ئەسسالاممۇ ئەلەيكۇم!
  تارىخ بەتلىرىنى ئاختۇرۇپ كۆرسەك مۇنداق بىر تارىخى ۋەقە بار.ئۇ بولسىمۇ ئادەم ئەلەيھىسسالامنىڭ پەرزەنتلىرى ھابىيل بىلەن قابىيلنىڭ ھىكايىسى.
  بۇ ھىكايىدە ھەسەتخور،ئىچ تار ،تەكەببۇر قابىيل شەيتاننىڭ ۋەسۋەسى بىلەن ئۆز قىرىندىشى  ھابىيلنى ئۆلتۈرىۋىتىدۇ لىكىن ئارقىدىنلا قاتتىق
پۇشايمان قىلىدۇ.ئۇنىڭ جەسىدىنى قانداق بىر تەرەپ قىلىشنى بىلمەي ئۇنى تاشلاپ كىتىپ بارسا بىر قاغا ئۆز ھەمراسىنى پۇتى ھەم تۇمشۇقى بىلەن
يەركولاپ كۈمىدۇ.قابىيل بۇنى كۆرۈپ< ئەسلى مۇنداقكەندە>دەپ قايتىپ بىرىپ ھابىيلنىڭ جەسىدىنىمۇ ئاشۇنداق گۆر كولاپ كۈمىدۇ. شۇندىن تارتىپ ئىنسانلار بىر -بىرىنى يەرلىككە قۇيۇشنى بىلگەن!
ئەمدى نەزىرىمىزنى ھازىرقى ۋەزىيەتكەئاغدۇرايلى. ئۆتكەن يىلى ئىراقلىق مۇخبىر زەيىد بوشقا نارازى بولۇپ ئۇنىڭغا ئاياغ ئاتتى.شۇندىن تارتىپ ھازىر بەزى سىياسىي سورۇنلاردا ئاياغ ئىتىش ۋەقەلىرى يۈز بىرىپ تۇردى.زەيىد بولسا قەھرىمانغا ئاياغ بولسا ئابىدىگە ئايلاندى.
بۇئىككى ھىكايە نىمىنى چۈشەندۇرىدۇ؟
مەنچە ئىنسانلارنىڭ دوراشقا،قىزىقىشقا ناھايىتى ئامراقلىقىنى ، ھەتتا دۇنيا مەدەنىيتىنىڭ بىر-بىرىگە ئوخشاش بولۇشىمۇ مۇشۇنداق دوراشنىڭ مەھسۇلى بولىشى مۇمكىن!
ئەمدى ئۆزىمىزنىڭ ھازىرقى ئەھۋالىمىزغا قاراپ باقايلى !بىزدىمۇ قىزىقىش،دوراش خىلىلا بار.بۇنى مىسالغا ئىلىش مەنچە بىھۇدە ئاۋارچىلىق.چۈنكى ھەممىلا يەردە بۇنى ئۇچرىتىپ تۇرىمىز.لىكىن بىزنىڭ دوراۋاتقىنىمىز زادى نىمە؟
مانا بۇ ئويلىنشقا تىگىشلىك ھەم مىنىڭ بۇ يازمىنى يىزىشتىكى مەقسىتىم.ئەڭ ئاددى بىر مىسال:
ھازىر ئۇيغۇر قىزلىرىمىز يات مىللەتلەردىن بەزى ناچار ئىللەت،خاھىشلارنى مودا دەپ دوراپ يۈرمەكتە.بۇنى كۆرۈپ بەزى ئوغۇللار مەتبۇئاتلاردا،تورلاردا< لەنەت ئۇيغۇر قىزلىرى، دىبا قىزلىرى،ئۇيغۇرنىڭ نۇمۇسى.......................>قاتارلىق شىئىر ئەسەرلەرنى يىزىپ ئىلان قىلدى.
ئەمما توردىكى ئىنكاسلارنىڭ %25ياخشى باھا قوللاش قالغىنى بولسا ئەسەر ساھىبىنى تىللاش،رەدىيە بولدى.
  ئەمدى بىز بۇلارنى قانغىچە دورايمىز؟قاچانغىچە بۇلارنىڭ ئارقىدىن تىللاپ بىر بىرىمىزنى تىللاپ يۈرىمىز؟
  بىزنىڭ شۇنداق تىللاپ سۆككنىمىزنىڭ نىمە پايدىسى بولدى.بۇغۇ توردىن ئىبارەت مەۋھۈم دۇنيادىكى ئىشلار،ئېجتىمائى تۇرمۇشتىن ئۆرنەك ئالايلى:
  ھەممىمىزگە مەلۇم يىقىنقى يىللاردا ئۇيغۇر كىنو سەنئەت ساھەسى خىلى يۈكسەلدى.ھەر يىللىق قۇربان ھىيىت كېچىلىكىدە بولسۇن ياكى چولپانلىرىمىزنىڭ ئىتوت كېچىلىكلىرىدە بولسۇن جەمىيئەتتىكى بەزى بىر ئىللەت ، مەسىلىلەر كۈلكىلىك ئوسۇللار بىلەن ناھايىتى ياخشى قامچىلاندى.
لىكىن بۇ مەسىللەر تۈزەلدىمۇ؟ بۇنىڭغا ئىككى مىسال ئالاي.
ئابدۇكىرەم ئابلىزنىڭ <يىراقتىكى موللا داموللا> دىگەن ئىتۇتى ھەممەيلەنگە تۇنۇشلۇق بۇئىتۇتنى ئۆز سەنئىتىمىزنى قەدىرلىشىمىز،بولغىماسلىقىمىز  ناھايىتى جانلىق ئوبرازلىق  ئوتتۇرىغا قۇيۇلغان ،لىكىن نەتىجىسىچۇ؟ئۇزۇن ئۆتمەي شۇ ئىتۇتتا تىلغا ئىلىنغان ۋاچچاللى دىگەن ناخشا  غۇنچەلى
دەپ ئىيتىلىپ تارقىتىلدى.
ئادىل مىجىت، ئابلىكىم كەلكۈن،ھوشۇرقارى،خەيرىگۈل قاتارلىق ئارتىسلىرىمىز ئورۇنلىغان <رەڭلىك سورۇن> دىگەن ئىتۇت جەمئىيىتىمىزدىكى ئائىلىگە سادىق بولماسلىق سەۋەبىدىن كىلىپ چىققان مەسىلىلەرنى ناھايىتى ياخشى ،چوڭقۇر مەزمۇن بىلەن ئەكس ئەتتۈرگەن.لىكىن ھازىرچۇ
شۇ سورۇنلار ئازايدىمۇ؟
جاۋاپ ياق.ئازىيىش تۈگۈل بارغانچە كۆپىيىپ مۇلازىمەتلىرىمۇ ئەلالىشىپ باردى.
ئىللەت تىللاپمۇ ،سۈكۈپمۇ تۈزىتەلمىدۇق؟ ئەمدى قانداق قىلىش كىرەك ؟يەنىلا خەقنى دورامدۇق؟
بىر ھەدىس سۈزلۈگۈم كىلىۋاتىدۇ؟
   مۇھەممەد ئەلەيھىسسالام (س.ئە.ۋ) مۇنداق دىگەنكەن :
-پوق تەگگەن كىيىمنى سۈيدۈك بىلەن يۇيسا پاكىز بولامدۇ؟
ساھابىلەر:-ياق.دەپ جاۋاپ بىرىپتۇ.
مۇھەممەد ئەلەيھىسسالام (س.ئە.ۋ)
_ئۇنداقتا نىمىدە يۇيسا پاكىز بولىدۇ.دەپ سوراپتۇ.
ساھابىلەر:-پاكىز سۇدا. دەپ جاۋاپ بىرىپتۇ.
مۇھەممەد ئەلەيھىسسالام (س.ئە.ۋ):-توغرا.شۇنىڭغا ئوخشاش سىلەرنىڭ گۇناھلىرىڭلارنى گوناھلىرىڭلار ئەمەس ،بەلكى پاك ئىمان ،نىيەت بىلەن قىلغان ئىبادەتلىرىڭلار تازىلايدۇ.دىگەن ئىكەن.
شۇنىڭغا ئوخشاش بىز ئىللەتلەرنى ئەمدى تىللاپ،قارغاپ،سۈكۈپ ئەمەس بەلكى ئۆزىمىزنىڭ ئىسىل ئەخلاق،مەدەنىيەتلىرىمىزنى ماختاش،مەدھىيلەش،تەشەببۇس قىلىش ئارقىلىق تۈزەتسەك بولماسمۇ؟ كەچىكىچە ئىللەتنى ئىكران ئىلىپ چىقماي مۇشۇنداق ئىسىل ئەنئەنىلىرىمىزنىمۇ ئىلىپ چىقساق،كۆيدۈم ،پىشتىم،سۆيدۈم،ئۆلدۈم دەپ ناخشا تولىماي بىر-بىرىمىزنى كۈچەيتىدىغان، قۇۋۋەتلەيدىغان مارشلارنى
