مېھرىنى ھەممىگە، سۆيگۈ-مۇھەببىتىنى بىرلا ئادەمگە بېغىشلىيالىغان ئايال ھەقىقىي مۇھەببەتلىك ئايال؛
ھەم جىسمانىي جەھەتتىكى ئاجىزلىقىنى تەن ئالىدىغان، ھەم روھىي جەھەتتىكى كۈچلۈكلىكىنى جارى قىلدۇرالايدىغان ئايال ھەقىقىي قۇدرەتلىك ئايال؛
ھەم پۇل ئۈچۈن ئۆزىنى بۇلغىمايدىغان، ھەم ھالال پۇلى بىلەن مەئىشەت سۈرەلەيدىغان ئايال ھەقىقىي ئەخلاقلىق ئايال؛
گۈزەللىكنى جاھان ئەھلى ئالدىدا نامايەن قىلالايدىغان، لېكىن ئۇنى ھەرگىز بازارغا سالمايدىغان ئايال ھەقىقىي نومۇسلۇق ئايال؛
كۆڭلى بولمىسا، ھەتتا پادىشاھنىمۇ رەت قىلىپ، ئىشقى باغلانسا، كۆك نامراتنىڭمۇ ئايىغىغا باش قويالايدىغان ئايال ھەقىقىي ئىپپەتلىك ئايال؛
ھالۋىنى تولا يېگۈزۈپ زاڭ تېتىتىپ قويمايدىغان، ۋاقتى كەلگەندە كەكرىنىمۇ شېرىن ھېس قىلدۇرالايدىغان ئايال ھەقىقىي خۇلقلىق ئايال؛
ھەم سۆيگەن يارىنىڭ مەيدىسىگە يۆلىنىشنى بىلىدىغان،ھەم يىقىلغان يارىنى پۈتۈن جىسمى بىلەن يۆلەشنى بىلىدىغان ئايال ھەقىقىي ۋاپادار ئايال؛
راستنى ھامان راست دەيدىغان، لېكىن ئۆزگىنىڭ زىل كۆڭلىنى ئايايدىغان يەردە، چىن مەۋقەسىنى باشقىچە شەكىلدىمۇ ئىپادىلەشنى بىلىدىغان ئايال ھەقىقىي سەمىمىي ئايال؛
ئىچى قاينىغاندا توغاندەك ئىچىگە يىغالايدىغان، ئىچى توشۇپ كەتكەندە تاشقىندەك تاشالايدىغان، شۇنداقتىمۇ ئەتراپنى، يىراقنى نەزەردە تۇتالايدىغان ئايال ھەقىقىي سالماقلىق ئايال؛
چوغنى پۈۋلەپ ئوت قىلىپ، ھۇۋۇلداپ قالغان ئائىلىنى ئىللىتالايدىغان، لېكىن لاۋۇلداپ تۇرغان ئوتقا ماي چېچېپ ئۆينى يانغىنغا ئايلاندۇرۇۋەتمەيدىغان ئايال ھەقىقىي ئەقىللىق ئايال؛
ئۆزىنى قەدىرلىگەنگە قۇللارچە ئىتائەت قىلىشنى بىلىدىغان، ئۆزىنى خارلىغانغا باتۇرلارچە قارشى چىقىشنى بىلىدىغان ئايال ھەقىقىي غورۇرلۇق ئايال؛
ھېجران ئازابى ئىچىدە ئۆمۈر بويى يارىنى كۈتۈپ ئولتۇرالايدىغان، بېشىغا جۇدالىق كەلسە، كۆز ياشلىرىنى سۈرتۈۋىتىپ، يەنە يېڭىۋاشتىن ھاياتنى سۆيەلەيدىغان ئايال ھەقىقىي ساداقەتمەن ئايال؛
بالا ئۈچۈن ئانا زېمىندەك بارلىق ئېغىرچىلىقىنى كۆتۈرۈپ ئىڭرىمايدىغان، ھەتتا قورساقتىكى بالىسىنىڭ ئامان-ئېسەن تۇغۇلىشى ئۈچۈن كۈلۈپ تۇرۇپ جان بېرەلەيدىغان ئايال ھەقىقىي پىداكار ئايال؛
پەرزەنتىنى تۇنجى ھەم ئۈمۈرلۈك ئۇستاز سۈپىتىدەتەربىيلەشنى بېلىدىغان ھەم ئۆزىنىمۇ شۇنىڭغا لايىق ئۈزلۈكسىز تەربىيلەپ ماڭالايدىغان ئايال ھەقىقىي كۆيۈمچان ئايال...
مانا سېنىڭ مۇكەممەللىكىڭ، مۇشۇلارنىڭ ھەممىسى سەندە تاكاممۇللاشسا، سەن ھەقىقىي ئايال، ھەقىقىي كۆيۈمچان ئايال...
مانا سېنىڭ مۇكەممەللىكىڭ، مۇشۇلارنىڭ ھەممىسى سەندە تاكاممۇللاشسا، سەن ھەقىقىي ئايال، ئەڭ ھەقىقىي ئايال!!!

