرۈلگەن بىر قىزنىڭ سول قولى بىلەن ئوڭ بېغىشىنىڭ سەل ئۈستىنى تۇتۇپ ئىڭراۋاتقىنىغا قاراپ، ئۇلارنىڭ بىرەر ياردەمگە مۇھتاج بولغانلىقىنى ھېس قىلىپ يەتكەن بابۇر دەرھال ئۇلارنىڭ يېنىغا ئۆتتى:
ـ نېمە ئىش بولدى؟
ـ ئۇنىڭ قولىغا قايناقسۇ تۆكۈلۈپ كەتتى،- سېمىزراق كەلگەن، سارغۇچ بۈدرە چاچلىرى يەلكىسىگە چۈشۈپ تۇرغان بىر قىز نېمە قىلارىنى بىلەلمەي جىددىيلەشكىنىچە جاۋاپ بەردى.
ـ مەن كۆرۈپ باقايمۇ؟
قاپقارا، يۇمىلاق كۆزلىرىدىن ياش يالتىراپ تۇرغان قىز قولىدىن كۆزىنى ئۈزمەي تۇرۇپ، ئاۋايلىغىنىچە قايناقسۇ تۆكۈلگەن يەرنى بابۇرغا كۆرسەتتى. قايناقسۇ بەلكىم يېڭى ئەكىلىنگەن بولسا كېرەك، قىزنىڭ بېغىشىنىڭ ئۈستۈنكى تەرىپىدىكى ئىككى بارماقچىلىك ئورۇن قېپقىزىل قىزىرىپ قالغان ئىدى. بابۇر دەرھال ئورنىغا قايتىپ سومكىسىدىن چىش پاستىسىنى ئېلىپ كېلىپ، ئاۋال قىزنىڭ قولىنىڭ كۆيگەن يېرىنى بىردەم پۈۋلىدى، ئاندىن چىش پاستىسىنى ئاۋايلاپ سۈرۈپ قويدى. شۇ ئەسنادا بىر تامچە ياش بابۇرنىڭ قولىنىڭ دۈمبىسىگە «توككىدە» ئېقىپ چۈشتى.
ـ باشتا بىر ئاز ئېچىشىدۇ، ئاندىن تېزلا ئاغرىقنى توختىدۇ. بىر ئاز چىداڭ،-دېدى بابۇر قىزنىڭ ئوماق يۈزلىرىگە بىر قاراپ قويۇپ. قىز بېشىنى لىڭشىتىپ قويۇپ، جاۋاپ بەرمىدى.
ـ رەھمەت سىزگە، كۆپ رەھمەت،- دوستىنىڭ قولىغا قايناقسۇنى تۆكۈپ قويۇپ جىددىيلىشىپ ئولتۇرالماي قالغان قىز ئەمدى سەل خاتىرجەم بولغاندەك ئىدى.
ـ ھېچقىسى يوق. ئىككىڭلار يالغۇزمۇ؟
ـ ھەئە، بىز سەل كېچىكىپ ماڭغان، شۇڭا ئىككىيلەنلا ماڭدۇق. سىزمۇ ...ئوقۇغۇچىمۇ؟
ـ ھەئە، مەنمۇ ئوقۇغۇچى، مەنمۇ يالغۇز ماڭغان،- دېدى بابۇر. ئۇ پات-پات ئۇ قىزغا قاراپ قاراپ قوياتتى، قىز بولسا كۆيگەن قولىنى پۈۋلىگىنىچە گەپ قىلماي ئولتۇراتتى.
ـ ئۇ قولىڭىزنى بەك ئويلاپ كەتمەڭ، بولمىسا تېخىمۇ ئاغرىپ كېتىدۇ،-دېدى بابۇر.