تورغا كەچىكىچە بىر قانچۇق ئوننى كۈچۈكلىدى،ماۋۇ ئالامەت...........،ئاۋۇ كارامەت............،ۋەياكى ئۇيغۇر  رەسۋاسى،ئۇيغۇر ھەزلىكى ،ياكى يۇمۇر دىگەندەك ھىچنىمىگە پايدىسى يوق بىر-بىرىمىز بىلەن ئۆچەكىلىشىدىغان،زىتىغا تىگىدىغان ئەھمىيەتسىز نەرسىلەرنىڭ ئورنىغا ئۆز ئارا ئىتتپاقلىشىدىغان،روناق تاپىدىغان ئىقتسادىي،سىياسىي ياكى ئىتىقادى ئەسەرلەرنى يوللاپ كەمچىلىكىمىز تەڭ تۈزىتىپ،ئارتۇقچىلىقمىزنى جارى قىلدۇرساق بولماسمۇ؟ تاھازىرغىچە ئۇلۇغ ئالىمىمىز <مەھمۇت قەشقىرى>،<يۈسۈپ خاس ھاجىپ>،<ئەلىشىر ناۋايى>قاتارلىق ئالىملىرىمىز توغرسىدا قايسى فىلىم ئىشلەندى.بۈيۈك خاقان <سۇتۇق سۇلتا بۇغراخان>چۇ؟ مۇڭغۇللار چىغىدا چىڭگىزخاننى تىلۋىزىيە ئىكرانىغا ئىلىپ چىقتى.
ئەمدى بىزمۇ شۇ ئۇلۇغلارنىڭ ئىش-ئىزىنى ئەۋلاتلارغا يەتكۈزىدىغان ، ئۇلارنى نەسىھەتلىرىنى ، ئەۋلاتلارغا ئۇدۇم قىلىدىغان ۋاقىت كەپمۇ قالغاندۇ؟
ئىناق،ئىتتپاق بولساقلا بىزنى ھىچكىم بوزەك ئىتەلمەيدۇ.چۈنكى بىر چوكىنى سۇندۇرۇش ئاسان ،بىر باغلامنى سۇندۇرۇش ئۇنچە ئاسان ئەمەس.
بۇيەردە يەنە مىسال ئالاي:
  ھەممىمىز جىن زى دەن باش رول ئالغان<جىڭۋۇ سارىيى> دىگەن فىلىمىنى بىلىمىز بۇ فىلىمنىڭ 1-قىسىمىنىڭ باشلىنىشىدىلا خو يۈەن جيا نىڭ پۈتكۈل جوڭگو چامباشچىلىقىنى بىرلىككە كەلتۈرۈپ دۆلەتنى مۇنقەرزلىكتىن،مىللەتنى زاۋاللىقتىن قۇتۇلدۇرماقچى ئىكەنلىكى سۈزلىنىدۇ. ھەم خو يۈەن جانىڭ كۆرسەتكەن بىر قىسىم تىرىشچانلىقى بايان قىلىنىدۇ.
ئاخىرىدا جۇگۈي بىلەن ۋۇتىيەن شىڭشۇڭنىڭ پاراڭىدا مۇنداق دىيىلىدۇ:
بىر چىنجىن ھىچ گەپ ئەمەس ئەڭ خەتەرلىك بولغىنى كەلگۈسىدىكى ئونمىڭلىغان چىنجىننىڭ بارلىققا كىلىشى.
خاتىمىسىدە :
چىنجىننىڭ ئۈلۈمى ئونمىڭلىغان چىنجىنلارنى بارلىققا كەلتۈرۈپ دۆلەتنى مۇنقەرزلىكتىن قوتۇلدۇردى.دەپ تۈگەيدۇ.
دىمەك مىللەت ئىتتپاقلاشتۇرغاندىلا ھەققىي يىمرىلمەس قۇرغان،مەھكەم ئىستىھكامنى قۇرغىلى بۇلىدۇ.
شۇڭا ئۆزىمىزنى كۈچلەندۈرۈپ ، بىرلىككە كىلەيلى. ئەمىدى بىز دورايدىغان نەرسە ياتنىڭ ئەمەس ئۆزىمىزنىڭ تىخى تۇنۇپ يىتەلمىگەن ،يوقاتقان نەرسىلىرىمىز. بۇلارنى ئەجداتلار بىزگە ياستۇق قىلىپ قالدۇرمىغان،بەلكى ئۇدۇم قىلىپ قالدۇرغان.بىر-بىرىمىزنى كولاشنىڭ ئورنىغا قوللاشنى،ھەسەت،غەيۋەت،رەدىيەنىڭ ئورنىغا ماختاش،تەشۋىق،مەدھىيەنى،ئۇرۇشۇشنىڭ ئورنىغا ئۇيۇشۇشىنى ئالماشتۇرايلى!
چۈنكى بىز ئۇيغۇر.ئۇرغۇي ئەمەس ئۇيغۇر.
بىز ئوغۇزخانىڭ نەسلى.بىز دۇنيا تارىخىغا پارلاق نەتىجىلەرنى،ئۆچمەس ئىزلارنى يازغان ئۇيغۇرمىز.
دۇنيا خەلقى بىزنىڭ ئىتتپاقلىمىز،بىردەكلىكىمىزگە،ئىناق-ئىجىللىقىمىز غا قاراپ بىز گە ئۇيغۇر دىگەن نامنى بەرگەن.
بىز تارىخى شانلىق ،مەدەنىيىتى خاسلىق بىر قەۋم.
ھەرگىز مۇ تۈنۈگۈنلا بارلىققا كەپ قالغان دورامچى مىللەت ئەمەس.
چۈنكى بىز ئۇيغۇر!مەڭگۈ ئۇيغۇر!

