|
پەيغەمبەر ئەلەيھىسالم سورىدى : ئىبلىس ، مېنىڭ ئۈممىتىم ئىچىدە سېنىڭ قانچىلىك دۈشمىنىڭ بار ؟ ، ئىبلىس جاۋاپ بەردى ، 20 تۈرلۈك ئادەم مېنىڭ دۈشمىنىمدۇر .
1) ئى مۇھەممەد ، سەن ئۇلارنىڭ بىرىنچىسى .
2) ئىلىمىگە ئەمەل قىلغۇچى ئالىم .
3) « قۇرئان » غا ئەمەل قىغۇچى قارىي .
4) بەش ۋاقىت ئەزان توۋلىغۇچى .
5) نامرات ، يىتىم ۋە مىسكىنلەرنى ياقتۇرغۇچى .
6) دىلى ئۈزۈك ئادەم .
7) ھەقىقەت ئۈچۈن تىز پۈككۈچى .
8) ئاللاھنىڭ ئىتائىتىدە ئۆسكەن ياش .
9) ھالال يىمەكلىكلەرنى يەيدىغان ئادەم .
10) ئاللاھ ئۈچۈن دوسىتلىشىدىغان ئىككى ياش .
11) جامائەت نامىزىغا قاتنىشىشقا ئىنتىزار ئادەم .
12) كېچىدە خەلق ئۇخلاۋاتقاندا ئۆزى يالغۇز ناماز ئۇقۇغۇچى ئادەم .
13) ھارامدىن يىراق يۈرگۈچى .
14) ياخشىلىققا بۇيرۇپ يامانلىقتىن توسقۇچى .( يەنە بىر رىۋايەتتە دىنى قېرىنىدىشىغا بەخت تىلەپ ، دىلىدا شەخسىيەتچلىك قىلمايدىغان كىشى ).
15) ئۇزۇن مەزگىل تاھارەت بىلەن يۈرگەن كىشى .
16) سېخىي .
17) مىجەزى سالىھ ئادەم.
18) ئاللاھنىڭ ھۆكمىگە قەتئى ئىشەنگۈچى .
19) تۇل ئاياللارغا ياخشىلىق قىلغۇچى .
20 ) ئۆلۈمگە تەييارلىق قىلغۇچى .
ۋەھبە ئىبنى مۇنەببەھ ئېيتىدۇ :
« تەۋرات » تا مۇنداق خاتىرىلەنگەن :
بۇ دۇنيالىقتا ئاخىرەتكە تەييارلىق قىلغۇچى ، قىيامەتتە ئاللاھنىڭ رىزاسىغا ئېرىشىدۇ .
غەزەپنى تەرك قىلغۇچى ئاللاھنىڭ ھىمايىسىگە ئېرىشىدۇ .
بۇ دۇنيانىڭ ھەۋىسىنى تەرك ئەتكۈچى ئاخىرەتتە جازا ئۇچرىمايدۇ .
ھەسەتنى تاشلىغۇچى ئاخىرەتتە جامائەتنىڭ ماختىشىغا ئېرىشىدۇ .
ئەمەلدارلىق ئارزۇسىنى تاشلىغۇچى قىيامەتتە يۈكسەك ، ئالەملەرنىڭ خوجىسى بولغان ئاللاھنىڭ ئىلتىپاتىغا ئېرىشىدۇ .
ناھەق ئىشلارنى تەرك ئەتكۈچى قەلبى سۈزۈك ھەم دىيانەتلىكلەر قاتارىدىن بۇلىدۇ .
بۇ دۇنيالىقتا جەڭگى-جىدەلدىن خالىي بولغان ئادەم قىيامەتتە مۇۋەپپىقىيەت قازىنىدۇ .
بۇ دۇنيالىقتا بېخىللىقنى تەرك ئەتكۈچى ئاخىرەتتە جامەئەتنىڭ ماختىشىغا ئېرىشىدۇ . بۇ دۇنيالىقتا ئويۇن تاماشا ، بىكارچىلىقنى تاشلىغۇچى ئاخىرەتتە چەكسىز رەھمەتكە ئېرىشىدۇ .
بۇ دۇنيالىقتا ھارام ئىشلاردىن ساقلانغۇچى ئاخىرەتتە پەيغەمبەرلەرگە يېقىن بۇلىدۇ .
بۇ دۇنيالىقتا ھارامغا قارىمىغان ئادەم ، ئاخىرەتتە پەرۋەردىگار ئۇنى رازى قىلىدۇ .
