ھىجران چۇقانلىرى
1
ھايات مېنى چېلىپ نازۇك بارماقلىرىدا،
پايانى يوق غەمگە ئۇردى پەدىلىرىنى.
قارا سانىڭ قۇمدەك تولا قارماقلىرىدا،
تەۋەززۇلار ئوينىتىشتى ۋەدىلىرىنى...
بوران قۇتراپ تۇرغان ئارزۇ كۈھىقاپىغا،
سېپىل سوقتى ھامان ساختا شۆھرەت تاماسى.
پۈتكەن تاقەت نەرىسىگە، ئىزتىراپىغا،
سالدى ئىمزەك قۇدۇقتىكى ئاينىڭ سىماسى.
تالاپەتلەر كۆزلەپ رەنجى سەپەرلىرىمگە،
ھەر قەدەمدە توستى يولنى قىيا ھاماقەت.
قۇچۇپ ئۆتكەن تامچە زىلال زەپەرلىرىمگە،
دەللەپ ئاتتى تۆھمەتلەرنىڭ ئوقىنى ئاپەت.
يار، جىلۋەڭنى كۆرەلمىدىم يانىڭدا تۇرۇپ،
ئۆتتى جاندىن كەلمەس ۋىسال، تۈگىمەس پىراق.
ئۈمىدلەردىن ياشناپ ياشاپ، باردىم ئۇلغۇيۇپ،
پارلاق ئۈمىد يالقۇنىدۇر يولۇمغا چىراق ...
داۋامى بار.
[ بۇ يازما kamqa تەرپىدىن2009-04-14 12:57دە قايتا تە ]