دۇنيا قارىش ئالغار،ئۆزگىچە ئەسەر ئىكەن. قوللاشقا كۆپ ئەرزىيدۇ.

يوللانمىڭىزغا بارىكاللا !

ئۇيغۇرنى تىللىغىنىڭ ئۆزۈڭنى تىللىغىنىڭ
./read.php?tid-26007-keyword-.html

توغرا دەيسىز . بىز  شەبنەمدە ناھايتى جۇشقۇن ،جەڭگىۋار  ئۆزلۇك  ۋە ئىسلامى ئىخلاق  كەيپىياتنى  تىكلىسەك بولاتتى .

  ئىللەتلەرنى ئەمدى تىللاپ،قارغاپ،سۈكۈپ ئەمەس، بەلكى ئۆزىمىزنىڭ ئىسىل ئەخلاق،مەدەنىيەتلىرىمىزنى ماختاش،مەدھىيلەش،تەشەببۇس قىلىش ئارقىلىق تۈزەتسەك بولماسمۇ؟

ئەلۋەتتە بولىدۇ،ناھايىتى ياخشى      

ھەقىقەتەن ياخشى ئۇرۇنلۇق گەپ!

بىز ئوغۇزخانىڭ نەسلى.بىز دۇنيا تارىخىغا پارلاق نەتىجىلەرنى،ئۆچمەس ئىزلارنى يازغان ئۇيغۇرمىز.
دۇنيا خەلقى بىزنىڭ ئىتتپاقلىمىز،بىردەكلىكىمىزگە،ئىناق-ئىجىللىقىمىز غا قاراپ بىز گە ئۇيغۇر دىگەن نامنى بەرگەن.
بىز تارىخى شانلىق ،مەدەنىيىتى خاسلىق بىر قەۋم.
ھەرگىز مۇ تۈنۈگۈنلا بارلىققا كەپ قالغان دورامچى مىللەت ئەمەس.
چۈنكى بىز ئۇيغۇر!مەڭگۈ ئۇيغۇر!



ياخشى يېزىپسىز  رەخمەت

قىنى بۇنىڭغا قانچىلىك ئىنكاس چۈشىدىكىن؟ شۇنىڭغا قاراپ شەبنەمدىكلەرگە بىر نىمە دەيمىزغۇ؟

چۈنكى بىز ئۇيغۇر!مەڭگۈ ئۇيغۇر!!چۈنكى بىز ئۇيغۇر!مەڭگۈ ئۇيغۇر!!چۈنكى بىز ئۇيغۇر!مەڭگۈ                                                          ئۇيغۇر!!                                                                    ناھايىتى    ئورۇنلۇق   گەپ بولدى!!!!!!!!!!!!!!!!!!!!!!!!!!!!!!!!!!!!!