قىز ئەمدى بېشىنى كۆتۈرۈپ ئۇنىڭغا قارىدى. ئىككىسىنىڭ كۆزلىرى ئۇچرىشىپ قالدى. قىزنىڭ كۆزلىرى چىرايلىق ئىدى، بايىقى ياشلار گۈل بەرگىگە قونغان شەبنەمدەك، قىزنىڭ ئۇزۇن كىرپىكلىرىنى سەل نەمدەپ، بۇ كۆزلەرنى تېخىمۇ گۈزەل قىلىۋەتكەنىدى. بابۇر سېھىرلىنىپ قالغاندەك قاراپلا قالدى، قىزمۇ ئۇنىڭغا قاراپ بىر پەس تۇرۇپ قالغاندىن كېيىن تۇيۇقسىز كۆزلىرىنى ئېپقېچىپ يەنە قولىغا قارىۋالدى. بابۇرمۇ بۇنىڭ بىلەن ئېسىگە كېلىپ، ئۆزىنىڭ ئاشۇرىۋەتكەنلىكىدىن خىجىل بۇلۇپ قالدى .
ـ ئاداش، ھېلىمۇ بۇ شۈەيگې (كېلىشكەن يېگىت دېمەكچى) بولۇپ قاپتىكەن، بولمىسا قولۇڭنى قانداق قىلاتتۇ ھە؟- ياندىكى قىزنىڭ بۇ گېپى ئىككىسنى قىيىن ئەھۋالدىن قۇتۇلدۇردى .
ـ رەھمەت سىزگە.
بۇ ئاۋاز ئەمدى تېخىمۇ يېقىملىق بىلىنمەكتە.
ـ ھېچقىسى يوق، ئەرزىمەيدۇ، ھازىرچە مۇشۇنداق تۇرۇپ تۇرسۇن، سەل تۇرۇپ تېڭىپ قويايلى. ئازراق شامالدىمىسا بولمايدۇ،- دېدى بابۇر.
ـ ماقۇل،- خېجىل بولىۋاتامدۇ ياكى ئاغرىقتىنمۇ ئەيتاۋۇر قىزنىڭ بايىقى سۆزمەنلىكىدىن ئەسەرمۇ قالمىغانىدى.
ـ تونۇشۇپ قالايلى، بۇ پويىزدا بىز ئۈچلا ئۇيغۇر بار ئوخشايمىز، مېنىڭ ئىسمىم بابۇر، شىئەندە ئوقۇيمەن.
ـ مېنىڭ ئىسمىم ئايقۇت،- دېدى قولى كۆيگەن قىز بابۇرغا سۇس كۈلۈمسىرەپ.  
ـ مېنىڭ ئىسسمىم  گۈزەلنۇر. ئۇنداقتا ئەتە چۈشۈپ قالىسىز دەڭە پويىزدىن؟ بىز يەنە خېلى ماڭىمىز تېخى،-دېدى يەنە بىر قىز.
ـ ئاخىرقى بېكەتتە چۈشەمسىلەر؟- بابۇر ئۇ قىز توغرىسىدا كۆپرەك ئۇچۇر بىلىشكە تىرىشاتتى.  
ـ ھەئە.
ـ جاپا تارتىدىغان بولدۇڭلاردە، بولۇپمۇ دوستىڭىز.-  بابۇر يەنىلا قىزنىڭ قولىدىن ئەنسىرەپ ئۇنىڭغا قاراپ قويۇپ دېدى.
ـ بولمىسا سىز ماۋۇ يولداشلارنىڭ بىرەرى بىلەن ئالمىشىپ كېلىڭە، بىللە ئولتۇرايلى. ئايقۇتنىڭ قولىنى سىز تېڭىپ قويمىسىڭىز ھېچ ئەپلەشتۈرەلمەيدىغاندەك قىلىمىز قارىسام. خېلى بەك كۆيگەن ئوخشايدۇ جېنىم ئادىشىمنىڭ قولى،- گۈزەلنۇر بەكلا ئوچۇق قىز ئىدى.
بابۇر ئايقۇتقا لاپپىدە بىر قارىۋەتكەندىن كىيىن «ماقۇل» دەپ يۈك تاقلىرىنى ئەكىلىشكە ماڭدى. ئۇ قىزلارنىڭ ئۇدۇلىدىكى يولوچى بىلەن ئالمىشىپ جايلىشىپ بولغاندىن كىيىن، ئايقۇتتىن سورىدى :
