XOHTEKIN
ياشلىق تېڭى كەلدى يېقىنلاپ،
گويا قۇياش چىققاندەك پارلاپ.
غۇنچە دىلدا ئېچىلار گۈللەر،
ئۆمۈر باغقا باھارنى چىللاپ.

كەتتى بەڭباش، غەمسىز سەبىيلىك،
بىخ سۈرمەكتە نازۇك ھىسلىرىم.
كۆڭۈل ئايرىپ نۇمۇس ئىپتىخار،
ئويغاتماقتا مەستانە سېزىم.

ئەھدى ئەيلەپ ئىزگۈ ئۈمۈدنى،
غايە تاۋلار سوقۇپ تۈمۈرنى.
پەرۋاز قىلىپ ئىرپان كۆكىدە،
نۇرغا پۈركەي ئالتۇن ئۆمۈرنى.

چىدام،غەيرەت ھايات جىلۋىسى،
ئىجاد ئەتسۇن ياشلىق قەدرىنى.
يېڭىپ مۈشكۈل قازغاندا نۈسرەت،
كامال ئەتسۈن مۇراد ۋەسلىنى.

ئەقىل ئىچرە ئۆتكۈر سەزگۈدە،
قىزغىن تىلەك تەپتىدە كۆيسەم.
ساپ مېھنەتتە تاشتىن گۆھەر ئېپ،
ئىقبال دېڭىز تەكتىگە چۆكسەم.

ياشلىق پەيزى قۇۋۋەت بۇلىقى،
ئەقىل مەدەت، ئىرادە تېغى.
سۆيگۈ،ئۈمۈد،ئىشەنچ دۇنياسى،
گۈزەل ئۆمۈر سەيلىگاھ بېغى.

2009-يىل4-ئاي 14-كۈنى(دىيارى كەلپىن)

شېئىرىڭىزدا ئىقبال دېڭىزىغا چۆكۈپ ،ئېرپان كۆكىدە پەرۋاز قىلىش ئارزۇيىڭىز ۋە ئىرادىڭىز يارقىن ئىپادىلىنىپتۇ .
اللا نىيىتىڭىزغا يەتكۈزگەي !

ياشلىق تېڭى كەلدى يېقىنلاپ،
گويا قۇياش چىققاندەك پارلاپ.
غۇنچە دىلدا ئېچىلار گۈللەر،
ئۆمۈر باغقا باھارنى چىللاپ.

بۇ مىسرادىكى ئوبرازلىق تىل بەك يېقىملىقكەن.

ياشلىق پەيزى قۇۋۋەت بۇلىقى،
ئەقىل مەدەت، ئىرادە تېغى.
سۆيگۈ،ئۈمۈد،ئىشەنچ دۇنياسى،
گۈزەل ئۆمۈر سەيلىگاھ بېغى.

بۇ يەردە ياشلىقنىڭ پەيزىنى،قەدىر-قىممىتىنى بەك ياىشى سۈپەتلەپسىز،  رەھمەت شوختېكىن ئەپەندى،ھارمىغايسىز.

تاڭ سەھەردە بالقىپ چىققان نۇرۇلۇق قۇياشقا ئوخشاش يارقىن تىمىللىرىڭىز ئۈزۈلۈپ قالمىسۇن! ھارمىغايسىز....

تىمىللىرىم:
./personal.php

ياشلىق تېڭى كەلدى يېقىنلاپ،
گويا قۇياش چىققاندەك پارلاپ.
غۇنچە دىلدا ئېچىلار گۈللەر،
ئۆمۈر باغقا باھارنى چىللاپ.

كەتتى بەڭباش، غەمسىز سەبىيلىك،
بىخ سۈرمەكتە نازۇك ھىسلىرىم.
كۆڭۈل ئايرىپ نۇمۇس ئىپتىخار،
ئويغاتماقتا مەستانە سېزىم.

بۇ مىسرالار ياشلىق پەيتىنىڭ ناھتيىتى ئوبرازلىق تەسۋىرلەپسىز.رەھمەت سىزگە مۆھتىرەم شوختېكىن ئەپەندى.

ئەقىل ئىچرە ئۆتكۈر سەزگۈدە،
قىزغىن تىلەك تەپتىدە كۆيسەم.
ساپ مېھنەتتە تاشتىن گۆھەر ئېپ،
ئىقبال دېڭىز تەكتىگە چۆكسەم.

ياشلىق روھىنى ياخشى سۈپەتلەپسىز.رەھمەت سىزگە