مەنبە: يازغۇچى ئەخمەد ئىمىننىڭ <ئايال> ماۋزۇلۇق نەسىرىدىن ئېلىندى.

ھەقىقىي ئايال بۇلۇش ئۇنداق ئاسان ئەمەس نۇرغۇن سىناقلاردىن ئۈتۈشكە توغرا كېلىدۇ

Quote:

بۇ مەزمون1قەۋەتتىكىtograh0997نىڭ2009-04-11 19:41 دە يوللىغان يازمىسى   :
ھەقىقىي ئايال بۇلۇش ئۇنداق ئاسان ئەمەس نۇرغۇن سىناقلاردىن ئۈتۈشكە توغرا كېلىدۇ

  

توغرا ئېيتىسىز  مەنمۇ شۇنداق قارايمەن .

ئۇنداق ئانىلار بىز ئۇيغۇردا نۇرغۇن!! ئەمما  بەزى ياش ئانىلار بەزى نۇقتىلارنى ئويلىنىپ قويسا بولغىدەك..

قىزلار يادلىۋالسا بولغىدەك ما تېمىنى...........................

مەن بۇ نەسىرنى تىلىۋۇزوردا  ئىتوت ئارتىسى---  قىيۇم مۇھەممەدنىڭ  ئوقۇغۇنىنى  كۆرگەن، شۇ چاغدا تەسىرلىنىپ كۈزۈمدىن ياش چىقىپ كەتكەن ئىدى،شۇنچىلىك ھىسىياتلىق ئۇقۇپتىكەن.
رەخمەت سىزگە.

ھەقىقەتەن ئىسىل نەسىر  ئىكەن!

تەسىرلىك نەسىر ئىكەن ،ياخشى يۇللاپسىز!

ئەھمەد ئىمىن ھەقىقەتەن بەك ياخشى،ئېسىل نەسىرلەرنى يازىدۇ، بۇ ھەقىقەتەن بەك يېزىلغىنىكەن،ئۇيغۇر قىزلىرىمىز بۇنى يادلىۋىلىپ قالماستىن بەلكى ئېسىدە ساقلىشى ،ۋە ئۆز ھەركىتىدە كۆرسىتىشى لازىم..........

بۇ نەسىر   ھەقىقەتەن ئېسىل .  ئايال بۇلۇشنىڭ   مۇكەمەل  قېلىپى .

你说的很对....................................................................

نىمە دىگەن ئېسىل دۇردانىلەر بۇ................
ھەر قانداق بىرئايال ئەمىلى ھەرىكىتىدە ئىپادىلىشى كېرەك .

ئەخلاق ئادەم زېننىتى,

ئادىمىيلىك يوقالسا دىلدىن،
ئالىملىقمۇ بولۇر بىر تىيىن.
ئىككى پۇتلاپ ياشىماق ئاسان،
ئادەم بولۇپ ياشىماق قىيىن