ـ يەنە ئاغرىۋاتامدۇ؟
ـ ياق، ئەمدى ئاغرىقى خېلىلا توختاپ قالدى، راستتىنلا رەھمەت جۇمۇ سىزگە.
ـ بولدى تۈزۈت قىلماڭ، ھەممىمىز «ئۇيغۇر» تۇرساق،- بابۇر قەستەن ئۇيغۇر دىگەن سۆزنى ئۇرغۇلۇق ئېيتتى، قىز ئۇنىڭ ياپما چاقچىقىنى تېزلا چۈشەندى.
ـ بايا ھەممىنى ئاڭلاپسىز–دە؟- قىزنىڭ ئوماق مەڭزىللىرىگە يەنە قىزىللىق يۈگۈرگەنىدى.
ـ كەچۈرۈڭ، قەستەن ئوغۇرلۇقچە ئاڭلىۋالمىدىم، بىراق بايىقى گەپلىرىڭىز بەك توغرا بولدى ...
شۇنداق قىلىپ ئارىدىكى تەكەللۇپلار بىر ئاز كۆتۈرۈلۈپ، ئىككىسى مۇلاھىزىگە چۈشۈپ كەتتى.
ـ يا ئاللا، ئايقۇتنىڭ تەربىيلىرىدىن قۇتۇلالمايۋاتسام، سىز قوشۇلدىڭىز ئەمدى ھە؟- گۈزەلنۇر مۇشۇنداق دىگىنىچە دېرىزىگە يۆلىنىپ ئۇيقۇغا  كەتتى.
ـ سىزمۇ بىر ئاز ئۇخلىۋالامسىز؟ سەل تۇرۇپ پويىزدىن چۈشىسىز، ھېلىمۇ بەك چارچاپ كەتتىڭىز.
ـ ياقەي، مەن ئۇيقۇنى مەكتەپكە بېرىپ ئۇخلىۋالسام بولىدۇ، سىز ئارام ئېلىۋېلىڭ.
ـ مېنىڭمۇ پەقەتلا ئۇيقۇم كەلمىدى.
ـ قولىڭىزنى تېڭىپ قويايمۇ ئەمىسە؟
ـ سىزنى ئاۋارە قىلىدىغان بولدۇم.
ـ ياقەي، تۈزۈت قىلماڭ.
بابۇر ئايقۇتنىڭ قولىنى ئاۋايلاپ تېڭىپ بولغاندىن كىيىن، ئۇلار يەنە پاراڭغا چۈشۈپ كەتتى. ئۇلار ئۇيغۇر تارىخىدىن تارتىپ ئۇيغۇر ئەدەبىياتىغىچە، ھازىرقى زامان ئەسەرلىرىدىن تارتىپ كىلاسسىك ئەسەرلەرگىچە توختىماي سۆزلىشىپ تاڭنى ئاتقۇزدى. ھەر ئىككىسىنىڭ كۆرگەن كىتاپلىرى بەك كۆپ ئىدى، شۇڭا مۇلاھىزىلەردە بىر-بىرىگە گەپ بەرمەي سۆزلىشىپ كېتەتتى. نۇرغۇن مەسىلىلەردە ئۇلارنىڭ پىكرىنىڭ، كۆز قارىشىنىڭ بىر يەردىن چىقىشى، قىزىقىشلىرىنىڭ ئوخشاپ كېتىشلىرى ئۇلارنىڭ ئارىلىقىنى تېخىمۇ يېقىنلاشتۇرىۋاتقاندەك قىلاتتى.
گەپ ئارىسىدا بابۇر ئايقۇتنىڭ تېلىفون نۇمۇرلىرىنى خاتىرلىۋالدى :
ـ ئالاقىلىشىپ تۇرايلى،- دېدى ئۇ- كۆپرەك پىكىرلىشىپ تۇرايلى.
ـ ئىم، بولىدۇ، ئالاقىلىشىپ تۇرايلى.
ـ پۇرسەت بولسا شىئەنگە كېلىڭ.
ـ ماقۇل، مېنىڭمۇ شىئەننى بىر كۆرۈپ باققۇم بار، سىزمۇ پۇرسەت بولسىلا بىزنىڭ ئۇ تەرەپلەرگە بېرىڭ.