بۇ دۇنيالىقتا بايلىقنى سەدىقە قىلىپ نامراتلىقنى تاللىغۇچى ، ئاخىرەتتە پەرۋەردىگار ئۇنى باي ۋە پەيغەمبەرلەر قاتارىدىن قىلىدۇ .
بۇ دۇنيالىقتا كىشىلەرنىڭ تەلىپىنى ئورۇندىغۇچى ، ئاخىرەتتە ۋە دۇنيالىقتا بولغان تەلەپلىرىنى خۇدا ئۇنىڭغا ھەل قىلىپ بېرىدۇ .
قەبرىدە خاتىرجەملىك بۇلۇشنى ئويلىغۇچى ، ئۇ كېچىسى ئورنىدىن تۇرۇپ ناماز ئۇقۇسۇن .
مېھرىبان ئاللانىڭ ئەرش سايىسىدىكى ھىمايىسىگە ئېرىشىشنى ئويلىغۇچى تەقۋا بولسۇن .
ئۆزىنىڭ ھېسابىنىڭ ئاسانراق بۇلۇشىنى ئويلىغۇچى ئۇ ئۆزىگە ۋە تۇغقىنىغا نەسىھەت قىلسۇن .
پەرىشتىلەرنىڭ ئۆزىنى زىيارەت قىلىشىنى ئويلىغۇچى ئالدى بىلەن ئۆزى بىر تەقۋادار بۇلۇشى كېرەك .
راھەتلىك جەننەتكە كىرىشنى ئارزۇ قىلغۇچى ھەرۋاقىت ئاللانى ئەسلىسۇن .
ھېساب ئېلىنماي جەننەتكە كىرمەك بولغانلار ئىخلاس بىلەن ئاللاغا توۋا قىلسۇن .
بىر بايۋەتچە بۇلۇشنى ئويلىغۇچى ئاللانىڭ تەقسىماتىغا رازى بولسۇن .
ئاللاھنى ياخشى كۈرىدىغان قانۇنشۇناس ئالىم بۇلۇشنى ئارزۇ قىلغۇچى چۇقۇم ئاللادىن قورقۇشى كېرەك .
بىر ئەقىل ساھىبى بولماقچى بولغانلار ئالدى بىلەن بىر ئالىم بولسۇن .
كىشىلەرنىڭ ئاۋارىچىلىقىدىن ساقلىناي دىگەن ئادەم باشقىلارنىڭ ئارتۇقچىلىقىنى ئەستە تۇتسۇن ، ئۆزىنىڭ نىمىدىن يارىتىلغانلىقىنى ئويلىسۇن ، نىمە ئۈچۈن يارىتىلدى ؟
دۇنيا ۋە ئاخىرەتتە شەرەپ ئىزلىگۈچى دۇنيالىقنى ئاخىرەتتىن تۈۋەن كۈرۈشى كېرەك .
فىردەۋس ، نەئى ئىسىملىك جەننەتتە مەڭگۈلۈك راھەتكە ئېرىشىشنى ئويلىغۇچى ئۇنداقتا بزۇزۇق دۇنيادا ھاياتىنى ئىسراپ قىلمىسۇن .
دۇنيانىڭ جەننىتى ۋە ئاخىرەتنىڭ جەننىتىگە ئېرىشمەكچى بولغانلار سېخىي بۇلۇشى كېرەك . چۈنكى سېخىيلار جەننەتكە يېقىنلاشقۇچى ، دوزاختىن يىراقلاشقۇچىلاردۇر .
كۈچلۈك يورۇقلۇق بىلەن ئۆز قەلبىنى يۇرۇتماقچى بولغانلار چوڭقۇر پىكىرگە كىرىشى كېرەك .
جاپاغا چىدامچان بەدىنى بۇلۇشنى ئويلىغۇچى ئاللانى زىكرى قىلىدىغان تىلى ۋە ئاللادىن قورقىدىغان دىلى بۇلۇشى ، مۇئمىن ۋە مۇسۇلمانلارنىڭ گۇناھىنى تىلەپ ئاللاغا دۇئا قىلىشى كېرەك .
بارلىق مەدھىيە ئاللاغا خاستۇر ،پۈتۈن ئالەملەرنىڭ پەرۋەردىگارى بۈيۈك ئاللادۇر .
مەنبە-ئەخلاقنامە .(ئىمام غەززالىي )
15) | 
| بانكا
| دوست قاتارى
| مېدال مەركىزى
يېڭى يازمىلىق سەھىپە 
ئادەتتىكى سەھىپە 
