چىش كېسىلىنى تەكشۈرتكەندە باشقا كېسەللەرنى يۇقتۇرۋىلىشتىن ساقلىنىڭ
ھەممە ئادەم كېسەل ئېغىزىدىن كىرىدۇ، دىگەن ئۇقۇمنى بىلىدۇ، ئەگەر چىش كېسىلىنى تەكشۈرتكەندە تازلىققا دىققەت قىلمىسا، ئوخشاشلا باشقا كېسەللىكلەرنى يۇقتۇرۋالىدۇ. ئېغىز بوشلۇقى كېسەللىكلىرى بۆلۈمىدە بىمارلار ناھايىتى كۆپ بولۇپ، ئۇلارنىڭ ئىچىدىكى باشقا كېسلى مەسىلەن: تىپلىق جىگەر ۋىرۇس جىنسىي كېسەل، ئەيدىز ۋىرۇسى، سىفلىس، ئۆپگە تىبۇركىلىيۇز قاتارلىق كېسەللىكلىرى بار بىمارلار بۇلۇشى، بۇ كېسەللىكلەر تەكشۈرتۈش جەريانىدا تارقىلىشى مۇمكىن.
كىشىلەرنىڭ تەن سالامەتلىكىگە كاپالەتلىك قىلىپ، كېسەللەرنىڭ ئالدىنى ئېلىش ئېڭىنى ئۆستۈرۈش ئۈچۈن تۆۋەندىكى بىر نەچچە تەرەپكە دىققەت قىلىش كېرەك:
ئېغىز بوشلۇقى بۆلۈمى دوختۇرى ھەر خىل ئۈسكۈنىلەرنى قاتتىق دېزىنفىكسىيە قىلىشى، بىمارلارغا بىر قېتىم ئىشلىتىلىدىغان ئەسۋاپلارنى ئىشلىتىشنى تەۋسىيە قىلىشى كېرەك.
يۇقۇملۇق كېسىلى بار بىمارلار چىشنى تەكشۈرتكەندە، چوقۇم دوختۇرغا كېسىلىنى ئېنىق ئېيتىپ، دوختۇرنىڭ مۇناسىپ ئالدىنى ئېلىش تەدبىرىنى قوللىنىشىغا ئاسانلىق يارىتىپ بىرىش كېرەك.
ھەرگىز تازىلىقى ناچار ئۇرۇنغا بېرىپ چىش كېسىلىنى داۋالاتماسلىق، ئۈزىنى قوغداش ئېڭىنى ئۆستۈرۈپ، چىشى ۋە تىنى ساغلام بۇلۇشنى ئەمەلگە ئاشۇرۇش كېرەك.
چىشنى چوتكىلاشنىڭ توغرا ئۇسۇلى
چىش چوتكىلاشنىڭ پىرىنسىپى: ئاددىي، ئوڭاي، چىش تازلاش ئۈنۈمى ياخشى، چىش ۋە چىش ئەتراپى تۇقۇلمىلىرىنى زەخىملەندۈرمەيدىغان بولۇشتىن ئىبارەت. نۇرغۇن كىشىلەر چىشىنى توغرىسىغا چوتكىلاشقا ئادەتلەنگەن. بۇ ئۇسۇل چىش ئەتراپى تۇقۇلمىلىرىنى ئاسان زەخمىلەندۈرىدۇ، شۇنداقلا چىش ئارىلىقلىرىغا كىرىپ قالغان يېمەكلىكلەرنىڭ قالدۇقىنى چىقىرىپ تاشلىغىلى بولمايدۇ. بۇنىڭدىن باشقا، چىشنى توغرىسىغا چوتكىلاش چىشنىڭ بۇيۇن قىسمىدا شىنسىمان كەمتۈكلۈك پەيدا قىلىدىغان ئاساسلىق سەۋەپتۇر. چىش چوتكىلاش ئۇسۇلىنىڭ توغرا بولۇش-بولماسلىقى چىش تازلاش ئۈنۈمىگە تەسىر يەتكۈزىدۇ. شۇڭا چىشنى چوتكىلاش ئادىتىنى تۈزەتكەندە چىش چىرىشنىڭ ۋە چىش ئەتراپى كېسەللىكلىرىنىڭ ئالدىنى ئېلىپلا قالماي، چىشنىڭ شىنىسىمان كەمتۈكلىشىشىنىڭ ئالدىنى ئالغىلىمۇ بولىدۇ. تۆۋەندە كۆپرەك ئىشلىتىلىدىغان چىش چوتكىلاشنىڭ توغرا ئۇسۇلىنى تۇنۇشتۇرىمىز:
چىش چوتكىسىنىڭ قىلىنى چىش يۈزى بىلەن 45گىرادۇسلۇق بۇلۇڭ ياساپ يانتۇ قۇيۇپ، چىش بىلەن چىش مىلىكى تۇتاشقان جاينى يىنىك بېسىپ، چىش ئارىلىقىنى بويلىتىپ تىك چوتكىلاش، چوتكا بېشىنى ئايلاندۇرۇش، مۇۋاپىق كۈچەش.
توغرا چىش چوتكىلاش بۇلۇڭى ۋە ھەركىتى بىلەن يۇقىرىقى ۋە تۆۋەنكى چىشنىڭ سىرتقى ۋە ئىچكى تەرىپىنى پاكىز تازلاش، ئۇدۇل چىشنىڭ ئىچكى تەرىپىنى چوتكىلىغاندا چوتكىنى تىك قىلىپ، چوتكا قىلىنى ھەركەتلەندۈرۈپ، چىشنى تازلاش كېرەك.
يۇقىرىقى، تۆۋەنكى چىشلارنىڭ چىشلىشىش يۈزىنى مۇۋاپىق كۈچەپ ئالدى-كەينى يۆلىنىش بۇيىچە چوتكىلاپ، چوتكا قىلىنى ھەركەتلەندۈرۈپ، ئېزىق چىشنىڭ ئاخىرقى قىسمىنىمۇ پاكىز تازلاش، قىسىلىپ قالغان نەرسىلەرنى ئەگەر چوتكا بىلەن چىقارغىلى بولمىسا، ئۇنى ئىنچىكە چىش تازلاش يىپى ياكى ئىنچىكە كىيىم تىكىش يىپى بىلەن چىقىرۋىتىش كېرەك. ئېغىز بوشلۇقى دوختۇرلىرى كىشىلەرنىڭ ھەر كۈنى ئەتىگەن ۋە كەچتە ئىككى قېتىم، ھەر قېتىمدا 3مىنۇتتىن چىش چوتكىلىشىنى تەشەببۇس قىلىدۇ.
مەنبە:شىنجاڭ ئېغىز بوشلىقى
[ بۇ يازما زۇھەييە تەرپىدىن2009-04-14 18:55دە قايتا ]
| 
| بانكا
| دوست قاتارى
| مېدال مەركىزى
يېڭى يازمىلىق سەھىپە 
ئادەتتىكى سەھىپە 