داۋامى بار.

شۇنداق ياىشى باشلىنىپتۇ ئاخرىنى كۈتىمەن تىزراق يوللارسىلەر!!!!!!!

ياخشى باشلىنىپتۇ ......
ئاخىرىنى تېزراق يوللارسىلەر، داۋامىغا تەشنامەن....

ۋاقىت چىقىرىپ ئوقۇي.رەھمەت ئەجرىڭلارغا !

راست ياخشىكەن ئاخىرى تېزراق چىقسىكەن

داۋامىنى زۇلقەر يازماقچىتى، دەرسى باركەنتۇق، چۈشتىن كىيىن يوللاي دەيدۇ.
ساقلىتىۋەتتۇق، كەچۈرۈڭلار.  

يا ئاللا ، باركەنسىز ھە ئوماق؟

يوقاپ كېتىپ ئىسىل ئەسەردىن بىرنى ئالغاچ كەلگەن ئوخشايسىز،داۋامىغا تەشنامان.

ۋەقەلىك ئىنتايىن ياخشى داۋاملىشىۋاتىدۇ ، ئاخىرىغا تەشنامەن !

جۈپ بولۇپ ھىكايە يازسىمۇ ياخشى چىقامدۇ نىمە؟

جۈپتىڭىزگە دەڭە ، ئاخىرىنى تېزراق يوللىسۇن........

Quote:

بۇ مەزمون10قەۋەتتىكىگـۈلۈمنىڭ2009-04-27 14:44 دە يوللىغان يازمىسى   :
جۈپ بولۇپ ھىكايە يازسىمۇ ياخشى چىقامدۇ نىمە؟

جۈپتىڭىزگە دەڭە ، ئاخىرىنى تېزراق يوللىسۇن........

خاتا چۈشەنمەڭلارچۇ~~ ئىككىمىزنىڭ كۆرگەن-ئاڭلىغانلىرىمىز، يېزىش ئۇسلۇبىمىز ئوخشاپ قالىدۇ، شۇڭا ھەمكارلىشىپ باقماقچى بولدۇق~~

چاخچاق قىپ قويدۇم  تاتلىق قىز...

زۇلقەر، ئاخىرىنى سىزنى يازىدۇ دەپ ئولتۇرىۋاتىمەن. يوقاپ كەتتىڭىزغۇ؟  

يائاللا!شەبنەمدىكى باللا ھازىر قوش ئوينايدىغان بولاپ كەتتى دەڭلا!خۇددى قوش كىشىلىك ناخشا،قوش كىشىلىك ئۇسۇل دىگەندەك............................................................

ياخشى باشلىنىش!مۇنبەردە مۇشۇ ئىككىڭلاردەك ھەمكەرلىشالايدىغان دول بىلەن بودىلارنىڭ كۆپلەپ چىقىشىنى ،بىراق كاۋلىلارنىڭ ئارلىشىپ قالماسلىقىنى ئۈمۈد قىلىمىز!تىخىمۇ تىرىشڭلار!

ئوغاۋالووووووووووو!ما رۇمەيسە قىزنى شۇنداقلا تورداشلارنى ساقلىتىۋەرمەي تىزرەك يوللىمامسىلەر دەيمەن.....................
تورخانىغا بارغىچە قاتناش قىستاڭچىلىقى يۈز بەرمىگەندۇ؟

داۋامى:

بۇ ئارىدا گۈزەلنۇر ئويغىنىپ قالدى، ئۇ كۆزلىرىنى ئۇۋىلىۋېتىپ ئىككىسىگە بەك قارىۋەتكەندىن كېيىن :
ـ ياۋ پانا، ئىككىڭلارغا قولۇمنى ئەمەس پۇتۇمنىمۇ قويىۋەتتىم جۇمۇ! نېمە تۈگىمەيدىغان گەپ ئۇ، تازا تېپىشقان بىر جۈپلەركەنسىلەر،- گۈزەلنۇرنىڭ ئويلاشمايلا چاقچاق تەرىقىسىدە دېگەن بۇ بىر جۈملە سۆزى ئىككىسنى توك تەپكەندەك قىلىپ قويدى، ئىككىسى بىر-بىرىگە بىر قارىشىۋەتكەندىن كېيىن نېمشىقىدۇ قىزىرىپ كەتتى. ئۇنىڭدىن كېيىن  ناشتا قىلىپ، بابۇر يۈك-تاقلىرىنى يىغىشتۇرغۇچىمۇ ئىككىسنى كەيپىياتىدىكى بۇ ئۆزگىرىش يوقىمىدى، يا ئاچچىقلىنىشقا، يا خۇشال بولۇشقا ئوخشىمايدىغان بۇ خىل كەيپىيات ھەر ئىككىسنى بۇرۇقتۇرۇم قىلاتتى.
« پويىز شىئەن ۋوگزالىغا كەلدى، چۈشىدىغان يولۇچىلار يۈك -تاقىڭلارنى ئېلىپ چۈشۈشكە تەييار بولۇڭلار! »
ئىككى قىزمۇ بابۇرنى ئۇزۇتۇپ پويىزدىن بىللە چۈشتى. ھاۋا نەمخۇش بولۇپ، يامغۇرنىڭ ئاخىرقى تامچىلىرى زىمىنغا تۆكۈلىۋاتقان بولسا كىرەك، ئۇششاق يامغۇر تامچىلىرى ئۇلارنىڭ ئۈستى-باشلىرىغا يۇمشاققىنە ئۇرۇلىۋاتاتتى.
ـ ماقۇل ئەمىسە، خۇداغا ئامانەت، يولدا كۆپرەك دىققەت قىلارسىلەر.
ـ بولىدۇ، سىزمۇ شۇ، ئۆزىڭىنى ئاسراڭ، - ئايقۇتنىڭ كۆڭلى نېمىشقىدۇ يېرىم بولىۋاتاتتى. «توۋا ،نېمانداق قىلىمەن ، تۈنۈگۈن تونۇشتۇمغۇ بۇ بالا بىلەن تېخى» دەپ ئويلايتتى ئىچىدە. بۇخىل كەيپىيات بابۇردىمۇ ھۆكۈم سۈرىۋاتاتتى. ئىككىسى يەنە بىر-بىرىگە قارىشىپ تۇرۇپ قالدى. سەزگۈر گۈزەلنۇر ئىككىيلەننىڭ كۆڭلىدىكىنى بىلىپ قالدى.
ـ مەن بەك توڭلاپ كەتتىم، مەن چىققاچ تۇراي، خوش ئەمىسە بابۇر،- ئۇ شۇنداق دەپلا ئايقۇتنىڭ چاقىرىشىغىمۇ قارىماي پويىزغا چىقىپ كەتتى.
ـ بولدى، سىزمۇ توڭلاپ قالماڭ، سىزمۇ پويىزغا چىقىپ كېتىڭ ئەمىسە. قولىڭىزغا دىققەت قىلىڭ، تېڭىق ئەتىگىچە تۇرسا بولىدۇ، بارغاندىن كېيىن دوختۇرغا كۆرسۈتۈپ تېڭىقنى ئالماشتۇرۇڭ،- ئۇ كۆڭلىدە خاتىرجەم بولالمايۋاتاتتى .
ـ ماقۇل، ئەنسىرىمەڭ ، سىزمۇ ئۆزىڭىنى كۆپرەك ئاسراڭ ،مەنمۇ چىقىپ كېتەي ئەمىسە .
ـ ماقۇل، خۇداغا ئامانەت .
ـ خۇداغا ئامانەت.
ـ يەنە كۆرۈشكىلى نىسىپ قىلسۇن خۇدايىم،- بابۇر بۇ سۆزلەرنىڭ ئاغزىدىن قانداق چىقىپ كەتكىنىنى تۇيماي قالدى . ئايقۇت ئۇنىڭغا يەنە بىر قارىۋېتىپ پويىز تەرەپكە ماڭدى. ھەر ئىككىسىنىڭ قەلبىدە دەھشەتلىك ھېسيات توقۇنۇشلىرى بولىۋاتاتتى. ئايقۇت پويىزغا چىقىپ بولۇپ، ئەينەكتىن قاراپ، بابۇرغا قولىنى پۇلاڭلاتتى. پويىز كەتتى، ئايقۇتمۇ كەتتى، بابۇر شۇ چاغدىلا ۋوگزالدىن چىقىپ، ماشىنىغا ئولتۇرۇپ مەكتەپكە قايتتى. شۇنىڭدىن كېيىن ئىككىسنىڭ ئالاقىسى ئۈزۈلمىدى، مەيلى تېلىفوندا ياكى توردا يەنە تېخى قىسقا ئۇچۇردىمۇ ئالاقىلىشپ تۇردى. ئۇلارنىڭ مۇناسىۋىتىمۇ تەرەققىي قىلىپ ...

***************

ـ بابۇر،ـ ئايقۇتنىڭ يېقىملىق چاقىرىشى ئۇنىڭ خىيالىنى ئۈزۈپ قويدى.
ـ ھە ؟
ـ ئەتتىگەندە نېمە خىيال سىزگە، ئالدىڭىزدا شۇنداق چىرايلىق مەنزىرىلەر تۇرسا، نېمىلەرنى خىيال قىلىدىغانسىز؟
ـ «كۆيۈك ۋەقەسى » نى ئويلاۋاتىمەن، ھى ھى ھى  ...
ـ قاراڭ قۇياش نېمىدىگەن گۈزەل،- ئايقۇت سەبىي كۈلگىنىچە قۇياشنى كۆرسەتتى.
ـ سىز ئۇنىڭدىنمۇ گۈزەل،-دېدى بابۇر ئايقۇتقا قاراپ تۇرۇپ ، ئايقۇت ۋىللىدە قىزاردىدە باشقا ياققا قارىۋالدى.