ياخشى تەپەككۇركەن ، دېمىسىمۇ ئىىلەت يوقالمىغۇچە مىللەت تۈزۈلمەس؛
كۆپلىگەن كىشلەر دورامچى كېلىدۇ ،بۇلۇپمۇ بىزنىڭ ئۇيغۇرمىللىتىمىزئاشۇنداقلار كۆپ،دورىساقمۇ «شاكىلىنى ئېلىۋىتىپ ،مېغىزىنى قۇبۇل قىلىش » ئارقىلىق دورىساق ياخشىراق،قارىغۇلارچە دوراش -دۆتنىڭ،كالۋىنىڭ ،ناداننىڭ ئىشى...

Quote:

بۇ مەزمون3قەۋەتتىكىArk-zatنىڭ2009-04-13 22:48 دە يوللىغان يازمىسى   :
ئۇيغۇرنى تىللىغىنىڭ ئۆزۈڭنى تىللىغىنىڭ
./read.php?tid-26007-keyword-.html

   قىززىق!!!   بۇ يەردە ھېچكىم ئۇيغۇرنى تىللىماپتىغۇ؟  پەقەتلا جەمئىيەتتىكى ئومۇملاشقان<مودا> توغرۇلۇق سوزلەپتۇ شۇ!!!      بۇ  ئىنكاس بىلەن تېمىنىڭ قانداق باغلىنىشى بارلىقىنى پەقەت بىلەلمىدىم!!            ھەقىقەتەن قوللىغۇدەك تېما ئىكەن!!!!!!

ئالدىن تېما ئىگىسىگە رەھمەت

مەن بىر تېما يوللىغانتىم باشقۇرغىچىلار ئۆچۈرىۋېتىپتۇ ،نىمىشقا ئۆچۈرگەنلىكىنى ياكى ماڭا ئۇچۇر قىلىپ قويمايدىكەن مۇشۇنىڭ بىلەن ئىككى-ئۈچ قېتىم بولدى زادى نىمىشقا ئۆچۈرىدۇ سەۋەبىنى دەپ قويسا بولمامدۇ دەيمەن باشقىلارنى تىرناقچىلىك ئەمگىكىنى ھۆرمەتلەپ قويساڭلار بولمامدۇ دەيمەن
مانا مەن يوللىغان تېما ئادرىسى
./read.php?tid-106643-keyword-.html

  تارىختىن بۇيان قاراپ باقىدىغان بولساق قولىدىن ئىش كېلىدىغان ھەق ئادەملەرنىڭ ھىچقايسى مىللەتتىن قاخشىماپتىكەن. ھازىر ئۇيغۇرنىڭ ئەيىپلىرىنى سۆزلىسەك ئۆزىنىڭ ئۇيغۇر بولغىنىغا پۇشايمان قىلىپ تۇرىدىغان ئۆز تىلىدا سۆزلىگۈسىمۇ كەلمەيدىغان ئەۋلادلارغا «راست دەيدۇ» دىگۈزۈشىمىز مۈمكىن. ئەمما نۆۋەتتىكى مەسىلىلەرنى تىللاپ ھەل قىلغىلى بولمايدۇ. بىزگە قاخشايدىغان ئەمەس ئەمەلى ھەركىتى ئارقىلىق ئەلنىڭ غېمىنى قىلىدىغان ئادەملەر كېرەك.
ياخشى تىما ئىكەن ، ئاللاھ رەھمەت قىلسۇن بۇرادەر!~~

بىز ئوغۇزخانىڭ نەسلى.بىز دۇنيا تارىخىغا پارلاق نەتىجىلەرنى،ئۆچمەس ئىزلارنى يازغان ئۇيغۇرمىز.
دۇنيا خەلقى بىزنىڭ ئىتتپاقلىمىز،بىردەكلىكىمىزگە،ئىناق-ئىجىللىقىمىز غا قاراپ بىز گە ئۇيغۇر دىگەن نامنى بەرگەن.
بىز تارىخى شانلىق ،مەدەنىيىتى خاسلىق بىر قەۋم.
ھەرگىز مۇ تۈنۈگۈنلا بارلىققا كەپ قالغان دورامچى مىللەت ئەمەس.
چۈنكى بىز ئۇيغۇر!مەڭگۈ ئۇيغۇر!!!
--------------------------------------------------------------
شەبنەم ئەھلى چاقىرقىڭىزغا ئاكىتىپلىق بىلەن ئاۋاز قوشىدۇ.